Levitɩ mɩnɛ 4:3 - A SƐB-SÕW

³ A bàwr-maal-kara wa n'ʋ maalɩ a yel-bier ƴãw a nɩbɛ za tɛr sãwna a, ʋ na ír'ɩ nadɛr a ƴã-gan zie kãw za na bɛ sãw a, maal'ɩ yel-bier ír-bɛrʋ bàwr kʋ̀ a Sore.

Levitɩ mɩnɛ 4:3 ပူးပေါင်းရင်းမြစ်များ

2 Bibie za yel-manɩ 29:21

Bɛ tɩ ƴãw na bɛ wa n nadɛɛ ayopõi, pʋ́rɩ ayopõi, péli ayopõi nɩ bʋrɩ ayopõi, yel-bier ír-bɛrʋ bàwr maalʋ ƴãw. A nãà yir ƴãw, a zi-sõw ƴãw nɩ a Zuda nɩ-bʋʋrɛ ƴãw n'a a bagɛ á ŋá maalʋ tɩ fɛrɛ. A nãà tɩ ƴãw nɩ a bàwr-maalbɛ, a Aarɔ̃ bʋʋrɛ, maalɩ a bagɛ á ŋá a Sore bàwr-maal-kuur zu.

Ɛsɩdɩrasɩ 8:35

A bɛlɩ dem za na tɩ be a diw-cenu zie na wa lɛb wa a, bɛ tɩ maal'ɩ bagɛ kʋ̀ a Ɩsɩrayɛl Naaŋmɩn: a Ɩsɩrayɛl nɩbɛ za yúor ƴãw a, bɛ tɩ maal'ɩ nyɩw-a-za-bagɛ nɩ nadɛɛ pie nɩ ayi, pʋ́rɩ lɩz'a anaar nɩ pie nɩ ayʋɔb, nɩ peli lɩz'a ata nɩ pie nɩ a ayopõi, de nɩ bʋrɩ pie nɩ ayi a yel-bebe suur páwfʋ ƴãw. Bɛ tɩ nyɩw nɩ a dʋn á ŋá za a dɩ kʋmkʋm a Sore ƴãw.

Eziptɩ tẽw yib 29:14

Ʋ na ɩ n a bàwr-maalbɛ yel-bier-ír-bɛrʋ-bàwr. Ɛcɛ a nadɛr nɛn na cɛ a, a gán nɩ a po-bine a, fʋ na yi na zaa nɩ a pɛnɛ-sɛwr pʋɔ tɩ nyɩw a bɛr yẽw.

Eziptɩ tẽw yib 29:21

Fʋ na ɩ n zɩ̃ɩ blã a bàwr-maal-kuur zu nɩ a kãá-cir-ƴãwfʋ kãá mɩr'ɩ a Aarɔ̃ nɩ a ʋ kparɩ, ɛ́ mɩ̀ mɩr a ʋ bidɛbr nɩ a bɛ kparɩ. Lɛ n'a a Aarɔ̃ nɩ a ʋ bidɛbr nɩ a bɛ kparɩ na ɩ son.

Eziptɩ tẽw yib 29:7

Al pùorí, fʋ na de nɩ a kãá-sõw cir ƴãw a ʋ zũú tu a kãá-cir-ƴãwfʋ tub a ʋ zie.

Eziptɩ tẽw yib 30:10

Gb'a-been yũon za a, a Aarɔ̃ na mɩ́ ɩ na ʋ lɛb vɩɛl. Ʋ na mɩ́ ɩ n a dʋ̃w bɛ na maal'ɩ a yel-bier ír-bɛrʋ bàwr a zɩ̃ɩ ƴãw a bàwr-maal-kuur ɩ́lɛ́ ƴãw. A tub ŋa na mɩ́ lɛb'a tu yũon za, a nɩbɛ na dɔwr lɩɛrɛ taa a zie. A bàwr-maal-kuur ŋa na ɩ n sõw yaga za a ɩ̃ ƴãw.»

Ezekɩɛl 40:39

A ziir ayi al a dĩo na mɩ́ cen tɩ tɔ a, tabalɛ ayi be n be. A tabalɛ ayi á ŋá zu a, bɛ mɩ́ kʋ n a dʋn a nyɩw-a-za-bagɛ nɩ a bagɛ al bɛ na mɩ́ maalɩ a yel-bebe ír-bɛrʋ ƴãw a.

Ezekɩɛl 43:19

Fʋ na kʋ̀ n nadɛr a levitɩ mɩnɛ na ɩ bàwr-maalbɛ yi a Sadɔkɩ yir a. Bɛl tɛwr nɛbɛ tɛr sɔ́r na taw pɩɛlɩ mɛ̃ tone a ɩ̃ tome, a mãa Sore Naaŋmɩn n'ʋ yere. Bɛ na maal'ɩ nɩ a nadɛr ŋa bàwr a yel-bebe suur-dɩ-kʋ̀b ƴãw.

Ezekɩɛl 44:27

A bibir nɛ ʋ na na lɛb kpɛ a zi-sõw sɔwlɩsɔw davʋra pʋɔ a, ʋ na maal'ɩ bàwr a ʋ yel-bier suur-dɩ-kʋ̀b ƴãw. A mãa Sore Naaŋmɩn n'ʋ yere.

Levitɩ mɩnɛ 1:10

«Bʋɔ bɩɩ pɛrʋ wa n'ʋ ʋ maalɛ nɩ a nyɩw-a-za-bàwr a, a fɛr'a k'ʋʋ ír pʋ́ra bɩɩ bʋra a ƴã-gan zie kãw za na bɛ sãw a:

Levitɩ mɩnɛ 1:3

«Náab wa n'ʋ ʋ maalɛ nɩ a nyɩw-a-za-bàwr a, a fɛr'a k'ʋʋ ír nadɛr a ƴã-gan zie kãw za na bɛ sãw a. Ʋ na cen nɩ ʋ nɩ a tuor-taa pɛn-sɛw dɩ̃dɔr nʋɔr, a Sore tɩ sàw de ʋ.

Levitɩ mɩnɛ 16:11

«A na ɩ à ŋá a, a Aarɔ̃ na tĩ na maal'ɩ a nadɛr a bàwr a ʋl mɩŋa yel-bier-ír-bɛrʋ ƴãw, ɛ́ tu a suur-dɩ-kʋ̀b tub a ʋl mɩŋa ƴãw nɩ a ʋ yir dem ƴãw. Ʋlɛ wa ŋmãa a nadɛr kɔkɔr a ʋl mɩŋa yel-bier-ír-bɛrʋ ƴãw baarɩ a,

Levitɩ mɩnɛ 16:3

«A Aarɔ̃ wa cere a zi-sõw pʋɔ a, a fɛr'a k'ʋʋ mɩ́ tɛr nadɛr yel-bier-ír-bɛrʋ-bàwr maalʋ ƴãw, nɩ pʋ́ra nyɩw-a-za-bàwr maalʋ ƴãw.

Levitɩ mɩnɛ 16:5

A fɛr'a k'aa Ɩsɩrayɛl nɩbɛ lãw mɩ́ kʋ̀ ʋ bʋrɩ ayi a yel-bier-ír-bɛrʋ bàwr maalʋ ƴãw, nɩ pʋ́ra nyɩw-a-za-bàwr maalʋ ƴãw.»

Levitɩ mɩnɛ 16:6

«A Aarɔ̃ na mɩ́ maal'ɩ nɩ a nadɛr a bàwr, a ʋl mɩŋa yel-bier-ír-bɛrʋ ƴãw, ɛ́ tu a suur-dɩ-kʋ̀b tub a ʋl mɩŋa ƴãw nɩ a ʋ yir dem ƴãw.

Levitɩ mɩnɛ 4:14

Bɛlɛ wa dɛ bãwnɩ a yel-bier ŋa a, bɛ na ír'ɩ nadɛr maal'ɩ yel-bier-ír-bɛrʋ bàwr. Bɛ na cen nɩ nɩ a nadɛr a tuor-taa pɛn-sɛw dɩ̃dɔr nʋɔr.

Levitɩ mɩnɛ 4:23

Ʋlɛ wa dɛ bãwnɩ a yel-bier ŋa a, ʋ na ír'ɩ bʋra a ƴã-gan zie kãw za na bɛ sãw a maal'ɩ bàwr.

Levitɩ mɩnɛ 4:28

Ʋlɛ wa dɛ bãwnɩ a yel-bier ŋa a, ʋ na ír'ɩ bʋ-nyãw a ƴã-gan zie kãw za na bɛ sãw a, a yel-bier ʋ na maalɩ a ƴãw.

Levitɩ mɩnɛ 4:5

A bàwr-maal-kara na ɩ n a zɩ̃ɩ kpɛ n a tuor-taa pɛn-sɛw pʋɔ,

Levitɩ mɩnɛ 5:6

Al pùorí, a sãwna suur páwfʋ ƴãw a, ʋ na wa n nɩ pɛr-nyãw bɩɩ bʋ-nyãw wa maal'ɩ bàwr kʋ̀ a Sore a yel-bier-ír-bɛrʋ ƴãw. Lɛ n'a a bàwr-maalɛ pãa na tu a yel-bebe suur-dɩ-kʋ̀b tub a ʋ ƴãw.»

Levitɩ mɩnɛ 6:18

k'ʋʋ ƴãw tub á ŋá kʋ̀ a Aarɔ̃ nɩ a ʋ bidɛbr: «A tub na càarɩ a yel-bier-ír-bɛrʋ bàwr a n'ɩ á ŋá: bɛ na mɩ́ ŋmãa nɩ a dʋ̃w kɔkɔr a Sore niŋé, a be bɛ na mɩ́ ŋma a nyɩw-a-za-bagɛ dʋn kɔkɛɛ a, bàwr-maal-bom na ɩ sõw yaga za a n'ʋ.

Levitɩ mɩnɛ 8:12

Ʋ tɩ cir'ɩ a kãá ƴãw a Aarɔ̃ zũú, ka nũu ƴãw ʋ.

Levitɩ mɩnɛ 9:2

Ʋ tɩ yel'ɩ a Aarɔ̃ à ŋá: «Bɔ nále yel-bier-ír-bɛrʋ bàwr maalʋ ƴãw, nɩ pʋ́ra nyɩw-a-za-bàwr maalʋ ƴãw, a za ayi ƴã-gamɛ zie kãw za kʋ̃ sãw ɛ. Fʋ na tɛr a na wa n a Sore niŋé.

Levitɩ mɩnɛ 9:3

Al pùorí, fʋ na ƴɛ̀r'ɩ à ŋá a Ɩsɩrayɛl nɩbɛ zie: “Nyɩ nyɔw bʋra yel-bier-ír-bɛrʋ bàwr maalʋ ƴãw, ɛ́ nyɔw yũon-been nále nɩ yũon-been péle a ƴã-gamɛ zie kãw za na bɛ sãw a, nyɩw-a-za-bàwr ƴãw.

Sɔr-nɛ́ɛ 16:22

Ɛcɛ a Moyiir nɩ a Aarɔ̃ tɩ lo na vɔblɩ muru ɛ́ yel: «'Woi Naaŋmɩn i, fʋ̃ʋ n'ʋ kʋ̀rɛ a nyɔ-vʋʋrʋ a fʋ bʋ̃-íri za, nɩ-been yõ n'ʋ maalɩ a yel-bier, ɛ́ fʋ na nyɛ̃ nɩ a lãw nɩbɛ za suur ɩ?»

Sɔr-nɛ́ɛ 8:8

Bɛ na nyɔw nɩ nadɛr, lãwnɩ kukur bome de-kʋ̀b zɔ̃ bɛ na naw nɩ kãá a, ɛ́ a fʋ̃ʋ mɩŋa nyɔw a nadɛr ƴen sob, yel-bier ír-bɛrʋ bàwr maalʋ ƴãw.

Ʋrɔm 8:3

A ʋlɩ bom nɛ, a Moyiir wulu na tɩ bɛ tʋɔr ɩrɛ a, a nɩsaal bãbàalʋ na tɩ ɩ ʋ bɛ tɛr fãw a ƴãw a, Naaŋmɩn ʋl ɩ ʋ na: a yel-bier-ír-bɛrʋ ƴãw a, ʋ dɔwr'ɩ a ʋ Bie a nɩsaal yel-bier ƴãw, ʋ na tõ a ʋl mɩŋa Bie ʋ wa ɩ nɩsaal, ŋmɛ̃ taa nɩ a nɩsaal na ɩ yel-bier sob a.

2 Korɛ̃tɩ 5:21

A Kɩrɩta bɛ tɩ tɛr yel-bier ɛ, ɛ́ a Naaŋmɩn tuo ʋ a tɩ yel-bier, kɛ́ tɩ tʋ̃ɔ́ lãw nɩ ʋ lɩɛbɩ nɩ-mɩn a Naaŋmɩn niŋé.

Ebre 5:3

Ɛ́ a ʋl mɩŋa na ɩ bãbàal a ƴãw n'a a fɛr k'ʋʋ mɩ́ maalɩ a bàwr a ʋl mɩŋa yel-bebe ƴãw, mɛ̃ a lɛ ʋ na mɩ́ maalɩ a nɩbɛ dem ƴãw a.

Ebre 9:12

Bʋ̀rɩ nɩ náli zɩ̃ɩ bɛ n'a a Kɩrɩta kpɛ n a zi-sõw-za-zi-zõw pʋɔ gb'a been daadaa ɩ, a ʋl mɩŋa zɩ̃ɩ n'a ʋ kpɛ n, ya de nɩ tɩ a baarɩ.