Luka 10:22 - A SƐB-SÕW

²² «A ɩ̃ Sãà de nɩ bom za ƴãw a ɩ̃ nũú, ɛ́ nɩr za bɛ bãw ãa n'ɩ a Bie a bɛ ɩ a Sãà n'ʋ ɛ, mɛ̃ nɩr za na bɛ bãw ãa n'ɩ a Sãà a bɛ ɩ a Bie n'ʋ a, nɩ sob nɛ a Bie na sàw wul a.»

Luka 10:22 ပူးပေါင်းရင်းမြစ်များ

Matie 11:25

A lɛn daar, a Yeezu tɩ de nɩ a ƴɛ̀rʋ yel: «Ɩ̃ danɛ fʋ na, ɩ̃ Sãà a, salom nɩ tẽw za Sore e, fʋ na sɔwlɩ a yele á ŋá a yã-bãwnbɛ nɩ a bãw-bãwnbɛ zie, ɛ́ wul a a bibi-cãpili a.

Matie 11:27

A ɩ̃ Sãà de nɩ bom za kʋ̀ m. Nɩr za bɛ bãw a Bie a bɛ ɩ a Sãà n'ʋ ɛ, ɛ́ nɩr za bɛ bãw a Sãà a bɛ ɩ a Bie n'ʋ ɛ, nɩ ʋlɩ sob a Bie na bɔbr wul ʋ bãw a.

Matie 28:18

A Yeezu tɩ taw na pɩɛlɩ bɛ ɛ́ ƴɛ̀r a bɛ zie à ŋá: «Naaŋmɩn kʋ̀ m'ɩ fãw za a salom zu nɩ a tẽw zu.

Zã 1:18

Nɩr za bɛ dãw nyɛ̃ a Naaŋmɩn ɛ, ɛcɛ a Bi-been, na ɩ Naaŋmɩn be a Sãà zie a, ʋlɛ n'ʋ ɩ kɛ́ tɩ bãw ʋ.

Zã 10:15

mɛ̃ a lɛ a ɩ̃ Sãà na bãw mɛ̃ ɩ̃ɩ bãw a ɩ̃ Sãà a. Ɩ̃ɩ dier'ɩ a ɩ̃ nyɔ-vʋʋrʋ tɩrɛ a ɩ̃ píir ƴãw.

Zã 13:3

ɛ́ a Yeezu mɩ̀ tɩ bãw kɛ́ a ʋ Sãà de nɩ bom za ƴãw a ʋ nuru pʋɔ a, k'ʋʋ yi n a Naaŋmɩn zie wa ɛ́ lɛb cere a Naaŋmɩn zie a,

Zã 17:10

ɩ̃ɩ bʋ̃-sora za ɩ n fʋ bʋ̃-sora, mɛ̃ a lɛ fʋ bʋ̃-sora za na ɩ ɩ̃ bʋ̃-sora a, ɩ̃ɩ nyɛ̃ nɩ yúor-vɩɛlʋ-danʋ a bɛ ƴãw.

Zã 17:2

Lɛ n'a ʋ na kʋ̀ a nyɔ-vʋʋrʋ na be kʋralɛ a a bɛlɩ dem za fʋ na de kʋ̀ ʋ a, a fãw fʋ na kʋ̀ ʋ bʋ̃-vʋʋra za zu a ƴãw.

Zã 17:26

Ɩ̃ ɩ na kɛ̀ bɛ bãw a fʋ yúor, ɛ́ na cãà ɩ bɛ bãw ʋ: a nɔ̃wfʋ ʋl fʋ na nɔ̃w mɛ̃ a, ʋ tʋ̃ɔ́ be a bɛ zie, ɩ̃ɩ mɩ̀ be a bɛ zie.»

Zã 17:5

Ƴɛrɛŋa a, pãa ɩ ɩ̃ nyɛ̃ yúor-vɩɛlʋ-danʋ a fʋ zie, ɩ̃ Sãà a, a yúor-vɩɛlʋ-danʋ ʋl ɩ̃ na tɩ tɛr a fʋ zie, ɛ́ fʋ bɛ ír a tẽ-daa sɛr a.

Zã 3:35

A Sãà nɔnɛ nɩ a Bie, ɛ́ de bom za ƴãw a ʋ nuru pʋɔ.

1 Korɛ̃tɩ 15:24

Al pùorí, a yele za nʋɔr na kʋ na, a lɛn daar a Kɩrɩta nãà wa sãw nɩ-kpɛ̃ɛnʋ dɩb za bɛr a, sãw fãw za nɩ kpɛ̃w bʋʋrɛ za bɛr ɛ́ de a naalʋ kʋ̀ a Naaŋmɩn Sãà a.

2 Korɛ̃tɩ 4:6

Bʋ̃ʋ n'ʋ vɛ̃, a Naaŋmɩn ʋl na yel kɛ́: «A cãà, ʋ caalɩ a lige sɔgɔ a», ʋl mɩŋa n'ʋ caalɩ a tɩ socie pʋɔ, k'ʋʋ ɩ tɩ bãw a ʋ yúor-vɩɛlʋ-danʋ cãà na caalɛ a Kɩrɩta niwn ƴãw a.

Efɛɛzɩ 1:21

do gãw a naalʋ-dɩb za, fãw za, kpɛnʋ za nɩ zie sób za, nɩ bom za na tɛr yúor bɛ pore a dɩ̃a zie ŋa pʋɔ nɩ a nɩdaar zie pʋɔ a.

Ebre 2:8

fʋ dĩ nɩ bom za bin a ʋ pile.» A Naaŋmɩn wa ƴãw a nɩsaal dɩ naalʋ bom za zu a, ʋ bɛ cɛ bom bɛr a nɩsaal na bɛ dɩ naalʋ a ʋ zu a ɩ. Ɛcɛ a ƴɛrɛŋa a, tɩ bɛ nyɛ̃ k'aa nɩsaal dɩ n naalʋ bom za zu sɛr ɛ.

1 Zã 5:20

Tɩ bãw na kɛ́ a Naaŋmɩn Bie wa na wa kʋ̀ tɩ a yã kɛ́ tɩ bãw a Naaŋmɩn-sɩza. Tɩ lãw nɩ nɩ a Naaŋmɩn-sɩza a ʋ Bie Yeezu Kɩrɩta ƴãw. Ʋlɛ n'ɩ a Naaŋmɩn-sɩza nɩ a nyɔ-vʋʋrʋ na be kʋralɛ a.

2 Zã 1:9

Nɩsaal za na bɛ tɛr a Kɩrɩta wulu, ɛ́ mɩ́ wul col'ɩ a, ʋ bɛ lãw nɩ a Naaŋmɩn ɛ. Sob nɛ na mɩ́ tɛr a wulu ŋa a, ʋ lãwnɩ nɩ a Sãà nɩ a Bie.