Levitɩ mɩnɛ 3:3 - A SƐB-SÕW

³ Nɛnɛ á ŋá na ɩ a Sore dem a n'a ʋ na de kʋ̀ ʋ: a kãá za na pàw a nyagɛ nɩ a púor a,

Levitɩ mɩnɛ 3:3 ပူးပေါင်းရင်းမြစ်များ

Sɛb-sõw yielu 119:70

Bɛ bɛ bɔbr kɛ́ bɛ bãw bom pɛr towtow ɛ, ɛcɛ mãa a, a fʋ wulu tub ɩrɛ mɛ̃ nɩ nʋ̃ɔ̀ yaga.

Eziptɩ tẽw yib 29:13

Fʋ na de nɩ a kãá za na pàw a nyagɛ nɩ a púor a, a sabr lõbowr kãw, a alãbie a za ayi nɩ a kãá na pàw a a nyɩw a za a bàwr-maal-kuur zu.

Eziptɩ tẽw yib 29:22

A pʋ́rɩ ayi sob de-kʋ̀b na ɩ n a bàwr-maalbɛ tome-deb ƴãw. Fʋ na de nɩ a dʋ̃w ŋa zʋʋr, a kãá na pàw a nyagɛ nɩ a púor a, a sabr lõbowr kãw, a alãbie a za ayi nɩ a kãá na pàw a a, nɩ a dʋrʋ pɛrɩ́ gbɛ́r.

Zʋkpaɩ 23:26

Ɩ̃ bie e, ƴãw a fʋ tɩ́ɛrʋ a ɩ̃ ƴãw, ɛ́ tuur a lɛ ɩ̃ na ɩrɛ a nɩ nʋ̃ɔ̀.

Ɩzayi 6:10

Ɩ a nɩ-bʋʋrɛ bɛ ŋa socie a kpawlɩ, ɩ a bɛ tobe a wõw, ɛ́ a bɛ mimie zɔ̃w. Ta sàw a bɛ mimie nyɛrɛ ɩ, a bɛ tobe wone ɩ, a bɛ socie bãw a pɛr ɛ. Bɛ ta tʋ̃ɔ́ lɩɛbɩ a bɛ ɩb, ɛ́ sanɩ ɛ.»

Ezekɩɛl 36:26

Ɩ̃ na kʋ̀ nyɩ nɩ soci-paala, ɩ̃ na ƴãw nyɩ nɩ vʋʋr-paala. Ɩ̃ na ír'ɩ a kʋsɩɛr socir bɛr a nyɩ ƴã-ganɩ́ ɛ́ ƴãw nyɩ ƴã-gã-nɛn socir.

Ezekɩɛl 44:15

«A levitɩ mɩnɛ bɛl na ɩ bàwr-maalbɛ, ɩ a Sadɔkɩ bʋ̃-dɔwrɩ a, bɛ tɩ tõ n a ɩ̃ zi-sõw tome a lɛn daar a Ɩsɩrayɛl nɩbɛ na tɩ taw zãá nɩ a mãa Sore a. Alɛ n'a so, bɛl tɛwr nɛbɛ na tʋ̃ɔ́ wa wa tone a ɩ̃ tome. Bɛ na tʋ̃ɔ́ na mɩ́ de a bàwr nɛn-kãá nɩ a zɩ̃ɩ kʋ̀ m. A mãa Sore Naaŋmɩn n'ʋ yere.

Levitɩ mɩnɛ 1:12

Bɛ na wɛl'ɩ a dʋ̃w nɛn, lãwnɩ a zu nɩ a ziir al na tɛr a kãá a. Bàwr-maalɛ kãw na de nɩ a nɛnɛ á ŋá za dɔwlɩ a dàar na dɩrɛ a bàwr-maal-kuur zu a zu.

Levitɩ mɩnɛ 1:8

Bɛ na de nɩ a nɛn-gbile lãwnɩ a zu nɩ a ziir al na tɛr a kãá a, dɔwlɩ a dà-ŋmaarɛ zu.

Levitɩ mɩnɛ 16:25

Al pùorí, ʋ nyɩw a yel-bier-ír-bɛrʋ bàwr dʋn nɛn-kãánɩ a bàwr-maal-kuur zu.»

Levitɩ mɩnɛ 3:16

A bàwr-maalɛ na nyɩw nɩ a nɛnɛ á ŋá za a bàwr-maal-kuur zu. Bʋ̃-dɩra bɛ na nyɩw ɛ́ a Sore nɔnɛ a zʋ̀ʋ́r nyũu a n'ʋ.» «A Sore so a zi-kãánɩ za.

Levitɩ mɩnɛ 3:2

Ʋ na dɔwl'ɩ a nũu a dʋ̃w zũú, ɛ́ ŋmãa ʋ a kɔkɔr a tuor-taa pɛn-sɛw dɩ̃dɔr nʋɔr. A bàwr-maalbɛ na ɩ a Aarɔ̃ bidɛbr a na mɩr'ɩ a bàwr-maal-kuur kõkowe nɩ a zɩ̃ɩ.

Levitɩ mɩnɛ 3:4

a alãbie a za ayi nɩ a kãá na pàw a ɛ́ mɛr a dʋ̃w lõbowe ƴãw a, pãa de nɩ a sabr lõbowr-kpɛ̃ɛ bɛ na lãw ír'ɩ a alãbie a.

Levitɩ mɩnɛ 4:10

—a ɩ n a alɩ ziir nɛ tɔr za bɛ na mɩ́ ír bɛlɛ wa kʋ nadɛr maal'ɩ lãw-taa bàwr a—. A bàwr-maal-kara na nyɩw a nɩ a nyɩw-a-za-bàwr bàwr-maal-kuur zu.

Levitɩ mɩnɛ 7:30

Ʋl mɩŋa na mɩ́ wa n nɩ a al a Sore na so a, a pɛr lɛ kɛ́ a nɛn-kãánɩ nɩ a dʋ̃w nyãa. A fɛr'a k'ʋʋ mɩ́ tu a bom tɩrʋ tub, kʋ̀ a Sore a dʋ̃w nyãa.

Levitɩ mɩnɛ 7:5

A bàwr-maalɛ na nyɩw nɩ à á ŋá za a bàwr-maal-kuur zu. Bàwr nɛn bɛ na nyɩw a Sore ƴãw a n'ʋ: a lɛb-kpɛ-taa bàwr'ɩ à ŋà.

Levitɩ mɩnɛ 9:10

Ʋ tɩ nyɩw nɩ a nɛn-kãánɩ, a alãbie nɩ a sabr lõbowr-kpɛ̃ɛ a bàwr-maal-kuur zu, mɛ̃ a lɛ a Sore na tɩ yel kʋ̀ a Moyiir a.

Matie 13:16

Ɛcɛ a nyɩɩm a, zu-nʋ̃ɔ̀ dem'ɩ nyɩ, a nyɩ mimie na nyɛrɛ, ɛ́ a nyɩ tobe wone a.

Matie 15:8

“Nɛ́ɛ tɛwr'a a nɩbɛ bɛ ŋa ƴãwnɛ nɩ mɛ̃, ɛcɛ a bɛ pʋʋr zãá nɩ mɛ̃.

Ʋrɔm 5:5

A tɩɛrʋ ŋa bɛ bɛ̀lɛ ɩ, bʋ̃ʋ n'ʋ vɛ̃, Naaŋmɩn ƴãw nɩ a ʋ nɔ̃wfʋ a tɩ socie pʋɔ, a Vʋʋrʋ Sõw ʋ na kʋ̀ tɩ a zũú.

Ʋrɔm 6:6

Tɩ bãwnɩ a yel ŋa vla: a nɩsaal ʋl tɩ na tɩ ɩ a koro za a, bɛ kpa ʋ nɩ a da-gara zu lãwnɩ a Kɩrɩta, k'aa yel-bier nɩr ʋl tɩ na ɩ a, ta cãà ɩ, ɛ́ tɩ mɩ̀ ta cãà ɩ a yel-bier gbãgbaar ɛ.

Wulu-ayi-sob 30:6

A Sore nyɩ Naaŋmɩn na ír'ɩ nyɩɩm nɩ a nyɩ bʋʋrɛ socie dɛwr bɛr, kɛ́ nyɩ tʋ̃ɔ́ nɔnɛ ʋ nɩ a nyɩ pʋɔ za, nɩ a nyɩ sɩ́ɛ za. Lɛ n'a nyɩ na tʋ̃ɔ́ vʋʋrɛ.

1 Samɩɛl 2:15

A mɩnɛ kãw mɩ̀, bɛ bɛ mɩ́ tɩ nyɩw a nɛn-kãánɩ sɛr ɛ, ɛ́ a bàwr-maalɛ tõ-tõ-bie cen tɩ yel a sob nɛ na maalɛ a bàwr a: «Tɩr nɛn bɛ tɩ cɩ̃ɩ kʋ̀ a bàwr-maalɛ. Ʋ bɛ bɔbr a fʋ nɛn-bɩ̃ɩ ɛ, nɛn-kɛr'ʋ ʋ bɔbr.»