Levitɩ mɩnɛ 5:16 - A SƐB-SÕW

¹⁶ Lɛb waar mɩ̀, ʋ na ya n a sãwfʋ ʋ na sãw a zi-sõw a, ɛ́ cãà lɛb dɔwlɩ a yar na põ ziir anũu a, a zi-been sob, ɛ́ de a za kʋ̀ a bàwr-maalɛ. A bàwr-maalɛ na maal'ɩ nɩ a dʋ̃w bàwr, ɛ́ tu a yel-bebe suur-dɩ-kʋ̀b tub a sãwna sob ƴãw, a Naaŋmɩn dɩ suur kʋ̀ ʋ.»

Levitɩ mɩnɛ 5:16 ပူးပေါင်းရင်းမြစ်များ

Sɛb-sõw yielu 69:4

Ɩ̃ ŋmɛ n a cɛlsɩ tɩ bàl, a kɔkɔr ko n ʋ za. Ɩ̃ piwr'ɩ a ɩ̃ Naaŋmɩn waa tɩ bàl.

Eziptɩ tẽw yib 22:1

«Bɛlɛ wa ùr nyãnyuge tɩ̃ɩsɔw, ʋ ŋmɩɛr dacin puore k'ʋʋ zu a, ɛ́ bɛlɛ wa ŋmɛ ʋ ʋ kpi a, a bɛ ɩ nɩr'ʋ bɛ kʋ ɛ.

Levitɩ mɩnɛ 22:14

«Nɩr bɛ wa bãwnɩ a bʋ̃-dɩra ŋa ɛ́ dɩ a, a fɛr'a k'ʋʋ kʋ̀ a bàwr-maalɛ bom na zɛ̃ a bʋ̃-dɩra ŋa a, ɛ́ cãà lɛb dɔwlɩ a bom zɛ̃a na põ ziir anũu a zi-been sob.»

Levitɩ mɩnɛ 27:13

A sob nɛ na kõ a nʋɔr wa bɔbr k'ʋʋ ya de a dʋ̃w a, ʋ na ya n a libie nʋɔr a bàwr-maalɛ na ƴãw a, ɛ́ dɔwlɩ a libie á ŋá na põ ziir anũu a zi-been sob ƴãw pʋɔ.

Levitɩ mɩnɛ 27:15

A yir sob wa bɔbr k'ʋʋ ya de a ʋ yir a, ʋ na ya n a libie nʋɔr a bàwr-maalɛ na ƴãw a, ɛ́ dɔwlɩ a libie á ŋá na põ ziir anũu a zi-been sob ƴãw pʋɔ, ɛ́ so a ʋ yir.

Levitɩ mɩnɛ 27:27

Dʋ̃-dɛwr bil-dãw wa n'ʋ a, a dʋ̃w sob na tʋ̃ɔ́ na ya de ʋ, ʋ na ya n a libie nʋɔr a bàwr-maalɛ na ƴãw a, ɛ́ dɔwlɩ a libie á ŋá na põ ziir anũu a zi-been sob ƴãw pʋɔ. Ʋlɛ bɛ wa yarɛ dier ʋ a, a bàwr-maalɛ na tʋ̃ɔ́ na kʋɔrɩ a dʋ̃w a lɛ bɛ na man a daarʋ a ɩ a.

Levitɩ mɩnɛ 27:31

Nɩr wa bɔbr k'ʋʋ ya de a ŋmãa a, ʋ na ya n a daarʋ libie nʋɔr kʋ̀ a bàwr-maalɛ, ɛ́ dɔwlɩ a libie á ŋá na põ ziir anũu a zi-been sob ƴãw pʋɔ.

Levitɩ mɩnɛ 4:20

ʋ na ɩ n a nadɛr ŋa mɛ̃ a lɛ tɔr za ʋ na ɩ a nadɛr ʋ na maal'ɩ a bàwr a ʋl mɩŋa yel-bier ƴãw a. Ʋ na tu n a yel-bebe suur-dɩ-kʋ̀b tub a Ɩsɩrayɛl nɩbɛ ƴãw, ɛ́ a Naaŋmɩn dɩ a bɛ yel-bebe suur kʋ̀ bɛ.

Levitɩ mɩnɛ 4:26

Ʋ na nyɩw nɩ a dʋ̃w zi-kãánɩ za a bàwr-maal-kuur zu, mɛ̃ a lɛ a na mɩ́ ɩ a lãw-taa bàwr ƴãw a. Ʋ na tu n a yel-bebe suur-dɩ-kʋ̀b tub a nɩ-kpɛ̃ɛ nɛ ƴãw, ɛ́ a Naaŋmɩn dɩ a ʋ yel-bebe suur kʋ̀ ʋ.»

Levitɩ mɩnɛ 5:10

Al pùorí, a bàwr-maalɛ na kʋ n a lili ayi sob maal'ɩ nyɩw-a-za-bàwr, mɛ̃ a lɛ a na tuur a. Lɛ n'a ʋ pãa na tu a yel-bebe suur-dɩ-kʋ̀b tub a sãwna sob ƴãw, a Naaŋmɩn dɩ suur kʋ̀ ʋ.»

Levitɩ mɩnɛ 5:13

A bàwr-maalɛ na tu n a yel-bebe suur-dɩ-kʋ̀b tub a sãwna sob zu, a ʋ yel-bier ƴãw. Lɛ n'a a Naaŋmɩn na dɩ suur kʋ̀ a sob nɛ.» «A bàwr-maalɛ na tu n a tub ŋa mɛ̃ a lɛ a na ɩrɛ a kukur bom de-kʋ̀b ƴãw a.»

Levitɩ mɩnɛ 5:6

Al pùorí, a sãwna suur páwfʋ ƴãw a, ʋ na wa n nɩ pɛr-nyãw bɩɩ bʋ-nyãw wa maal'ɩ bàwr kʋ̀ a Sore a yel-bier-ír-bɛrʋ ƴãw. Lɛ n'a a bàwr-maalɛ pãa na tu a yel-bebe suur-dɩ-kʋ̀b tub a ʋ ƴãw.»

Levitɩ mɩnɛ 7:2

A be bɛ na mɩ́ ŋma a nyɩw-a-za-bagɛ dʋn kɔkɛɛ a, be n'a bɛ ŋmaarɛ a lɛb-kpɛ-taa bàwr dʋ̃w kɔkɔr, al pùorí, a bàwr-maalɛ mɩr a bàwr-maal-kuur kõkowe nɩ a zɩ̃ɩ.

Sɔr-nɛ́ɛ 5:7

A fɛr'a k'ʋʋ wo a sãwna ʋ na sãw a, ɛ́ lɛb tɩr a sãwna bom kʋ̀ a ʋ sob, ɛ́ cãà lɛb dɔwl'ʋ a bom nɛ daarʋ na põ ziir anũu a zi-been sob ƴãw pʋɔ.

Sɔr-nɛ́ɛ 5:8

A bom sob wa kpi, ɛ́ a ʋ nɩr kãw za bɛ ka be bɛ na kʋ̀ ʋ a bom a, a Sore n'ʋ bɛ na kʋ̀ a bom nɛ, a pɛr lɛ k'aa bàwr-maalɛ n'ʋ bɛ na kʋ̀. A sãwna sob na tɩr'ɩ pʋ́ra ƴãw pʋɔ lɛb-kpɛ-taa bàwr maalʋ ƴãw, a bàwr-maalɛ tʋ̃ɔ́ tu n a suur-dɩ-kʋ̀b tub a ʋ ƴãw.

Luka 19:8

Ɛcɛ a Zase tɩ àr'ɩ a Sore niŋé ɛ́ yel ʋ: «Sore e, nyɛ̃, ɩ̃ na de nɩ a ɩ̃ bʋ̃-tɛrɩ põ-zɛ̃-taa zie kʋ̀ nan dem, ɛ́ mãa wa dãw sãw nɩr a, ɩ̃ na lɛb'a maal'ʋ gb'a anaar dɔwlɩ.»

Nɩ-toni 26:20

Ɩ̃ nɩ̃ɛ na tɩ ìr tĩ a Damasɩ tẽw be, nɩ a Zerizalɛm nɩ a Zude tẽw za pʋɔ, tɩ lʋ̃ɔ nɩ a nɩ-bʋʋr-yoru ten pʋɔ, hiere kɛ́ a fɛr'a kɛ́ bɛ lɩɛbɩ a bɛ ɩb ɛ́ lɛb wa a Naaŋmɩn zie, wa vʋʋrɛ nyɔ-vʋʋrʋ na wul kɛ́ bɛ lɩɛbɩ a bɛ ɩb a.

1 Samɩɛl 6:3

Bɛ tɩ sɔw na: «Nyɩmɛ wa bɛrɛ a Ɩsɩrayɛl Naaŋmɩn wõ-taa daga a, nyɩɩm ta bɛr ʋ ʋ lɛb kul zawla ɩ. Nyɩ nɩ̃ɛ ƴãw fãw kʋ̀ ʋ sãwna ír-bɛrʋ bom. Lɛ n'a nyɩ na sanɩ, ɛ́ bãw bʋ̃ʋ n'ʋ so a Naaŋmɩn ŋa tɩ wule nyɩ a ʋ kpɛnʋ bɛ tɛr bɛ́rʋ.»