Luka 11:13 - A SƐB-SÕW

¹³ A lɛ pʋɔ, nyɩɩm na ɩ nɩ-faar a, nyɩmɛ wa bãw bʋ̃-vɩɛlɩ mɩ́ kʋ̀ a nyɩ bibiir a, ŋmɩŋmɩn za n'a a nyɩ Sãà na be a tẽ-vla pʋɔ a, kʋ̃ kʋ̀ a Vʋʋrʋ Sõw a bɛlɩ dem na zɛlɛ ʋ a?»

Luka 11:13 ပူးပေါင်းရင်းမြစ်များ

Yele-za-pɛr-tib 8:21

A Sore tɩ wõ n a nyũu na nyu vla a, ɛ́ tɩɛr ʋ pʋɔ: «Ɩ̃ bɛ be za na lɛb ŋmɛ ƴãw a tẽsɔw a nɩsaal ƴãw ɛ. Sɩza n'a, a nɩsaal pɔ̀lʋ daarɩ́ za n'a a ʋ socir mɩ́ tu a faa pùor, ɛcɛ ɩ̃ bɛ be za na lɛb dɔwrɩ bʋ̃-vʋʋra za mɛ̃ à à ŋá ɩ̃ na ɩ a ɩ.

Sɛb-sõw yielu 51:5

Ɩ̃ bɛ sàw a fʋ nʋɔr ɛ, ɩ̃ bãwnɩ a na, a ɩ̃ yel-bier'ɩ ŋan a ɩ̃ niŋé kʋralɛ.

Zʋkpaɩ 1:23

Nyɩ bɛrɛ wone a gɔ́b ɩ̃ na gɔnɛ nyɩ a. Lɛ n'a ɩ̃ na bɛr a ɩ̃ vʋʋrʋ ʋ siw a nyɩ zu ɩ kɛ̀ nyɩ bãw a ɩ̃ ƴɛ̀rʋ.

Ɩzayi 49:15

Ɛcɛ a Sore sɔwr'a: Pɔw mɩ́ yiir'ɩ a bie ʋ na ƴɛnɛ a bɛr ɩ? Ʋ mɩ́ yiir'a na tɛr nɔ̃wfʋ a ʋ pʋɔ bʋ̃-dɔwra ƴãw ɩ? Ʋlɛ saa na yiiri a, mãa kʋ̃ yiiri fʋ bɛr towtow ɛ.

Ezekɩɛl 36:27

Ɩ̃ na ƴãw nyɩ nɩ a ɩ̃ Vʋʋrʋ. À ŋá n'a ɩ̃ na ɩ kɛ̀ nyɩ tʋ̃ɔ́ sàwr a ɩ̃ nɛ́ɛ, ɛ́ tɛr a tub ɩ̃ na ƴãw kʋ̀ nyɩ a tuur.

Matie 5:16

Lɛ mɩ̀ n'a, a nyɩ cãà, ʋ caalɛ a nɩsaalbɛ, kɛ̀ bɛ tʋ̃ɔ́ nyɛrɛ a nyɩ ɩ-vɩɛlɩ ɛ́ íre a nyɩ Sãà na be a tẽ-vla pʋɔ a yúor-vɩɛlʋ-danʋ.»

Matie 5:45

Lɛ n'a nyɩ na sɩrɩ ɩ a nyɩ Sãà na be a tẽ-vla pʋɔ a bibiir. Bʋ̃ʋ n'ʋ vɛ̃, ʋ mɩ́ ɩ n a ʋ mʋ̃tɔ̃w pur a po-to-dem nɩ a nɩ-vɩɛlɩ ƴãw, ɛ́ ɩ a saa mĩ kʋ̀ a nɩ-mɩn nɩ a bɛlɩ dem na bɛ ɩ nɩ-mɩn a.

Matie 6:14

Sɩza n'a, nyɩmɛ mɩ́ wa dɩ a nɩsaalbɛ sãwna suur kʋ̀ bɛ a, a nyɩ Sãà na be a tẽ-vla pʋɔ a, mɩ̀ na mɩ́ dɩ n a nyɩ sãwna suur kʋ̀ nyɩ.

Matie 6:30

A Naaŋmɩn mɩ́ wa su a póru pʋɔ mʋ̃ɔ à ŋá a, al na mɩ́ be dɩ̃a ɛ́ bio bɛ na lɔb a ƴãw vũumí a, ʋ na ɩ n ŋmɩn kʋ̃ su nyɩ vla zuo lɛ, nyɩɩm a naaŋmɩn-sàwfʋ na bɛ saalɩ a!

Matie 6:32

Tɩbɛ dem nɛbɛ mɩ́ bɔbr à á ŋá za kʋralɛ. Ɛcɛ a nyɩ Sãà na be a tẽ-vla pʋɔ a, bãwnɩ a na nyɩ na tɛr à á ŋá za yel-ɩra a.

Matie 7:11

A nyɩɩm na ɩ nɩ-faar a, nyɩmɛ wa bãw bʋ̃-vɩɛlɩ mɩ́ kʋ̀ a nyɩ bibiir a, ŋmɩŋmɩn za n'a a nyɩ Sãà na be a tẽ-vla pʋɔ a, kʋ̃ kʋ̀ bʋ̃-vɩɛlɩ zuo lɛ, a bɛlɩ dem na zɛlɛ ʋ a?

Luka 11:12

Bɩɩ ʋ na zɛlɛ nɔ̃-jɛl, ʋ kʋ̀ ʋ nãw?

Luka 11:2

A Yeezu tɩ sɔw bɛ na yel: «Nyɩmɛ mɩ́ wa puore a, nyɩɩm yel: “Tɩ Sãà a, a nɩbɛ za, bɛ bãw kɛ́ fʋ̃ʋ n'ɩ a Naaŋmɩn na ɩ sõw a, a fʋ naalʋ, ʋ wa.

Luka 18:7

Ɛ́ a Naaŋmɩn ʋl kʋ̃ wul a ʋ nɩ-kaa-íri yel-mɩŋa ɩ, bɛl na kone cɔwr ʋ mʋ̃tɔ̃w nɩ tɩ̃ɩsɔw za a? Ʋ na cɛlɩ nɩ a bɛ sõwfʋ ƴãw bɩɩ?

Zã 4:10

A Yeezu tɩ sɔw ʋ na yel: «Fʋ̃ʋ tɩ ɩ mɛ̃ fʋ bãw nɩ a Naaŋmɩn bʋ̃-kʋ̀ra a, nɩ ãa n'ɩ a sob ŋa na yere a fʋ zie: “Kʋ̀ m kʋ̃ɔ ɩ̃ nyũ” a, fʋ̃ʋ n'ʋ nãá nɩ̃ɛ zɛlɩ ʋ, ʋʋ nãá kʋ̀ b'ɩ kʋ̃ɔ na bùle yire a.»

Nɩ-toni 2:38

A Pɩɛr tɩ yel bɛ na: «Nyɩ lɩɛbɩ a nyɩ ɩb, ɛ́ ŋa za mɩ́ de a suob a Yeezu Kɩrɩta yúor ƴãw, a nyɩ yel-bebe suur páwfʋ ƴãw, ɛ́ nyɩ na páw nɩ a Naaŋmɩn maalʋ na ɩ a Vʋʋrʋ Sõw a.

Ʋrɔm 5:17

Nɩ-been yõ ƴãw sɩrɩ n'a, nɩ-been yõ sãwna n'a so a kũu dɩ naalʋ, ɛcɛ a Yeezu Kɩrɩta, ʋ yõ ƴãw a, a bɛlɩ dem na páwr a Naaŋmɩn maalʋ yaga za a, nɩ a maalʋ na ɩ kɛ́ bɛ lɩɛbɩ nɩ-mɩn a, na vʋʋrɛ na ɛ́ dɩrɛ naalʋ zuo lɛ.

Ʋrɔm 7:18

Bʋ̃ʋ n'ʋ so, ɩ̃ bãwnɩ a na a vla na bɛ be a ɩ̃ zie a, a pɛr lɛ k'aa bãbàal ŋa ɩ̃ na ɩ a. Yel-mɩŋa n'a, a vla maalʋ tɩɛrʋ be n a ɩ̃ zie, ɛcɛ a maalʋ fãw bɛ ka be ɩ.

Ʋrɔm 8:32

Ʋ bɛ jɩɩrɩ a ʋl mɩŋa Bie bɛr ɛ, ʋ nɩ̃ɛ na de ʋ tɩr bɛ kʋ a tɩ za ƴãw: ŋmɩŋmɩn za n'a ʋ kʋ̃ kʋ̀ tɩ bom za zawla lãwnɩ a ʋ Bie?

Títɩ̀ 3:3

Bʋ̃ʋ n'ʋ vɛ̃, a tɩɩm, tɩ mɩ̀ tɩ dãw na ɩ dãbole nɩ bɛ-wonbɛ, nɩ-bɔrɩ na ɩ yel-bɔbrɩ bʋʋrɛ za nɩ nʋ̃ɔ̀-faa bʋʋrɛ za gbãgbaar a, nɩbɛ na kpɛ po-tuo nɩ nyuur a. Tɩ tɩ kpɛ n faa bɛ dɩ vuo ɩ, ɛ́ hɩ̃ɛn taa.