Luka 1:70 - A SƐB-SÕW

⁷⁰ À à ŋá n'a ʋ tɩ ƴãw a ʋ ƴɛ̀r-man-son yel a koro za,

Luka 1:70 ပူးပေါင်းရင်းမြစ်များ

Yele-za-pɛr-tib 12:3

Ɩ̃ na mɩ́ maal'ɩ a bɛlɩ dem na ƴɛ̀rɛ nɔ-vla ƴãwn fʋ a, ɛ́ ŋmɛ ƴãw a bɛlɩ dem na ŋmɩɛr ƴãwn fʋ a. Ɩ̃ na maal'ɩ a tẽw zu nɩ-bʋʋrɛ za a fʋ zũú.»

Yele-za-pɛr-tib 3:15

Ɩ̃ na ƴãw nɩ dɔ̃ fʋ̃ʋ nɩ a pɔw cara pʋɔ, a fʋ bʋʋrɛ nɩ a ʋ bʋʋrɛ cara pʋɔ. A ʋ bʋʋrɛ na mɩ́ ƴɛ́r'ɩ a fʋ zu ŋmɛr, ɛ́ fʋ dʋ̃ a ʋ bʋʋrɛ gbɛnakɔr.»

Yele-za-pɛr-tib 49:10

A nãà dabɔl bɛ yire zaarɛ a Zuda yir pʋɔ ɩ, a nɩ-bɛrɛ dabɔl na be n a ʋ bʋʋrɛ nuru pʋɔ, ɛ́ gù a sob nɛ na sɩrɩ so ʋ a, wa wa, a sob nɛ nʋɔr a nɩ-bʋʋrɛ na na sàwr a.

2 Samɩɛl 23:2

Mãa zie n'a a Sore Vʋʋrʋ mɩ́ tu ƴɛ̀rɛ, a ʋ ƴɛ̀rʋ be n a ɩ̃ nʋɔrɩ́.

Zeremi 23:5

A Sore yere na: «A bibir vɩɛrɛ na, ɩ̃ na ɩ Daviir bi-mɩŋa dɔw. Ʋ na ɩ n nãà na bãw a naalʋ-dɩb a, ʋ na ɩrɛ nɩ a lɛ-na-tu-sɔr-a, ɛ́ tuur a mɩnʋ a tẽw pʋɔ.

Zeremi 30:10

«A fʋ̃ʋ, Ɩsɩrayɛl, ɩ̃ tõ-tõ-bie e, ta zɔrɛ dɛ̃bɩ̃ɛ ɩ, a Sore n'ʋ yere. Pʋl-vʋ̃ɔ ta tɛr fʋ ɛ, fʋ̃ʋ, a sãàkʋm-kʋra na n'ɩ Zakɔb a. Ɩ̃ na faa fʋ nɩ a tẽ-zãánɩ pʋɔ, ɛ́ faa a fʋ bibiir a tẽw ʋl pʋɔ bɛ na diw bɛ cen nɩ a. Ɩsɩrayɛl i, fʋ na lɛb'a wa, wa vʋʋrɛ zoom ɛ́ bɛ bãw damnʋ ɛ. Ɛ́ nɩr za kʋ̃ lɛb ƴãw fʋ dɛ̃bɩ̃ɛ ɩ.

Markɩ 12:36

A Vʋʋrʋ Sõw tɩ waal'a kʋ̀ a Daviir tɔr za ʋ yel: “A Sore Naaŋmɩn yel'ɩ a ɩ̃ Sore: zɩ̃ a ɩ̃ dʋrʋ lowr, ɛ́ gù ɩ̃ wa tɩ nɛb a fʋ dɔ̃ dem bin a fʋ pile.”

Luka 24:44

Al pùorí ʋ yel bɛ: «Ƴɛ̀rʋ á ŋá n'a ɩ̃ tɩ ƴɛ̀r kʋ̀ nyɩ, a lɛn daar ɩ̃ na tɩ cãà be a nyɩ zie a: a yele al za bɛ na sɛb càar'ɩ mɛ̃ a Moyiir wulu sɛbɛ pʋɔ a, a naaŋmɩn-ƴɛ̀r-manbɛ sɛbr pʋɔ, nɩ a Sɛb-sõw yielu sɛbɛ pʋɔ a, a fɛr'a kɛ́ a tu.»

Nɩ-toni 28:25

Bɛ na tɩ lɛbr kule a, bɛ cãà bɛ tɩ wõ taa a ɩ. A lɛ n'a a Pol tɩ yel à ŋá tɛwr kʋ̀ bɛ: «A Vʋʋrʋ Sõw tɛr'ɩ yel-mɩŋa, a lɛn daar ʋ na tɩ ƴɛ̀r a nyɩ sãàkʋm-kore zie nɩ a naaŋmɩn-ƴɛ̀r-manɛ Ɩzayi nʋɔr a. Ʋ tɩ yel a:

Ʋrɔm 1:2

A Yel-nʋ̃ɔ̀ ŋa a, a Naaŋmɩn tɩ dãw na yel a ʋ ƴɛ̀r-manbɛ zie, a Sɛb-son pʋɔ k'ʋʋ na yel'a.

Ebre 3:7

Lɛ so, mɛ̃ a lɛ a Vʋʋrʋ Sõw na yel a: «A dɩ̃a bibir a, nyɩmɛ wa wõ a Naaŋmɩn kɔkɔr a,

1 Pɩɛr 1:12

A Naaŋmɩn tɩ wul bɛ na kɛ́ a yel ŋa bɛ na tɩ yere a, a bɛ ɩ bɛl mɩŋa ƴãw ɛ, a nyɩɩm ƴãw n'a. Ɛ́ a ƴɛrɛŋa a, a Vʋʋrʋ Sõw bɛ na tõ ʋ yi a tẽ-vla pʋɔ wa a, ʋ ɩ na a Yel-nʋ̃ɔ̀ hierbɛ manɩ a yel ŋa kʋ̀ nyɩ, a yel ŋa a malkɩ mɩnɛ na vuole bɔbr'ɩ a bãwfʋ a.

2 Pɩɛr 1:21

Bʋ̃ʋ n'ʋ vɛ̃, naaŋmɩn-ƴɛ̀r-manɛ ƴɛ̀rʋ kãw za bɛ dãw yi nɩsaal yõ na bɔbr a zie ɩ, Vʋʋrʋ Sõw n'ʋ tɩ ƴãw nɩbɛ ƴɛ̀r a Naaŋmɩn yúor ƴãw.

2 Pɩɛr 3:2

Nyɩ lɛb tɩɛrɩ a ƴɛ̀rʋ al a naaŋmɩn-ƴɛ̀r-man-son na tɩ dãw ƴɛ̀r a, nɩ a Sore nɩ a Faarɛ nɔ-ƴãwna a nyɩ nɩ-toni na lʋɔrɩ kʋ̀ nyɩ a.

Yel-wula 19:10

Lɛ n'a ɩ̃ tɩ lo gbĩ dume a ʋ pile k'ɩ̃ɩ puor'ʋ nɩ ɩ̃ tʋɔra-siwru, ɛcɛ ʋ tɩ yel mɛ̃ na: «Taa wa nanɩ ɩrɛ a lɛ ɩ! Ɩ̃ ɩ n tõ-tone mɛ̃ fʋ̃ʋ nɩ a fʋ yɛbr na maal tɛr a Yeezu yel-mɩŋa ƴɛ̀rʋ a. Naaŋmɩn n'ʋ a fɛr kɛ́ fʋ puore nɩ fʋ tʋɔra-siwru.» A Yeezu yel-mɩŋa ƴɛ̀rʋ n'a kʋ̀rɛ a naaŋmɩn-ƴɛ̀r-manɛ a tɩɛrʋ.