Levitɩ mɩnɛ 7:13 - A SƐB-SÕW

¹³ Ʋ mɩ̀ na wa n nɩ dipɛ̃ na ƴãw dãbɩl a wa lãwnɩ a danʋ bàwr.

Levitɩ mɩnɛ 7:13 ပူးပေါင်းရင်းမြစ်များ

Zeremi 33:11

a cuw gɔmɛ, a nʋ̃ɔ̀ cɛlsɩ, a dɛb-sãan nɩ a pɔw-sãan yielu. Bɛ na lɛb'a wone a bɛlɩ dem na na wa n a bɛ danʋ bagɛ a Ŋmɩn-yir-kpɛ̃ɛ pʋɔ a, yielu ŋa: “Nyɩ danɛ a Sore, a kpɛnʋ-za-sob, bʋ̃ʋ n'ʋ vɛ̃, ʋ vɩɛl'a, ɛ́ a ʋ nɔ̃wfʋ be n be kʋralɛ.” Sɩza, ɩ̃ na lɛb'a maalɩ a tẽw ŋa ƴãw ʋ lɛb ŋmɛ̃ mɛ̃ a koro za a.» À à ŋá n'a a Sore yel.

Levitɩ mɩnɛ 2:12

Nyɩ na tʋ̃ɔ́ na mɩ́ wa n de-kʋ̀b bom na ƴãw dãbɩl bɩɩ sɩwr a wa kʋ̀ a Sore, a lɛn daar nyɩ na mɩ́ waar'ɩ a kukur bʋ̃-dan a. Ɛcɛ nyɩ bɛ nyɩwr a a bàwr-maal-kuur zu a ɩrɛ de-kʋ̀b bom a zʋ̀ʋ́r na nyùur vla vla a ɩ.

Levitɩ mɩnɛ 23:17

Nyɩ na yi n a nyɩ yie pʋɔ wa n dipɛ̃ ayi wa tu a bom de-tɩrʋ tub de a kʋ̀ m. Kilo ata zɔ̃ n'a nyɩ na mɩ́ maal'ɩ dipɛ̃ za, ɛ́ sɛ̃ ʋ lãwnɩ dãbɩl. A bʋ̃-bie al nyɩ na na de niwn cɛ̀ a, al pʋɔ n'a a de-kʋ̀b bom ŋa na yi.

Levitɩ mɩnɛ 23:18

Nyɩ na wa n nɩ yũon-been péli ayopõi a ƴã-gamɛ zie kãw za na bɛ sãw a, nadɛr nɩ pʋ́rɩ ayi, wa ƴãw a dipɛ̃ de-kʋ̀b ƴãw kʋ̀ m. Nyɩ na maal'ɩ a nɩ nyɩw-a-za-bàwr kʋ̀ m, lãwnɩ a zɔ̃ nɩ a dipɛ̃ de-kʋ̀b na pʋɔ a. Bàwr bome bɛ na mɩ́ nyɩw a zʋ̀ʋ́r nyũu nʋmɛ a ɩ̃ zie a n'a.

Amɔsɩ 4:5

Nyɩ maalɩ yãanɩ puoru bagɛ, nyɩw a dipɛ̃ na ƴãw dãbɩl a a bàwr-maal-kuur zu. Nyɩ yel a nɩ-yaga pʋɔ a bʋ̃-tɛrɩ nyɩ na nɔnɛ de kʋ̀ a Naaŋmɩn a, lɛ n'a na nyɩ nɔnɛ a.» A Sore Naaŋmɩn n'ʋ yel.

Matie 13:33

A Yeezu tɩ lɛb'a lɔb zʋkpar kãw kʋ̀ bɛ à ŋá: «A tẽ-vla Naalʋ ŋmɛ̃ na mɛ̃ dãbɩl pɔw na de ƴãw peli nɛ́ɛ ata zɔ̃ pʋɔ, ɛ́ gù a zɔ̃ za ʋ na bu a tɩ ìr a.»

1 Timote 4:4

Bʋ̃ʋ n'ʋ vɛ̃, bom za Naaŋmɩn na ír a ɩ n bʋ̃-vla, ɛ́ bom za bɛ ɩ bʋ̃-ciira, bɛlɛ wa dier ʋ puore nɩ Naaŋmɩn barka a.