Luka 15:4 - A SƐB-SÕW

⁴ «A nyɩ buor sob'ʋ na tɛr píir kʋba (100), a pɛr-been wa bɔr, ʋ bɛ tɩɛ a kʋba for bir al bɛr a wɛja pʋɔ, ɛ́ bɔ a ʋl na bɔr a, wa tɩ nyɛ̃ ʋ?

Luka 15:4 ပူးပေါင်းရင်းမြစ်များ

Sɛb-sõw yielu 119:176

Ɩ̃ viire na gʋɔr mɛ̃ pɛrʋ na bɔr a: bɔ nyɔw mɛ̃, mãa fʋ tõ-tõ-bie, bʋ̃ʋ n'ʋ vɛ̃, ɩ̃ bɛ yiiri a fʋ nɛ-ƴãwnɩ bɛr ɛ.

Ɩzayi 53:6

Tɩ za tɩ bɔrɛ na gʋɔr mɛ̃ píir a, ŋa tuur ʋ sɔ́r, ŋa tuur ʋ sɔ́r. Ɛcɛ a Sore ɩ na a tɩ za sãwna lo a ʋ zu.

Zeremi 33:13

A Ho-Peyi, a Ba-Peyi nɩ a Negɛɛvʋ tẽ-bɛrɛ pʋɔ, a Bɛ̃zamɛ tẽw pʋɔ, a ziir na viiri koli a Zerizalɛm nɩ a Zuda tẽ-bɛrɛ a pʋɔ a, a píir nɩ a bʋʋr na mɩ́ lɛb'a cɔrɩ yire a sob nɛ na sɔrɛ a a niŋé.» À à ŋá n'a a Sore yel.

Zeremi 50:6

A ɩ̃ nɩbɛ tɩ ɩ na mɛ̃ píir na bɔr a, a cɩ̃ɩnbɛ tɩ bɔr a na bɛr, a cɔlɛ gʋɔr a tan pʋɔ, mɩ́ yi a tã-bɛrɛ zu tɩ sãá a tãli zu, ɛ́ yiiri a zàw bɛr.

Ezekɩɛl 34:16

A pɛ́rʋ na bɔr a, ɩ̃ na cen na tɩ bɔ ʋ, a ʋl na cen zãá a, ɩ̃ na lɛb'a ŋmãa ʋ wa n. A ʋl na tɛr gbɛ-kaba a, ɩ̃ na sanɩ ʋ na. A ʋl na ɩ bàal a, ɩ̃ na lɛb'a kʋ̀ ʋ fãw. Ɛcɛ a ʋl na 'wɔr ɛ́ kpɛmɛ a, ɩ̃ na kʋ ʋ na. Ɩ̃ na kaarɛ nɩ a ɩ̃ dʋn zie tu n a mɩnʋ nɛ́ɛ.»

Ezekɩɛl 34:31

Sɩza, a nyɩɩm nɩsaalbɛ, nyɩ ɩ n a ɩ̃ dʋn, ɩ̃ɩ kaarɛ a nyɩ zie. Sɩza, mãa n'ɩ a nyɩ Naaŋmɩn. A mãa Sore Naaŋmɩn n'ʋ yere.»

Ezekɩɛl 34:4

Nyɩ bɛ kʋ̀ fãw a píir al na bɛ tɩ tɛr fãw a ɩ. Nyɩ bɛ sanɩ a al na tɩ ɩ bàalbɛ a ɩ. Nyɩ bɛ sanɩ a al na tɩ tɛr gbɛ-kaba a ɩ. Nyɩ bɛ lɛb ŋmãa a al na tɩ zãá nɩ a taabɛ a lɛb wa n ɛ. Nyɩ bɛ bɔ a al na tɩ bɔr a ɩ. Ɛcɛ nyɩ dɩ n naalʋ a píir zu nɩ po-to-fãw-ɩb nɩ mimi-kõw.

Ezekɩɛl 34:8

Ɩ̃ pɔ n nɩ a ɩ̃ nyɔ-vʋʋrʋ, à ŋá n'a a mãa Sore Naaŋmɩn yere: A ɩ̃ dʋn be n nyãnyuwr nuru pʋɔ. A wɛ-dʋn za nyɔw nɩ a píir 'wɔb, bʋ̃ʋ n'ʋ vɛ̃, a bɛ tɩ tɛr cɩ̃ɩnɛ ɩ. A ɩ̃ pi-cɩ̃ɩnbɛ bɛ cen tɩ bɔ a ɩ. Ɛcɛ a pi-cɩ̃ɩnbɛ bɛ ŋa kaarɛ nɩ bɛl mɩŋa zie, bɛ bɛ kaarɛ a ɩ̃ dʋn zie ɩ.

Matie 12:11

Ɛcɛ ʋ tɩ sowri bɛ na: «A nyɩ buor sob'ʋ na tɛr pɛr-been ʋ wa lo bɔw pʋɔ a pɩ̃ɛnʋ-bibir, ʋ bɛ cen tɩ nyɔw ʋ ír?

Luka 13:15

A Sore tɩ sɔw ʋ na: «Nɩsaal-libelibe bɛ ŋa! A nyɩ buor sob'ʋ bɛ mɩ́ cɛ̀r a ʋ náab bɩɩ a ʋ bõw cen nɩ tɩ ƴãw a kʋ̃ɔ a pɩ̃ɛnʋ-bibir?

Luka 15:3

Lɛ n'a a Yeezu tɩ lɔb zʋkpar ŋa kʋ̀ bɛ:

Luka 19:10

Bʋ̃ʋ n'ʋ vɛ̃, a Nɩsaal Bie wa na k'ʋʋ wa bɔ, ɛ́ faa a bɛl na tɩ bɔr a.»

Ʋrɔm 2:1

A na ɩ à ŋá a, fʋ̃ʋ saa ɩ nɩ-ŋmɩŋmɩn a, fʋ kʋ̃ tʋ̃ɔ́ yel kɛ́ fʋ bɛ bãw kɛ́ lɛ ɩ, fʋ̃ʋ na bãwnɛ a fʋ tɔ yele a. Fʋ na bãwnɛ a fʋ tɔ yele a, a fʋ mɩŋa sãwna n'a fʋ wule, fʋ̃ʋ mɩ̀ na mɩ́ ɩrɛ a lɛ tɔr za a.

1 Pɩɛr 2:25

Nyɩ tɩ bɔrɛ na gʋɔr mɛ̃ píir a, ɛcɛ ƴɛrɛŋa a, nyɩ lɛb'a cen a sob nɛ na ɩ a nyɩ cɩ̃ɩnɛ nɩ a nyɩ kaarɛ a zie.