Luka 12:37 - A SƐB-SÕW

³⁷ Zu-nʋ̃ɔ̀ dem'ɩ a tõ-tõ-biir bɛl, a bɛ zu-sob nãà wa ta nyɛ̃ bɛ bɛr gʋ̃ɔ ɛ́ zɩ̃ gùre ʋ a! Sɩza n'a ɩ̃ yere kʋ̀rɛ nyɩ: ʋl mɩŋa na su n a ʋ tõ-tõ-kparɩ, ɛ́ ƴãw bɛ zɩ̃, ʋ kʋ̀ bɛ a bʋ̃-dɩrɩ.

Luka 12:37 ပူးပေါင်းရင်းမြစ်များ

Ɩzayi 62:5

Mɛ̃ a lɛ pɔlbile na mɩ́ kul pɔwsɩrale a, lɛ n'a a sob nɛ na lɛb mɩɛr fʋ a na ɩ a fʋ sɩr. Mɛ̃ a lɛ pɔw-sãan na mɩ́ ƴãw a ʋ sɩr nʋ̃ɔ̀ a, lɛ n'a fʋ na ƴãw a fʋ Naaŋmɩn nʋ̃ɔ̀.

Zeremi 32:41

A ɩ̃ nʋ̃ɔ̀ n'ɩ ɩ̃ na na paalɩ bɛ nɩ yel-vɩɛlɩ a. Nɩ yel-mɩŋa, ɩ̃ na ɩ na bɛ tɛ nyɩgɛ a tẽw ŋa pʋɔ. Ɩ̃ na ɩ n a lɛ nɩ a ɩ̃ socir za, nɩ a ɩ̃ sɩ́ɛ za.»

Sofoni 3:17

A Sore fʋ Naaŋmɩn be n a fʋ zie: ʋlɛ n'ɩ a gãdaa na zɛb tʋ̃ɔ́ a, nʋ̃ɔ̀ ɩrɛ ʋ nɩ yaga a fʋ ƴãw, a ʋ nɔ̃wfʋ kʋ̀rɛ fʋ nɩ nyɔ-vʋʋr-paala, ʋ ŋmɩɛr'ɩ nʋ̃ɔ̀ cɛlsɩ a fʋ ƴãw,

Matie 24:42

A na ɩ lɛ a, nyɩ bɛr gʋ̃ɔ, nyɩ na bɛ bãw a ʋlɩ bibir a nyɩ Sore na na wa a ƴãw.

Luka 12:36

Nyɩ ɩ mɛ̃ nɩbɛ na gùre a bɛ zu-sob na yi kul-taa cuw zie waar a, kɛ́ ʋlɛ wa ta daadaa kpàwrɛ a pan bɛ̃ɛ yuo ʋ a.

Luka 12:43

Zu-nʋ̃ɔ̀ sob'ɩ a tõ-tõ-bie ŋa, a ʋ nɩ-kpɛ̃ɛ nãà wa lɛb wa nyɛ̃ ʋ tone à à ŋá a.

Luka 17:8

Ʋ kʋ̃ nɩ̃ɛ vɛ̃ kɛ́ yel ʋ: “Maalɩ a bʋ̃-dɩrɩ kʋ̀ m, su a fʋ tõ-tõ-kparɩ kaa nɩ ɩ̃ zie, ɩ̃ dɩ kɛ́ nyũ baarɩ, al pùorí, fʋ mɩ̀ na dɩ na kɛ́ nyũ ɛ?”

Luka 21:36

Nyɩ bɛr gʋ̃ɔ ɛ́ puore kʋralɛ: lɛ n'a bɛ na nyɛ̃ nyɩ bɛ sɛwnɩ a yel-tuor á ŋá za na waar a ɩ, ɛ́ nyɛ̃ nyɩ sɛwnɩ saaƴẽwn àrʋ a Nɩsaal Bie niŋé.»

Luka 22:27

Buor'ʋ sɩrɩ ɩ kpɛ̃ɛ zuo buor: a sob nɛ na zɩ̃ dɩrɛ a n'ʋ bɩɩ a sob nɛ na dier a bʋ̃-dɩrɩ waar'ɩ a n'ʋ? A sob nɛ na zɩ̃ dɩrɛ bɛ n'ʋ ɛ? Ɛcɛ mãa a, ɩ̃ be n a nyɩ sɔgɔ mɛ̃ tõ-tõ-bie a.

Zã 12:26

Nɩr wa bɔbr k'ʋʋ tone a ɩ̃ tome a, ʋ tuur mɛ̃, ɛ́ zie nɛ za ɩ̃ na be a, be n'a a ɩ̃ tõ-tone mɩ̀ na be. Nɩr wa tone a ɩ̃ tome a, a ɩ̃ Sãà na ƴãwnɛ ʋ na.»

1 Korɛ̃tɩ 2:9

Ɛcɛ, mɛ̃ a lɛ bɛ na sɛb a: «Bom nɛ mimir na bɛ nyɛ̃ a, bom nɛ tobr na bɛ wõ a, bom nɛ a tɩɛrʋ na bɛ tɔ a nɩsaal a, ʋlɛ n'ʋ a Naaŋmɩn cɔbrɩ a bɛlɩ dem na nɔnɛ ʋ a ƴãw.»

Filib 1:21

Bʋ̃ʋ n'ʋ vɛ̃, mãa ƴãw a, a nyɔ-vʋʋrʋ n'ɩ a Kɩrɩta, ɛ́ a kũu bɛ ɩ loba a ɩ̃ zie ɩ.

Filib 1:23

Ziir ayi n'a ɩ̃ àr'ɩ dɛ bɛ bãw ɛ: ɩ̃ bɔbr'a k'ɩ̃ɩ nãá kpi cen tɩ lãw nɩ a Kɩrɩta, lɛ n'a nãá vɩɛl tɩ zuo.

2 Pɩɛr 1:11

Ɛ́ lɛ n'a nyɩ na kpɛ a tɩ Sore nɩ a tɩ Faarɛ Yeezu Kɩrɩta naalʋ na be kʋralɛ a pʋɔ, mɔlɛ mɔlɛ lɛ.

2 Pɩɛr 3:14

Alɛ so, ɩ̃ bá mɩnɛ ɛ, nyɩ ƴãw fãw vɩɛl ɛ́ ta tɛr dɛwr a Naaŋmɩn zie ɩ, gùre nɩ a bibir ŋa, ɛ́ ƴã-ɓaarʋ be nyɩɩm nɩ a Naaŋmɩn cara pʋɔ.

Yel-wula 14:13

Al pùorí, ɩ̃ tɩ wõ n kɔkɔr a salom zu ʋ yere a ɩ̃ zie: «Sɛb yel: “Zu-nʋ̃ɔ̀ dem'ɩ a bɛl na tĩ kpiir a ƴɛrɛŋa ɛ́ lãw nɩ a Sore a!” A Naaŋmɩn Vʋʋrʋ yere na: “Sɩza n'a, bɛ na tʋ̃ɔ́ na pɩ̃ɛnɛ nɩ a bɛ bàlʋ bɛ na nyɛ̃ a, bʋ̃ʋ n'ʋ vɛ̃, a bɛ tome sã-ya tuur bɛ na.”»

Yel-wula 16:15

«Nyɛ̃, ɩ̃ waar'a mɛ̃ nyãnyuge a! Zu-nʋ̃ɔ̀ sob'ɩ sob nɛ na bɛr gʋ̃ɔ ɛ́ tɛr a ʋ bʋ̃-suuri, k'ʋʋ taa wa cere nɩ ƴã-gã-zawla bɛ nyɛ̃ a ʋ faalʋ a ɩrɛ ʋ vĩ a ɩ.»

Yel-wula 3:21

Sob nɛ na na zɛb tʋ̃ɔ́ a, ɩ̃ na ɩ na ʋ lãw nɩ mɛ̃ zɩ̃ a ɩ̃ naalʋ-dà-kɔw zu, mɛ̃ a lɛ a mãa mɩ̀ na zɛb tʋ̃ɔ́ ɛ́ cen tɩ lãw nɩ a ɩ̃ Sãà zɩ̃ a ʋ naalʋ-dà-kɔw zu a.

Yel-wula 7:17

Bʋ̃ʋ n'ʋ vɛ̃, a Pele na be a naalʋ-dà-kɔw sɔwlɩsɔw a na ɩ n a bɛ cɩ̃ɩnɛ, ʋ na tɛr bɛ na cen nɩ a be a kʋ̃ɔ-walwal na bùle yire a. Ɛ́ Naaŋmɩn na fɩɛl'ɩ mʋta-kʋ̃ɔ za bɛr a bɛ mimié.»