Levitɩ mɩnɛ 26:9 - A SƐB-SÕW

⁹ Ɩ̃ na jɩ́r nyɩ na kaa, ɩ̃ na kʋ̀ nyɩ nɩ bibiir bɛ yãwmɛ, ɛ́ maal tɛr a ɩ̃ wõ-taa nɩ a nyɩɩm.

Levitɩ mɩnɛ 26:9 ပူးပေါင်းရင်းမြစ်များ

Yele-za-pɛr-tib 1:28

Al pùorí ʋ maalɩ bɛ ɛ́ yel bɛ: «Nyɩ dɔwr, nyɩ yɛ̀rɛ, nyɩ paalɛ a tẽw, nyɩ so ʋ ɛ́ dɩrɛ naalʋ a ʋ zu. Nyɩ so a kʋ̃ɔ-kpɛ̃ɛ zʋ́mɛ́, a saa-zu lili nɩ a dʋn za na dɛnɛ gʋɔr a tẽw zu a!»

Yele-za-pɛr-tib 17:20

A Ɩsɩmayɛl ƴãw a, ɩ̃ wõ n a fʋ zɛlʋ: ɩ̃ na maal'ʋ na, ɩ̃ na kʋ̀ ʋ nɩ dɔwfʋ, ɩ̃ na kʋ̀ ʋ nɩ bʋʋrɛ yaga za. Ʋ na dɔw nɩ na-mɩnɛ pie nɩ ayi, ɩ̃ɩ ɩ ʋ yɛ̀r ɩ nɩ-bʋʋrɛ na ta nɩ-bʋʋrɛ a.

Yele-za-pɛr-tib 22:17

k'ɩ̃ɩ na maalɩ fʋ nɩ yaga za, ɩ a fʋ bʋʋrɛ bɛ yɛ̀r yãwmɛ mɛ̃ a saa ŋmar-bie nɩ a kʋ̃ɔ-kpɛ̃ɛ nʋɔr biire a. A fʋ bʋʋrɛ na mɩ́ zɛb'a de a bɛ dɔ̃ dem tẽ-bɛrɛ.

Yele-za-pɛr-tib 26:4

Ɩ̃ na ɩ n a fʋ bʋʋrɛ bɛ yɛ̀r yãwmɛ mɛ̃ a saa ŋmar-bie a, ɩ̃ɩ na kʋ̀ bɛ nɩ a ziir á ŋá za. Ɩ̃ na maal'ɩ a nɩ-bʋʋrɛ za a bɛ zũú.

Yele-za-pɛr-tib 28:14

A fʋ bʋʋrɛ na yãwmɛ na mɛ̃ a tẽsɔw tanɛ a. A nyɩ tẽsɔw na yɛ̀lɩ na cen a mʋ̃tɔ̃w-kpɛb-lowr nɩ a saa-pɛrɩ́, a saa-pɛrɩ́-gʋba-lowr nɩ a saa-pɛrɩ́-dʋrʋ-lowr. Fʋ̃ʋ nɩ a fʋ bʋʋrɛ ƴãw n'a ɩ̃ na maalɩ a tẽw zu nɩ-bʋʋrɛ za.

Yele-za-pɛr-tib 28:3

A Naaŋmɩn kpɛnʋ-za-sob, ʋ maalɩ fʋ, ʋ ɩ fʋ yɛ̀r yãwmɛ yaga, ɛ́ ɩ nɩ-bʋʋrɛ na yãwmɛ ɓã taa a sãàkʋm.

Yele-za-pɛr-tib 48:4

ɛ́ yel mɛ̃: “Ɩ̃ na kʋ̀ b'ɩ bibiir bɛ yãwmɛ yaga, ɛ́ ɩ fʋ ɩ nɩ-bʋʋrɛ na yãwmɛ ɓã taa a sãàkʋm. Ɩ̃ na kʋ̀ n a tẽw ŋa a fʋ bʋʋrɛ bɛ so ʋ kʋralɛ”.»

Yele-za-pɛr-tib 6:18

Ɛcɛ ɩ̃ na bin nɩ a ɩ̃ wõ-taa mãa nɩ a fʋ̃ʋ cará. Fʋ na kpɛ n a gbor-kpɛ̃ɛ pʋɔ, fʋ̃ʋ nɩ a fʋ bidɛbr, a fʋ pɔw nɩ a fʋ biir-pɔwbɛ.

1 Na-mɩnɛ 3:8

Ɛ́ mãa n'ɩ ŋa ɩ a nɩ-bʋʋrɛ fʋ na kaa ír a niw-diere, nɩ-bʋʋrɛ na yãwmɛ yãwmɛ bɛ kʋ̃ tʋ̃ɔ́ sɔ́r bãw bɛ nʋɔr a.

2 Na-mɩnɛ 13:23

Ɛcɛ a Sore wa zɔ n bɛ nɩbaalʋ, ʋ wa dɩ n suur kʋ̀ bɛ, a wõ-taa ʋ na maal'ɩ a Abraham, a Ɩzaakɩ nɩ a Zakɔb a ƴãw. Ʋ bɛ tɩ sàw kʋ bɛ pàw pɛr ɛ, ɛ́ bɛ tɩ diw bɛ bɛr zãá nɩ ʋ sɛr ɛ.

Neemi 2:20

Ɩ̃ tɩ sɔw nɩ à ŋá kʋ̀ bɛ: «A Naaŋmɩn na be a salom zu a n'ʋ na ɩ tɩ tʋ̃ɔ́. A tɩɩm na ɩ a ʋ tõ-tõ-biir a, tɩ na ìr'a nyɔw a tome lɛb mɛ a tẽw. Ɛcɛ a nyɩɩm a, nyɩ bɛ tɛr sɔ́r na so bom kãw za a Zerizalɛm ka ɩ, nyɩ bɛ dɩrɛ nɩ-kpɛ̃ɛnʋ kãw za a ʋ pʋɔ ɩ, nɩr za mɩ̀ taa tɛrɛ a nyɩ tɩɛrʋ a tẽ-kpɛ̃ɛ ŋa pʋɔ towtow ɛ!»

Neemi 9:23

Fʋ kʋ̀ bɛ nɩ bʋʋrɛ bɛ yãwmɛ mɛ̃ a saa ŋmar-bie a. Fʋ tɛr bɛ na kpɛ n a Kanãa tẽw, fʋ na tɩ yel a bɛ sãàkʋm-kore kɛ́ bɛ cen tɩ zɛb de a.

Sɛb-sõw yielu 107:38

A Sore mɩ́ maalɩ bɛ na bɛ yɛ̀r yãwmɛ yaga, ʋ bɛ mɩ́ sàw a bɛ dʋn nʋɔr siwri ɛ.

Sɛb-sõw yielu 89:3

Ɩ̃ yere nɩ à ŋá: A fʋ nɔ̃wfʋ be n be kʋralɛ, a fʋ na ŋmɛ̃ fʋ ŋmɛ̃a a kpɛmɛ na gã a salom zu.

Eziptɩ tẽw yib 1:7

A Ɩsɩrayɛl bibiir tɩ dɔw na yɛ̀r a pùorí tɩ yãwmɛ bɛ tɛr tɛwr ɛ, ɛ́ tɛr fãw yaga za. Bɛ tɩ paal'ɩ a tẽw za.

Eziptɩ tẽw yib 2:25

Ʋ tɩ jɩ́r'ɩ a Ɩsɩrayɛl nɩbɛ ɛ́ bãw a lɛ a na ŋmɛ̃ a bɛ zie a.

Eziptɩ tẽw yib 6:4

Ɩ̃ maal'ɩ bɛ nɩ wõ-taa yel k'ɩ̃ɩ na kʋ̀ bɛ nɩ a Kanãa tẽw bɛ na ɩ nʋʋrɩ kpɩɛr a.

Ɩzayi 55:3

Nyɩ ƴãw tobr ɛ́ wa a ɩ̃ zie. Nyɩ bɛrɛ wone, ɛ́ nyɩ na vʋʋrɛ na. A Sore yere na: «Ɩ̃ na maal'ɩ nyɩ nɩ wõ-taa na na be be kʋralɛ a. Ɩ̃ na tu n nyɩ nɩ a maalʋ ɩ̃ na yel k'ɩ̃ɩ na kʋ̀ n a Daviir a.

Zeremi 23:3

Mãa mɩŋa na ɓã n a ɩ̃ dʋn al na cɛ a taa, a ten al za pʋɔ ɩ̃ na diw a yaarɩ a. Ɩ̃ na lɛb'a tɛr a wa n a mʋ̃ɔ 'wɔbrʋ ziir. A na wa dɔw na yɛ̀r a be yaga za.

Zeremi 23:4

Ɩ̃ na ƴãw nɩ dʋ̃-cɩ̃ɩn-sɩza mɩnɛ bɛ cɩ̃ɩnɛ a. Ɛ́ a bɛl zũú a, a kʋ̃ cãà bãw dɛ̃bɩ̃ɛ nɩ pʋl-vʋ̃ɔ ɩ. Been za bɛ lɛb cɩ́ɛr ɛ, a Sore n'ʋ yere.»

Zeremi 33:3

Bʋɔlɩ mɛ̃, ɩ̃ɩ na sɔw fʋ na. Ɩ̃ɩ na ɩ na fʋ bãw yel-sɔwl-bɛrɛ fʋ na bɛ bãw a.

Ezekɩɛl 16:62

Zerizalɛm i, ɩ̃ na maal'ɩ fʋ nɩ wõ-taa, lɛ n'a fʋ na bãw kɛ́ mãa n'ɩ a Sore.

Ezekɩɛl 36:9

Sɩza, ɩ̃ na ƴɛ̀r'a kpɛ nyɩ, ɩ̃ na ƴãw nɩ fãw a nyɩ tẽsɔw lɛb bãw kɔ ɛ́ bʋ̀r.

Levitɩ mɩnɛ 26:15

nyɩmɛ wa zawrɩ a ɩ̃ nɛ́ɛ bɛr, nyɩmɛ bɛ wa nɔnɛ a ɩ̃ tub ɩ̃ na ƴãw a, nyɩmɛ bɛ wa sàwr a ɩ̃ nɛ-ƴãwnɩ, sãw a wõ-taa ɩ̃ na maal'ɩ nyɩ a bɛr a,

Luka 1:72

Ʋ wul'ɩ a ʋ nɔ̃wfʋ a tɩ sãà mɩnɛ, ɛ́ cãà lɛb bãwnɩ a ʋ Wõ-ta-sõw,

Wulu-ayi-sob 28:11

A Sore na ɩ na nyɩ tɛr a yaga za, a tẽw ʋ na pɔ yel a nyɩ sãàkʋm-kore zie k'ʋʋ na kʋ̀ nyɩ na a pʋɔ: a dɔwfʋ na tu nyɩ na, a nyɩ dʋn na yɛ̀r'a yãwmɛ, a nyɩ bʋ̃-kʋ́ɔrɩ na maal'ɩ vla za.

Wulu-ayi-sob 28:4

Ʋ na mɩ́ kʋ̀ nyɩ nɩ a dɔwfʋ, ɛ́ ɩ a nyɩ bʋ̃-kʋ́ɔrɩ a maalɩ vla. A nyɩ dʋn na mɩ́ yɛ̀r'a yãwmɛ: a nĩi, a píir nɩ a bʋʋr.

Wulu-ayi-sob 7:13

Ʋ na nɔnɛ nyɩ na, ʋ na maalɩ nyɩ na, ʋ na ɩ na nyɩ yãwmɛ. Ʋ na kʋ̀ nyɩ nɩ bibiir yaga, ɛ́ ɩ nyɩ de bʋ̃-dieri yaga: ble, divɛ̃ nɩ kãá. Ʋ na ɩ n a nyɩ dʋn a yɛ̀r, a nĩi, a píir nɩ a bʋʋr a tẽw ʋl ʋ na na kʋ̀ nyɩ a pʋɔ, mɛ̃ a lɛ ʋ na pɔ yel kʋ̀ a nyɩ sãàkʋm-kore a.

Ebre 8:9

Ʋ kʋ̃ ɩ mɛ̃ a ʋl ɩ̃ na tɩ maal'ɩ a bɛ sãàkʋm-kore a ʋlɩ bibir ɩ̃ na tɩ nyɔw bɛ nũú tɛr yi n a Eziptɩ tẽw pʋɔ a ɩ. Bɛ bɛ tɩ tɛr a ɩ̃ wõ-taa ŋa ɩ, lɛ so ɩ̃ mɩ̀ tɩɛ bɛ bɛr, a Sore n'ʋ yel.