Luka 11:29 - A SƐB-SÕW

²⁹ A zu-sɛbla na tɩ gbone taa a Yeezu zie a, ʋ yel'a kʋ̀ bɛ: «Nɩ-faar'ɩ a dɩ̃a nɩbɛ bɛ ŋa! Bɛ bɔbr'a kɛ́ bɛ nyɛ̃ bãwfʋ na wul a Naaŋmɩn tome a, ɛcɛ bɛ bɛ be za na nyɛ̃ bãwfʋ, a bɛ ɩ a Zonasɩ bãwfʋ ɛ.

Luka 11:29 ပူးပေါင်းရင်းမြစ်များ

Ezekɩɛl 24:24

A Ezekɩɛl ɩ n bãwfʋ a nyɩ zie. Nyɩ na ɩ n a lɛ tɔr za ʋ na ɩ a. Ɛ́ a yele wa ta a, nyɩ na bãw na kɛ́ mãa n'ɩ a Sore Naaŋmɩn.”»

Zonasɩ 1:1

Bibir kãw, a Sore tɩ yel'ɩ a Amitaɩ bidɛb Zonasɩ:

Matie 3:7

A Zã na tɩ nyɛ̃ Faarizɩ̃ɛ mɩnɛ nɩ Sadiseyɛ̃ mɩnɛ yaga bɛ waar a suob deb a ʋ zie a, ʋ yel bɛ na: «Dɔpan bʋʋrɛ bɛ ŋa! Ãa n'ʋ wul nyɩ a lɛ nyɩ na na ɩ nɩɩrɩ a Naaŋmɩn ƴɛ̀rʋ-maalʋ suur na waar a bɛr?

Markɩ 8:38

Nɩr wa zɔrɛ a mãa nɩ a ɩ̃ ƴɛ̀r-bie vĩ, a dɩ̃a nɩbɛ sɔgɔ na bɛ tu Naaŋmɩn ɛ́ ɩrɛ ɩ-faar a, a Nɩsaal Bie mɩ̀ na zɔ n a sob nɛ vĩ, a lɛn daar ʋ nãà wa wa a ʋ Sãà yúor-vɩɛlʋ-danʋ pʋɔ, ʋlɛ nɩ a malkɩ son a.»

Luka 11:16

Bɛ mɩnɛ na tɩ bɔbr kɛ́ bɛ ɩ ʋ kaa a, tɩ yel ʋ na k'ʋʋ maalɩ yel na ɩ bãwfʋ sãá a, wul kɛ́ Naaŋmɩn zie n'a ʋ yi wa.

Luka 11:50

À ŋá n'a a tu, kɛ́ Naaŋmɩn tʋ̃ɔ́ kʋ̀ dɔwrʋ a dɩ̃a nɩbɛ bɛ ŋa, a naaŋmɩn-ƴɛ̀r-manbɛ bɛl za a bɛ sãàkʋm-kore na kʋ a tẽw pɛr-tib daar wa tɔ a dɩ̃a a ƴãw,

Luka 12:1

A lɛn daar, a zu-sɛbla tɩ ɓã n taa a Yeezu zie bɛ dɩ vuo ɩ, tɩ nɛbr taa. Ʋ tɩ tĩ na yel a ʋ po-tuurbɛ: «Nyɩ gù nyɩ tʋɔra a Faarizɩ̃ɛ mɩnɛ dãbɩl ƴãw, a pɛr lɛ kɛ́ a bɛ nɩsaal-libelibe ƴãw.

Luka 9:41

A Yeezu tɩ sɔw na: «Nɩsaal-faar bɛ ŋa, nɩ nɩbɛ na bɛ sàw de Naaŋmɩn a! Debor'a ɩ̃ na cãà be a nyɩ zie tɩ ta? Debor'a ɩ̃ na cãà wõ n nyɩ a tuo tɩ ta? Tɛr a fʋ bie wa n a ka.»

Zã 2:18

Ɛcɛ a Zifʋ mɩnɛ tɩ sowr'ʋ na: «Yel-na-ɩ-bãwfʋ-sãá-a buor sob'ʋ fʋ na tʋ̃ɔ́ maalɩ wul tɩ kɛ́ fʋ tɛr'ɩ sɔ́r na ɩrɛ à à ŋá?»

Zã 6:30

Ɛ̀ bɛ lɛb sowr'ʋ: «Yel-na-ɩ-bãwfʋ-sãá-a buor sob'ʋ fʋ na maalɩ kɛ̀ tɩ tʋ̃ɔ́ nyɛ̃, ɛ́ sàw de a fʋ yele? Tõ-buor'ʋ fʋ na tõ?

Zã 8:44

Gɛgɛra n'ɩ a nyɩ sãà, ɛ́ nyɩ bɔbr a nyɩ sãà pʋ-tɩɛrʋ maalʋ. A pɛr-tib daar za n'a ʋ ɩ nɩ-kʋrɛ: ʋ bɛ dãw be yel-mɩŋa pʋɔ ɩ, yel-mɩŋa bɛ ka a ʋ pʋɔ ɩ. Ʋlɛ wa ŋmarɛ a ziri a, a ʋ dem mɩ́ n'a, ʋ na ɩ zir-ŋmarɛ nɩ a ziri sãà a ƴãw.

1 Korɛ̃tɩ 1:22

A Zifʋ mɩnɛ zɛlɛ nɩ yele na ɩ bãwfʋ sãá a, ɛ́ a Gɩrɛkɩ mɩnɛ bɔbr yã-bãwfʋ.