Levitɩ mɩnɛ 3:8 - A SƐB-SÕW

⁸ Ʋ na dɔwl'ɩ a nũu a dʋ̃w zũú, ɛ́ ŋmãa ʋ a kɔkɔr a tuor-taa pɛn-sɛw dɩ̃dɔr nʋɔr. A bàwr-maalbɛ na mɩr'ɩ a bàwr-maal-kuur kõkowe nɩ a zɩ̃ɩ.

Levitɩ mɩnɛ 3:8 ပူးပေါင်းရင်းမြစ်များ

Ɩzayi 53:6

Tɩ za tɩ bɔrɛ na gʋɔr mɛ̃ píir a, ŋa tuur ʋ sɔ́r, ŋa tuur ʋ sɔ́r. Ɛcɛ a Sore ɩ na a tɩ za sãwna lo a ʋ zu.

Levitɩ mɩnɛ 1:11

ʋ na ŋmãa nɩ a dʋ̃w kɔkɔr a Sore niŋé, a bàwr-maal-kuur saa-pɛrɩ́-gʋba-lowr. A bàwr-maalbɛ na ɩ a Aarɔ̃ bibiir a na mɩr'ɩ a bàwr-maal-kuur kõkowe nɩ a dʋ̃w zɩ̃ɩ.

Levitɩ mɩnɛ 1:4

Ʋ na ír'ɩ nũu dɔwlɩ a dʋ̃w zũú, ɛ́ a lɛ pʋɔ a, a Sore na sàw nɩ a ʋ bàwr-maal-bom ɛ́ dɩ a ʋ yel-bebe suur kʋ̀ ʋ.

Levitɩ mɩnɛ 1:5

Ʋ na ŋmãa nɩ a dʋ̃w kɔkɔr a Sore niŋé. A bàwr-maalbɛ na ɩ a Aarɔ̃ bidɛbr a na de nɩ a dʋ̃w zɩ̃ɩ tur kʋ̀ a Sore, al pùorí, bɛ de a mɩr'ɩ a bàwr-maal-kuur na be a tuor-taa pɛn-sɛw dɩ̃dɔr nʋɔr a kõkowe.

Levitɩ mɩnɛ 3:13

Ʋ na dɔwl'ɩ a nũu a dʋ̃w zũú, ɛ́ ŋmãa ʋ a kɔkɔr a tuor-taa pɛn-sɛw dɩ̃dɔr nʋɔr. A bàwr-maalbɛ na mɩr'ɩ a bàwr-maal-kuur kõkowe nɩ a zɩ̃ɩ.

Levitɩ mɩnɛ 4:15

A lãw nɩ-kore na dɔwl'ɩ a bɛ nuru a nadɛr zũú, ɛ́ a bɛ kãw ŋmãa ʋ a kɔkɔr a be, a Sore niŋé.

Levitɩ mɩnɛ 4:24

Ʋ na ír'ɩ nũu dɔwl'ɩ a dʋ̃w zũú ɛ́ ŋmãa ʋ a kɔkɔr a Sore niŋé, a be bɛ na mɩ́ ŋma a nyɩw-a-za-bagɛ dʋn kɔkɛɛ a. Yel-bier-ír-bɛrʋ bàwr'ʋ.

Levitɩ mɩnɛ 4:4

Ʋ na cen nɩ nɩ a nadɛr a Sore niŋé, a tuor-taa pɛn-sɛw dɩ̃dɔr nʋɔr. Ʋ na dɔwl'ɩ a nũu a dʋ̃w zũú, ɛ́ ŋmãa ʋ a kɔkɔr a be.

Matie 3:17

ɛ́ kɔkɔr kãw tɩ yi a salom zu yere: «A sob ŋa n'ɩ a ɩ̃ Bi-nɔna za, a ɩ̃ pʋɔ za pɛlɩ nɩ a ʋ ƴãw.»

2 Korɛ̃tɩ 5:19

Bʋ̃ʋ n'ʋ vɛ̃, a Kɩrɩta zũú, a Naaŋmɩn n'ʋ tone kɛ́ ʋlɛ nɩ a nɩsaalbɛ za lɛb kpɛ taa, lɛ so ʋ mɩ́ tɩ de a bɛ sãwna bɛr a baarɩ, ɛ́ ƴãw a lɛb-kpɛ-taa ƴɛ̀r-bie a tɩ nʋɔrɩ́.

2 Korɛ̃tɩ 5:21

A Kɩrɩta bɛ tɩ tɛr yel-bier ɛ, ɛ́ a Naaŋmɩn tuo ʋ a tɩ yel-bier, kɛ́ tɩ tʋ̃ɔ́ lãw nɩ ʋ lɩɛbɩ nɩ-mɩn a Naaŋmɩn niŋé.

Efɛɛzɩ 2:18

Ɛ́ ʋlɛ n'ʋ so a tɩ bʋʋrɛ bɛ ŋa ayi mɩ́ tʋ̃ɔ́ taw pɩɛlɩ a Naaŋmɩn Sãà, a Vʋʋrʋ been yõ ƴãw.

Efɛɛzɩ 3:12

A Kɩrɩta tɩ na sàw de ɛ́ lãw nɩ a ƴãw n'a tɩ mɩ́ sʋ̃ɔmɩ sàw bɛr dɛ̃bɩ̃ɛ ɛ́ àr a Naaŋmɩn niŋé.

1 Pɩɛr 2:24

ʋl na tuo a tɩ yel-bebe a ʋ ƴã-gan pʋɔ a da-gara zu, kɛ́ tɩ kpi ta cãà pʋɔ yel-bier pʋɔ, ɛ́ vʋʋrɛ vʋʋrʋ na tu yel-mɩnʋ a, a ʋl natɩɛ na sanɩ nyɩ a.