Luka 12:32 - A SƐB-SÕW

³² «Nyɩ ta zɔrɛ dɛ̃bɩ̃ɛ ɩ, nyɩɩm na ɩ mɛ̃ zaw-pʋrɩ dʋn a. A pɛlɩ nɩ a nyɩ Sãà pʋɔ ʋ kʋ̀ nyɩ a tẽ-vla Naalʋ.

Luka 12:32 ပူးပေါင်းရင်းမြစ်များ

Ɩzayi 40:11

Ʋ àrɛ nɩ nɩ a ʋ dʋn mɛ̃ pi-cɩ̃ɩnɛ a, ʋ mɩ́ zɛw nɩ a nũu kpa a ɓã taa, ʋ mɩ́ nyɔw nɩ a péli ɓori ɓori ɛ́ kparɛ a pi-mã mɩnɛ bɛ̀lbɛ̀l.»

Ɩzayi 41:14

Ta zɔrɛ dɛ̃bɩ̃ɛ ɩ, Zakɔb i, fʋ̃ʋ zãzul-cãpile e, fʋ̃ʋ Ɩsɩrayɛl na cɛ bɛ tɛr fãw a. A Sore yere na: Ɩ̃ waar'ɩ a fʋ sõwfʋ. A sob nɛ na yarɛ dier fʋ a, mãa n'ʋ, a Ɩsɩrayɛl Naaŋmɩn na ɩ sõw a.

Ɩzayi 53:6

Tɩ za tɩ bɔrɛ na gʋɔr mɛ̃ píir a, ŋa tuur ʋ sɔ́r, ŋa tuur ʋ sɔ́r. Ɛcɛ a Sore ɩ na a tɩ za sãwna lo a ʋ zu.

Zeremi 3:19

Ɩ̃ tɩ tɩɛr'ɩ ɩ̃ pʋɔ à ŋá: «Ɩ̃ tɩ bɔbr'a k'ɩ̃ɩ nãà sɔr fʋ ƴãw a ɩ̃ bidɛbr pʋɔ, ɛ́ kʋ̀ b tẽw na vɩɛl vɩɛl a, a tẽ-daa zi-vla za zie!» Ɩ̃ tɩ tɩɛr'ɩ ɩ̃ pʋɔ: Fʋ na bʋɔlɛ mɛ̃ na: “Ɩ̃ sãà”, ɛ́ fʋ kʋ̃ lɛb gùr pùor cɔw mɛ̃ ɩ.

Matie 14:27

Ɛcɛ a Yeezu tɩ ƴɛ̀r a sɔw bɛ daadaalɛ yel: «Nyɩ nyɔw nyɩ mɩŋa, mãa n'ʋ, nyɩ ta zɔrɛ dɛ̃bɩ̃ɛ ɩ!»

Matie 20:16

A Yeezu tɩ yel a ƴãw pʋɔ: «À ŋá n'a a po-pàwrbɛ na ɩ niw-dierbɛ, ɛ́ a niw-dierbɛ ɩ po-pàwrbɛ.»

Matie 25:34

Lɛ n'a a nãà na yel a ʋ dʋrʋ lowr dem: “Nyɩ wa, nyɩɩm a ɩ̃ Sãà na maalɩ a, nyɩ wa pʋɔ a tẽ-vla Naalʋ pʋɔ ʋ na cɔbrɩ a nyɩ ƴãw a tẽ-daa íru daar za a.

Matie 7:15

«Nyɩ gùre nyɩ tʋɔra a naaŋmɩn-ƴɛ̀r-man-bɛlɛbɛlɛ mɩnɛ ƴãw. Bɛ mɩ́ sɔwl'ɩ bɛ tʋɔra ɩ mɛ̃ pi-nyan a, waar a nyɩ zie, ɛcɛ a bɛ pʋ̃ɔmɩ bɛ ɩ wɛ-bà-karɩ.

Luka 10:21

A pɛr nɛ pʋɔ, a Vʋʋrʋ Sõw tɩ ɩ na nʋ̃ɔ̀ ɩrɛ a Yeezu yaga za ʋ yel: «Ɩ̃ danɛ fʋ na, ɩ̃ Sãà a, salom nɩ tẽw za Sore e, fʋ na sɔwlɩ a yele á ŋá a bɛlɩ dem na tɛr yã a zie, nɩ a bɛlɩ dem na zànɩ bãw a zie, ɛ́ wul a a bibi-pʋrmɛ a. Ʋ̃ʋ, ɩ̃ Sãà a, fʋ na nɔnɛ a n'a fʋ ɩ à à ŋá.»

Zã 18:36

A Yeezu sɔw: «A ɩ̃ naalʋ bɛ yi a tẽ-daa ŋa zu ɛ. A ɩ̃ naalʋ tɩ yi a tẽ-daa ŋa zu a, a ɩ̃ nɩbɛ nãá zɛb'a faa mɛ̃ bɛr, ɩ̃ ta lo a Zifʋ mɩnɛ nuru pʋɔ ɩ. Ɛcɛ ƴɛrɛŋa a, ɩ̃ naalʋ bɛ ɩ a tẽ-daa ŋa zu naalʋ ɛ.»

Nɩ-toni 20:28

Nyɩ kaarɛ nyɩ tʋɔra zie vla lãwnɩ a Naaŋmɩn Lãw-yir, a Vʋʋrʋ Sõw na ƴãw kɛ́ nyɩ gùre a. Nyɩ kaarɛ a Naaŋmɩn Lãw-yir zie vla. A ʋ zɩ̃ɩ tɔr za n'a ʋ páw nɩ a Lãw-yir ŋa.

Nɩ-toni 20:29

Ɩ̃ bãwnɩ a na, mãa wa cen baar'a, nɩbɛ na ɩ mɛ̃ wɛ-bà-faar a, na kpɛ n a nyɩ pʋɔ bɛ bɛrɛ a zaw dʋn ɛ.

Ʋrɔm 6:23

Bʋ̃ʋ n'ʋ vɛ̃, a yel-bier sã-ya n'ɩ a kũu, ɛcɛ a maalʋ a Naaŋmɩn na tɩrɛ zawla a, ʋlɛ n'ɩ a nyɔ-vʋʋrʋ na be kʋralɛ fʋ na mɩ́ tɛr lãwnɩ a Yeezu Kɩrɩta tɩ Sore a.

1 Korɛ̃tɩ 1:21

Bʋ̃ʋ n'ʋ vɛ̃, a tẽ-daa nɩbɛ nɩ a bɛ yã-bãwfʋ za na faa bɛ tʋ̃ɔ́ bãw a Naaŋmɩn a ʋ yã-bãwfʋ ɩb pʋɔ a, alɛ so a Naaŋmɩn yel k'ʋʋ na faa nɩ a bɛlɩ dem na sàw de ʋ a, nɩ a da-gara zu kũu hieru na sãá mɛ̃ gẽgẽ-ɩb a a.

Filib 2:13

Bʋ̃ʋ n'ʋ vɛ̃, Naaŋmɩn be n a nyɩ sɔgɔ tone, ʋlɛ n'ʋ mɩ́ ƴãw nyɩ bɔbr ɛ́ maalɛ bom nɛ na tu a ʋ pʋ-tɩɛrʋ a.

2 Tesalonikɩ 1:11

Alɛ so tɩ puore kʋ̀rɛ nyɩ kʋralɛ, k'aa tɩ Naaŋmɩn ɩ nyɩ sɛw taa nɩ a nyɔ-vʋʋrʋ ʋl ƴãw ʋ na bʋɔlɩ nyɩ a, k'ʋʋ sõwne nyɩ nɩ a ʋ fãw, nyɩ mɩ́ maalɩ a vla za nyɩ na bɔbr a, ʋʋ ɩ a nyɩ sàw-deb tone vla vla za.

2 Tesalonikɩ 1:5

Naaŋmɩn ƴɛ̀rʋ maalʋ na tu yel-mɩŋa a bãwfʋ n'ɩ à ŋà, bʋ̃ʋ n'ʋ vɛ̃, a kanyir nyɩ na mɩ́ dɩ a, na ɩ na nyɩ sɛw taa nɩ a Naaŋmɩn Naalʋ, a Naalʋ ŋa ƴãw nyɩ na wone a tuo a.

Ebre 12:28

A na ɩ à ŋá tɩ páwr naalʋ-tẽw na bɛ tɛr damnʋ a, nyɩ ɩ tɩ tɛr a maalʋ ŋa vla, tʋ̃ɔ́ puore nɩ a Naaŋmɩn mɛ̃ a lɛ a na nʋmɛ a ʋ zie a, tɛr'ɩ a ʋ ƴãwfʋ nɩ a ʋ zɔba.

Zakɩ 2:5

Nyɩ bɛrɛ wone, ɩ̃ yɛb-nɔnɩ i: a Naaŋmɩn bɛ tʋ̃ɔ́ kaa ír a bɛlɩ dem na ɩ nan dem a tẽ-daa zie a, ƴãw bɛ kpɛ a ʋ sàw-deb naalʋ, ɛ́ ɩ a ʋ Naalʋ gbã-dɩrbɛ ɩ? A Naalʋ ŋa ʋ na ƴãw nʋɔr k'ʋʋ na kʋ̀ n a bɛlɩ dem na nɔnɛ ʋ a ɩ?

2 Pɩɛr 1:11

Ɛ́ lɛ n'a nyɩ na kpɛ a tɩ Sore nɩ a tɩ Faarɛ Yeezu Kɩrɩta naalʋ na be kʋralɛ a pʋɔ, mɔlɛ mɔlɛ lɛ.

Yel-wula 1:6

Ʋ ɩ na tɩ ɩ na-mɩnɛ nɩ-bʋʋrɛ, bàwr-maalbɛ a Naaŋmɩn ʋ Sãà ƴãw. Ʋlɛ so yúor-vɩɛlʋ-danʋ nɩ kpɛnʋ a yome yome za. Amɛn.

Yel-wula 22:5

Tɩ̃ɩsɔw kʋ̃ lɛb cãà be ɩ, bɛ kʋ̃ cãà tɛr fɩ̃tɩlɛ cãà nɩ mʋ̃tɔ̃w cãà yel-ɩra ɩ, a Sore Naaŋmɩn na na caalɛ bɛ nɩ a ʋ cãà a ƴãw, ɛ́ bɛ na dɩrɛ nɩ naalʋ yome yome za.