Luka 13:25 - A SƐB-SÕW

²⁵ «A yir sob wa ìr pàw a pan baar'a, nyɩmɛ wa be a yẽw ɛ́ kpàwrɛ a pan yere nɩ: “Sore e, yuo tɩ”, ʋ na sɔw nyɩ na: “Ɩ̃ bɛ bãw nyɩ yib zie ɩ.”

Luka 13:25 ပူးပေါင်းရင်းမြစ်များ

Yele-za-pɛr-tib 7:16

Dʋ̃-pɛ-bʋʋrɛ za, bʋ̃-daa nɩ bʋ̃-pɔw, tɩ kpɛ na mɛ̃ a lɛ a Naaŋmɩn na tɩ yel a. Al pùorí, a Sore tɩ nyɔw nɩ a pan pàw a Nowe.

Sɛb-sõw yielu 32:6

À ŋá n'a a nɩr za na sàw de fʋ a, na mɩ́ puore fʋ a kpɩɛrʋ daar. A kʋ̃ɔnɩ saa mɩ́ wa paalɩ paalɩ a, a kʋ̃ páw ʋ towtow ɛ.

Ɩzayi 55:6

Nyɩ bɔbr a Sore a ƴɛrɛŋa ʋ na mɩ́ bɛr bɛ nyɛ̃ ʋ a. Nyɩ bʋɔlɛ ʋ a ƴɛrɛŋa ʋ na pɩɛlɩ nyɩ a.

Matie 25:41

Lɛn daar'a ʋ na yel a ʋ gʋba lowr dem: “Nyɩ cen taw zãá nɩ mɛ̃, nyɩɩm bɛ na ŋmɛ ƴãw a, nyɩ cen a vũu na bɛ tɛr kpiiru daar a pʋɔ, bɛ na cɔbrɩ a Sɩtaana nɩ a ʋ malkɩ mɩnɛ ƴãw a.

Luka 13:27

Ʋ na sɔw nyɩ na: “Ɩ̃ bɛ bãw nyɩ yib zie ɩ, nyɩ taw zaa a ɩ̃ zie, nyɩɩm na maalɛ yel-faar a.”

Luka 3:8

Nyɩ ɩ a sãá a nyɩ ɩ-ɩrɩ pʋɔ kɛ́ nyɩ lɩɛb'ɩ a nyɩ ɩb, ɛ́ taa wa tɩɛrɛ nyɩ pʋɔ yere kɛ́: “Tɩ sãà n'ɩ Abraham ɛ!” Mãa n'ʋ yere kʋ̀rɛ nyɩ, a kʋsɛbɛ á ŋá na gã a, Naaŋmɩn na tʋ̃ɔ́ na ɩ a lɩɛbɩ Abraham bibiir.

Luka 6:46

«Bʋ̃ʋ ƴãw n'a nyɩ mɩ́ yere a ɩ̃ zie: “Sore e, Sore e”, ɛ́ bɛ mɩ́ tuur a lɛ ɩ̃ na yere a?

2 Korɛ̃tɩ 6:2

Bʋ̃ʋ n'ʋ vɛ̃, Naaŋmɩn yere na: «A daar na wa ta a, ɩ̃ sàw nɩ a fʋ zɛlʋ, ɛ́ a faafʋ bibir na wa vɩɛ a, ɩ̃ sõw fʋ na.» Ɛcɛ a daar'ɩ à ŋà na ta a, a faafʋ bibir'ɩ à ŋà na vɩɛ a.

Ebre 12:17

Nyɩ bãwnɩ a na, a pùorí ʋ na wa bɔbr k'aa ʋ sãà ƴɛ̀r nɔ-vla kʋ̀ ʋ a, ʋ bɛ sàw a lɛ kʋ̀ ʋ ɛ. Ʋ tɩ bɔ n a lɛ ʋ na na ɩ lɩɛbɩ a yele a gu, ʋ na saa tɩ lɔbr nuru zɛlɛ kone nɩ a.