«Ɩ̃ yere na kʋ̀rɛ nyɩ, a mʋta-tuo nyɩ na mɩ́ tɛr, a yũon cuwr anaar sob, anũu sob, ayopõi sob nɩ a pie sob a, a na lɩɛb'ɩ cuw-bɛrɛ na tɛr cɩlʋ, nɩ nʋ̃ɔ̀ a, a Zuda nɩbɛ ƴãw.» «Ɛcɛ, nyɩ bɔbr a yel-mɩŋa nɩ a ƴã-ɓaarʋ gãw bom za!»
Naaŋmɩn mɩŋa n'ʋ maalɩ tɩ, ʋlɛ n'ʋ ír tɩ tɩ lãw nɩ a Yeezu Kɩrɩta, kɛ́ a tɩ ɩ-ɩrɩ tʋ̃ɔ́ vɩɛl, a ɩ-ɩrɩ á ŋá a Naaŋmɩn na cɔbrɩ bɛr a koro za kɛ́ tɩ wa ɩrɛ a.
À ŋá n'a a nyɩ cãafʋ daar za nyɩ na zɔrɛ a Sore nyɩ Naaŋmɩn, nyɩmɛ nɩ a nyɩ bʋʋrɛ. A nyɩ nyɔ-vʋʋrʋ na wõwme na nyɩmɛ wa sàwr a wulu á ŋá nɩ a nɛ-ƴãwnɩ á ŋá ɩ̃ na kʋ̀rɛ nyɩ a.
Lɛb waar mɩ̀, yɛbr i, tɩ zie n'a nyɩ wõ a lɛ a na fɛr kɛ́ nyɩ ɩrɛ pɛlɩ a Naaŋmɩn pʋɔ a, ɛ́ lɛ n'a nyɩ ɩrɛ. Ɛcɛ a ƴɛrɛŋa a, tɩ zɛlɛ nyɩ na ɛ́ kpaalɛ nyɩ a Sore Yeezu yúor ƴãw: nyɩ cãà ɩrɛ vla dɔwlɛ.
Yɛbr i, tɩɩm ƴãw a, a fɛr'a kɛ́ tɩ mɩ́ puore a Naaŋmɩn yãanɩ a nyɩ ƴãw kʋralɛ, nyɩɩm a Sore na nɔnɛ a. Bʋ̃ʋ n'ʋ vɛ̃, Naaŋmɩn kaa na ír nyɩ a pɛr-tib daar, k'aa Vʋʋrʋ Sõw na tɩrɛ a sonu a zũú, nɩ a yel-mɩŋa nyɩ na sàw de a ƴãw, nyɩ nyɛ̃ a faafʋ.
A Naaŋmɩn faa tɩ na, ɛ́ bʋɔlɩ tɩ nɩ bʋɔl-sõw. Ɛcɛ a bɛ kaar mɛ̃ a tɩ ɩ-vɩɛlɩ n'a so ɩ, a ʋ pʋ-tɩɛrʋ nɩ a ʋ maalʋ na tu a lɛ a n'a so. A maalʋ ŋa a, a Kɩrɩta Yeezu n'ʋ ʋ kʋ̀ n tɩ, ɛ́ a dɩta-pɛ-yome za wa bãw be.
