Luka 11:9 - A SƐB-SÕW

⁹ Lɛ so, mãa n'ʋ yere kʋ̀rɛ nyɩ: nyɩ zɛlɛ, bɛ na kʋ̀ nyɩ na, nyɩ bɔbr, nyɩ na páw na, nyɩ kpàwrɛ a pan, bɛ na yuo nyɩ na.

Luka 11:9 ပူးပေါင်းရင်းမြစ်များ

Sɛb-sõw yielu 118:5

Ɩ̃ kõ na bʋɔlɩ a Sore a ɩ̃ kpɩɛrʋ pʋɔ, ʋ sɔw mɛ̃, ɛ́ ɩ k'ɩ̃ lɛb so ɩ̃ tʋɔra.

Sɛb-sõw yielu 27:4

Bʋ̃-been yõ n'ʋ ɩ̃ zɛlɛ a Sore zie, bʋ̃-been yõ ɩ̃ na bɔbr tuotuo a: ɩ̃ kpɩɛr a Sore yir pʋɔ a ɩ̃ bibi-vɩɛrɩ za, tʋ̃ɔ́ úore a Sore vɩɛlʋ ɛ́ puore a ʋ yir pʋɔ.

Sɛb-sõw yielu 27:8

Ɩ̃ tɩ́ɛrɛ nɩ a ƴɛ̀rʋ ŋa fʋ na ƴɛ̀r a: «Nyɩ bɔbr a ɩ̃ niwn». Sore e, a fʋ niwn n'ʋ ɩ̃ bɔbr k'ɩ̃ɩ nyɛ̃.

Sɛb-sõw yielu 34:10

Nyɩ zɔrɛ a Sore, nyɩɩm ʋ nɩ-son i, bɛlɩ dem na zɔrɛ ʋ a, bɛ bɛ bɔbr bom guur ɛ.

Sɛb-sõw yielu 34:4

Nyɩ lãw nɩ mɛ̃ tɩ manɛ a Sore na ɩ kpɛ̃ɛ a, nyɩ ɩ tɩ lãw taa íre a ʋ yúor.

Sɛb-sõw yielu 50:15

Ɛ́ alɛ wa wone fʋ a ʋlɩ bibir nɛ a, fʋ̃ʋ bʋɔlɩ mɛ̃, ɩ̃ na faa fʋ na, ɛ́ fʋ na danɩ mɛ̃ na.

A Yielu za pʋɔ yiel-vla vla 5:6

Ɩ̃ yuore nɩ a ɩ̃ nɩ-nɔna a pan, ɛcɛ ʋ lɛb'a tɔl cen. Ɩ̃ yire nɩ a ʋ diw-bɩɛrʋ, ɩ̃ bɔbr ʋ na ɛ́ bɛ nyɛrɛ ʋ ɛ, ɩ̃ bʋɔl'ʋ na, ʋ́ʋ̀ bɛ sàw ɛ.

Ɩzayi 45:19

Ɩ̃ bɛ sɔwlɩ ƴɛ̀r a tẽw zie kãw na liw a ɩ. Ɩ̃ bɛ yel a Zakɔb bʋʋrɛ: Nyɩ bɔbr mɛ̃ zi-vuo pʋɔ ɩ. A mãa Sore a, ɩ̃ yere nɩ bom na tu mɩnʋ a, ɩ̃ yere nɩ bom na ɩ sɩza a.»

Zeremi 29:12

Nyɩ na bʋɔlɛ mɛ̃ na, nyɩ na wa na wa puori mɛ̃, ɩ̃ɩ na de nɩ a nyɩ puoru.

Zeremi 33:3

Bʋɔlɩ mɛ̃, ɩ̃ɩ na sɔw fʋ na. Ɩ̃ɩ na ɩ na fʋ bãw yel-sɔwl-bɛrɛ fʋ na bɛ bãw a.

Matie 21:22

Bom nɛ za nyɩ nãà wa zɛlɛ a puoru pʋɔ nɩ naaŋmɩn-sàw-deb a, nyɩ na páw ʋ na.»

Matie 21:31

A bɛ ayi pʋɔ a, buor sob'ʋ maalɩ a ʋ sãà pʋ-tɩɛrʋ?» Bɛ tɩ sɔw na: «A dãw-niwn sob'ʋ.» Lɛ n'a a Yeezu tɩ yel bɛ: «Yel-mɩŋa sɩza, ɩ̃ yere na kʋ̀rɛ nyɩ: zuru-yar-dierbɛ nɩ pɔw-yɛmɛ na dãw nyɩ nɩ a Naaŋmɩn Naalʋ pʋɔ.

Matie 6:29

ɛcɛ mãa n'ʋ yere kʋ̀rɛ nyɩ, a Salomɔ̃ tɔr za, nɩ a ʋ dɛpaalʋ vɩɛlʋ za, bɛ tɩ su ta a mɔ̃-puuru á ŋá been kãw za ɩ.

Markɩ 11:24

Alɛ so ɩ̃ yere kʋ̀rɛ nyɩ: bom nɛ za nyɩ na mɩ́ zɛlɛ a puoru pʋɔ a, nyɩ sàw kɛ́ nyɩ páw ʋ na, ɛ́ nyɩ na páw ʋ na.

Markɩ 13:37

À á ŋá ɩ̃ na yere kʋ̀rɛ nyɩ a, ɩ̃ yere na kʋ̀rɛ a nɩbɛ za: nyɩ bɛr gʋ̃ɔ!»

Luka 11:10

Bʋ̃ʋ n'ʋ vɛ̃, sob nɛ za na zɛlɛ a, ʋ mɩ́ páw na, sob nɛ za na bɔbr a, ʋ mɩ́ nyɛ̃ na, sob nɛ za na kpàwrɛ a pan a, bɛ mɩ́ yuo ʋ na.

Zã 14:13

Bom nɛ za nyɩ na na zɛlɩ a ɩ̃ yúor ƴãw a, ɩ̃ na ɩ na, a ɩ̃ Sãà tʋ̃ɔ́ nyɛ̃ yúor-vɩɛlʋ-danʋ a Bie pʋɔ.

Zã 15:16

Nyɩmɛ bɛ nɛbɛ kaa ír mɛ̃ ɩ, mãa n'ʋ kaa ír nyɩ, ɛ́ ƴãw kɛ́ nyɩ cen tɩ wɔ̃ wɔmɛ, ɛ́ a nyɩ wɔmɛ be kʋralɛ. Lɛ n'a a ɩ̃ Sãà na kʋ̀ nyɩ bom nɛ za nyɩ nãá zɛlɛ a ʋ zie a ɩ̃ yúor ƴãw a.

Zã 15:7

Nyɩmɛ wa lãw nɩ mɛ̃ ɛ́ tɛr a ɩ̃ ƴɛ̀rʋ a, nyɩ zɛlɩ a ʋlɩ bom nɛ nyɩ na bɔbr a, ɛ́ nyɩ na páw ʋ na.

Zã 4:10

A Yeezu tɩ sɔw ʋ na yel: «Fʋ̃ʋ tɩ ɩ mɛ̃ fʋ bãw nɩ a Naaŋmɩn bʋ̃-kʋ̀ra a, nɩ ãa n'ɩ a sob ŋa na yere a fʋ zie: “Kʋ̀ m kʋ̃ɔ ɩ̃ nyũ” a, fʋ̃ʋ n'ʋ nãá nɩ̃ɛ zɛlɩ ʋ, ʋʋ nãá kʋ̀ b'ɩ kʋ̃ɔ na bùle yire a.»

Ʋrɔm 2:7

A bɛlɩ dem na su zu ɩrɛ vla bɔbr'ɩ a yúor-vɩɛlʋ-danʋ nɩ a ƴãwfʋ, nɩ a nyɔ-vʋʋrʋ na be kʋralɛ a, bɛlɛ so a nyɔ-vʋʋrʋ na be kʋralɛ a.

2 Korɛ̃tɩ 6:2

Bʋ̃ʋ n'ʋ vɛ̃, Naaŋmɩn yere na: «A daar na wa ta a, ɩ̃ sàw nɩ a fʋ zɛlʋ, ɛ́ a faafʋ bibir na wa vɩɛ a, ɩ̃ sõw fʋ na.» Ɛcɛ a daar'ɩ à ŋà na ta a, a faafʋ bibir'ɩ à ŋà na vɩɛ a.

Ebre 11:6

Ɛcɛ a sàw-deb bɛ wa ka be a, nɩr kʋ̃ tʋ̃ɔ́ pɛlɩ a Naaŋmɩn pʋɔ ɩ. Bʋ̃ʋ n'ʋ vɛ̃, sob nɛ na tawr pɩɛlɛ a Naaŋmɩn a, a fɛr'a k'ʋʋ sàw de k'aa Naaŋmɩn be na ɛ́ mɩ́ maalɩ a bɛlɩ dem na bɔbr ʋ a.

Ebre 4:16

A na ɩ lɛ a, nyɩ ɩ tɩ bɛr tɩɛrʋ ɛ́ taw ta a Naaŋmɩn naalʋ-dà-kɔw pɛr maalʋ na ʋr a. Tɩ na páw nɩ su-ɓaarʋ ɛ́ nyɛ̃ maalʋ a be, k'aa daar wa ta a, tɩɩm nyɛ̃ sõwfʋ.

Zakɩ 1:5

Ɛcɛ a nyɩ kãw bɛ wa tɛr a yã-bãwfʋ a, ʋ zɛlɩ a yã-bãwfʋ a Naaŋmɩn zie, ʋʋ na kʋ̀ ʋ na. Ʋ mɩ́ tɩr'ɩ daadaa, ɛ́ bɛ tɩrɛ yere nɩ a sob ɛ.

Zakɩ 5:15

A puoru ŋa tɔ na puori nɩ naaŋmɩn-sàw-deb a na faa nɩ a bàal: a Sore na nyɔw ʋ na ʋ lɛb ìr, ɛ́ ʋlɛ wa tɛr yel-bebe a, Naaŋmɩn na dɩ n suur kʋ̀ ʋ.

1 Zã 3:22

Ɛ́ bom za tɩ na zɛlɛ a, tɩ mɩ́ páw ʋ nɩ a ʋ zie, tɩ na sàwr a ʋ nɛ-ƴãwnɩ ɛ́ ɩrɛ a lɛ na pɛlɩ a ʋ pʋɔ a ƴãw.

Yel-wula 2:24

Ɛcɛ, a nyɩɩm na be a Tɩatɩɩr ɛ́ bɛ tu a wul-ziri ŋa pùor, ɛ́ bɛ zànɩ a ʋlɩ bom nɛ a nɩbɛ bɛ ŋa na bʋɔlɛ a “Sɩtaana yel-sɔwlɩ sɔwlɩ” a, ɩ̃ yere nɩ à ŋá kʋ̀rɛ nyɩ: ɩ̃ bɛ lɛb dɔwlɛ nyɩ tuor ƴãw pʋɔ ɩ.