Levitɩ mɩnɛ 26:5 - A SƐB-SÕW

⁵ A nyɩ zie a, nyɩ na mɩ́ va n a bʋ̃-varɩ tɩ ta n a divɛ̃ tɩɩr wɔmɛ pɔrʋ daar, ɛ́ pɔr a divɛ̃ tɩɩr wɔmɛ tɩ ta n a bʋ̀rʋ daar. A bʋ̃-dɩrɩ na mɩ́ ʋr'a, ɛ́ nyɩ ɓãá ƴãw kpɩɛr a tẽw.

Levitɩ mɩnɛ 26:5 ပူးပေါင်းရင်းမြစ်များ

Sɛb-sõw yielu 144:13

A tɩ boge paal'a yi nɛ́ɛ, a paal'a nɩ bʋ̃-pɛ-bʋʋrɛ za. A tɩ píir yɛ̀r'a dɔwlɩ gb'aa túr, gb'aa tùr-pie mɔ̃ mɩ̀, a tɩ wɛrʋ pʋɔ.

Sɛb-sõw yielu 90:1

A Naaŋmɩn nɩr Moyiir puoru. Sore e, yome yome za, fʋ̃ʋ n'ʋ tɩ ɩ a tɩ sɔwlʋ zie.

Eziptɩ tẽw yib 16:8

A Moyiir tɩ cãà na yel: «Nyɩ na nyɛ̃ na bãw k'aa Sore n'ʋ, a lɛn daar ʋ nãà wa kʋ̀ nyɩ nɛn nyɩ 'wɔb a zaanʋɔra, ɛ́ a biɓaara ʋ kʋ̀ nyɩ dipɛ̃ a man nyɩ a. Bʋ̃ʋ n'ʋ vɛ̃, a Sore wõ n a zɛbr nyɩ na zɛbr'ɩ ʋ a. A tɩɩm a, tɩmɛ mɩ̀ n'ɩ ã-mɩnɛ? Tɩmɛ bɛ nɛbɛ nyɩ zɛbr'ɩ ɛ, a Sore sɩrɩ n'ʋ nyɩ zɛbr'ɩ.»

Zʋkpaɩ 1:33

Ɛcɛ sob nɛ na bɛrɛ wone mɛ̃ a kʋ̃ bãw damnʋ ɛ, ʋ na vʋʋrɛ nɩ zoom ɛ́ bɛ tɛr a kpɩɛrʋ dɛ̃bɩ̃ɛ ɩ.»

Zʋkpaɩ 18:10

A Sore ɩ n zɛbr-yir-kpɛ̃w. A nɩ-mɩŋa mɩ́ zɔ na cen a ʋ zie ɛ́ bɛ tɩ bãwnɛ damnʋ a be ɩ.

Ɩzayi 1:19

Nyɩmɛ wa sàw bɛrɛ wone a, nyɩ na dɩrɛ nɩ a tẽw bʋ̃-nʋʋr.

Ɩzayi 30:23

A Sore na kʋ̀ nyɩ nɩ a saa a bʋ̃-bʋʋrɛ nyɩ na bʋ̀r a ƴãw. A bʋ̃-dɩrɩ a tẽsɔw na na kʋ̀ nyɩ a na ʋr'a ɛ́ nʋmɛ nʋmɛ. A ʋlɩ bibir nɛ a, a dʋn na 'wɔbr'ɩ mʋ̃ɔ mʋ̃ɔ 'wɔbrʋ ziir na yɛlmɛ yɛlmɛ a pʋɔ.

Zeremi 23:6

A ʋ daar a, a Zuda na nyɛ̃ nɩ a faafʋ, a Ɩsɩrayɛl na vʋʋrɛ nɩ zoom bɛ bãw damnʋ ɛ. Nyɛ̃ a yúor bɛ na na bʋɔlɛ ʋ a: “A Sore n'ɩ a tɩ mɩnʋ.”

A naaŋmɩn-ƴèr-manɛ Oze sɛbɛ 2:18

«A ʋlɩ bibir nɛ a, a Sore n'ʋ yere, ʋ na bʋɔlɛ mɛ̃ nɩ: “Ɩ̃ sɩr”, ʋ kʋ̃ cãà bʋɔlɛ mɛ̃: “Ɩ̃ Báàl, ɩ̃ zu-sob ɛ.”

A naaŋmɩn-ƴèr-manɛ Oze sɛbɛ 2:20

A ʋlɩ bibir nɛ a, mãa nɩ a wɛ-dʋn, a saa-zu lili nɩ a tẽsɔw bʋ̃-vuri na maal'ɩ wõ-taa a ɩ̃ nɩ-bʋʋrɛ ƴãw. Ɩ̃ na kár'ɩ a tam nɩ a zɛbr-sɔ-kpɛ̃ɛ bɛr, ɛ́ sãw a za bɛr, a kʋ̃ cãà a tẽw pʋɔ ɩ, ɩ̃ɩ na sàw na k'aa ɩ̃ nɩbɛ mɩ́ ɓãá ƴãw gúre.

Zowɛl 2:19

ɛ́ sɔw a bɛ puoru à ŋá: «Ɩ̃ na lɛb'a kʋ̀ nyɩ a ble, a divɛ̃ nɩ a kãá. Nyɩ na tɩ tɩw a na. Ɩ̃ kʋ̃ lɛb sàw towtow nyɩ ɩ nɩ-ɩ-laarɩ a nɩ-bʋʋr-yoru sɔgɔ ɩ.

Zowɛl 2:22

Nyɩɩm wɛ-dʋn ɩ, nyɩ ta zɔrɛ dɛ̃bɩ̃ɛ ɩ! A dɩlãpʋɔ mʋ̃ɔ lɛb'a sɔb tĩtĩ, a tɩɩr wɔnɛ na, a kãkã-tɩɩr nɩ a divɛ̃ tɩɩr wɔ̃ n zorkporo.

Zowɛl 2:26

Nyɩ na mɩ́ dɩ na tɩw, nyɩ na danɛ mɛ̃ na, a mãa Sore nyɩ Naaŋmɩn na maalɛ nɔ-ɓãa-yele a nyɩ ƴãw a. A ɩ̃ nɩbɛ bɛ be za na lɛb nyɛ̃ vĩ towtow ɛ.

Amɔsɩ 9:13

À ŋá n'a a Sore yere: «Bibie n'ɩ a ŋan waar na vɩɛ, bɛ na mɩ́ cɩɛr wa báarɛ ɛ́ lɛb kʋɔr, bʋ̀rɛ wa báarɛ ɛ́ nɛbr a divɛ̃ tɩɛ wɔmɛ íre a divɛ̃. Lɛ n'a a divɛ̃ na bùle yire a tan zu, ɛ́ a tãli paalɩ a divɛ̃.

Matie 23:37

«Zerizalɛm i! Zerizalɛm i! Fʋ̃ʋ na kʋrɛ a naaŋmɩn-ƴɛ̀r-manbɛ, ɛ́ lɔbr a bɛlɩ dem a Naaŋmɩn na tone a fʋ zie a nɩ kʋsɛbɛ kʋrɛ a, gb'a a ŋmɩn za n'a ɩ̃ tɩ bɔbr k'ɩ̃ɩ kaalɩ a fʋ bibiir ɓã taa, mɛ̃ nɔ-mã na mɩ́ kaalɩ a ʋ lili-pɩɩlɛ ɓã taa a ʋ pɩgɛ pile a, ɛ́ nyɩ bɛ sàw ɛ!

Nɩ-toni 14:17

Ɛcɛ ʋ tɩ cãà na wule bɛ a ʋ ɩ-vɩɛlɩ: mɩ́ kʋ̀ nyɩ a saa ɛ́ ɩ a bʋ̃-kʋ́ɔrɩ a maalɩ a daar. Ʋ mɩ́ kʋ̀ nyɩ nɩ bʋ̃-dɩrɩ ɛ́ ɩ kɛ̀ nʋ̃ɔ̀ ɩrɛ nyɩ yaga za.»

Wulu-ayi-sob 11:15

Ʋ mɩ̀ na mɩ́ ɩ na a mʋ̃ɔ bul a wɛrʋ pʋɔ a nyɩ dʋn ƴãw. Nyɩ na mɩ́ dɩ na tɩw.

1 Timote 6:17

Yel kʋ̀ a tẽw ŋa zu tɛra dem kɛ́ bɛ ta zɛwr bɛ tʋɔra ɩ, kɛ́ bɛ ta ƴãw a bɛ tɩɛrʋ a na-bome á ŋá na na tɔl a ƴãw ɛ, kɛ́ bɛ ƴãw a bɛ tɩɛrʋ a Naaŋmɩn ƴãw, ʋl na kʋ̀rɛ tɩ bʋ̃-vɩɛlɩ za bɛ dɩ vuo kɛ́ tɩ wone nɩ nʋ̃ɔ̀ a.

1 Pɩɛr 1:5

nyɩɩm a Naaŋmɩn na piw tɛr nɩ a ʋ fãw gùre nɩ a baarʋ daar a faafʋ na cɔbrɩ gã nãà wa sãá a, nyɩ na sàw de ʋ a ƴãw.