Luka 13:35 - A SƐB-SÕW

³⁵ Alɛ so, Naaŋmɩn na zawr'ɩ a nyɩ yir bɛr kʋ̀ nyɩ. Ɩ̃ɩ yere na kʋ̀rɛ nyɩ, nyɩ kʋ̃ lɛb nyɛ̃ m ɛ́ tɩ ta a lɛn daar nyɩ nãà wa yel: “A Naaŋmɩn, ʋ maalɩ a sob nɛ na waar a Sore yúor ƴãw a!”»

Luka 13:35 ပူးပေါင်းရင်းမြစ်များ

Sɛb-sõw yielu 118:26

— A sob nɛ na waar a, ʋ tɛr'ɩ puoru a Sore yúor ƴãw! Tɩ be n a Ŋmɩn-yir-kpɛ̃ɛ pʋɔ ɛ́ kʋ̀rɛ nyɩ a ʋ maalʋ.

Sɛb-sõw yielu 69:25

Nyɛ̃ nɩ bɛ suur yaga za, ʋ dɩrɛ bɛ mɛ̃ vũu a.

Ɩzayi 52:7

A yel-nʋ̃ɔ̀ yere bɛ na nyɛ̃ ʋ be a tan zu waar a, nyɛ̃ nʋ̃ɔ̀ na ɩrɛ a! Ʋ yere nɩ a ƴã-ɓaarʋ, a nʋ̃ɔ̀ nɩ a faafʋ. Ʋ yere na kʋ̀rɛ a Zerizalɛm: «A fʋ Naaŋmɩn ɩ n nãà».

Zeremi 22:5

Ɛcɛ nyɩmɛ bɛ wa bɛrɛ wone a ƴɛ̀rʋ á ŋá a, à ŋá n'a a mãa, a Sore, yere: ɩ̃ pɔrɛ nɩ nɩ a mãa mɩŋa, a yir ŋa na lo na lɩɛbɩ kʋsɛbɛ na gbõ taa a.»

Zeremi 35:17

A Zeremi tɩ yel'a ƴãw pʋɔ: «A lɛ zũú a, à ŋá n'a a Sore, a kpɛnʋ-za-sob, a Ɩsɩrayɛl Naaŋmɩn, yere: “Zuda tẽw nɩ Zerizalɛm tẽw dem i, ɩ̃ na ɩ na a kpɩɛrʋ al ɩ̃ na ƴɛ̀r càar'ɩ nyɩ a, a páw nyɩ. Bʋ̃ʋ n'ʋ vɛ̃, ɩ̃ ƴɛ̀r'ɩ a nyɩ zie, ɛ́ nyɩ bɛ bɛr wõ ɩ. Ɩ̃ bʋɔlɩ nyɩ na, ɛ́ nyɩ bɛ sàw ɛ.”»

Mise 3:12

Alɛ n'a so, a nyɩɩm zũú a, a Sɩyɔ̃ na lɩɛb'ɩ púo bɛ na kɔ a, a Zerizalɛm tẽw yie na lo na gbõ taa, ɛ́ a Ŋmɩn-yir-kpɛ̃ɛ tãw ɩ tuw gã.

Zakari 12:10

Ɩ̃ na ƴãw nɩ a Daviir bʋʋrɛ nɩ a Zerizalɛm tẽw dem tɩɛrʋ na vɩɛl a, nɩ puoru tɩɛrʋ. Bɛ na jɩ́rɛ nɩ a ɩ̃ lowr, a sob nɛ bɛ na cɔ̀r col a ƴãw. Bɛ na kõ ʋ na, mɛ̃ bidɛb-been na kpi bɛ kone a, bɛ na kõ ʋ na mɛ̃ bi-dãw-dɔwra na bɛ cãà be a.

Zakari 14:2

Bʋ̃ʋ n'ʋ vɛ̃, a Sore na ɓã n a nɩ-bʋʋr-yoru za taa, kɛ́ bɛ zɛb'ɩ a Zerizalɛm: bɛ na de nɩ a tẽw, bɛ na wob'ɩ a yie bome, ɛ́ fɛr a pɔwbɛ gã nɩ bɛ, bɛ na diw nɩ a nɩbɛ põ-zɛ̃-taa zie cen nɩ tẽ-yũo, ɛ́ a nɩbɛ ŋmãa na cɛ a, na cãà na kpɩɛr a tẽw pʋɔ.

Matie 21:9

A nɩbɛ na tɩ de a Yeezu niwn a, nɩ a bɛl na tɩ tuur a, tɩ cáarɛ na yere nɩ: «Ozaana a Daviir bidɛb! A Naaŋmɩn, ʋ maalɩ a sob nɛ na waar a Sore yúor ƴãw a! Ozaana a salom zu za!»

Matie 23:37

«Zerizalɛm i! Zerizalɛm i! Fʋ̃ʋ na kʋrɛ a naaŋmɩn-ƴɛ̀r-manbɛ, ɛ́ lɔbr a bɛlɩ dem a Naaŋmɩn na tone a fʋ zie a nɩ kʋsɛbɛ kʋrɛ a, gb'a a ŋmɩn za n'a ɩ̃ tɩ bɔbr k'ɩ̃ɩ kaalɩ a fʋ bibiir ɓã taa, mɛ̃ nɔ-mã na mɩ́ kaalɩ a ʋ lili-pɩɩlɛ ɓã taa a ʋ pɩgɛ pile a, ɛ́ nyɩ bɛ sàw ɛ!

Luka 19:41

A Yeezu na tɩ pɩɛlɩ a Zerizalɛm, nyɛ̃ a tẽw a, ʋ kõ n a ʋ ƴãw.

Luka 21:24

A bɛ dɔ̃ dem na kʋ n bɛ mɩnɛ nɩ zɛbr-sɔ-bɛrɛ, ɛ́ nyɔw a bɛ ŋmaarɛ cen nɩ a nɩ-bʋʋr-yoru za sɔgɔ. A tɩbɛ dem na ŋmɛr'ɩ a Zerizalɛm bɛr cʋmcʋm, ɛ́ gù a tɩbɛ dem naalʋ tɩ baarɩ.»

Zã 12:13

Bɛ tɩ kár'ɩ kpãkparmɛ wuli yi tuore nɩ ʋ, cáarɛ nɩ yere nɩ: «Ozaana! A Naaŋmɩn, ʋ maalɩ a sob nɛ na waar a Sore yúor ƴãw a! A Naaŋmɩn, ʋ maalɩ a Ɩsɩrayɛl nãà!»