Luka 1:49 - A SƐB-SÕW

⁴⁹ a Naaŋmɩn Kpɛnʋ-za-sob na maalɩ nɔ-ɓãa-yele a ɩ̃ ƴãw a. A ʋ yúor ɩ n sõw,

Luka 1:49 ပူးပေါင်းရင်းမြစ်များ

Yele-za-pɛr-tib 17:1

A Abram na wa tɛr yome kʋba for bir a n'a, a Sore ɩ ʋ nyɛ̃ ʋ, ʋʋ yel ʋ: «Mãa n'ɩ a Naaŋmɩn kpɛnʋ-za-sob. Vʋʋrɛ a lɛ ɩ̃ na bɔbr kɛ́ fʋ vʋʋrɛ a, ɛ́ ta tɛr sãwna bɛ yere ɩ.

Sɛb-sõw yielu 111:9

A Sore tõ na bɛ tɩ faa a ʋ nɩ-bʋʋrɛ, ʋ maal'ɩ bɛ nɩ wõ-taa na be kʋralɛ a. A Sore ɩ n sõw ɛ́ bɛ tɛr dɩ̃ɛnʋ ɛ.

Sɛb-sõw yielu 24:8

— Ãa n'ɩ a na-kpɛ̃ɛ ŋa? — A Sore n'ʋ, a fãw sob nɩ a gãdaa, a Sore na ɩ a zɛbr gãdaa a.

Sɛb-sõw yielu 99:3

A nɩbɛ, bɛ íre a fʋ yúor: — fʋ̃ʋ Naaŋmɩn na ɩ kpɛ̃ɛ ɛ́ bɛ tɛr dɩ̃ɛnʋ a. Fʋ ɩ n sõw.

Sɛb-sõw yielu 99:9

Nyɩ hiere yere a Sore tɩ Naaŋmɩn na ɩ kpɛ̃ɛ a, nyɩ lo gbĩ dume gũu tɩ tɔ tẽw tori a ʋ tãw-sõw, bʋ̃ʋ n'ʋ vɛ̃, A Sore tɩ Naaŋmɩn ɩ n sõw.

Eziptɩ tẽw yib 15:11

A ŋmɩmɛ pʋɔ a, ãa n'ʋ ɩ mɛ̃ a fʋ̃ʋ a, Sore e? Ãa n'ʋ ɩ mɛ̃ a fʋ̃ʋ na nyɩwrɛ nɩ sonu a? Na bɛ tɛr dɩ̃ɛnʋ, ɛ́ sɛwnɩ danʋ a? Na maalɛ nɔ-ɓãa-yele a?

Ɩzayi 1:24

Alɛ so a Sore Naaŋmɩn, a kpɛnʋ-za-sob, a Ɩsɩrayɛl Naaŋmɩn na tɛr fãw a yere à ŋá: «Nyɛ̃ baw-bio a! Ɩ̃ na tʋ̃ɔ́ nɩ a nɩbɛ na àr a ɩ̃ ƴãw a yáa a san, ɩ̃ na yáa nɩ a san a ɩ̃ dɔ̃ dem zie!

Ɩzayi 57:15

Nyɛ̃ a lɛ a Naaŋmɩn na ɩ sõw a na yere a, ʋl na be bom za zu-sɔw ɛ́ tɛr kpɛb zie kʋralɛ a: «A mãa, a Naaŋmɩn na ɩ sõw a, ɩ̃ kpɩɛr'ɩ a saa-zu ka. Ɛcɛ ɩ̃ lãw nɩ nɩ a nɩbɛ bɛ na dɔwrɛ ɛ́ bɛ tɛr su-siwri a, k'ɩ̃ɩ lɛb kʋ̀ nyɔ-vʋʋrʋ a su-siwri dem, k'ɩ̃ɩ lɛb kʋ̀ nyɔ-vʋʋrʋ a nɩbɛ bɛ na dɔwrɛ a.

Ɩzayi 6:3

Bɛ tɩ cɩɩrɛ na yere kʋ̀rɛ taa: «Sõw, sõw, sõw, a Sore, a kpɛnʋ-za-sob! A ʋ yúor-vɩɛlʋ-danʋ paal'ɩ a tẽw za!»

Ɩzayi 63:1

Ãa n'ɩ a sob ŋa na yi a Edɔm tẽ-kpɛ̃ɛ, Bɔsɩra, waar a? A ʋ kparɩ mar'ɩ bʋ̃-zɩɩr. Ʋ su n dɛpaal bʋ̃-suuri, ʋ nàw nɩ nyãá waar'ɩ, ɛ́ bãwnɩ a ʋ fãw. A Sore yere na: “Mãa n'ʋ. Ɩ̃ dɩrɛ nɩ a ƴɛ̀rʋ nɩ mɩnʋ, ɩ̃ tɛr'ɩ a fãw na faa nyɩ.

Zeremi 10:6

Sore e, fʋ bɛ tɛr a fʋ tɔ ɩ! Fʋ ɩ n kpɛ̃ɛ, ɛ́ a fʋ kpɛnʋ ɩ a fʋ yúor ʋ yi.

Zeremi 20:11

Ɛcɛ a Sore lãw nɩ mɛ̃ na mɛ̃ zɛbr-nɩr na kpɛmɛ a. A bɛlɩ dem za na dɔwrɛ mɛ̃ a na lo na, bɛ kʋ̃ tʋ̃ɔ́ ɩ a lɛ bɛ na tɩ́ɛrɛ a ɩ. Vĩ na nyɔw bɛ na, bɛ na gúu a. A na ɩ bɛ nɩ vĩ kʋralɛ, ɛ́ nɩr za kʋ̃ yiiri ʋ bɛr ɛ.

Markɩ 5:13

Ʋ tɩ kʋ̀ a nɩ sɔ́r. A tɩ yi na tɩ kpɛ a dobaar pʋɔ. A lɛ n'a a dobaar za, na tɩ ta túr-ayi a, tɩ yi a tãw na ɩ cũgbulu a zu, ɛ́ dãw taa tɩ lo a kʋ̃ɔ-kpɛ̃ɛ pʋɔ tu kʋ̃ɔ.

Luka 1:48

Ʋ sàw na jɩ́r a ʋ tõ-tõ-bi-pɔw bãbàalʋ kaa. Sɩza n'a, dɩ̃a na ta a, a nɩbɛ na dɔwr lɩɛrɛ taa a, na bʋɔlɛ mɛ̃ nɩ Zu-nʋ̃ɔ̀ sob,

Luka 1:50

ʋ tɛr'ɩ a ʋ nɔ̃wfʋ kʋralɛ a bɛlɩ dem na zɔrɛ ʋ a zie.

Efɛɛzɩ 3:20

A Naaŋmɩn na na tʋ̃ɔ́ mɩ́ maalɩ yel za tɩ zuo nɩ a lɛ tɩ na zɛlɛ bɩɩ tɩɛrɛ a, a ʋ fãw na tone a tɩ pʋɔ a zũú a,

Yel-wula 15:4

Ãa n'ʋ kʋ̃ zɔrɛ fʋ, Sore e, ãa n'ʋ kʋ̃ zɛwr a fʋ yúor? Bʋ̃ʋ n'ʋ vɛ̃, fʋ̃ʋ yõ n'ʋ ɩ sõw, a ten za nɩbɛ na wa na wa lo gbĩ dume a fʋ niŋé, a fʋ ɩ-ɩrɩ na tu yel-mɩŋa sãá a ƴãw.»

Yel-wula 4:8

A bʋ̃-vʋʋrɩ anaar á ŋá kãw za tɩ tɛr'ɩ pɩgɛ ayʋɔb na ɩ mimie tɛwr a zikurí nɩ a pʋ̃ɔmɩ a. Mʋ̃tɔ̃w nɩ tɩ̃ɩsɔw, a tɩ yere na bɛ tɛr nãà bɛr ɛ: «Sõw, sõw, sõw n'ɩ a Sore, Naaŋmɩn kpɛnʋ-za-sob, ʋl na tɩ be, na be, ɛ́ waar a!»

1 Samɩɛl 2:2

A Sore bɛ tɛr ʋ tɔ ɩ, a tɩ Naaŋmɩn yõ n'ʋ ɩ Pìir. Naaŋmɩn bɛ be, a bɛ ɩ a ʋl yõ ɩ.