Luka 13:34 - A SƐB-SÕW

³⁴ Zerizalɛm i! Zerizalɛm i! Fʋ̃ʋ na kʋrɛ a naaŋmɩn-ƴɛ̀r-manbɛ, ɛ́ lɔbr'ɩ kʋsɛbɛ kʋrɛ a bɛlɩ dem a Naaŋmɩn na tone a fʋ zie a! Gb'aa a ŋmɩn za n'a ɩ̃ tɩ bɔbr k'ɩ̃ɩ ɓã a fʋ biir taa, mɛ̃ nɔ-mã na mɩ́ kʋɔlɩ a ʋ lili-pɩɩlɛ ɓã taa a ʋ bɩgɛ pile a, ɛ́ nyɩ bɛ sàw!

Luka 13:34 ပူးပေါင်းရင်းမြစ်များ

Neemi 9:26

Ɛcɛ bɛ bɛ sàw a fʋ nʋɔr ɛ, bɛ gaar'ɩ nɩ a fʋ zie, bɛ gur'ɩ pùor cɔw a fʋ wulu. Bɛ kʋ n a fʋ ƴɛ̀r-manbɛ na zɛlɛ bɛ kɛ́ bɛ lɛb wa a fʋ zie a. A bɛ ɩb bɛ tɩ vɩɛl towtow ɛ.

Neemi 9:30

Fʋ nyɔw nɩ fʋ tʋɔra a bɛ ƴãw, yome yaga ƴãw. A fʋ ƴɛ̀r-manbɛ na tɩ tɛr a fʋ vʋʋrʋ a, tɩ zɛlɛ bɛ nɩ a fʋ yúor ƴãw, ɛcɛ bɛ bɛ bɛr wõ ɩ. Lɛ n'a fʋ tɩ bɛr bɛ kʋ̀ nɩ-bʋʋr-yoru bɛ so bɛ.

Sɛb-sõw yielu 149:2

A Ɩsɩrayɛl, ʋ cɩlɛ a ʋ Íre ƴãw, a Sɩyɔ̃ tẽw dem, bɛ cɩlɛ ƴawr'ɩ a bɛ Nãà ƴãw.

Sɛb-sõw yielu 17:8

Gùre mɛ̃, mɛ̃ a fʋ mimi-gbil a, sɔwlɩ mɛ̃ a fʋ pɩgɛ ɓaarʋ́,

Sɛb-sõw yielu 36:7

A fʋ mɩnʋ ɩ na mɛ̃ a tã-kɛrɩ a, ɛ́ a ƴɛ̀rʋ fʋ na dɩ a, ɩ mɛ̃ kʋ̃ɔ-kpɛ̃ɛ na zulme a. Sore e, fʋ mɩ́ faa nɩ a nɩbɛ nɩ a dʋn.

Sɛb-sõw yielu 57:1

Yiel-yielbɛ nɩ-kpɛ̃ɛ sɛbɛ pʋɔ yielu kãw. «Ta sãw bɛr» yielu kɔkɔr'ʋ. Daviir danʋ yielu. A Sawul na tɩ diwr ʋ, ʋ zɔ tɩ kpɛ a tãw bɔw pʋɔ a yele n'a.

Sɛb-sõw yielu 81:13

Lɛ n'a ɩ̃ tɩ bɛr bɛ, bɛ ɩrɛ a bɛ zu-kpɛ̃w ɩb. Bɛ ɩrɛ a lɛ bɛ na bɔbr a!

Sɛb-sõw yielu 91:4

Ʋ mɩ́ yɛ́r'ɩ a ʋ pɩgɛ pàw fʋ, ɛ́ fʋ nyɛ̃ sɔwlʋ zie a ʋ zie. A ʋ yel-mɩŋa sɩrɩ na piw fʋ tɛr, mɛ̃ zɛbr-kur-pãgala a.

Ɩzayi 30:15

À ŋá n'a a Sore Naaŋmɩn, a Ɩsɩrayɛl Naaŋmɩn na ɩ sõw a yere: Nyɩ na na lɛb wa a ɩ̃ zie a, nɩ nyɩ na na ɓãa nyɩ mɩŋa a, lɛ tɛwr'a nyɩ na nyɛ̃ a faafʋ. A nyɩ fãw tɛwr'ɩ nyɩ na na zɩ̃ zoom ɛ́ ƴãw a nyɩ tɩɛrʋ a ɩ̃ ƴãw a. Ɛcɛ nyɩ bɛ sàwr ɛ.

Ɩzayi 50:2

Bʋ̃ʋ n'ʋ so ɩ̃ wa bɛ nyɛ̃ nɩr za? Bʋ̃ʋ n'ʋ so ɩ̃ bʋɔlɩ nɩr bɛ sɔw? A ɩ̃ kpãkpãw nɔ̃w ɩ n ŋmãa zuo a nyɩ faafʋ ƴãw bɩɩ? Ɩ̃ nɔ̃w bɛ tɛr fãw na ɩ nyɩ so nyɩ tʋɔra bɩɩ? Ɩ̃ mɩ́ tanɩ nɩ tanʋ tɛwr ɩ a kʋ̃ɔ-kpɛ̃ɛ ʋ ko, ɛ́ ɩ a mamɛ a lɩɛbɩ wɛja-kpalɩ. Lɛ n'a a kʋ̃ɔ na bɛ mɩ́ ka be a, a zʋ́mɛ́ mɩ́ kpi kʋ̃ɔ-nyúur pʋ̃ɔ́.

Zeremi 2:30

Zawla lɛ n'a ɩ̃ ŋmɛ nyɩ. Nyɩ bɛ sàw de a kpãàfʋ ɛ. Nyɩ nɩ̃ɛ na kʋ a nyɩ naaŋmɩn-ƴɛ̀r-manbɛ mɛ̃ gben na kpɛ po-tuo a.

Zeremi 26:23

Bɛ tɩ tɛr'ɩ a Uuriyahu a Eziptɩ tẽw lɛb wa n wa kʋ̀ a nãà. A Yoyakim tɩ ƴãw na bɛ kʋ ʋ, ɛ́ lɔb a ʋ kũu ƴãw bɔw-lãw pʋɔ.

Zeremi 35:14

A Erekaavʋ bidɛb, Yonadavʋ, tɩ ƴãw nɩ nʋɔr kʋ̀ a ʋ bibiir kɛ́ bɛ taa nyúur divɛ̃ ɩ. A Erekaavʋ dɔwlʋ nɩbɛ tɩ sàw na tu a ƴɛ̀rʋ ŋa. Bɛ bɛ nyũ divɛ̃ wa tɔ a dɩ̃a ɩ, bʋ̃ʋ n'ʋ vɛ̃, bɛ sàw nɩ a bɛ sãàkʋm-kʋra nʋɔr. Ɛ́ a mãa Sore, kʋralɛ n'a ɩ̃ kpaalɛ nyɩ, ɛcɛ nyɩ bɛ bɛr wõ m ɛ.

Zeremi 35:17

A Zeremi tɩ yel'a ƴãw pʋɔ: «A lɛ zũú a, à ŋá n'a a Sore, a kpɛnʋ-za-sob, a Ɩsɩrayɛl Naaŋmɩn, yere: “Zuda tẽw nɩ Zerizalɛm tẽw dem i, ɩ̃ na ɩ na a kpɩɛrʋ al ɩ̃ na ƴɛ̀r càar'ɩ nyɩ a, a páw nyɩ. Bʋ̃ʋ n'ʋ vɛ̃, ɩ̃ ƴɛ̀r'ɩ a nyɩ zie, ɛ́ nyɩ bɛ bɛr wõ ɩ. Ɩ̃ bʋɔlɩ nyɩ na, ɛ́ nyɩ bɛ sàw ɛ.”»

Zeremi 6:16

À ŋá n'a a Sore yere: Nyɩ tɛw àr a sɔ́r nyɩ na lo a zu ɛ́ tɩɛrɩ nyɛ̃, nyɩ sowri a koro sɛ́ɛ yele kaa: Nyɩ bɔ a sɔr-vla ɛ́ tuur ʋ. Lɛ n'a nyɩ na nyɛ̃ a pɩ̃ɛnʋ a nyɩɩm mɩŋa ƴãw. Ɛcɛ bɛ sɔw na: “Tɩ bɛ tuur ʋ ɛ.”

A Lãw-mʋɔlɛ 1:16

Alɛ n'a so ɩ̃ kone. A ɩ̃ mimie ɩ n mʋta-kʋ̃ɔ cɔb! Bʋ̃ʋ n'ʋ vɛ̃, a sob nɛ nãá mɔwlɩ mɛ̃ ɛ́ lɛb kʋ̀ m fãw ɩ̃ vʋʋrɛ a zãá nɩ mɛ̃ na. A ɩ̃ bibiir bɔr'a, bʋ̃ʋ n'ʋ vɛ̃, a dɔ̃dɔmɛ tɩ tɛr'ɩ fãw zuo.

A Lãw-mʋɔlɛ 4:13

À á ŋá za ta na, a naaŋmɩn-ƴɛ̀r-manbɛ yel-bebe nɩ a ʋ bàwr-maalbɛ sãwna zũú. Bʋ̃ʋ n'ʋ vɛ̃, bɛ kʋ n a bɛlɩ dem na tɩ sàwr a Naaŋmɩn nɛ́ɛ a, a tẽw sɔwlɩsɔw.

A naaŋmɩn-ƴèr-manɛ Oze sɛbɛ 11:2

Ɛcɛ a pùorí, a lɛ ɩ̃ na nɩ̃ɛ mɩ́ tɩ bʋɔlɛ bɛ a n'a, bɛ mɩ́ lɛb bãw ƴãw fãw cere zãánɛ nɩ mɛ̃. Bàál mɩnɛ nɛbɛ bɛ maalɩ bàwr kʋ̀, ɛ́ nyɩw de-kʋ̀b bome ƴãw tɩbɛ nɩsaal na pɛnɩ a.

A naaŋmɩn-ƴèr-manɛ Oze sɛbɛ 11:7

A ɩ̃ nɩ-bʋʋrɛ su n zu zawrɛ mɛ̃ bɛrɛ, bɛ bʋɔlɛ bɛ na kɛ́ bɛ lɛb ìr, ɛcɛ bɛ been kãw za bɛ lɛb ìre ɩ.»

Zowɛl 2:23

Nyɩɩm Sɩyɔ̃ tẽw dem i, nyɩ cɩlɛ ƴawr'ɩ a Sore nyɩ Naaŋmɩn ƴãw. Ʋ kʋ̀rɛ nyɩ nɩ a kpãcãan saa, a nyɩ faafʋ ƴãw. Ʋ mɩ́ ɩ n a kpãcãan saa nɩ a sɩ̃ɛ-kpɛ-paala saa a wa, a wa mɛ̃ a dãwdãw a.

Zakari 1:4

Nyɩ ta cɔwrɛ a nyɩ sãàkʋm-kore ɩ. A koro za naaŋmɩn-ƴɛ̀r-manbɛ tɩ kpaalɩ bɛ nɩ a ɩ̃ yúor ƴãw, kɛ́ bɛ bɛr a bɛ cen-faar nɩ a bɛ ɩ-faar, ɛcɛ bɛ bɛ tɩ bɛr wõ ɩ, bɛ bɛ tɩ sàw a ɩ̃ nʋɔr ɛ.

Matie 22:3

Ʋ tɩ tõ n a ʋ tõ-tõ-biir kɛ́ bɛ cen tɩ bʋɔlɩ a nɩbɛ ʋ na bʋɔlɩ a cuw dɩb ƴãw a. Ɛcɛ bɛ bɛ tɩ bɔbr a waa ɩ.

Matie 22:6

ɛ́ bɛ mɩnɛ nyɔw a tõ-tõ-biir dɔwrɩ ɛ́ kʋ.

Luka 15:28

Lɛ n'a a bidɛb-kpɛ̃ɛ tɩ nyɛ̃ suur ɛ́ zawrɩ a kpɛb. A sãà tɩ yi na tɩ zɛlɛ ʋ k'ʋʋ kpɛ.

Luka 19:44

Bɛ na ŋmɛr fʋ na bɛr ɛ́ kʋ a fʋ nɩbɛ, ɛ́ bɛ kʋ̃ bɛr kʋsɩɛr ʋ cãà dɔwlɩ kʋsɩɛr zu ɛ, fʋ na bɛ sàw bãw a daar ʋl a Naaŋmɩn na wa k'ʋʋ wa faa fʋ a ƴãw.»

Luka 23:28

A Yeezu tɩ lɩɛb'a yel bɛ: «Zerizalɛm pɔwbɛ ɛ, nyɩ ta kone mãa ƴãw ɛ! Nyɩ kone a nyɩɩm mɩŋa ƴãw, nɩ a nyɩ bibiir ƴãw.

Nɩ-toni 7:52

Naaŋmɩn-ƴɛ̀r-man-buor sob'ʋ a nyɩ sãàkʋm-kore bɛ dɔwrɩ? Bɛ kʋ n a bɛl na tɩ dãw hiere a nɩ-mɩŋa waa a. A Nɩ-mɩŋa ŋa tɔr za nyɩ na pãa mɩl kʋ a,

Nɩ-toni 7:59

Bɛ na tɩ lɔbr'ɩ ʋ a kʋsɛbɛ a, a Ɩtɩɛn tɩ puore nɩ à ŋá: «Sore Yeezu u, de a ɩ̃ vʋʋrʋ!»

Nɩ-toni 8:1

A Sol mɩ̀ tɩ sàw na kɛ́ bɛ kʋ a Ɩtɩɛn. A ʋlɩ bibir nɛ tɔr za, dɔwrʋ kpɛ̃ɛ tɩ lo n a Zerizalɛm Lãw-yir zu. Bɛ za tɩ zɔ na yaarɩ cen a Zude nɩ a Samaari ten pʋɔ, ɛ́ tɩ cɛ a nɩ-toni tɛwr.

Wulu-ayi-sob 32:29

Bɛlɛ tɩ ɩ yã-bãwnbɛ a, bɛ nãá bãw nɩ a pɛr, bɛ nãá bãw nɩ be à á ŋá za na wɩɛr'ɩ bɛ a.

Wulu-ayi-sob 5:29

Bɛlɛ ɩ mɛ̃ bɛ ƴãw nɩ fãw zɔrɛ mɛ̃ ɛ́ sàwr a ɩ̃ nɛ-ƴãwnɩ za a, bɛlɛ nɩ a bɛ bʋʋrɛ na nyɛrɛ nɩ nʋ̃ɔ̀ a pʋɔ kʋralɛ.

Yel-wula 11:8

A bɛ kũuni na gã nɩ a tẽ-kpɛ̃ɛ laɩ pʋɔ, a be bɛ na kpa a bɛ Sore a da-gara zu a. Bɛ bʋɔlɛ nɩ a tẽw ʋl kɛ́ Sodɔm nɩ Eziptɩ, ʋ ɩ zʋkpar'ʋ bɛ mɩ́ lɔb.

Urutɩ 2:12

A Sore, ʋ ya fʋ à á ŋá za fʋ na maalɩ a! A fʋ sã-ya, ʋ ɩ ɓil ʋ za a Sore Ɩsɩrayɛl Naaŋmɩn zie, ʋl naayir fʋ na zɔ wa kpɛ a.»