Levitɩ mɩnɛ 9:4 - A SƐB-SÕW

⁴ Nyɩ mɩ̀ nyɔw nadɛr nɩ pʋ́ra maal'ɩ lãw-taa bàwr kʋ̀ a Sore, lãwnɩ kukur bom de-kʋ̀b na naw nɩ kãá a. Bʋ̃ʋ n'ʋ vɛ̃, a dɩ̃a tɔr za a, a Sore na ɩ na nyɩ nyɛ̃ ʋ.”»

Levitɩ mɩnɛ 9:4 ပူးပေါင်းရင်းမြစ်များ

Eziptɩ tẽw yib 16:10

A Aarɔ̃ na tɩ ƴɛ̀rɛ a Ɩsɩrayɛl nɩbɛ za zie a, bɛ tɩ lɩɛb'a jɩ́rɛ a wɛja-kpalɛ lowr, wa bere a Sore yúor-vɩɛlʋ-danʋ sãá a zũzuwr pʋɔ.

Eziptɩ tẽw yib 19:11

Bɛ cɔbrɩ gù a deyere, bʋ̃ʋ n'ʋ vɛ̃, a deyere n'a ɩ̃ na siw a Sinayi tãw zu, a nɩbɛ za niŋé.

Eziptɩ tẽw yib 24:16

A Sore yúor-vɩɛlʋ-danʋ tɩ be n a Sinayi tãw zu, ɛ́ a zũzuwr pili pàw ʋ bibie ayʋɔb. A bibie ayopõi sob daar a, a Sore tɩ be n a zũzuwr pʋɔ ɛ́ bʋɔlɩ a Moyiir.

Eziptɩ tẽw yib 29:43

Be n'a ɩ̃ na mɩ́ tuori a Ɩsɩrayɛl nɩbɛ, ɛ́ a ɩ̃ beba a be nɩ a ɩ̃ yúor-vɩɛlʋ-danʋ na mɩ́ ɩ n a zie ʋl ʋ ɩ sõw.

Ezekɩɛl 43:2

Lɛ n'a ɩ̃ tɩ nyɛ̃ a Ɩsɩrayɛl Naaŋmɩn yúor-vɩɛlʋ-danʋ ʋ yi a saa-pɛrɩ́ waar. A gɔmɛ ʋ na tɩ ɩrɛ a ŋmɛ̃ na taa nɩ kʋ̃ɔ-kpɛ̃ɛ gɔmɛ, ɛ́ a ʋ cãà tɩ caalɛ a tẽw.

Ezekɩɛl 43:27

A bibie ayopõi á ŋá wa tɔl a, a bibie ani sob nɩ a bibie al na na tu a, a bàwr-maalbɛ na maalɛ nɩ a nyɩw-a-za-bagɛ nɩ a ƴã-ɓaarʋ bagɛ a nɩbɛ ƴãw a bàwr-maal-kuur zu. Lɛ n'a ɩ̃ na wul nyɩ a ɩ̃ nɔ̃wfʋ. A mãa Sore Naaŋmɩn n'ʋ yere.»

Levitɩ mɩnɛ 2:1

«Nɩr wa bɔbr k'ʋʋ de kukur bom kʋ̀ a Sore a, a fɛr'a k'ʋʋ de zɔ̃ pʋr kãá dɔwlɩ ɛ́ ƴãw tɩ-suur-zɔ̃-na-nyùur-vla-vla-a.

Levitɩ mɩnɛ 3:1

«Nɩr wa bɔbr k'ʋʋ nyɔw dʋ̃w a ʋ nĩi pʋɔ maal'ɩ ƴã-ɓaarʋ bàwr a, ʋ na wa n nɩ nadɛr bɩɩ na-nyãw a ƴã-gan zie kãw za na bɛ sãw a, a Sore niŋé.

Levitɩ mɩnɛ 9:23

A Moyiir nɩ a Aarɔ̃ tɩ kpɛ n a tuor-taa pɛn-sɛw pʋɔ. Bɛ na tɩ lɛb yi a be a, bɛ ƴɛ̀r'ɩ nɔ-vla ƴãw a nɩbɛ. Lɛ n'a a Sore yúor-vɩɛlʋ-danʋ tɩ sãá a nɩbɛ za nyɛ̃.

Levitɩ mɩnɛ 9:3

Al pùorí, fʋ na ƴɛ̀r'ɩ à ŋá a Ɩsɩrayɛl nɩbɛ zie: “Nyɩ nyɔw bʋra yel-bier-ír-bɛrʋ bàwr maalʋ ƴãw, ɛ́ nyɔw yũon-been nále nɩ yũon-been péle a ƴã-gamɛ zie kãw za na bɛ sãw a, nyɩw-a-za-bàwr ƴãw.

Levitɩ mɩnɛ 9:5

Bɛ tɩ wa n nɩ a bome á ŋá a Moyiir na yel a, a tuor-taa pɛn-sɛw dɩ̃dɔr nʋɔr, ɛ́ a lãw nɩbɛ za taw ta àr a Sore niŋé.

Levitɩ mɩnɛ 9:6

A Moyiir tɩ yel'a: «Ɩ̃ na wul nyɩ nɩ a lɛ a Sore na yel kɛ́ nyɩ ɩ, a ʋ yúor-vɩɛlʋ-danʋ tʋ̃ɔ́ sãá a nyɩ zie a.»

Sɔr-nɛ́ɛ 14:10

A lãw za tɩ yere na kɛ́ bɛ lɔb'ɩ bɛ kʋsɛbɛ kʋ, wa bere a Sore yúor-vɩɛlʋ-danʋ sãá a Ɩsɩrayɛl nɩbɛ za niŋé, a tuor-taa pɛn-sɛw zu.

Sɔr-nɛ́ɛ 16:19

A Koore tɩ bʋɔl'ɩ a Ɩsɩrayɛl lãw nɩbɛ za ɓã taa a bɛ niŋé, a tuor-taa pɛn-sɛw dɩ̃dɔr nʋɔr. Lɛ n'a a Sore yúor-vɩɛlʋ-danʋ tɩ sãá, a lãw nɩbɛ za nyɛ̃,