Luka 13:33 - A SƐB-SÕW

³³ Ɛcɛ a fɛr'a k'ɩ̃ɩ cãà lo a ɩ̃ sɔ́r cere dɩ̃a nɩ bio nɩ deyere, bʋ̃ʋ n'ʋ vɛ̃, a bɛ sɛw kɛ́ naaŋmɩn-ƴɛ̀r-manɛ kpi zi-yũo a bɛ ɩ a Zerizalɛm ɛ.

Luka 13:33 ပူးပေါင်းရင်းမြစ်များ

Matie 20:18

«Nyɩ nyɛ̃, tɩ dúor'ɩ a Zerizalɛm, bɛ na tɩ nyɔw nɩ a Nɩsaal Bie ƴãw a bàwr-maal-nɩ-bɛrɛ nɩ a Naaŋmɩn wulu sɛ-sɛbrbɛ nuru pʋɔ, bɛ na ƴãw ʋ nɩ kũu dɔwrʋ,

Matie 21:11

A zu-sɛbla tɩ sɔw na: «A naaŋmɩn-ƴɛ̀r-manɛ Yeezu na yi Nazarɛtɩ, Galile tẽw a n'ʋ.»

Luka 9:53

Ɛcɛ a nɩbɛ bɛ tɩ sàw de ʋ a sãanʋ ɛ, ʋ na tɩ cere a Zerizalɛm a ƴãw.

Zã 11:54

Alɛ n'a so a Yeezu bɛ mɩ́ tɩ cãà cɔlɛ cãàmɩlɛ a Zifʋ mɩnɛ sɔgɔ ɩ: ʋ tɩ cen nɩ a tẽw ʋl bɛ na bʋɔlɛ Efarayim a, a tẽw ŋa tɩ pɩɛl'ɩ a wɛja-kpalɛ. Be n'a ʋ tɩ be, ʋlɛ nɩ a ʋ po-tuurbɛ.

Zã 11:9

A Yeezu sɔw yel bɛ: «A mʋ̃tɔ̃w na mɩ́ pur a, ʋ bɛ mɩ́ maalɩ gbele pie nɩ ayi ɛ́ kpɛ ɩ? Sob nɛ za na cere mʋ̃tɔ̃w a bɛ ŋmɩɛr gbɛ́ɛ ɩ, ʋ na mɩ́ nyɛ̃ a tẽ-daa ŋa cãà a ƴãw.

Zã 12:35

A Yeezu tɩ sɔw bɛ na: «A cãà na cãà nɩ a nyɩ sɔgɔ blãlɛ ƴãw. Nyɩ na tɛr a cãà a, nyɩ cere, kɛ̀ lige taa pile pàwr nyɩ ɛ. Sob nɛ na cere lige pʋɔ a bɛ bãw be ʋ na cere a ɩ.

Zã 4:34

A Yeezu yel bɛ: «A sob nɛ na tõ m a pʋ-tɩɛrʋ maalʋ nɩ a ʋ tome tob'a ɩ a ɩ̃ bʋ̃-dɩrɩ.

Zã 9:4

A zie na cãà nyɛrɛ a, a fɛr'a kɛ́ tɩ tone a sob nɛ na tõ m a tome. A zie sɔbr'a, nɩr na kʋ̃ tʋ̃ɔ́ tõ ton a.

Nɩ-toni 10:38

a Nazarɛtɩ Yeezu yele, Naaŋmɩn paal'ʋ na nɩ a Vʋʋrʋ Sõw fãw. Be za ʋ na mɩ́ tɩ tɔlɛ a, ʋ mɩ́ tɩ maalɛ nɩ a nɩbɛ vla, ɛ́ sanɛ a bɛlɩ dem na be a Gɛgɛra gbãgbaalʋ pʋɔ a. Naaŋmɩn tɩ sɩrɩ na be a ʋ zie.

Nɩ-toni 13:27

A Zerizalɛm nɩbɛ nɩ a bɛ nɩ-bɛrɛ bɛ tɩ bãw a Yeezu ɛ, ɛ́ bɛ na tɩ ƴãw ʋ a kũu dɔwrʋ a, a naaŋmɩn-ƴɛ̀r-manbɛ ƴɛ̀rʋ bɛ na mɩ́ kanɛ a pɩ̃ɛnʋ-bibir za a, alɛ n'a bɛ tu.