Luka 10:2 - A SƐB-SÕW

² Ʋ tɩ yel bɛ na: «A bʋ̃-dieri na sɛw deb a yãwmɛ nɩ sɩza, ɛ́ a tõ-tõ-biir bɛ zɛ̃ bom ɛ. Nyɩ zɛlɩ a púo sob ʋ ƴãw tõ-tõ-biir bɛ cen tɩ de a bome.

Luka 10:2 ပူးပေါင်းရင်းမြစ်များ

1 Na-mɩnɛ 18:22

A Eli tɩ lɛb'a yel: «Ɩ̃ cɛ nɩ ɩ̃ yõ ɩ a Sore ƴɛ̀r-manɛ, ɛ́ a Báàl ƴɛ̀r-manbɛ ɩ kɔbr anaar dɔwlɩ lɩz'a ayi nɩ pie (450).

Sɛb-sõw yielu 68:11

A fʋ tẽw pʋɔ n'a a fʋ nɩbɛ zɩ̃. Naaŋmɩn i, fʋ̃ʋ na ɩ nɩ-vla a, fʋ̃ʋ n'ʋ cɔbrɩ a tẽw ŋa a bãbàalbɛ ƴãw.

Zeremi 3:15

Ɩ̃ na kʋ̀ nyɩ nɩ cɩ̃ɩnbɛ na pɛlɩ a ɩ̃ pʋɔ a. Bɛ na kaarɛ nyɩ na nɩ yã nɩ yã-bãwfʋ.

Zakari 11:17

Baw-bio sob'ɩ a pi-cɩ̃ɩn-dãbol sob na zawrɛ a ʋ píir bɛrɛ a! A ʋ kpãkpãw nɩ a ʋ dʋrʋ mimir, a sãw a zɛbr zie! A ʋ kpãkpãw ʋ kpi ʋ za, a ʋ dʋrʋ mimir, ʋ ta cãà nyɛrɛ towtow ɛ!

Zakari 11:5

A bɛlɩ dem na mɩ́ dà a, mɩ́ ŋmãa a nɩ a kɔkɛɛ ɛ́ bɛ tɩɛrɛ kɛ́ bɛ maal'ɩ faa ɩ, ɛ́ a bɛlɩ dem na mɩ́ kʋɔrɩ a a yere: “Tɩ puori a Sore yãanɩ, tɩ kpɛ n naalʋ!” A cɩ̃ɩnbɛ tɛɛ za bɛ mɩ́ zɔrɛ a nɩbaalʋ ɛ.

Sɔr-nɛ́ɛ 11:17

Ɩ̃ na siw na wa ƴɛ̀r'ɩ fʋ a be. Ɩ̃ na ɩ n a vʋʋrʋ na be a fʋ pʋɔ a blã ƴãw bɛ. Lɛ n'a bɛ na mɩ́ lãw nɩ fʋ tuo a nɩbɛ bɛ ŋa kaafʋ na ɩ tuor a, fʋ kʋ̃ cãà ɩ fʋ yõ tuore ɩ.

Sɔr-nɛ́ɛ 11:29

A Moyiir tɩ sɔw ʋ na: «Fʋ lɩɛr'ɩ a ɩ̃ nyuur kpɛb zie kpɛ bɩɩ? A Sore nãá kʋ̀ a ʋ vʋʋrʋ a Ɩsɩrayɛl nɩbɛ za, bɛ za lɩɛbɩ naaŋmɩn-ƴɛ̀r-manbɛ!»

Matie 20:1

«A tẽ-vla Naalʋ sɩrɩ na ŋmɛ̃ mɛ̃ yir sob kãw na tɩ yi biɓaar-sɛ̃́w, k'ʋʋ tɩ de tõ-tõ-biir ƴãw bɛ cen a ʋ divɛ̃ tɩɩr púo pʋɔ a.

Markɩ 13:34

A na ŋmɛ̃ na mɛ̃ nɩr na yire yɔb a: ʋ yi na ɛ́ de a yir kʋ̀ a ʋ tõ-tõ-biir, ɛ́ wul a bɛ za been been a bɛ tome, ɛ́ ƴãw nʋɔr kʋ̀ a dɩ̃dɔ-gùre k'ʋʋ bɛr gʋ̃ɔ.

Markɩ 16:15

Al pùorí, ʋ tɩ yel bɛ na: «Nyɩ cen a tẽ-daa za zu tɩ hiere a Yel-nʋ̃ɔ̀ kʋ̀rɛ a bʋ̃-íri za.

Markɩ 16:20

A ʋ Nɩ-toni tɩ cen na tɩ hiere a Yel-nʋ̃ɔ̀ a ziir za. A Sore tɩ lãwnɩ bɛ na tone, ɛ́ mɩ́ wul kɛ́ a Yel-nʋ̃ɔ̀ ƴɛ̀rʋ ɩ n sɩza, a nɔ-ɓãa-yele na tɩ maalɛ pʋɔ a ƴãw.]

Luka 9:1

A Yeezu tɩ bʋɔl'ɩ a nɩ-toni pie nɩ ayi ɓã taa, ɛ́ kʋ̀ bɛ fãw nɩ sɔ́r kɛ́ bɛ diwr'ɩ a kɔ̃tɔmɛ za ɛ́ sanɛ a bàalʋ.

Nɩ-toni 11:19

A dɔwrʋ na tɩ wa a Ɩtɩɛn kũu daar a, tɩ ɩ na a sàw-dierbɛ zɔ yaarɩ, bɛ mɩnɛ zɔ tɩ sãá Fenisi, Sɩɩpʋr nɩ Ãtɩɔsɩ. Ɛcɛ a ten á ŋá pʋɔ a, Zifʋ mɩnɛ tɛwr zie n'a bɛ tɩ hiere a Naaŋmɩn ƴɛ̀rʋ.

Nɩ-toni 13:2

Bibir kãw bɛ na tɩ ɓã taa puore a Sore, tɛr'ɩ mʋta-tuo a, a Vʋʋrʋ Sõw tɩ yel bɛ na: «Nyɩ ír a Banabasɩ nɩ a Sol bɛr mɛ̃: ɩ̃ bʋɔlɩ bɛ nɩ tõ-nʋɔr kãw ƴãw.»

Nɩ-toni 13:4

A Vʋʋrʋ Sõw na tɩ tõ a Banabasɩ nɩ a Sol à à ŋá a, bɛ tɩ cen nɩ Selesi tɩ kpɛ gbor a be cere Sɩɩpʋr na tɩ be a kʋ̃ɔ-kpɛ̃ɛ sɔgɔ a.

Nɩ-toni 20:28

Nyɩ kaarɛ nyɩ tʋɔra zie vla lãwnɩ a Naaŋmɩn Lãw-yir, a Vʋʋrʋ Sõw na ƴãw kɛ́ nyɩ gùre a. Nyɩ kaarɛ a Naaŋmɩn Lãw-yir zie vla. A ʋ zɩ̃ɩ tɔr za n'a ʋ páw nɩ a Lãw-yir ŋa.

Nɩ-toni 22:21

Ɛcɛ ʋ tɩ yel mɛ̃ na: “Cere, zi-zãána nɩ-bʋʋr-yoru zie n'a mãa na tõ fʋ.”»

Nɩ-toni 8:4

A bɛl na tɩ zɔ yaarɩ a tɩ cɔlɛ na hiere a Yel-nʋ̃ɔ̀.

1 Korɛ̃tɩ 12:28

A bɛlɩ dem na be a Lãw-yir pʋɔ a, à ŋá n'a a Naaŋmɩn cɔbrɩ bɛ ƴãw: a de niwn sob a, a nɩ-toni nɛbɛ, a ayi sob a, a naaŋmɩn-ƴɛ̀r-manbɛ, ɛ́ a ata sob ɩ a wul-wulbɛ, al pùorí, a bɛlɩ dem na tɛr a nɔ-ɓãa-yele maalʋ fãw a, al pùorí a bɛl na tɛr a bàalbɛ sanʋ maalʋ a, a nɩbɛ sõwfʋ nɩ a nɩbɛ kaafʋ maalʋ a, nɩ a bɛl na tɛr a ƴɛ̀rʋ nɩr na bɛ wone a fãw a.

1 Korɛ̃tɩ 15:10

Naaŋmɩn maalʋ n'a so ɩ̃ ŋmɛ̃ à à ŋá ɩ̃ na ŋmɛ̃ a, ɛ́ a ʋ maalʋ a ɩ̃ zie bɛ ɩ zawla ɩ. Ɩ̃ nɩ̃ɛ na tõ zuo bɛ za: mãa bɛ n'ʋ ɛ, a Naaŋmɩn maalʋ na be a ɩ̃ zie a n'ʋ.

2 Korɛ̃tɩ 6:1

Ɛ́ tɩ na lãw nɩ a Naaŋmɩn tone a, tɩ zɛlɛ nyɩ na kɛ́ nyɩ ta bɛr a ʋ maalʋ nyɩ na páw a lo tẽw wɛ ɩ.

Filib 2:21

bɛ za tɩɛrɛ nɩ a bɛl tɛwr yele, ɛ́ bɛr a Yeezu Kɩrɩta dem.

Filib 2:25

Ɛcɛ, ɩ̃ nyɛ̃ na a sɛw k'ɩ̃ɩ lɛb bɛr a tɩ yɛb Epafoditɩ kʋ̀ nyɩ, ʋ ɩ n a ɩ̃ lãw-tõ-tɔ, ɛ́ lãw nɩ mɛ̃ a zɛbr pʋɔ, ʋl nyɩ na tɩ tɩr kʋ̀ m k'ʋʋ sõwne mɛ̃, a lɛn daar ɩ̃ na tɩ bɔbr ʋ a.

Filib 2:30

ʋ na tɩ cɛ blã na kpi a Kɩrɩta tome ƴãw a. Ʋ sàw nɩ a kũu, k'ʋʋ lɩɛrɩ nyɩ tõ a tome nyɩɩm mɩŋa nãá kʋ̃ʋ tʋ̃ɔ́ tõ a ɩ̃ ƴãw a.

Kɔlɔsɩ 1:29

À á ŋá ƴãw n'a ɩ̃ tone ɛ́ mʋɔr nɩ a fãw ɩ̃ na páw a Yeezu Kɩrɩta zie, ɛ́ a fãw ŋa tone a ɩ̃ pʋɔ kpɛ̃w kpɛ̃w za a.

Kɔlɔsɩ 4:12

A Epafarasɩ na ɩ a nyɩ nɩr a, ʋ mɩ̀ puore nyɩ na. A Yeezu Kɩrɩta tõ-tõ-bie ŋa tʋlɛ nɩ a puoru ƴãw, puore kʋ̀rɛ nyɩ kʋralɛ, kɛ́ nyɩ tʋ̃ɔ́ tɛ nyɩgɛ ɛ́ bɩ nɩbɛ baar a Kɩrɩta sɔ́r pʋɔ, maalɛ a Naaŋmɩn pʋ-tɩɛrʋ za.

1 Tesalonikɩ 2:9

Yɛbr i, nyɩ lɛb tɩɛrɩ a tɩ kpɩɛrʋ nɩ a tɩ bàlʋ: tɩ tɩ tone nɩ mʋ̃tɔ̃w nɩ tɩ̃ɩsɔw za, ɛ́ cãà hiere a Yel-nʋ̃ɔ̀ kʋ̀rɛ nyɩ, kɛ́ nyɩ kãw za ta bàlɛ ʋ tʋɔra a tɩ ƴãw ɛ.

1 Tesalonikɩ 5:12

Yɛbr i, tɩ zɛlɛ nyɩ na, nyɩ ƴãwnɛ a bɛlɩ dem na hanɛ a nyɩ sɔgɔ, ɛ́ a Sore mɩ́ ƴãw bɛ kaarɛ a nyɩ zie ɛ́ kpãanɛ nyɩ a.

2 Tesalonikɩ 3:1

Lɛb waar mɩ̀, yɛbr i, nyɩ puore kʋ̀rɛ tɩ, k'aa Sore ƴɛ̀rʋ yɛ̀rɛ fɔ̃w fɔ̃w ɛ́ nyɛrɛ ƴãwfʋ, mɛ̃ a lɛ ʋ na nyɛ̃ ƴãwfʋ a nyɩ zie a.

1 Timote 4:10

Bʋ̃ʋ n'ʋ vɛ̃, tɩmɛ wa hanɛ ɛ́ mʋɔr a, tɩ na ƴãw a tɩ tɩɛrʋ a Naaŋmɩn na vʋʋrɛ a ƴãw a n'a so, ʋl na ɩ a nɩsaalbɛ za faarɛ a, baa zuo a za a bɛl na sàw de ʋ a.

2 Timote 4:5

Ɛcɛ a fʋ̃ʋ a, nyɔw fʋ tʋɔra a yele za pʋɔ, sàw de a tuo, tone a Yel-nʋ̃ɔ̀ hieru tome, tone a fʋ Naaŋmɩn tõ-tõ-bie tome za vla.

Filemɔ̃ 1:1

A mãa Pol na be a gaso pʋɔ a Yeezu Kɩrɩta ƴãw a, nɩ a tɩ yɛb Timote, tɩ tɩrɛ nɩ a sɛbɛ ŋa kʋ̀rɛ fʋ, fʋ̃ʋ Filemɔ̃, na ɩ a tɩ bá-nɔna nɩ tɩ lãw-tõ-tɔ a,

Ebre 3:6

Ɛcɛ a Kɩrɩta ʋl a, Naaŋmɩn de nɩ a ʋ yele mɛ̃ Bie na ɩ a Naaŋmɩn yir sob a. Ɛ́ tɩmɛ n'ɩ a yir dem, tɩmɛ wa ɓãá ƴãw bɛr tɩɛrʋ, ɛ́ a tɩ nyʋ̀ʋ́r ɩ a tɩɛrʋ tɩ na ƴãw a Naaŋmɩn ƴãw a.

Yel-wula 2:1

«Sɛb yel a Efɛɛzɩ tẽw Lãw-yir malkɩ: À ŋá n'a a sob nɛ na tɛr a ŋmar-bie ayopõi a ʋ dʋrʋ nũú ɛ́ cere a salm-zɩɛ fɩ̃tɩlɩ ayopõi sɔgɔ a yere: