Levitɩ mɩnɛ 6:3 - A SƐB-SÕW

³ Al pùorí, a bàwr-maalɛ na su n a ʋ lɛ̃ pɛn kparʋ nɩ a ʋ lɛ̃ pɛn tɔ̃tɔl, wob'ɩ a bàwr-maal-bom na dɩ a tãpɛl-kãá bin a bàwr-maal-kuur pɛr.

Levitɩ mɩnɛ 6:3 ပူးပေါင်းရင်းမြစ်များ

Eziptɩ tẽw yib 23:4

«Nyɩmɛ wa nyɛ̃ a nyɩ dɔ̃ sob náab bɩɩ bõw ʋ bɔrɛ gʋɔr a, nyɩɩm kpa ʋ cen nɩ tɩ kʋ̀ ʋ.

Eziptɩ tẽw yib 28:42

Bɛ na sɛ n lɛ̃ pɛn tɔ̃tɔlɛ kʋ̀ bɛ bɛ mɩ́ pàw nɩ a bɛ faalʋ. A na mɩ́ pàw nɩ a sɩɛ tɩ tɔ a gbɛbɛrɛ.

Zʋkpaɩ 24:28

Ta yel a fʋ tɔ sob sãwna ɛ́ a bɛ tɛr pɛr ɛ. Fʋ nɔ̃w bɔbr'a kɛ́ fʋ ŋmãa ziri bɩɩ?

Zʋkpaɩ 30:9

Bʋ̃ʋ n'ʋ vɛ̃, mãa wa tɛr a zuo a, ɩ̃ na tʋ̃ɔ́ na zawrɩ fʋ bɛr, yere nɩ: «Ãa n'ɩ a Sore?», bɩɩ mãa wa ɩ nã́w sob zuo a, ɩ̃ na tʋ̃ɔ́ na lɩɛbɩ nyãnyuwe sãw a ɩ̃ Naaŋmɩn yúor.

Zeremi 5:2

Bɛ na saa mɩ́ yel: «A Sore na vʋʋrɛ a zũú!» a, pɔ-ziri n'a bɛ mɩ́ pɔ.

Zeremi 7:9

Ŋmɩŋmɩn za n'a nyɩ na zure, kʋrɛ, maalɛ pɩ̃ɔ-yele, pɔrɛ pɔ-ziri, maalɛ bagɛ kʋ̀rɛ a Báàl, zɔrɛ tuur ŋmɩn-yoru nyɩ na bɛ bãw a,

Ezekɩɛl 44:19

Bɛlɛ wa lɛb cere a sɔwlɩsɔw davʋra pʋɔ a, a be a nɩbɛ na àr a, bɛ na yaa nɩ a bʋ̃-suuri bɛ na tɩ su a bɛ tome daar a. Bɛ na bin a nɩ a zi-sõw diru pʋɔ, ɛ́ su bʋ̃-suur-yoru. À ŋá n'a a nɩbɛ kʋ̃ tɔ a bɛ bʋ̃-suur-son ɛ.

Levitɩ mɩnɛ 1:16

Ʋ na ír'ɩ a kpʋ̃lãyuor lãwnɩ a bome na be a ʋ pʋɔ a lɔb bɛr a bàwr-maal-kuur saa-pɛrɩ́, a be bɛ na mɩ́ wob a tãpɛl-kãánɩ bin a.

Levitɩ mɩnɛ 16:4

A fɛr'a k'ʋʋ mɩ́ su lɛ̃ pɛn kparʋ, ɛ́ sɛ lɛ̃ pɛn tɔ̃tɔl, ɛ́ sɛ lɛ̃ pɛn kpàwr ɛ́ vili a zu nɩ lɛ̃ pɛn. Ɛcɛ a bʋ̃-suuri á ŋá na ɩ bʋ̃-son a, a fɛr'a k'ʋʋ mɩ́ so kʋ̃ɔ ɛ́ bãw su a.

Levitɩ mɩnɛ 19:12

Nyɩ taa dier a ɩ̃ yúor pɔrɛ nɩ pɔ-ziri ɛ: nyɩmɛ wa ɩ a lɛ a, a ɩ̃ yúor'ʋ nyɩ bɛ ƴãw ɛ. Mãa n'ɩ a Sore nyɩ Naaŋmɩn.»

Zakari 5:4

A Sore, a Kpɛnʋ-za-sob, yere na kɛ́ ʋl mɩŋa n'ʋ ƴãw a ŋmɛ-ƴãw ŋa waar: ʋ na tɩ kpɛ n nɩr za na zure nɩ nɩr za na mɩ́ pɔ, ɛ́ bɛ ír a ʋ pɔɛ a yir pʋɔ, be a be, sãwnɛ bom za bɛrɛ, mɩ́ tɩ lãwnɩ a wɛwr nɩ a kʋsɛbɛ.»

Malasɩ 3:5

A Sore, a kpɛnʋ-za-sob, yere nɩ à ŋá: “Ɩ̃ na wa n a nyɩ sɔgɔ, wa dɩ n nyɩ a ƴɛ̀rʋ. Ɩ̃ na yel'ɩ a sɔbr sãwna fɔ̃wlɛ, nɩ a pɩ̃ɔ-yel-maalbɛ, nɩ a pɔ-ziri dem, nɩ a bɛlɩ dem na nɛbr a bɛ tõ-tõ-biir, a pɔw-kɔbɛ nɩ a bi-kpebe a, a bɛlɩ dem na ɩrɛ a kpɩɛr a nʋʋrɩ a, a bɛlɩ dem za na bɛ ƴãwnɛ mɛ̃ a.”»