Luka 10:27 - A SƐB-SÕW

²⁷ A sob nɛ tɩ sɔw na: «“Fʋ na nɔnɛ nɩ a Sore fʋ Naaŋmɩn nɩ a fʋ socir za, nɩ a fʋ sɩ́ɛ za, nɩ a fʋ fãw za nɩ a fʋ tɩɛrʋ za”, ɛ́ “nɔnɛ a fʋ tɔ sob mɛ̃ a fʋ mɩŋa a.”»

Luka 10:27 ပူးပေါင်းရင်းမြစ်များ

Levitɩ mɩnɛ 19:18

Nyɩ taa yáarɛ yel-faa san ɛ, ɛ́ taa tɛrɛ nɩ a nyɩ tẽ-bi-taabɛ pʋ-bier ɛ. Ɛcɛ ŋa za n'ʋ a fɛr k'ʋʋ nɔnɛ a ʋ tɔ sob mɛ̃ a ʋl mɩŋa a. Mãa n'ɩ a Sore.»

Matie 19:19

ƴãwnɛ fʋ sãà nɩ fʋ mã, ɛ́ nɔnɛ fʋ tɔ mɛ̃ a fʋ mɩŋa a.»

Luka 10:26

A Yeezu yel ʋ: «Bʋ̃ʋ n'ʋ bɛ sɛb a Naaŋmɩn wulu sɛbɛ pʋɔ? Bʋ̃ʋ n'ʋ fʋ mɩ́ kanɩ a ʋ pʋɔ?»

Ʋrɔm 13:9

A Naaŋmɩn nɛ-ƴãwnɩ á ŋá: «Ta maalɩ pɔw-gaa-yel-bier, ta kʋ nɩr, ta zu bom, ta tɩɛrɛ kɛ́ fʋ̃ʋ nãá so a fʋ tɔ bom», nɩ a Naaŋmɩn nɛ-ƴãwnɩ al za na cɛ a, a za tuor'ɩ taa be a Naaŋmɩn nɔ-ƴãwna ŋa yõ pʋɔ: «Fʋ na nɔnɛ nɩ a fʋ tɔ sob mɛ̃ a fʋ mɩŋa a.»

Galasi 5:13

Yɛbr i, a nyɩɩm a, a tʋɔra-sob ƴãw n'a bɛ bʋɔlɩ nyɩ. Ɛcɛ nyɩ taa wa yel kɛ́ a tʋɔra-sob ŋa ƴãw ɛ́ tuur a nyɩ nɩsaal yel-bɔbrɩ na bɛ vɩɛl a ɩ. Nyɩ nɩ̃ɛ mɩ́ kaarɛ taa zie a nɔ̃wfʋ zũú.

Wulu-ayi-sob 10:12

Ƴɛrɛŋa a, Ɩsɩrayɛl nɩbɛ ɛ, bʋ̃ʋ n'ʋ a Sore nyɩ Naaŋmɩn gùre a nyɩ zie? A ʋlɩ bom nɛ tɛwr ʋ na gùre a, ʋlɛ n'ɩ kɛ́ nyɩ zɔrɛ ʋ, maalɛ a ʋ pʋ-tɩɛrʋ, nɔnɛ ʋ, ɛ́ tone a ʋ tome nɩ a nyɩ pʋɔ za, nɩ a nyɩ sɩ́ɛ za.

Wulu-ayi-sob 30:6

A Sore nyɩ Naaŋmɩn na ír'ɩ nyɩɩm nɩ a nyɩ bʋʋrɛ socie dɛwr bɛr, kɛ́ nyɩ tʋ̃ɔ́ nɔnɛ ʋ nɩ a nyɩ pʋɔ za, nɩ a nyɩ sɩ́ɛ za. Lɛ n'a nyɩ na tʋ̃ɔ́ vʋʋrɛ.

Wulu-ayi-sob 6:4

«Nyɩ wone, Ɩsɩrayɛl bʋʋrɛ ɛ, a Sore tɩ Naaŋmɩn n'ɩ a Sore been yõ.

Wulu-ayi-sob 6:5

Fʋ na nɔnɛ nɩ a Sore fʋ Naaŋmɩn nɩ a fʋ pʋɔ za, nɩ a fʋ sɩ́ɛ za, nɩ a fʋ fãw za.

Ebre 8:10

A Sore yere na, a Wõ-taa n'ɩ ŋa ɩ̃ na na maal'ɩ a Ɩsɩrayɛl nɩbɛ, a bibie al pùorí a: Ɩ̃ na ƴãw nɩ a ɩ̃ Wulu a bɛ tɩɛrʋ pʋɔ, ɩ̃ na sɛb ʋ na ƴãw a bɛ socie pʋɔ. Ɩ̃ na ɩ n a bɛ Naaŋmɩn, ɛ́ bɛ ɩ a ɩ̃ nɩbɛ.

Zakɩ 2:8

Nyɩmɛ wa sɩrɩ sàwr a Nãà ŋa nʋɔr mɛ̃ a lɛ a Sɛb-sõw na yel a: «Fʋ na nɔnɛ nɩ a fʋ tɔ sob mɛ̃ a fʋ mɩŋa a», nyɩ ɩrɛ nɩ vla.

1 Zã 3:18

Ɩ̃ bibiir i, nyɩ ta ɩ tɩ nɔnɛ nɩ nʋɔr nɩ ƴɛ̀r-vɩɛlɩ tɛwr ɛ, nyɩ ɩ a tɩ nɔ̃wfʋ sãá a tɩ ɩ-ɩrɩ pʋɔ ɛ́ tu a yel-mɩŋa.