Levitɩ mɩnɛ 20:2 - A SƐB-SÕW

² k'ʋʋ tɛr wulu á ŋá a Ɩsɩrayɛl nɩbɛ zie: «Ɩsɩrayɛl nɩr bɩɩ nʋʋra na kpɩɛr a Ɩsɩrayɛl tẽw pʋɔ a wa de a ʋ bie kãw maal'ɩ bàwr kʋ̀ a ŋmɩn Molɛkɩ a, a fɛr'a kɛ́ bɛ kʋ ʋ. A tẽw dem na lɔb'ɩ ʋ nɩ kʋsɛbɛ kʋ,

Levitɩ mɩnɛ 20:2 ပူးပေါင်းရင်းမြစ်များ

1 Na-mɩnɛ 11:7

A lɛn daar a, a Salomɔ̃ tɩ cɔbrɩ maalʋ-zie, a tãw na àr tori a Zerizalɛm a zu, a Mowab tẽw dem ŋmɩn-faa faa Kemɔsɩ ƴãw. Ʋ mɩ̀ tɩ ƴãw na bɛ cɔbrɩ a kãw, a Amɔ̃ tẽw dem ŋmɩn-faa faa Mɩlkɔm ƴãw.

2 Na-mɩnɛ 17:17

Bɛ nyɩw nɩ a bɛ bidɛbr nɩ a bɛ pɔwyaar maal'ɩ bàwr. Bɛ tu n tɩtɩblʋ nɩ a nɩ-daar-yele-bãwfʋ ɩ-ɩrɩ pùor. Bɛ tu n ɩ-ɩrɩ na bɛ vɩɛl a Sore zie a pùor, sãw a ʋ suur.

2 Na-mɩnɛ 23:10

A Zozɩasɩ tɩ ɩ na a Tofɛtɩ, na be a Hinom bà-fʋɔla pʋɔ a, ʋ sãw, kɛ́ nɩr ta mɩ́ lɛb cãà tʋ̃ɔ́ nyɩw a ʋ bidɛb bɩɩ a ʋ pɔwyaa a be, maal'ɩ bàwr kʋ̀ a ŋmɩn Molɛkɩ ɛ.

2 Bibie za yel-manɩ 28:3

Ʋl mɩŋa tɩ tɩr'ɩ tɩ-suur-zɔ̃-na-nyùur-vla-vla-a de-kʋ̀b bom a Bɛn-Hinom fʋɔla pʋɔ, ɛ́ ƴãw bɛ nyɩw a ʋ bidɛbr maal'ɩ bàwr. A nɩ-bʋʋrɛ bɛl a Sore na tɩ diw k'aa Ɩsɩrayɛl nɩbɛ tʋ̃ɔ́ de a tẽw a, a bɛ ɩ-faar na bɛ maal'ɩ wob a, alɛ n'a a nãà Akaazɩ tɩ cɔwrɛ.

2 Bibie za yel-manɩ 33:6

Ʋ tɩ nyɩw nɩ a ʋ bidɛbr maal'ɩ bàwr a Bɛn-Hinom fʋɔla pʋɔ, ʋ tɩ tu n tɩtɩblʋ bʋʋrɛ bʋʋrɛ pùor, ɛ́ mɩ́ cen tɩ páw a bɛlɩ dem na kabrɛ a nyãakpɩmɛ a. Ʋ tɩ tɛr'a ɩrɛ a lɛ na bɛ vɩɛl a Sore zie a, a Sore suur tɩ ìr.

Sɛb-sõw yielu 106:38

Bɛ tɩ cir'ɩ nɩbɛ na bɛ tɛr sãwna a zɩ̃ɩ, — a bɛ bidɛbr nɩ a bɛ pɔwyaar bɛ na maal'ɩ bàwr kʋ̀ a Kanãa tẽw tɩbɛ a zɩ̃ɩ — ɛ́ a zɩ̃ɩ á ŋá tɩ dɛw a tẽw bɛr.

Zeremi 32:35

Bɛ cɔbr'ɩ maalʋ-ziir a ŋmɩn Báàl ƴãw a Hinom bà-fʋɔla pʋɔ, kɛ́ bɛ tʋ̃ɔ́ mɩ́ nyɩw a bɛ bidɛbr nɩ a bɛ pɔwyaar kʋ̀ a ŋmɩn Molɛkɩ. Ɩ̃ bɛ dãw yel a lɛ kʋ̀ bɛ towtow ɛ, ɩ̃ mɩ̀ bɛ dãw tɛr a tɩɛrʋ ɛ. Ɛ́ bɛ na ɩ a ɩb na maal kpɛ faa à ŋá a, bɛ taw nɩ a Zuda nɩbɛ ƴãw a faa pʋɔ.

Zeremi 7:31

A Bɛn-Hinom fʋɔla pʋɔ a, bɛ maal'ɩ zi-tuo a Tafɛtɩ, kɛ́ bɛ mɩ́ nyɩw a bɛ bidɛbr nɩ a bɛ pɔwyaar maal'ɩ bagɛ. Ɛcɛ, ɩ̃ bɛ tɩ yel à ŋá towtow ɛ, ɩ̃ bɛ dãw tɛr a tɩɛrʋ ɛ.»

Ezekɩɛl 20:26

Ɩ̃ tɩ bɛr bɛ na bɛ ɩ dɛwr dem. Bʋ̃ʋ n'ʋ vɛ̃, bɛ tɩ cɔbr'ɩ de-kʋ̀b bome na tɩ fɛr bɛ bɛ kʋ a bɛ bidɛb-dan a. Ɩ̃ tɩ bɔbr'a kɛ́ dɛ̃bɩ̃ɛ kpɛ a bɛl mɩŋa a lɛ bɛ na tɩ ɩrɛ a zũú. Lɛ n'a bɛ tɩ bãw kɛ́ mãa n'ɩ a Sore.»

Ezekɩɛl 20:31

A ƴɛrɛŋa mɩ̀ a, nyɩ na mɩ́ wa n a nyɩ bʋ̃-kʋ̀rɩ a, nyɩ na mɩ́ nyɩw a nyɩ bibiir maal'ɩ bàwr kʋ̀ a nyɩ ŋmɩn-bɛlɛbɛlɛ a, nyɩ ƴãwnɛ nɩ nyɩ tʋɔra dɛwr. Ɩsɩrayɛl nɩbɛ ɛ, a yele á ŋá pʋɔ a, nyɩ tɩɛr k'ɩ̃ɩ na sàw na nyɩ mɩ́ tɛr sowru a ɩ̃ zie e? Towtow! Ɩ̃ pɔ n nɩ a ɩ̃ nyɔ-vʋʋrʋ, ɩ̃ kʋ̃ sàw nyɩ tɛr sowru a ɩ̃ zie ɩ!

Ezekɩɛl 23:37

Pɔw-pɩ̃ɔ-yel-maalbɛ nɩ pɔw-nɩ-kʋrbɛ nɛbɛ. Bɛ maal'ɩ pɩ̃ɔ-yele, bɛ na puori a bɛ ŋmɩn-bɛlɛbɛlɛ a. Bɛ kʋ na, bɛ na maal'ɩ a bibiir bɛ na tɩ dɔw kʋ̀ m a bàwr a.

Ezekɩɛl 23:39

Bʋ̃ʋ n'ʋ vɛ̃, a ʋlɩ bibir nɛ bɛ na kʋ a bɛ bibiir maal'ɩ bàwr kʋ̀ a bɛ ŋmɩn-bɛlɛbɛlɛ a, bɛ kpɛ n a ɩ̃ zi-sõw pʋɔ, a ɩ̃ yir tɔr za, kɛ́ bɛ ɩ ʋ la.

Levitɩ mɩnɛ 17:13

«Ɩsɩrayɛl nɩr kãw, bɩɩ nʋʋra na kpɩɛr a Ɩsɩrayɛl nɩbɛ sɔgɔ a, wa kpɛ wɩ̀ɛ tɩ nyɔw dʋ̃w bɩɩ lile bɛ na 'wɔbr a, ʋ na ɩ na a zɩ̃ɩ cir a tẽsɔw, ʋʋ ga tanɛ pàw.

Levitɩ mɩnɛ 17:15

«Ɩsɩrayɛl nɩr, bɩɩ nʋʋra wa 'wɔb dʋ̃-kũu bɩɩ dʋ̃w wɛ-dʋ̃w na nyɔw a nɛn a, a fɛr'a k'ʋʋ pɛ́w a ʋ bʋ̃-suuri, ɛ́ a ʋl mɩŋa so kʋ̃ɔ, ɛ́ ɩ dɛwr sob tɩ ta a zaanʋɔra. Al pùorí, ʋ na lɛb'a vɩɛl.

Levitɩ mɩnɛ 17:8

Fʋ mɩ̀ na cãà na lɛb yel kʋ̀ bɛ: «Ɩsɩrayɛl nɩr, bɩɩ nʋʋra na kpɩɛr a Ɩsɩrayɛl nɩbɛ sɔgɔ a wa bɔbr k'ʋʋ maalɩ nyɩw-a-za-bàwr bɩɩ bàwr yũo a,

Levitɩ mɩnɛ 18:21

«Fʋ kʋ̃ de a fʋ bie kãw tɩr bɛ nyɩw a ŋmɩn Molɛkɩ ƴãwfʋ ƴãw ɛ, a ɩ̃ yúor'ʋ fʋ na sãw a lɛ. Mãa n'ɩ a Sore, a nyɩ Naaŋmɩn.»

Levitɩ mɩnɛ 20:1

A Sore tɩ yel'ɩ a Moyiir

Levitɩ mɩnɛ 20:27

«Dɛb bɩɩ pɔw wa sowre a kpɩmɛ a, a fɛr'a kɛ́ bɛ kʋ bɛ: bɛ na lɔb'ɩ bɛ nɩ kʋsɛbɛ kʋ. Bɛl yõ na so a bɛ kũu.»

Levitɩ mɩnɛ 24:14

«Ƴãw a zʋm-tʋʋrɛ ʋ yi zaa a laɩ pʋɔ. Bɛlɩ dem za na wõ ʋ tʋ a zʋm a, bɛ ír a bɛ nuru dɔwlɩ a ʋ zũú, ɛ́ a Ɩsɩrayɛl nɩbɛ lãw za lɔb'ɩ ʋ kʋsɛbɛ kʋ.

Levitɩ mɩnɛ 24:16

Sob nɛ na tʋ a Sore yúor a, a fɛr'a kɛ́ bɛ kʋ ʋ: a Ɩsɩrayɛl nɩbɛ lãw za na lɔb'ɩ ʋ nɩ kʋsɛbɛ kʋ. Nʋʋra n'ʋ bɩɩ Ɩsɩrayɛl nɩr'ʋ a, bɛ na kʋ ʋ na, ʋ na tʋ a Naaŋmɩn yúor a ƴãw.

Levitɩ mɩnɛ 24:23

À à ŋá n'a a Moyiir tɩ ƴɛ̀r a Ɩsɩrayɛl nɩbɛ zie. Lɛ n'a bɛ tɩ tɛr a sob nɛ na tʋ a Naaŋmɩn yúor a yi n a laɩ pʋɔ tɩ lɔb'ɩ ʋ a kʋsɛbɛ kʋ. À à ŋá n'a bɛ tɩ tu a lɛ a Sore na ƴãw a nʋɔr kʋ̀ a Moyiir a.

Nɩ-toni 7:43

Nyɩ tuo nɩ ŋmɩn Molɔkɩ pɛn-sɛw nɩ a nyɩ ŋmar-bi-ŋmɩn Erefan dasule. A tɩbɛ á ŋá n'a nyɩ maalɩ gbine dume puore. Lɛ so, ɩ̃ na ír nyɩ nɩ a nyɩ tẽw pʋɔ cen nɩ tɩ zuo nɩ Babɩlɔn bɛr.”

Wulu-ayi-sob 12:31

Nyɩmɛ wa puore a Sore nyɩ Naaŋmɩn a, nyɩ taa cɔwrɛ bɛ ɩ. Bʋ̃ʋ n'ʋ vɛ̃, a alɩ bome nɛ na kpɛ faa bɛ maal'ɩ wob a Sore zie a, bɛ maalɛ a nɩ a bɛ ŋmɩmɛ ƴãw, mɩ́ tɛr tɩ nyɩw a bɛ bidɛbr nɩ a bɛ pɔwyaar maal'ɩ bàwr kʋ̀ a bɛ ŋmɩmɛ.

Wulu-ayi-sob 17:2

Kapaw bibir kãw, a tẽ-bɛrɛ a Sore nyɩ Naaŋmɩn na kʋ̀rɛ nyɩ a kãw pʋɔ a, dɛb bɩɩ pɔw na ɩ n bom na bɛ pɛlɩ a Sore pʋɔ a, ʋ kʋ̃ tu a wõ-taa a Sore na maal'ɩ nyɩ a pùor ɛ:

Wulu-ayi-sob 18:10

Bɛ ta nyɛ̃ nɩr a nyɩ pʋɔ, ʋ nyɩw a ʋ bidɛb bɩɩ a ʋ pɔwyaa maal'ɩ bàwr ɛ, nɩr ʋ tone a tɩtɩwlʋ tome ɩ, ʋ sowre bàwr-bʋwrɛ ɩ, ʋ mɩ́ kanɩ a salom zu bãw yel ɛ, ʋ bãwnɛ nɩdaar yele ɩ, ʋ ɩrɛ sɔ-ɩb ɛ,

Wulu-ayi-sob 21:21

A lɛ a, a tẽw nɩbɛ za na lɔb'ɩ ʋ nɩ kʋsɛbɛ kʋ. Nyɩ na ír'ɩ a faalʋ bɛr à à ŋá, a nyɩ sɔgɔ. A Ɩsɩrayɛl nɩbɛ za na wõ n a yel ŋa, ɛ́ bɛ na zɔrɛ nɩ dɛ̃bɩ̃ɛ.

Wulu-ayi-sob 22:21

bɛ na tɛr ʋ na cen nɩ a ʋ sãà yir dɩ̃dɔrɩ́, a ʋ tẽw dem tɩ lɔb'ɩ ʋ kʋsɛbɛ kʋ. Bʋ̃ʋ n'ʋ vɛ̃, ʋ bɛ tõ vla a Ɩsɩrayɛl tẽw pʋɔ ɩ: ʋ na cãà be a ʋ sãà yir ɛ́ páw dɛb a. Nyɩ na ír'ɩ a faalʋ bɛr à à ŋá a nyɩ pʋɔ.