Luka 1:32 - A SƐB-SÕW

³² Ʋ na ɩ n kpɛ̃ɛ, bɛ na bʋɔlɛ ʋ nɩ Naaŋmɩn-na-do-saa-bɛ-pɩɛl-a Bie. A Sore Naaŋmɩn na de nɩ a ʋ sãà Daviir naalʋ-dà-kɔw kʋ̀ ʋ.

Luka 1:32 ပူးပေါင်းရင်းမြစ်များ

2 Samɩɛl 7:16

A fʋ bʋ̃-dɔwra kãw na dɩrɛ nɩ a naalʋ a fʋ pùorí, bʋ̃ʋ n'ʋ vɛ̃, a fʋ yir naalʋ-dɩb kʋ̃ tɛr baarʋ ɛ.”»

Sɛb-sõw yielu 132:11

A Sore pɔ n a Daviir zie à ŋá, ɛ́ bɛ be za na lɩɛbɩ bɛr ɛ: «A fʋ bʋ̃-dɔwra kãw n'ʋ ɩ̃ na zɩɩlɩ a fʋ naalʋ-dà-kɔw zu.

Sɛb-sõw yielu 132:12

A fʋ bidɛbr wa tɛr a ɩ̃ wõ-taa vla a, nɩ a lɛ ɩ̃ na yere kʋ̀rɛ bɛ a, a bɛ bibiir mɩ̀ na zɩ̃ n a fʋ naalʋ-dà-kɔw zu, ɛ́ a na ɩ n à à ŋá kʋralɛ.»

Ɩzayi 16:5

a lɛn daar a, a fʋ nɔ̃wfʋ zũú a, naalʋ-dà-kɔw na kpɛmɛ ɛ́ cɛlɛ a na be n be a Daviir bʋʋrɛ ƴãw. Ʋ na zɩ̃ na mɛ̃ ƴɛ̀r-dɩrɛ a, a ʋ tɩ́ɛrʋ za ƴãw a yel na-tu-sɔr-a ƴãw, ʋʋ tʋlɛ a mɩnʋ ƴãw.»

Zeremi 17:25

A lɛn daar a, a na-mɩnɛ na zɩnɛ a Daviir naalʋ-dà-kɔw zu, ɛ́ mɩ́ zɔm a wur bɩɩ zɩ̃ a zɛbr-torko zu a, na tuur'a yire a tẽ-kpɛ̃ɛ ŋa dɩ̃dɛɛ ƴãw kʋralɛ. A bɛ tõ-tõ-bi-bɛrɛ, a Zuda tẽw nɩbɛ nɩ a bɛlɩ dem na kpɩɛr a Zerizalɛm a mɩ̀ na tuur'a yire a be, ɛ́ a tẽ-kpɛ̃ɛ ŋa na tɛr'ɩ nɩbɛ kʋralɛ.

Zeremi 22:2

Fʋ na tɩ yel'a: “A fʋ̃ʋ, Zuda tẽw nãà, na zɩ̃ a Daviir naalʋ-dà-kɔw zu a, a fʋ̃ʋ, a fʋ tõ-tõ-bi-bɛrɛ nɩ a fʋ nɩbɛ za na tuur a dɩ̃dɛɛ á ŋá ƴãw kpɩɛr a, nyɩ wone a Sore ƴɛ̀rʋ.”

Matie 1:1

A Yeezu Kɩrɩta, a Daviir bidɛb, a Abraham bidɛb sãàkʋm-kore yée sɛbɛ n'ɩ à ŋà.

Matie 12:42

A ƴɛ̀rʋ-dɩb daar a, a saa-pɛrɩ́-dʋrʋ-lowr pɔw-nãà na lãw na ìr'ɩ a dɩ̃a nɩbɛ bɛ ŋa, ɛ́ yel a bɛ sãwna. Bʋ̃ʋ n'ʋ vɛ̃, ʋ yi n zi-zãána za wa bɛr wõ a Salomɔ̃ yã-bãwfʋ ƴɛ̀r-bie. Ɛcɛ nɩr be n a ka zuo a Salomɔ̃.»

Matie 28:18

A Yeezu tɩ taw na pɩɛlɩ bɛ ɛ́ ƴɛ̀r a bɛ zie à ŋá: «Naaŋmɩn kʋ̀ m'ɩ fãw za a salom zu nɩ a tẽw zu.

Matie 3:11

Kʋ̃ɔ n'a mãa kʋ̀rɛ nɩ nyɩ a suob, kɛ́ nyɩ tʋ̃ɔ́ lɩɛbɩ a nyɩ ɩb, ɛcɛ a sob nɛ na waar a ɩ̃ pùorí a, ʋ kpɛmɛ na zuo mɛ̃, ɩ̃ bɛ sɛwnɩ na yaa a ʋ nafawr bɛr ʋ ɛ. Ʋl a, Vʋʋrʋ Sõw nɩ vũu n'a ʋ na kʋ̀ n nyɩ a suob.

Markɩ 14:61

Ɛcɛ a Yeezu tɩ ɩ n gbili, ʋ bɛ tɩ sɔw bom za ɩ. A bàwr-maal-kara tɩ lɛb'a sowri ʋ: «Fʋ̃ʋ n'ɩ a Nɩ-kabra a, a Naaŋmɩn na tɛr danʋ a Bie e?»

Markɩ 5:7

Ʋ tɩ cɩɩr'ɩ kpɛ̃w za yel: «Naaŋmɩn-na-do-saa-bɛ-pɩɛl-a Bie, Yeezu u, mãa nɩ fʋ̃ʋ mɩ̀ bʋnʋ? Ɩ̃ zɛlɛ fʋ nɩ yãayãa, a Naaŋmɩn yúor ƴãw, taa dɔwrɛ mɛ̃ ɩ.»

Luka 1:15

Ʋ na ɩ n kpɛ̃ɛ a Sore niŋé, ʋ kʋ̃ nyúur divɛ̃ nɩ dã-bɩ̃ɩ kãw za ɩ. Ʋ na cãà nɩ a ʋ mã púorí ɛ́ a Vʋʋrʋ Sõw paalɩ ʋ.

Luka 1:35

A malkɩ tɩ sɔw ʋ na: «Vʋʋrʋ Sõw na siw nɩ a fʋ zu, ɛ́ a Naaŋmɩn-na-do-saa-bɛ-pɩɛl-a fãw na piw fʋ na nɩ a ʋ ɓaarʋ. Lɛ so a bie na na dɔw a, na ɩ sõw, ɛ́ bɛ bʋɔlɛ ʋ Naaŋmɩn Bie.

Luka 1:76

Ɛ́ fʋ̃ʋ ɩ̃ bie e, bɛ na bʋɔlɛ fʋ na kɛ́ Naaŋmɩn-na-do-saa-bɛ-pɩɛl-a ƴɛ̀r-manɛ, fʋ na de nɩ a Sore niwn tʋ̃ɔ́ cɔbrɩ a ʋ sɛ́ɛ,

Luka 3:16

Lɛ n'a a Zã tɩ yel kʋ̀ bɛ za: «Kʋ̃ɔ n'a mãa kʋ̀rɛ nɩ nyɩ a suob, ɛcɛ nɩr be n a ɩ̃ pùor waar, kpɛmɛ zuo mɛ̃, ɩ̃ mɩ̀ bɛ sɛwnɩ na cɛ̀r a ʋ nafawr bʋ̃-'leni ɛ. Ʋl a, Vʋʋrʋ Sõw nɩ vũu pʋɔ n'a ʋ na kʋ̀ nyɩ a suob.

Luka 6:35

A nyɩɩm n'a, nyɩ nɔnɛ a nyɩ dɔ̃ dem, nyɩ maalɛ bɛ vla ɛ́ pɛ̃wn bɛ a nyɩ bome, ɛ́ ta gùre kɛ́ bɛ mɩ̀ mɩ́ wa ɩ nyɩ a lɛ yáa a san ɛ. Lɛn daar'a a nyɩ sã-ya na ɩ bɛ́rʋ, ɛ́ nyɩ mɩ̀ ɩ a Naaŋmɩn-na-do-saa-bɛ-pɩɛl-a bibiir, ʋl na ɩ nɩ-vla a po-to-dem zie, nɩ a bɛlɩ dem zie fʋ na mɩ́ maalɩ vla ɛ́ bɛ bɛ ŋmɛlɛ kaar fʋ a.

Zã 12:34

A zu-sɛbla tɩ sɔw ʋ na: «A tɩ Naaŋmɩn wulu sɛbɛ pʋɔ, tɩ wõ na kɛ́ a Kɩrɩta na be n kʋralɛ. Ŋmɩŋmɩn n'a fʋ na tʋ̃ɔ́ yel kɛ́ a fɛr'a bɛ bà a Nɩsaal Bie ʋ zɛw do? Ãa n'ɩ a Nɩsaal Bie ŋa?»

Zã 6:69

Tɩɩm tɛwr ƴãw a, tɩ sàw na, ɛ́ tɩ bãw na kɛ́ fʋ̃ʋ n'ɩ a Naaŋmɩn Nɩ-sõw.»

Nɩ-toni 16:17

Ʋ tɩ ta na tu tɩɩm nɩ a Pol, ɛ́ ŋmɩɛr cɛlsɩ yere nɩ: «Naaŋmɩn-na-do-saa-bɛ-pɩɛl-a tõ-tõ-biir'ɩ a nɩbɛ bɛ ŋa, a faafʋ sɔr'ʋ bɛ hiere kʋ̀rɛ nyɩ.»

Nɩ-toni 2:30

Ɛcɛ, ʋ tɩ ɩ n naaŋmɩn-ƴɛ̀r-manɛ, ɛ́ tɩ bãwnɩ a kɛ́ Naaŋmɩn tɩ pɔ na yel k'ʋʋ na zɩɩlɩ nɩ a ʋ bʋ̃-dɔwra kãw a ʋ naalʋ-dà-kɔw zu.

Nɩ-toni 2:36

A Ɩsɩrayɛl bʋʋrɛ za, bɛ bãwnɩ a vla: a Yeezu ŋa tɔr za nyɩ na kpa a da-gara zu a, Naaŋmɩn ɩ na ʋ ɩ Sore nɩ Kɩrɩta.»

Nɩ-toni 7:48

Ɛcɛ a Naaŋmɩn-na-do-saa-bɛ-pɩɛl-a bɛ kpɩɛr nɩsaalbɛ nuru yir-mɩɛrɩ pʋɔ ɩ, mɛ̃ a lɛ a naaŋmɩn-ƴɛ̀r-manɛ na yel a:

Ʋrɔm 1:4

ɛcɛ a Vʋʋrʋ Sõw lowr a, bɛ tɩ wul'a nɩ kpɛnʋ a sãá ʋ na ɩ Naaŋmɩn Bie a, a ʋ kũu-pʋɔ-lɛb-yibu zũú.

Yel-wula 3:7

«Sɛb yel a Fɩladɛlfɩ tẽw Lãw-yir malkɩ: À ŋá n'a a Nɩ-sõw, a Sob nɛ na tɛr yel-mɩŋa a, yere, ʋl na tɛr a nãà Daviir pĩi a, ʋl na mɩ́ yuo ɛ́ nɩr kʋ̃ tʋ̃ɔ́ pàw a, ʋl na mɩ́ pàw ɛ́ nɩr kʋ̃ tʋ̃ɔ́ yuo a: