Luka 16:15 - A SƐB-SÕW

¹⁵ A Yeezu tɩ yel bɛ na: «A nyɩɩm a, nyɩ mɩ́ ɩrɛ nɩ a nɩsaalbɛ niŋé mɛ̃ nɩ-mɩn n'ɩ nyɩ a, ɛcɛ Naaŋmɩn bãw nɩ a nyɩ pʋɔ ŋmɛ̃a: bʋ̃ʋ n'ʋ vɛ̃, Naaŋmɩn bɛ nɔnɛ a ʋlɩ bom nɛ a nɩsaal na mɩ́ nyɛ̃ ʋ ɩ kpɛ̃ɛ a ɩ.»

Luka 16:15 ပူးပေါင်းရင်းမြစ်များ

1 Bibie za yel-manɩ 29:17

Ɩ̃ Naaŋmɩn i, ɩ̃ bãwnɩ a na, fʋ jɛlɛ nɩ a pʋ-tɩɛr-sɔwlɩ ɛ́ nɔnɛ a soci-dẽdẽ. Mãa a, ɩ̃ nyɛ̃ nɩ ɩ tʋɔra de à á ŋá za kʋ̀ b nɩ soci-dẽdẽ, ɩ̃ɩ nyɛ̃ nɩ a fʋ nɩ-bʋʋrɛ na be a ka a dɩ̃a a, bɛ mɩ̀ nyɛ̃ bɛ tʋɔra de bome kʋ̀ b nɩ nʋ̃ɔ̀.

2 Bibie za yel-manɩ 6:30

a fʋ̃ʋ a, Sore e, a salom zu be fʋ na kpɩɛr a, bɛr wõ, dɩ suur kʋ̀ bɛ, ɛ́ ɩ ɩb kãw. Mɩ́ ɩ ŋa za tu n a lɛ a ʋ ɩb na ŋmɛ̃ a, fʋ na faa bãw ŋa za socir a. Bʋ̃ʋ n'ʋ vɛ̃, fʋ̃ʋ yõ n'ʋ bãw a nɩsaalbɛ socir.

Sɛb-sõw yielu 10:3

A nɩ-faa nyɛ̃ nɩ a ʋ pʋ-tɩɛr-faar a vɩɛl! A mɔl-bɔbrɛ ŋa daarʋ da na, ʋ tʋʋr a Sore, ɛ́ ɩrɛ ʋ laar.

Sɛb-sõw yielu 49:13

A nɩsaal nɩ a ʋ dɛpaalʋ za a, ʋ bɛ cɛlɛ ɩ, ʋ ŋmɛ̃ na taa nɩ a dʋn na kpiir a.

Sɛb-sõw yielu 49:18

A ʋ kũu daar a, ʋ bɛ tɛrɛ bom za cere nɩ ɛ, a ʋ na-bome bɛ tuur ʋ siwr a bɔw pʋɔ ɩ.

Sɛb-sõw yielu 7:9

Sore e, fʋ̃ʋ na dɩrɛ nɩ a nɩ-bʋʋrɛ ƴɛ̀rʋ a, dɩ n mɛ̃ a ƴɛ̀rʋ, Sore e, tu n a ɩ̃ mɩnʋ nɩ ɩ̃ na bɛ tɛr sãwna a.

Zʋkpaɩ 16:5

A Sore bɛ nɔnɛ a pɔ̀lʋ dem towtow ɛ. Bʋnʋ bɛ ka be ɩ, bɛ na nyɛ̃ nɩ dɔwrʋ.

Zʋkpaɩ 20:6

Nɩ-yaga mɩ́ yere na bɛ na ɩ nɩ-vɩɛlɩ a. Ɛcɛ nɩr fʋ na bɛ bʋ́nɛ nɩ a, ãa n'ʋ na tʋ̃ɔ́ nyɛ̃ ʋ?

Zʋkpaɩ 21:2

Ŋa za mɩ́ tɩ́ɛrɛ na k'aa ʋ ɩb tori na, ɛcɛ a Sore n'ʋ mɩ́ jɛl a socie.

Zeremi 17:10

A mãa, a Sore, ɩ̃ mɩ́ jiel'ɩ a nɩsaalbɛ za tɩɛrʋ nɩ a bɛ bʋ̃-bɔbrɩ. À ŋá n'a ɩ̃ mɩ́ tʋ̃ɔ́ ya ŋa za man nɩ a ʋ ɩ-ɩrɩ, man nɩ a ʋlɩ bom nɛ a ʋ tome na wa n a.

Malasɩ 3:15

Ƴɛrɛŋa a, tɩ nyɛ̃ na k'aa bɛlɩ dem na wone a nʋ̃ɔ̀ a, a pɔ̀lʋ dem nɛbɛ, ɛ́ a bɛlɩ dem yele na cere vla a, a yel-fa-maalbɛ nɛbɛ. Bɛlɛ saa ɩrɛ a Naaŋmɩn kaar a, a mɩ́ ɩ n vla a bɛ zie kʋralɛ!”»

Matie 23:5

A bɛ ɩb za a, bɛ mɩ́ ɩrɛ na k'aa nɩsaalbɛ nyɛ̃ bɛ. Lɛ n'a, a Naaŋmɩn wulu bãwfʋ bɛ na mɩ́ ƴãw a gbẽé nɩ a kpãkpamɛ ƴãw a, bɛ mɩ́ ɩ a yɛlmɛ, ɛ́ ɩ a kparɩ zʋɔrɛ a wõwme.

Matie 6:16

«Nyɩmɛ mɩ́ wa tɛr a mʋta-tuo a, nyɩ ta mɩ́ kʋɔlɛ mɛ̃ a nɩsaal-libelibe a ɩ, bɛ mɩ́ sãw nɩ niwn k'aa nɩbɛ za nyɛ̃ bɛ na tɛr a mʋta-tuo a. Yel-mɩŋa sɩza, ɩ̃ yere na kʋ̀rɛ nyɩ, bɛ páw nɩ a bɛ maalʋ.

Matie 6:2

A na ɩ à ŋá a, fʋ̃ʋ wa kʋ̀rɛ bom nɩ-kɔmɛ a, ta ɩrɛ gɔmɛ a nɩbɛ niŋé mɛ̃ a lɛ a nɩsaal-libelibe na mɩ́ ɩrɛ a puoru-diru pʋɔ nɩ a sɛ́ɛ pʋɔ, k'aa nɩbɛ tʋ̃ɔ́ danɛ bɛ a ɩ. Yel-mɩŋa sɩza, ɩ̃ yere na kʋ̀rɛ nyɩ, bɛ páw nɩ a bɛ maalʋ baarɩ.

Matie 6:5

«Nyɩmɛ wa puore a, nyɩ ta mɩ́ ɩrɛ mɛ̃ a nɩsaal-libelibe a ɩ: bɛ mɩ́ nɔnɛ na kɛ́ bɛ àr saaƴẽwn a puoru-diru pʋɔ nɩ a sɔ-carɩ pʋɔ puore, k'aa nɩbɛ za tʋ̃ɔ́ nyɛ̃ bɛ. Yel-mɩŋa sɩza, ɩ̃ yere na kʋ̀rɛ nyɩ, bɛ páw nɩ a bɛ maalʋ baarɩ.

Luka 10:29

Ɛcɛ a Naaŋmɩn wulu bãw-bãw-kara nɛ na tɩ bɔbr k'ʋʋ wul a ʋ yel-mɩŋa a, ʋ tɩ lɛb'a sowri a Yeezu: «Ãa n'ɩ a ɩ̃ tɔ sob?»

Luka 11:39

Lɛ n'a a Sore tɩ yel ʋ: «A nyɩɩm Faarizɩ̃ɛ mɩnɛ a, à ŋá n'a nyɩ ŋmɛ̃: nyɩ mɩ́ pɛ́w nɩ a koli-nyúura nɩ a laa zikur a vɩɛl, ɛcɛ a nyɩ pʋɔ nɩ̃ɛ paalɩ nyãnyu-tɩɛrʋ nɩ po-to-ɩb.

Luka 18:11

A Faarizɩ̃ɛ tɩ àr'ɩ saaƴẽwn, ɛ́ puore à ŋá a ʋ socir pʋɔ: “Naaŋmɩn i, ɩ̃ puore fʋ nɩ yãanɩ, ɩ̃ na bɛ ŋmɛ̃ mɛ̃ a nɩbɛ za a ƴãw, na ɩ nyãnyuwr, yel-fa-maalbɛ, nɩ pɩ̃ɔ-yel-bier-maalbɛ a. Ɩ̃ mɩ̀ cãà na puore fʋ yãanɩ, ɩ̃ na bɛ ŋmɛ̃ mɛ̃ a zuru-yar-diere ŋa a.

Luka 18:14

Mãa n'ʋ yere kʋ̀rɛ nyɩ, a zuru-yar-diere ŋa tɩ páw nɩ a vɩɛlʋ lɛb siw kul'ɩ a ʋ yir, ɛ́ bɛr a Faarizɩ̃ɛ. Sob nɛ za na zɛwr ʋ tʋɔra a, bɛ na siwr'ʋ na, ɛ́ sob nɛ za na siwre ʋ tʋɔra a, bɛ na zɛw ʋ na.»

Luka 18:21

A nɩ-kpɛ̃ɛ nɛ tɩ sɔw na: «Ɩ̃ tu n a Naaŋmɩn nɛ́ɛ á ŋá za a ɩ̃ pɔ̀lʋ daar za.»

Luka 18:9

A Yeezu tɩ lɛb'a lɔb zʋkpar ŋa càar'ɩ nɩbɛ bɛ mɩnɛ kãw na tɩ tɩɛrɛ kɛ́ bɛ ɩ n nɩ-mɩn, ɛ́ bʋɔlɛ a bɛ taabɛ nɩ-faar a:

Luka 20:20

A lɛ n'a bɛ tɩ tĩ piwre a Yeezu. Bɛ tɩ tõ n nɩbɛ a ʋ zie, nɩbɛ na bɛlɩ ɩ nɩ-vɩɛlɩ a, kɛ́ bɛ tɩ piwri nyɔw ʋ a ʋ ƴɛ̀rʋ pʋɔ. Bɛ tɩ bɔbr kɛ́ bɛ ɩ a lɛ nyɔw ʋ ƴãw a na-kpɛ̃ɛ-lɩɛrɛ nuru pʋɔ.

Luka 20:47

Bɛ dɩrɛ nɩ a pɔw-kɔbɛ lɔbr, ɛ́ mɩ́ bɛlɩ puore puor-wowr. A bɛ dɔwrʋ na zuo nɩ a nɩbɛ za dem.»

Zã 2:25

Ʋ bɛ tɩ gù kɛ́ nɩr wa dɩ a nɩsaal dãsɩɛ a ʋ zie ɩ, ʋl mɩŋa tɩ bãw nɩ ʋlɩ bom nɛ na be a nɩsaal socir pʋɔ a.

Zã 21:17

Ʋ tɩ lɛb'a yel a gb'a ata sob ƴãw: «Sɩmʋ̃, Zã bidɛb i, fʋ nɔnɛ mɛ̃ na a?» Pʋ-sãwna tɩ tɛr'ɩ a Pɩɛr, a Yeezu na tɩ sowr'ʋ a gb'a ata sob ƴãw: «Fʋ nɔnɛ mɛ̃ na a?» Ʋʋ tɩ sɔw na: «Sore e, fʋ bãw nɩ bom za, fʋ bãwnɩ a na ɩ̃ na nɔnɛ fʋ a.» A Yeezu yel ʋ: «Cɩ̃ɩnɛ a ɩ̃ píir.

Nɩ-toni 1:18

Zɩ̃ k'ʋʋ tɩ dà n púo nɩ a yel-faa ʋ na maalɩ a sã-ya libie: ʋ lo na tʋʋrɩ, a púor pur, a pʋsabɛ za yi gã.

Nɩ-toni 1:24

A nɩbɛ za tɩ lãw na puori à ŋá: «Sore e, fʋ̃ʋ na bãw a nɩbɛ socie a, wul a ʋlɩ sob fʋ na kaa ír a nɩbɛ bɛ ŋa ayi pʋɔ,

Nɩ-toni 15:8

A Naaŋmɩn na bãw a nɩsaalbɛ socie a tɩ dɩ n a bɛ dãsɩɛ, a lɛn daar ʋ na tɩ kʋ̀ bɛ a Vʋʋrʋ Sõw mɛ̃ a tɩɩm a.

Ʋrɔm 3:20

A lɛ n'a so nɩr za kʋ̃ tʋ̃ɔ́ lɛb ɩ nɩ-mɩŋa a Naaŋmɩn niŋé, a Wulu ʋ na na ƴãw fãw sàwr a ƴãw ɛ, bʋ̃ʋ n'ʋ vɛ̃, a yel-bier tɛwr'ʋ a Naaŋmɩn wulu mɩ́ ɩ bɛ bãw.

Ʋrɔm 8:27

Ɛ́ a Naaŋmɩn na mɩ́ nyɛ̃ a lɛ a nɩsaal pʋɔ na ŋmɛ̃ a, ʋ bãw nɩ a Vʋʋrʋ Sõw pʋ-tɩɛrʋ: bʋ̃ʋ n'ʋ vɛ̃, a Vʋʋrʋ Sõw mɩ́ puore na kʋ̀rɛ a kɩrɩta-nɩbɛ nɩ zɛlʋ na tu a lɛ a ʋl Naaŋmɩn na bɔbr a.

1 Korɛ̃tɩ 4:5

A na ɩ lɛ a, nyɩ ta de niwn maalɛ a ƴɛ̀rʋ ɛ́ a daar bɛ ta sɛr ɛ, ɛ́ a Sore waa bɛ ta sɛr ɛ. Ʋlɛ n'ʋ na caalɩ bom za na sɔwlɩ be lige pʋɔ a, ɛ́ ɩ a nɩsaalbɛ yel-sɔwlɩ a sãá. Lɛ n'a ŋa na mɩ́ páw a danʋ na sɛw taa nɩ ʋ a, a Naaŋmɩn zie.

1 Pɩɛr 3:4

A nyɩ vɩɛlʋ, a ɩ a nyɩ nɩsaal ʋl na sɔwlɩ a vɩɛlʋ, su-nʋ̃ɔ̀ tɩɛrʋ nɩ ƴã-ɓaarʋ tɩɛrʋ vɩɛlʋ na bɛ tɛr sãwfʋ a. A vɩɛlʋ ŋa ɩ n bʋ̃-sɩza a Naaŋmɩn zie.

1 Pɩɛr 5:5

Lɛ mɩ̀ n'a, a nyɩɩm pɔ́lɛ́, nyɩ mɩ̀ sàwr a bɛlɩ dem na ɩ bɛrɛ a nyɩ ƴãw a nʋɔr. Ɛ́ a nyɩ za a, nyɩ siwre nyɩ tʋɔra a nyɩ ɩ-ɩrɩ pʋɔ, bʋ̃ʋ n'ʋ vɛ̃, bɛ sɛb'a: «A bɛlɩ dem na zɛwr bɛ tʋɔra a, Naaŋmɩn bɛ mɩ́ de a bɛ yele ɩ, ɛcɛ a bɛl na siwre bɛ tʋɔra a, ʋ mɩ́ kʋ̀ bɛ nɩ a ʋ maalʋ.»

Yel-wula 2:23

Ɩ̃ mɩ̀ na kʋ n a ʋ bibiir. Lɛ n'a a Lãw-yie za na bãw kɛ́ mãa n'ɩ a sob nɛ na jɛlɛ a pʋʋr, ɛ́ bãw a nɩsaalbɛ tɩɛrʋ a. Ɩ̃ na mɩ́ ya n a nyɩ za been been man nɩ a ʋ tome.

1 Samɩɛl 16:7

Ɛcɛ a Sore tɩ yel ʋ na: «Ta jɩ́rɛ a ʋ ŋmɛ̃a nɩ a ʋ kɛrʋ ɛ, ʋlɛ bɛ n'ʋ ɩ̃ kaa ír ɛ. A ka a, lɛ nɩsaalbɛ na mɩ́ nyɛ̃ a yele a bɛ n'a ɩ: nɩsaalbɛ mɩ́ nyɛ̃ nɩ a al na sãá a, ɛcɛ mãa a, a tɩɛrʋ n'ʋ ɩ̃ mɩ́ nyɛ̃.»