Luka 1:17 - A SƐB-SÕW

¹⁷ Ʋ na de nɩ a Naaŋmɩn niwn ɩ a ʋ nɩ-tona, ɛ́ tɛr a naaŋmɩn-ƴɛ̀r-manɛ Eli yã nɩ a ʋ fãw, k'ʋʋ ɩ a sãà mɩnɛ nɩ a bibiir lɛb kpɛ taa, ɛ́ a bɛ-wonbɛ lɛb tɩɛrɛ mɛ̃ a nɩ-mɩn a, ʋ tʋ̃ɔ́ cɔbrɩ nɩ-bʋʋrɛ na cɛlɛ a Sore a.»

Luka 1:17 ပူးပေါင်းရင်းမြစ်များ

1 Na-mɩnɛ 17:1

Eli na yi Galaadɩ tẽw tẽle kãw na dɩ Tisibe a, tɩ yel'ɩ a nãà Akab: «A Sore na vʋʋrɛ a ƴãw, a Ɩsɩrayɛl Naaŋmɩn ɩ̃ na tone a ƴãw, ɩ̃ yere nɩ à ŋá: “A yome á ŋá na waar a, ɓɩɛlʋ kʋ̃ lo ɩ, sa-bir kʋ̃ lo ɩ, mãa bɛ wa n'ʋ yel a.”»

1 Na-mɩnɛ 18:18

A Eli tɩ sɔw ʋ na: «Mãa bɛ n'ʋ so a Ɩsɩrayɛl nɩbɛ wʋ̀ʋr ɛ. Fʋ̃ʋ nɩ a fʋ yir dem nɛbɛ, nyɩ na zawrɩ a Sore nɛ-ƴãwnɩ bɛr, ɛ́ maalɩ Báàl mɩnɛ a.

1 Na-mɩnɛ 21:20

A Eli tɩ cen na, a Akab tɩ yel ʋ: «Ãw, fʋ bɛ lɛb nyɛ̃ m ɩ, fʋ̃ʋ ɩ̃ dɔ̃ sob i!» A Eli sɔw: «Ʋ̃ʋ, ɩ̃ lɛb'a nyɛ̃ b! Fʋ na tu a fʋ pʋ-tɩɛrʋ pùor, ɩ a ʋlɩ bom na bɛ pɛlɩ a Sore pʋɔ a ƴãw.

2 Na-mɩnɛ 1:16

tɩ yel ʋ: «À ŋá n'a a Sore yere: “Fʋ tõ n nɩbɛ kɛ́ bɛ tɩ sowri a Ekiron tẽw ŋmɩn Baal-Zebub. Naaŋmɩn bɛ be a Ɩsɩrayɛl tẽw bɛ na tʋ̃ɔ́ sowri ɛ? A na ɩ à ŋá a, fʋ bɛ ìre a gado zu fʋ na gã a ɩ, fʋ na kpi na, bʋnʋ bɛ ka be ɩ!”»

1 Bibie za yel-manɩ 29:18

Sore e, tɩ sãàkʋm-kore Abraham, Ɩzaakɩ nɩ Zakɔb Naaŋmɩn i, ɩ a fʋ nɩ-bʋʋrɛ cãà tɛr a tɩɛr-vɩɛlɩ á ŋá a bɛ socie pʋɔ, ɛ́ ɩ a bɛ tɩɛrʋ lɩɛbɩ cɔw fʋ ta bʋ́nɛ ɩ.

2 Bibie za yel-manɩ 29:36

Nʋ̃ɔ̀ tɩ ɩrɛ nɩ a Ezekɩasɩ nɩ a nɩbɛ za a Naaŋmɩn na sàw bɛ ɩ à á ŋá za a, bʋ̃ʋ n'ʋ vɛ̃, a yele tɩ paw nɩ fɔ̃w.

Sɛb-sõw yielu 10:17

Sore e, fʋ mɩ́ tu n a su-siwri dem bʋ̃-bɔbrɩ pùor, fʋ mɩ́ ɩ na bɛ kpɛmɛ socir, fʋ mɩ́ ƴãw nɩ tobr,

Sɛb-sõw yielu 111:10

A yã-bãwfʋ tib zie n'ɩ a Sore zɔba. Bɛlɩ dem za na sàwr a ʋ nɛ́ɛ a sɩrɩ na ɩ yã-bãwnbɛ. A Sore danʋ be n be kʋralɛ.

Sɛb-sõw yielu 78:8

A lɛn daar a, bɛ kʋ̃ ŋmɛ̃ taa nɩ a bɛ sãàkʋm-kore daar nɩbɛ na zawr'ɩ a Naaŋmɩn nʋɔr ɛ́ gaarɩ a ɩ. A bɛ tɩɛrʋ tɩ lɩɛbɛ nɩ kʋralɛ, ɛ́ bɛ tu a Naaŋmɩn ɛ.

Ɩzayi 29:24

A bɛlɩ dem a tɩɛrʋ na bɛ mɩ́ tori a na tĩ na bãw a pɛr, bɛl na mɩ́ tɩ zɛbr kʋralɛ a, bɛ na bɛr'a bɛ wule bɛ.»

Amɔsɩ 4:12

«Alɛ so, Ɩsɩrayɛl i, nyɛ̃ a lɛ ɩ̃ na na ɩ b a, ɛ́ a lɛ ɩ̃ na na ɩ b a ƴãw a, Ɩsɩrayɛl i, cɔbrɛ fʋ̃ʋ nɩ a fʋ Naaŋmɩn tuor-taa.»

Matie 11:14

Nyɩmɛ wa sàw a, a Zã n'ɩ a Eli na na lɛb wa a.

Matie 14:4

Bʋ̃ʋ n'ʋ vɛ̃, a Zã tɩ yere na kʋ̀rɛ a Erɔdɩ: «Sɔ́r bɛ ka be fʋ tɛr a Erodɩadɩ ʋ ɩ a fʋ pɔw ɛ.»

Matie 3:3

A Zã yele n'a a naaŋmɩn-ƴɛ̀r-manɛ Ɩzayi tɩ dãw yel à ŋá: «Nɩr kãw kɔkɔr cɩɩrɛ nɩ a wɛja-kpalɛ pʋɔ yere: “Nyɩ cɔbrɩ a Sore sɔ́r, nyɩ maalɩ a ʋ soli k'a tori.”»

Matie 3:4

A Zã mɩ́ tɩ su n nyɔ̃wmɛ kɔblʋ kparʋ ɛ́ 'lẽ nɩ gán-kpawr a sɩɛmɩ́. Ʋ tɩ 'wɔbr'ɩ sãsoge dɩrɛ nɩ mʋ̃ɔ pʋɔ sɩwr.

Luka 1:16

Ʋ na tɛr'ɩ a Ɩsɩrayɛl biir yaga lɛb wa n a Sore bɛ Naaŋmɩn zie.

Luka 1:76

Ɛ́ fʋ̃ʋ ɩ̃ bie e, bɛ na bʋɔlɛ fʋ na kɛ́ Naaŋmɩn-na-do-saa-bɛ-pɩɛl-a ƴɛ̀r-manɛ, fʋ na de nɩ a Sore niwn tʋ̃ɔ́ cɔbrɩ a ʋ sɛ́ɛ,

Zã 1:13

bɛl na bɛ ɩ nɩsaal zɩ̃ɩ bɩɩ nɩsaal pʋ-tɩɛrʋ bʋ̃-dɔwrɩ a, ɛ́ ɩ Naaŋmɩn bi-dɔwrɩ a.

Zã 1:34

Mãa a, ɩ̃ nyɛ̃ na ɛ́ dɩrɛ a dãsɩɛ ŋa, kɛ́ ʋlɛ n'ɩ a Naaŋmɩn Bie.»

Zã 3:28

A nyɩɩm tɛɛ za, nyɩ dɩ n a ɩ̃ dãsɩɛ k'ɩ̃ɩ yel'a: “Mãa bɛ n'ɩ a Kɩrɩta ɩ. Ɩ̃ ɩ n a sob nɛ bɛ na tõ k'ʋʋ de ʋ niwn a.”

Nɩ-toni 10:33

A pɛr nɛ pʋɔ, ɩ̃ tõ na kɛ́ bɛ wa tɛr fʋ wa n, ɛ́ fʋ sɩrɩ sàw a ɩ̃ bʋɔlʋ wa a tɩ zie ka. Ƴɛrɛŋa a, tɩ za n'ɩ bɛ ŋa a Naaŋmɩn niŋé, kɛ́ tɩ bɛr wõ bom nɛ a Sore na ƴãw kɛ́ fʋ yel kʋ̀ tɩ a.»

Ʋrɔm 9:23

Ʋʋ mɩ̀ tɩ bɔbr'a wul a lɛ a ʋ yúor-vɩɛlʋ-danʋ na ɩ kpɛ̃ɛ sɛw a bɛl na cɛ a zie a, a bɛl a na tɩ sɛw k'ʋʋ zɔ bɛ nɩbaalʋ a, a bɛl ʋ na dãw de niwn cɔbrɩ kɛ́ bɛ wa pʋɔ a ʋ yúor-vɩɛlʋ-danʋ pʋɔ a.

Kɔlɔsɩ 1:12

Nyɩ puore a Naaŋmɩn Sãà yãanɩ nɩ nʋ̃ɔ̀, ʋl na ɩ nyɩ na tʋ̃ɔ́ páw a na-bʋ̃-vɩɛlɩ ʋ na cɔbrɩ bin a tẽ-vla cãà pʋɔ cɛlɛ nɩ a ʋ nɩ-sori a.

2 Timote 2:21

Sob nɛ na so a faalʋ á ŋá dɛwr bɛr a na ɩ na mɛ̃ a bibi-bɛrɛ pɔw-bome a, ʋ vɩɛlɩ ʋ za, a Sore tɛrɩ ʋ yel-ɩra, ɛ́ ʋ cɔbrɩ gù yel-vla za maalʋ.

1 Pɩɛr 2:9

Ɛcɛ nyɩɩm a, nyɩ ɩ n «Nɩ-bʋʋrɛ bɛ na kaa ír a, Nãà bàwr-maalbɛ, nɩ-son bʋʋrɛ, nɩbɛ Naaŋmɩn na ya de a», kɛ́ nyɩ manɛ a ʋ tõ-vɩɛlɩ, ʋl na bʋɔlɩ nyɩ a lige pʋɔ yi wa n a ʋ cãà na bɛ tɛr tɔ a pʋɔ a.

1 Zã 2:28

Ɩ̃ bibiir i, a ƴɛrɛŋa a, nyɩ lãw nɩ nɩ a Kɩrɩta, kɛ́ ʋlɛ wa sãá a, tɩɩm ɓãá ƴãw bɛr tɩɛrʋ, ɛ́ ta nyɛ̃ vĩ àr zãá nɩ ʋ, a ʋ waa daar ɛ.

Yel-wula 20:4

Ɩ̃ɩ tɩ nyɛ̃ nɩ naalʋ-dà-kɔwr: bɛ tɩ kʋ̀ n a ƴɛ̀rʋ-maalʋ fãw a bɛlɩ dem na tɩ zɩ̃ a dà-kɔwr á ŋá zu a. A bɛlɩ dem bɛ na tɩ kʋ, a yel-mɩŋa dãsɩɛ a Yeezu na dɩ a ƴãw nɩ a Naaŋmɩn ƴɛ̀rʋ ƴãw a, ɩ̃ mɩ̀ tɩ nyɛ̃ nɩ a bɛ sɩ́ɩr. Bɛ bɛ tɩ gbĩ dume puori a wɛ-dʋ̃w ɛ, nɩ a ʋ dasule mɩ̀ ɛ, ɛ́ bɛ tɩ tɛr a ʋ bãwfʋ a bɛ gbẽé nɩ a bɛ nũú ɛ. Bɛ tɩ lɛb'a vʋʋrɛ ɛ́ dɩ naalʋ lãwnɩ a Kɩrɩta yome túr (1 000).

1 Samɩɛl 7:5

Al pùorí, a Samɩɛl tɩ yel'a: «Nyɩ bʋɔlɩ a Ɩsɩrayɛl nɩbɛ za ɓã taa a Misɩpa. Ɩ̃ na puor'ɩ a Sore a nyɩ ƴãw a be.»