Luka 1:20 - A SƐB-SÕW

²⁰ A na ɩ à ŋá a, fʋ na kpar'ɩ nʋɔr, fʋ kʋ̃ lɛb tʋ̃ɔ́ ƴɛ̀r ɛ, ɛ́ gù a ʋlɩ bibir nɛ a yele á ŋá za nãà wa maalɩ a, fʋ na bɛ sàw de a ɩ̃ ƴɛ̀rʋ a ƴãw, ɛcɛ a daar wa ta a, a ɩ̃ ƴɛ̀rʋ á ŋá na tu na.»

Luka 1:20 ပူးပေါင်းရင်းမြစ်များ

2 Na-mɩnɛ 7:19

A nãà sojarɩ nɩ-kpɛ̃ɛ tɩ sowr'ɩ a lɛn daar: «A Sore mɩ̀ saa tɩ ɩ mɛ̃ ʋ puo nɩ vɛɛ a salom zu, bɛr bʋ̃-bie a siw a, a fʋ ƴɛ̀rʋ ŋa na tʋ̃ɔ́ na tu u?» A Elize tɩ sɔw na: «Fʋ na nyɛ̃ a na nɩ mimir, ɛ́ kʋ̃ dɩ a ɩ.»

2 Na-mɩnɛ 7:2

A Ɩsɩrayɛl tẽw nãà sojarɩ nɩ-kpɛ̃ɛ kãw na mɩ́ bɩɛlɛ ʋ kʋralɛ a, tɩ sowr'ɩ a Elize: «A Sore mɩ̀ saa tɩ ɩ mɛ̃ ʋ puo nɩ vɛɛ a salom zu, bɛr bʋ̃-bie a siw a, a fʋ ƴɛ̀rʋ ŋa na tʋ̃ɔ́ na tu u?» A Elize sɔw: «Fʋ na nyɛ̃ a na nɩ mimir, ɛ́ kʋ̃ dɩ a ɩ.»

Eziptɩ tẽw yib 4:11

A Sore tɩ sɔw ʋ na: «Ãa n'ʋ ƴãw a nʋɔr a nɩsaal? Ãa n'ʋ mɩ́ ɩ ʋ bɛ ƴɛ̀rɛ bɩɩ bɛ wone? Ʋ nyɛrɛ bɩɩ zɔ̃w? A mãa Sore bɛ n'ʋ ɛ?

Ezekɩɛl 24:27

A ʋlɩ bibir nɛ a, a nɩr na cɩ̃ɛ a waa na ɩ n a fʋ zɛl ʋ cɛ̀r. Fʋ na ƴɛ̀rɛ na, fʋ kʋ̃ cãà ɩ a ɓil ɛ. Fʋ na ɩ n bãwfʋ a bɛ zie. Lɛ n'a bɛ na bãw kɛ́ mãa n'ɩ a Sore Naaŋmɩn.»

Ezekɩɛl 3:26

Ɩ̃ na ɩ n a fʋ zɛl mɛr a fʋ lán, fʋ kʋ̃ tʋ́ɔr ƴɛ̀rɛ ɩ. Fʋ kʋ̃ cãà tʋ́ɔr yere a nɩ-bʋʋr-gaarɩ bɛ ŋa ɩ.

Sɔr-nɛ́ɛ 20:12

Ɛcɛ a Sore tɩ yel'ɩ a Moyiir nɩ a Aarɔ̃ à ŋá: «Nyɩ bɛ sàw de m ɛ, nyɩ bɛ wul a ɩ̃ sonu a Ɩsɩrayɛl nɩbɛ ɩ, à à ŋá ƴãw a, nyɩmɛ bɛ nɛbɛ na tɛr a nɩbɛ bɛ ŋa kpɛ n a tẽw ɩ̃ na kʋ̀rɛ bɛ a pʋɔ ɩ.»

Markɩ 16:14

A pɛ-baara a, a Yeezu tɩ wul'ɩ ʋ tʋɔra a Nɩ-toni pie nɩ been na tɩ lãw zɩ̃ dɩrɛ a. Ʋ tɩ yere bɛ na, bɛ na bɛ tɩ sàw de a, ɛ́ a bɛ zuru kpɛmɛ zuo bɛ bɛ sàw de a bɛlɩ dem na tɩ nyɛ̃ ʋ ʋ lɛb yi a kũu pʋɔ a ƴɛ̀rʋ a.

Markɩ 9:19

A Yeezu tɩ de nɩ a ƴɛ̀rʋ yel: «Alɛ! Nyɩɩm dɩ̃a nɩbɛ na bɛ sàw de Naaŋmɩn a! Debor daar'a ɩ̃ na be a nyɩ sɔgɔ tɩ ta? Nyɩ bɔbr'a k'ɩ̃ɩ cãà wone nɩ nyɩ a tuo ɛ́ gù debor? Nyɩ tɛr a bie wa kʋ̀ m!»

Luka 1:19

A malkɩ tɩ sɔw ʋ na: «Mãa n'ɩ a Gabɩyɛl na mɩ́ be a Naaŋmɩn niŋé a. Ʋ tõ m'a k'ɩ̃ɩ wa ƴɛ̀r sɔw fʋ, ɛ́ yel a yel-nʋ̃ɔ̀ ŋa kʋ̀ b.

Luka 1:21

A nɩbɛ tɩ àr'a cɛlɛ a Zakari, ɛ́ bɛ tɩ bãw ŋmɩŋmɩn za n'a ʋ cɛlɛ a zi-sõw pʋɔ a lɛ a ɩ.

Luka 1:22

Ʋ na wa yi a, ʋ bɛ tʋɔr ƴɛ̀rɛ na ƴɛ̀r sɔw bɛ ɩ, lɛ so bɛ tɩ bãw k'ʋʋ nyɛ̃ nɩ bom a zi-sõw pʋɔ. Ʋ tɩ kpar'ɩ nʋɔr ɛ́ kabrɛ manɛ nɩ a nuru wule bɛ.

Luka 1:45

Zu-nʋ̃ɔ̀ sob nɛ b, fʋ na sàw kɛ́ a lɛ a Sore na tõ bɛ wa yel kʋ̀ b a, na tu n a tub a.»

Luka 1:64

A pɛr nɛ pʋɔ, a Zakari tɩ lɛb'a tʋɔr ƴɛ̀rɛ, ɛ́ tɩ ƴɛ̀rɛ danɛ nɩ a Naaŋmɩn.

Ʋrɔm 3:3

Ɛ́ bʋnʋ? Bɛ mɩnɛ kãw wa lɛb pùor a bɛ naaŋmɩn-sàw-deb pʋɔ a, a bɛ pùor-lɛbrʋ na ɩ na a Naaŋmɩn mɩ̀ lɛb pùor bɩɩ?

2 Timote 2:13

Tɩmɛ wa tɩɛ ʋ bɛr a, ʋl ŋmɛ̃ n ʋ ŋmɛ̃a, ʋ na kʋ̃ tʋ̃ɔ́ zawrɩ ʋ tʋɔra bɛr a ƴãw.»

Títɩ̀ 1:2

kɛ́ bɛ tɩɛrɛ a nyɔ-vʋʋrʋ na be kʋralɛ a. A Naaŋmɩn na bɛ ŋmarɛ ziri a tɩ ƴãw nɩ nʋɔr k'ʋʋ na kʋ̀ bɛ nɩ a nyɔ-vʋʋrʋ ŋa, ɛ́ a dɩta-pɛ-yome za wa bãw be.

Ebre 6:18

A na ɩ à ŋá a, yele ayi na bɛ tɛr lɩɛbʋ a pʋɔ, Naaŋmɩn na kʋ̃ tʋ̃ɔ́ ŋmãa ziri a, alɛ n'a kʋ̀rɛ tɩ sõwfʋ kpɛ̃ɛ a tɩɩm na zɔ sɔwlɩ a ʋ zie a. Lɛ n'a tɩ na tʋ̃ɔ́ nyɔw a tɩɛrʋ tɩ na ƴãw a Naaŋmɩn ƴãw a kpɛ̃w za, a tɩɛrʋ ŋa bɛ na kʋ̀rɛ tɩ a.

Yel-wula 3:19

Bɛlɩ dem za ɩ̃ na nɔnɛ a, ɩ̃ mɩ́ wule bɛ nɩ a bɛ sãwna ɛ́ kpãànɛ bɛ. A na ɩ lɛ a, tʋlɛ ɛ́ lɩɛbɩ a fʋ ɩb.