Luka 15:32 - A SƐB-SÕW

³² Ɛcɛ a tɩ fɛr'a kɛ́ tɩ maalɩ cuw wõ n nʋ̃ɔ̀, a fʋ yɛb ŋa na tɩ kpi ɛ́ lɛb wa vʋʋrɛ a ƴãw, ʋ na tɩ bɔr ɩ̃ɩ lɛb wa nyɛ̃ ʋ a ƴãw.”»

Luka 15:32 ပူးပေါင်းရင်းမြစ်များ

Sɛb-sõw yielu 51:8

Ɛcɛ fʋ nɔnɛ nɩ a yel-mɩŋa a nɩsaal socir pʋɔ, zanɩ nɩ mɛ̃ a yã-bãwfʋ a ɩ̃ pʋ-tɩɛr-sɔwla pʋɔ.

Ɩzayi 35:10

A bɛlɩ dem a Sore na na faa a na lɛb'a wa. Bɛ na ŋmɩɛr'ɩ nʋ̃ɔ̀ cɛlsɩ wa tarɛ nɩ a Sɩyɔ̃. Nʋ̃ɔ̀ na bɛ tɛr baarʋ a na caal'ɩ a bɛ niŋe. Cɩlʋ nɩ nʋ̃ɔ̀ na tuori bɛ na, ɛ́ pʋ-sãwna nɩ kon lɩɛb zɔ.

A naaŋmɩn-ƴèr-manɛ Oze sɛbɛ 14:9

Efarayim i, bʋ̃ʋ n'ʋ mãa nɩ a tɩbɛ lãw? Mãa n'ʋ mɩ́ sɔw a fʋ puoru, ɛ́ kaarɛ a fʋ zie. A mãa a, ɩ̃ ɩ na mɛ̃ sɩpɩrɛ tɩɛ a váar na bɛ suore a. Mãa zie n'a a fʋ kukur bome yire.»

Matie 18:11

A Nɩsaal Bie wa na wa faa a bɛlɩ dem na tɩ bɔr a.]

Luka 15:24

bʋ̃ʋ n'ʋ vɛ̃, a ɩ̃ bidɛb ŋa tɩ kpi na, ɛ́ lɛb wa vʋʋrɛ, ʋ tɩ bɔr'a, ɩ̃ɩ lɛb wa nyɛ̃ ʋ.” Bɛ tɩ nyɔw nɩ a cuw dɩb.»

Luka 15:31

A sãà tɩ yel ʋ na: “Ɩ̃ bie e, mãa nɩ fʋ̃ʋ nɛbɛ kʋralɛ, a ɩ̃ bome za a, fʋ̃ʋ so a.

Luka 7:34

A Nɩsaal Bie wa na, wa dɩrɛ ɛ́ nyúur, ɛ́ nyɩ yere kɛ́: “Bʋ̃-dɩ-nɔ̃wnɛ nɩ dã-nyúure n'ʋ, zuru-yar-dierbɛ nɩ yel-bier-maalbɛ bá n'ʋ.”

Ʋrɔm 11:15

A bɛ vɩrɩ-bɛrʋ wa ɩ a Naaŋmɩn nɩ a tẽ-daa lɛb kpɛ taa a, a pãa na ŋmɛ̃ n ŋmɩn a lɛn daar ʋ nãà wa lɛb de bɛ a? A na sɩrɩ na ɩ kũu pʋɔ bɛ na yi kpɛ nyɔ-vʋʋrʋ pʋɔ a!

Ʋrɔm 3:19

Tɩ bãw na k'aa alɩ bome nɛ za a Naaŋmɩn wulu na yere a, ʋ yere na kʋ̀rɛ a Zifʋ mɩnɛ a Wulu ŋa na fɛrɛ a, kɛ́ nɩr za ta tʋ̃ɔ́ háa nʋɔr manɩ a ʋ yel-mɩŋa ɩ, ɛ́ bɛ nyɛ̃ a tẽ-daa za na tɛr sãwna a Naaŋmɩn niŋé a.

Ʋrɔm 3:4

Lɛ bɛ n'a towtow ɛ! A fɛr'a kɛ́ Naaŋmɩn mɩ́ sãá ɩ yel-mɩŋa sob, nɩsaal za saa ɩ zir-ŋmarɛ a, mɛ̃ à ŋá a Sɛb-sõw na yel a Naaŋmɩn ƴãw a: «A fɛr'a kɛ́ bɛ mɩ́ nyɛ̃ b fʋ tɛr yel-mɩŋa a fʋ ƴɛ̀rʋ pʋɔ, fʋ mɩ́ tʋ̃ɔ́ ƴɛ̀r yi, bɛlɛ wa maalɛ nɩ fʋ ƴɛ̀rʋ a.»