Levitɩ mɩnɛ 9:9 - A SƐB-SÕW

⁹ A ʋ bidɛbr tɩ tur ʋ nɩ a dʋ̃w zɩ̃ɩ, ʋ mɩ́ tõ nobir ɩ n a zɩ̃ɩ ƴãw a bàwr-maal-kuur ɩ́lɛ́ ƴãw, al pùorí, ʋ cir a zɩ̃ɩ na cɛ a ƴãw a bàwr-maal-kuur sɩɛ ƴãw.

Levitɩ mɩnɛ 9:9 ပူးပေါင်းရင်းမြစ်များ

Ezekɩɛl 43:15

A dam tɩ be n a dɔwlʋ ziir ayi sob zu-sɔw. A ʋ kɛrʋ tɩ ɩ n mɛtɩr ayi ɛ́ a ʋ gõgone zɛw ìr.

Ezekɩɛl 43:20

Fʋ na ɩ n a ʋ zɩ̃ɩ ƴãw a bàwr-maal-kuur gõgone na zɛw ìr a zu, a dɔwlʋ ziir ayi sob gõgone anaar zu, nɩ a nɔgbãbir na viiri koli ʋ a zu. À à ŋá n'a fʋ na ɩ a bàwr-maal-kuur ʋ vɩɛl ɛ́ fʋ de ʋ kʋ̀ a Naaŋmɩn.

Levitɩ mɩnɛ 16:18

ʋ na yi na cen a bàwr-maal-kuur na be a Sore niŋé a pɛr, tɩ tu a dɛwr-so-bɛrʋ tub a bàwr-maal-kuur zu. Al pùorí, ʋ ɩ a nadɛr nɩ a bʋra zɩ̃ɩ blã ƴãw a bàwr-maal-kuur ɩ́lɛ́ zu.

Levitɩ mɩnɛ 4:25

A bàwr-maalɛ na ír'ɩ nobir tõ a dʋ̃w zɩ̃ɩ pʋɔ ɩ n a zɩ̃ɩ ƴãw a nyɩw-a-za-bàwr bàwr-maal-kuur ɩ́lɛ́ ƴãw. Al pùorí ʋ cir a zɩ̃ɩ za na cɛ a ƴãw a ʋlɩ bàwr-maal-kuur nɛ sɩɛmɩ́.

Levitɩ mɩnɛ 4:30

A bàwr-maalɛ na ɩ n a dʋ̃w zɩ̃ɩ nɩ nobir ƴãw a nyɩw-a-za-bàwr bàwr-maal-kuur ɩ́lɛ́ ƴãw, ɛ́ cir a zɩ̃ɩ za na cɛ a ƴãw a ʋlɩ bàwr-maal-kuur nɛ sɩɛmɩ́.

Levitɩ mɩnɛ 8:15

A Moyiir tɩ ŋmãa nɩ a dʋ̃w kɔkɔr, ɛ́ ɩ a zɩ̃ɩ nɩ nobir ƴãw a bàwr-maal-kuur ɩ́lɛ́ ƴãw, k'ʋʋ ɩ ʋ vɩɛl. Al pùorí, ʋ cir a zɩ̃ɩ na cɛ a ƴãw a bàwr-maal-kuur sɩɛ ƴãw. À ŋá n'a ʋ tɩ maalɩ ʋ, kɛ́ bɛ mɩ́ wa tʋ̃ɔ́ tu a yel-bebe suur-dɩ-kʋ̀b tub a ʋ zu.

Levitɩ mɩnɛ 9:10

Ʋ tɩ nyɩw nɩ a nɛn-kãánɩ, a alãbie nɩ a sabr lõbowr-kpɛ̃ɛ a bàwr-maal-kuur zu, mɛ̃ a lɛ a Sore na tɩ yel kʋ̀ a Moyiir a.

Levitɩ mɩnɛ 9:12

A Aarɔ̃ tɩ ŋmãa nɩ a nyɩw-a-za-bàwr pʋ́ra kɔkɔr. A ʋ bidɛbr tɩ kʋ̀ ʋ nɩ a zɩ̃ɩ, ʋ mɩr'ɩ a bàwr-maal-kuur kõkowe.

Levitɩ mɩnɛ 9:18

Ʋ tɩ ŋmãa nɩ a nadɛr nɩ a pʋ́ra a nɩbɛ na wa n a lãw-taa bàwr ƴãw a kɔkɛɛ. A ʋ bidɛbr tɩ kʋ̀ ʋ nɩ a dʋn á ŋá zɩ̃ɩ, ʋ mɩr'ɩ a bàwr-maal-kuur kõkowe.

Ebre 2:10

A Naaŋmɩn ƴãw bom za na be, ʋʋ so bom za be a, ʋ na tɩ bɔbr k'ʋʋ tɛr bibiir yaga bɛ tɩ pʋɔ a ʋ yúor-vɩɛlʋ-danʋ pʋɔ a, a tɩ sɩrɩ na sɛw k'aa Yeezu na na ɩ a bɛ faafʋ sɔ́r niw-diere a, ʋ ɩ ʋ k'ʋ wõ tuo vɩɛl ʋ za.