Luka 11:40 - A SƐB-SÕW

⁴⁰ Dãbole bɛ ŋa! A sob nɛ na ír a bome na mɩ́ sãá bɛ nyɛ̃ a, ʋlɛ bɛ n'ʋ mɩ̀ ír a nɩsaal pʋɔ ɩ?

Luka 11:40 ပူးပေါင်းရင်းမြစ်များ

Yele-za-pɛr-tib 1:26

A Naaŋmɩn pãa tɩ yel'a: «Tɩ maalɩ a nɩsaal kɛ̀ tɩ yi taa, ʋ ɩ a tɩ ŋmɛ̃-ta-tɔ, ɛ́ ʋ dɩrɛ naalʋ a kʋ̃ɔ-kpɛ̃ɛ zʋ́mɛ́ zu, a saa-zu lili zu, a yir dʋn zu, a wɛ-dʋn za zu nɩ a bʋ̃-vuri za na vure gʋɔr a tẽw zu a zu!»

Yele-za-pɛr-tib 2:7

A Sore Naaŋmɩn tɩ de nɩ a tẽsɔw tã-buulu mɛ n a nɩsaal, ɛ́ pɛblɩ a nyɔ-vʋʋrʋ pɩɛlʋ ƴãw a ʋ nyɔbɔgɛ pʋɔ, a nɩsaal lɩɛbɩ bʋ̃-vʋʋra.

Sɛb-sõw yielu 14:1

A yiel-yielbɛ nɩ-kpɛ̃ɛ sɛbɛ pʋɔ yielu nɩ Daviir yielu n'ʋ. A dãbole mɩ́ tɩɛrɛ nɩ nɩ bɛ pʋɔ yere: «Naaŋmɩn bɛ ka ɩ!» A nɩbɛ bɛ ŋa sãw nɩ bɛ za, a bɛ ɩ-ɩrɩ bɛ maal'ɩ wob ɛ, been kãw za bɛ ɩrɛ vla ɩ.

Sɛb-sõw yielu 33:15

Ʋlɛ na n'ʋ mɩ́ maalɩ a bɛ been been socir a, ʋ cɛlɛ nɩ a bɛ ɩ-ɩrɩ za zie.

Zʋkpaɩ 1:22

«A nyɩɩm na bɛ bãw bom za a, debor'a nyɩ na nɔ̃w a nyɩ bom bɛ-bãwfʋ tɩ ta? A nyɩɩm nɩ-ɩ-laarbɛ, debor'a nyɩ na ɩ m la tɩ ta? A nyɩɩm dãbole, debor'a nyɩ na zawrɩ a bãwfʋ bɛr tɩ ta?

Zʋkpaɩ 8:5

A nyɩɩm na bɛ bãw bom a, nyɩ zanɩ a maal-ɩb. A nyɩɩm dãbole, nyɩ zanɩ a yã.

Zeremi 5:21

Nyɩ bɛr wõ yel ŋa, nyɩɩm na gem ɛ́ bɛ tɛr yã a. Nyɩ tɛr'ɩ mimie ɛ́ bɛ nyɛrɛ ɩ, nyɩ tɛr'ɩ tobe ɛ́ bɛ wone ɩ.

Zakari 12:1

Ƴɛ̀rʋ a Sore na ƴɛ̀r a Ɩsɩrayɛl ƴãw a. Nyɛ̃ a lɛ a Sore na yere a, ʋl na dɔl a salom a, ʋl na sʋ̃ɔ́ a tẽsɔw pɛr, ɛ́ kʋ̀ a nyɔ-vʋʋrʋ a nɩsaal a:

Sɔr-nɛ́ɛ 16:22

Ɛcɛ a Moyiir nɩ a Aarɔ̃ tɩ lo na vɔblɩ muru ɛ́ yel: «'Woi Naaŋmɩn i, fʋ̃ʋ n'ʋ kʋ̀rɛ a nyɔ-vʋʋrʋ a fʋ bʋ̃-íri za, nɩ-been yõ n'ʋ maalɩ a yel-bier, ɛ́ fʋ na nyɛ̃ nɩ a lãw nɩbɛ za suur ɩ?»

Matie 23:17

Dãbole nɩ zɔn bɛ ŋa! Buor'ʋ ɩ kpɛ̃ɛ zuo: a salm-zɩɛ n'a bɩɩ a Ŋmɩn-yir-kpɛ̃ɛ na ɩ a salm-zɩɛ a lɩɛbɩ bʋ̃-son a n'ʋ?

Matie 23:26

Faarizɩ̃ɛ zɔ̃w i! De niwn pɛ́w a koli-nyúura pʋɔ, lɛ n'a a zikur mɩ̀ na vɩɛl.

Luka 12:20

Ɛcɛ a Naaŋmɩn tɩ yel ʋ na: “Dãbol ŋa! A dɩ̃a tɩ̃ɩsɔw tɔr za, a fʋ nyɔ-vʋʋrʋ na baar'a. À á ŋá fʋ na bɔ gbõ taa a, ãa na so a?”»

Luka 24:25

Lɛ n'a a Yeezu yel bɛ: «Bʋ̃ʋ pãa ɩ nyɩ bɛ tɛr tɩɛrʋ, ɛ́ a nyɩ socie kpɛ vanana a naaŋmɩn-ƴɛ̀r-manbɛ ƴɛ̀rʋ sàwfʋ ƴãw a?

1 Korɛ̃tɩ 15:36

Dãbol nɛ b! A bʋ̃-bir fʋ na mɩ́ bʋ̀r a, ʋlɛ bɛ wa kpi a, ʋ na ɩ n ŋmɩn bul?

Ebre 12:9

Tɩ tɩ tɛr'ɩ a tɩ sãà mɩnɛ a tẽw zu ka, bɛ kpãànɛ tɩ, ɛ́ tɩ ƴãwnɛ bɛ, ɛ́ bɛ nãà yere a tɩ Sãà na be a tẽ-vla pʋɔ a? A fɛr'a kɛ́ tɩ sàwr a ʋ nʋɔr, ʋʋ kʋ̀ tɩ a nyɔ-vʋʋrʋ.