Levitɩ mɩnɛ 24:9 - A SƐB-SÕW

⁹ A Aarɔ̃ nɩ a ʋ bidɛbr na so a dipɛ̃-ɓãgalɩ á ŋá mɩ́ 'wɔb a zie na be be a 'wɔbrʋ ƴãw a, bʋ̃ʋ n'ʋ vɛ̃, bɛ na de a kʋ̀ m a, mãa yõ tẽtẽ so a, ɩ̃ɩ de a kʋ̀ bɛ a baarɩ.»

Levitɩ mɩnɛ 24:9 ပူးပေါင်းရင်းမြစ်များ

Eziptɩ tẽw yib 27:21

A Aarɔ̃ nɩ a ʋ bidɛbr na bin nɩ a fɩ̃tɩlɩ dɔwlʋ zie a tuor-taa pɛn-sɛw pʋɔ, a pɛn-yawla na piw a wõ-taa daga a niŋé. A fɩ̃tɩlɩ na mɩ́ 'lere nɩ a ɩ̃ niŋé, a zaanʋɔra tɩ ta n a biɓaara. Nʋɔr'ʋ ƴãw gã kʋralɛ a Ɩsɩrayɛl nɩbɛ na dɔwr lɩɛrɛ taa a zie.»

Levitɩ mɩnɛ 10:12

A Moyiir tɩ yel'ɩ a Aarɔ̃ nɩ a ʋ bidɛbr ayi na tɩ cɛ ʋ a, a Eleazaar nɩ a Itamaar: «Nyɩ de a de-kʋ̀b zɔ̃ bɛ na wa n a. Nyɩ ɩ a Sore dem. Al pùorí, nyɩ maalɩ dipɛ̃ na bɛ ƴãw dãbɩl a nɩ a zɔ̃ al na cɛ a, 'wɔb a a bàwr-maal-kuur pɛr, bʋ̃ʋ n'ʋ vɛ̃, bom na ɩ sõw yaga za a n'ʋ.

Levitɩ mɩnɛ 10:17

«Bʋ̃ʋ n'ʋ so nyɩ bɛ 'wɔb a bàwr ŋa nɛn zie na ɩ zi-sõw a pʋɔ, ʋ na ɩ bʋ̃-sõw yaga za a? A Sore tɩ kʋ̀ nyɩ nɩ a dʋ̃w ŋa kɛ́ nyɩ ír'ɩ a Ɩsɩrayɛl lãw nɩbɛ yel-bebe bɛr, ɛ́ tu a yel-bebe suur-dɩ-kʋ̀b tub a bɛ zu.

Levitɩ mɩnɛ 21:22

Ʋ na tʋ̃ɔ́ na mɩ́ dɩ a bàwr bɛ na maalɩ kʋ̀ m a bome, a bʋ̃-dɩrɩ al a mãa yõ na so a, nɩ a bʋ̃-dɩrɩ al na cɛ a.

Levitɩ mɩnɛ 24:10

Bibir kãw, Ɩsɩrayɛl nɩr nɩ nɩr kãw a sãà na ɩ Eziptɩ tẽw dɔɔ, ɛ́ a mã ɩ Ɩsɩrayɛl nɩr a, tɩ zɛb'ɩ taa.

Levitɩ mɩnɛ 3:17

Alɛ so, kʋralɛ nɩ zie nɛ za nyɩ na na kpɩɛr a, nyɩ na tuur'ɩ a nʋɔr ŋa na ƴãw gã kʋralɛ a: nyɩ bɛ 'wɔbr dʋ̃w nɛn-kãánɩ nɩ dʋ̃w zɩ̃ɩ ɛ.»

Levitɩ mɩnɛ 6:11

A Aarɔ̃ bʋ̃-dɔwrɩ pʋɔ dɛbr tɛwr nɛbɛ na mɩ́ tʋ̃ɔ́ dɩ a, bʋ̃ʋ n'ʋ vɛ̃, a bome bɛ na mɩ́ wa n wa de kʋ̀ a Sore a pʋɔ a, a bɛ dem n'ɩ à á ŋá kʋralɛ. À ŋá n'a so, bom za wa tʋɔr a a na ɩ n Naaŋmɩn bʋ̃-sora.»

Levitɩ mɩnɛ 6:16

Bʋ̃ʋ n'ʋ vɛ̃, bàwr-maalɛ kukur bom de-kʋ̀b mɩ́ ɩ n ʋ za, bɛ bɛ dɩrɛ bom za a ʋ pʋɔ ɩ.»

Levitɩ mɩnɛ 6:9

A Aarɔ̃ nɩ a ʋ bidɛbr na tʋ̃ɔ́ na dɩ a de-kʋ̀b bʋ̃-ŋmãa na cɛ a, ɛ́ taa ƴãwnɛ dãbɩl ɛ. A tuor-taa pɛn-sɛw davʋra zie kãw na ɩ sõw a pʋɔ n'a bɛ na dɩ ʋ.

Levitɩ mɩnɛ 8:3

Mɩ̀ bʋɔlɩ a Ɩsɩrayɛl nɩbɛ za ɓã taa a be.»

Levitɩ mɩnɛ 8:31

A Moyiir tɩ yel'ɩ a Aarɔ̃ nɩ a ʋ bidɛbr: «Nyɩ ƴãw bɛ dʋw a pʋ́rɩ ayi sob ŋa nɛn a tuor-taa pɛn-sɛw dɩ̃dɔr nʋɔr. Nyɩɩm mɩŋa na 'wɔb ʋ nɩ a be, lãwnɩ dipɛ̃ bɛ na cɔbrɩ a yel ŋa maalʋ ƴãw a, mɛ̃ a lɛ ɩ̃ na ƴãw a nʋɔr kʋ̀ nyɩ a.

Malasɩ 1:12

Ɛcɛ nyɩɩm sãwnɛ ʋ na, nyɩ na mɩ́ yel kɛ́: “A Sore bàwr-maal-kuur tɛr'ɩ dɛwr, ɛ́ a ʋ bʋ̃-dɩrɩ bɛ tɛr pɛr a.”

Matie 12:4

Ʋ tɩ kpɛ n a Naaŋmɩn yir pʋɔ, ʋlɛ nɩ a ʋ taabɛ, de a dipɛ̃ bɛ na mɩ́ kʋ̀ a Naaŋmɩn a 'wɔb, a dipɛ̃ á ŋá a, a bàwr-maalbɛ tɛwr nɛbɛ tɩ tɛr sɔ́r na mɩ́ 'wɔb a.

Markɩ 2:26

A lɛ ʋ na tɩ kpɛ a Ŋmɩn-yir pʋɔ, a lɛn daar a Abɩataar na tɩ ɩ a bàwr-maal-kara a, de a dipɛ̃ al bɛ na mɩ́ bin a Sore niŋé a 'wɔb, ɛ́ mɩ̀ kʋ̀ a ʋ taabɛ bɛ 'wɔb a ɩ? Ɛcɛ a dipɛ̃ á ŋá a, bàwr-maalbɛ tɛwr nɛbɛ tɩ tɛr sɔ́r kɛ́ bɛ mɩ́ 'wɔb a.»

Luka 6:4

A lɛ ʋ na tɩ kpɛ a Naaŋmɩn yir pʋɔ de a dipɛ̃ bɛ na mɩ́ bin a Naaŋmɩn niŋé a 'wɔb, ɛ́ mɩ̀ kʋ̀ a ʋ taabɛ bɛ 'wɔb a ɩ? A dipɛ̃ á ŋá a, nɩr bɛ tɛr sɔ́r na 'wɔb a ɩ, alɛ bɛ ɩ bàwr-maalbɛ tɛwr a.»

1 Samɩɛl 21:6

A Daviir tɩ yel'ɩ a bàwr-maalɛ: «Bʋnʋ ɩ, tɩ ciir'ɩ pɔwbɛ a yele á ŋá taabɛ pʋɔ. Ɛ́ lɛb waar, mãa wa yire a zɛbr a, bɛ mɩ́ de nɩ a ɩ̃ taabɛ zɛbr bome kʋ̀ a Naaŋmɩn, a dɩ̃a yib ŋa saa ɩ yib zawlalɛ a, ʋ na ɩ n sõw a dɩ̃a, a zɛbr bome na ɩ son a ƴãw.»