«Moyiir i, ƴãw a fʋ yɛb Aarɔ̃ wa a fʋ zie, ʋlɛ n'ɩ a ʋ bidɛbr Nadavʋ, Avihu, Eleazaar nɩ Itamaar. Fʋ na bʋ́r bɛ na, bɛlɛ nɩ a Ɩsɩrayɛl nɩbɛ ŋmãa na cɛ a, bɛ ɩ bàwr-maalbɛ tone a ɩ̃ tome.
«A fʋ̃ʋ Moyiir, fʋ na su n a kparɩ á ŋá a fʋ yɛb Aarɔ̃ nɩ a ʋ bidɛbr. Fʋ na cir'ɩ a kãá ƴãw bɛ a zuru ƴãw, ɛ́ ka a nũu ƴãw bɛ. À à ŋá n'a fʋ na maalɩ bɛ bɛ ɩ son, ɩ bàwr-maalbɛ tone a ɩ̃ tome.
«Nyɛ̃ a lɛ fʋ na na tu mɩ́ ka nũu ƴãw a Aarɔ̃ nɩ a ʋ bidɛbr bɛ ɩ a bàwr-maalbɛ tone a ɩ̃ tome a: Fʋ na kaa na ír nadɛr nɩ pʋ́rɩ ayi, a ƴã-gan zie kãw za na bɛ sãw a.
ɛ́ sɛ bɛ a bɛ kpàgɛ, vɔblɩ bɛ a bɛ kpawʋʋr. A lɛn daar a, bɛ na ɩ n a bàwr-maalbɛ. Nʋɔr'ʋ ƴãw gã kʋralɛ. Pãa nyɛ̃ a lɛ fʋ na na de a tome ƴãw a Aarɔ̃ nɩ a ʋ bidɛbr nuru pʋɔ a:
«Bʋɔlɩ a Aarɔ̃ nɩ a ʋ bidɛbr wa n a tuor-taa pɛn-sɛw dɩ̃dɔr nʋɔr. Ƴãw bɛ wa n kpar-son nɩ a kãá-cir-ƴãwfʋ kãá, cãà ƴãw bɛ wa n a yel-bier-ír-bɛrʋ bàwr nadɛr, a pʋ́rɩ ayi nɩ a zãkpa na ƴãw a dipɛ̃ na bɛ ƴãw dãbɩl a.
