Luka 12:4 - A SƐB-SÕW

⁴ «Ɩ̃ yere na kʋ̀rɛ nyɩ, nyɩɩm ɩ̃ bárɩ i: nyɩ ta zɔrɛ a bɛlɩ dem na mɩ́ kʋ a ƴã-gan yõ, ɛ́ a pùorí bɛ kʋ̃ lɛb tʋ̃ɔ́ ɩ bom za a ɩ.

Luka 12:4 ပူးပေါင်းရင်းမြစ်များ

Zʋkpaɩ 29:25

Sob nɛ na zɔrɛ a ʋ taabɛ a mɩ́ lo n bɛra pʋɔ, ɛcɛ sob nɛ na mɩ́ ƴãw a ʋ tɩ́ɛrʋ a Sore ƴãw a bɛ mɩ́ bãw damnʋ ɛ.

A Yielu za pʋɔ yiel-vla vla 5:1

Ɩ̃ yeepuule e, ɩ̃ ƴãw-nɩ-yúor i, ɩ̃ waar'ɩ a ɩ̃ zaadɛ̃ pʋɔ. Ɩ̃ 'lawrɛ nɩ a ɩ̃ mɩ́ɩ̀r súur, kárɛ nɩ a ɩ̃ va-nyùure a mɩnɛ. Ɩ̃ dɩrɛ nɩ a ɩ̃ sɩw-gamɛ kãá, ɛ́ nyúur a ɩ̃ divɛ̃ nɩ a ɩ̃ bʋ̀rʋ. Nyɩ dɩrɛ, ɩ̃ bá mɩnɛ ɛ, nyɩ nyúur, nyɩ nɔ̃w taa tɩ kuoli!

A Yielu za pʋɔ yiel-vla vla 5:16

A ʋ nʋɔr ɩ n a nʋ̃ɔ̀ mɩŋa, ɛ́ a ʋ tɔr za n'ʋ ɩ̃ bɔbr. Zerizalɛm pɔwsɩrali i, nyɩ nyɛ̃ a ɩ̃ nɩ-nɔna, nyɩ nyɛ̃ a ɩ̃ sɛn!

Ɩzayi 41:8

Ɛcɛ fʋ̃ʋ a, Ɩsɩrayɛl i, fʋ ɩ n a ɩ̃ tõ-tõ-bie, Zakɔb i, fʋ ɩ n a nɩ-bʋʋrɛ ɩ̃ na kaa ír a, a ɩ̃ bá Abraham bʋʋrɛ.

Zeremi 1:17

A fʋ̃ʋ Zeremi, cɔbrɩ fʋ tʋɔra. Ìr! Cen tɩ yel bom nɛ za ɩ̃ na na yel kɛ́ fʋ yel kʋ̀ bɛ a. Taa wa màwr a bɛ niŋé ɩ, alɛ bɛ ɩ lɛ, ɩ̃ na ɩ na fʋ màwr a bɛ niŋé.

Zeremi 1:8

Taa wa zɔrɛ nɩr za dɛ̃bɩ̃ɛ ɩ. Bʋ̃ʋ n'ʋ vɛ̃, ɩ̃ be n a fʋ zie a fʋ faafʋ ƴãw.» À à ŋá n'a a Sore ƴɛ̀r a ɩ̃ zie.

Zeremi 41:18

Bʋ̃ʋ n'ʋ vɛ̃, bɛ tɩ zɔrɛ nɩ a Babɩlɔn tẽw dem dɛ̃bɩ̃ɛ, a lɛ a Yisɩmayɛl na dɛ tɩ kʋ a Gedalɩasɩ a Babɩlɔn tẽw nãà na tɩ ƴãw ʋ kaarɛ a Zuda tẽw a.

Ezekɩɛl 2:6

Ɛ́ a fʋ̃ʋ a, nɩsaal bie e, ta zɔrɛ bɛ, ɛ́ ta zɔrɛ a bɛ ƴɛ̀rʋ ɛ. Bɛ na mɩ́ ŋmɛ n a fʋ ƴɛ̀rʋ lɔb, ɛ́ a ɩ mɛ̃ gʋʋr na viiri koli fʋ ɛ́ fʋ zɩ̃ nan zu a. Ɛcɛ ta zɔrɛ a bɛ ƴɛ̀rʋ ɛ́ ta màwr a bɛ niŋé ɩ, bʋ̃ʋ n'ʋ vɛ̃, nɩsaal-gaarɩ nɛbɛ.

Matie 10:28

Nyɩ ta zɔrɛ a bɛlɩ dem na mɩ́ tʋ̃ɔ́ kʋ a ƴã-gan yõ ɛ́ kʋ̃ tʋ̃ɔ́ a sɩ́ɛ kʋ a ɩ, ɛcɛ nyɩ nɩ̃ɛ zɔrɛ a Naaŋmɩn na na tʋ̃ɔ́ kʋ a ƴã-gan nɩ a sɩ́ɛ za a tẽ-faa pʋɔ a.

Zã 15:13

Nɔ̃wfʋ bɛ lɛb ka be ɩ kpɛ̃ɛ zuo a fʋ bárɩ fʋ na nɔ̃w tɩ de a fʋ nyɔ-vʋʋrʋ tɩr a bɛ ƴãw a ɩ.

Nɩ-toni 20:24

Mãa zie a, a ɩ̃ nyɔ-vʋʋrʋ bɛ ɩ bʋ̃-sɩza kãw ɛ. Bom nɛ ɩ̃ na bɔbr tuo tuo a, ʋlɛ n'ɩ k'ɩ̃ɩ tʋ̃ɔ́ tõ a ɩ̃ tõ-nʋɔr tɩ ɓɩɩlɩ, lãwnɩ a ton a Sore Yeezu na kʋ̀ m a: a Naaŋmɩn maalʋ Yel-nʋ̃ɔ̀ hieru.»

Nɩ-toni 4:13

Nɔ-ɓãan tɩ nyɔw nɩ a Zifʋ mɩnɛ ƴɛ̀rʋ-dɩb-lãw nɩbɛ. Bɛ tɩ nyɛ̃ na kɛ́ a Pɩɛr nɩ a Zã ƴɛ̀rɛ na bɛ zɔrɛ nɩ bom za ɩ, ɛ́ ɩ nɩ-zawlɛ na bɛ bãw sɛbɛ a. Bɛ tɩ nyɛ̃ na bãw bɛ ɩ a Yeezu po-tuurbɛ.

Filib 1:28

ɛ́ bɛ sàw a nyɩ dɔ̃ dem vʋ̃ɔ nyɩ pʋ̀lá zaa pʋrɩ ɛ, lɛ n'a a na wul bɛ kɛ́ bɛ bɔrɛ na, ɛcɛ a nyɩɩm be a faafʋ sɔ́r zu, ɛ́ a za yi a Naaŋmɩn zie.

Zakɩ 2:23

À ŋá n'a a lɛ a Sɛb-sõw na yel a tu: «A Abraham tɩ sàw na de a Naaŋmɩn, a Naaŋmɩn nyɛ̃ ʋ k'ʋ ɩ nɩ-mɩŋa a al ƴãw», ɛ́ bʋɔl'ʋ ʋ bá.

1 Pɩɛr 3:14

Ɛcɛ nyɩmɛ saa na nyɛrɛ dɔwrʋ a mɩnʋ zũú a, zu-nʋ̃ɔ̀ dem n'ɩ nyɩ. Nyɩ ta zɔrɛ a nɩbɛ towtow ɛ, ɛ́ ta tɛr dɛ̃bɩ̃ɛ kãw za ɩ.

Yel-wula 2:10

Ta zɔrɛ a tuo fʋ na na wõ a dɛ̃bɩ̃ɛ ɩ. Nyɛ̃, a Gɛgɛra na ƴãw nɩ nyɩ mɩnɛ gaso pʋɔ k'ʋʋ ɩ nyɩ kaa, ɛ́ nyɩ na nyɛ̃ nɩ kpɩɛrʋ bibie pie. Taa lɛbr pùor ɛ, ɛ́ tɩ ta a fʋ kũu daar, ɩ̃ɩ na kʋ̀ b'ɩ a zɛb-tʋ̃ɔ́fʋ kpawʋɔ na ɩ a nyɔ-vʋʋrʋ a.