Levitɩ mɩnɛ 2:2 - A SƐB-SÕW

² Al pùorí ʋ de a wa kʋ̀ a bàwr-maalbɛ, a Aarɔ̃ bidɛbr. Bɛ na 'wɔ̃w nɩ nũ-kur zɔ̃ na jɛr'ɩ a kãá a, ɛ́ de a tɩ-suur-zɔ̃-na-nyùur-vla-vla-a a za. A bàwr-maalɛ kãw na de nɩ a de-kʋ̀b bome á ŋá bɛ na bʋɔlɛ kɛ́ “Cãà-bãwnɩ” a, nyɩw a bàwr-maal-kuur zu. De-kʋ̀b bom bɛ na nyɩw a Sore nɔnɛ a zʋ̀ʋ́r nyũu a n'ʋ.

Levitɩ mɩnɛ 2:2 ပူးပေါင်းရင်းမြစ်များ

Neemi 13:14

«Ɩ̃ Naaŋmɩn i, cãà bãwnɩ mɛ̃ à à ŋá ƴãw! Taa yiire a nɔ̃wfʋ ɩ̃ na tɛr tõ n a fʋ yir ƴãw a ɩ, ɩ̃ na tɛr a fʋ tome tob ƴãw a ɩ.»

Neemi 13:22

Lɛ n'a ɩ̃ tɩ ƴãw k'aa levitɩ mɩnɛ so a bɛ dɛwr bɛr, ɛ́ cen tɩ piwre a tẽw dɩ̃dɛɛ, k'aa nɩbɛ tʋ̃ɔ́ mɩ́ de a pɩ̃ɛnʋ-bibir ʋ ɩ bibi-sõw. «Ɩ̃ Naaŋmɩn i, cãà bãwnɩ mɛ̃, à á ŋá ƴãw mɩ̀. Zɔ ɩ̃ nɩbaalʋ a fʋ nɔ̃wfʋ na bɛrmɛ a ƴãw!»

Eziptɩ tẽw yib 30:16

Fʋ̃ʋ wa de a libie á ŋá za a Ɩsɩrayɛl nɩbɛ zie a, fʋ na kaarɛ nɩ nɩ a tuor-taa pɛn-sɛw zie. À ŋá n'a ɩ̃ na mɩ́ cãà bãwnɩ a Ɩsɩrayɛl nɩbɛ, ɛ́ gù a bɛ nyɔ-vʋʋrʋ.»

Ɩzayi 66:3

Ɛcɛ a bagɛ maalʋ ƴãw a, a nɩbɛ mɩ́ kʋ n náab, ɛ́ mɩ̀ kʋ nɩr. Bɛ mɩ́ ŋmaar'ɩ pɛ́rʋ kɔkɔr, ɛ́ mɩ̀ ŋmɛ baa kʋ. Bɛ mɩ́ de nɩ de-kʋ̀b bom tɩr, ɛ́ mɩ̀ de dobaa zɩ̃ɩ tɩr. Bɛ mɩ́ nyɩw nɩ tɩ-suur-zɔ̃-na-nyùur-vla-vla-a, ɛ́ mɩ̀ maalɩ tɩɩb na bɛ vɩɛl a. A nɩbɛ bɛ ŋa kaa na ír a bɛ sɛ́ɛ, ɛ́ a bɛ ɩ-faar na bɛ maal'ɩ wob a ɩrɛ bɛ nʋ̃ɔ̀.

Levitɩ mɩnɛ 1:13

Bɛ na pɛ́w nɩ a púor nɩ a nyagɛ nɩ a gbɛ́ɛ. Lɛ n'a bàwr-maalɛ na de a tur kʋ̀ a Sore, al pùorí ʋ nyɩw a za a bàwr-maal-kuur zu. Nyɩw-a-za-bàwr a Sore na nɔnɛ a zʋ̀ʋ́r nyũu a n'ʋ.»

Levitɩ mɩnɛ 1:17

Ʋ na mɩ́ nyɔw nɩ a bʋ̃-pɩgɛ a bɩgɛ ƴãw ɛ́ ɓar, ɛ́ ta taw ɓɛl ziir ayi ɛ. Al pùorí, ʋ nyɩw ʋ bɛr a vũu na dɩrɛ a bàwr-maal-kuur zu a pʋɔ. Nyɩw-a-za-bàwr a Sore na nɔnɛ a zʋ̀ʋ́r nyũu a n'ʋ.»

Levitɩ mɩnɛ 1:9

Bɛ na pɛ́w nɩ a dʋ̃w púor nɩ a nyagɛ nɩ a gbɛ́ɛ, ɛ́ bàwr-maalɛ kãw nyɩw a za a bàwr-maal-kuur zu. Nyɩw-a-za-bàwr a Sore na nɔnɛ a zʋ̀ʋ́r nyũu a n'ʋ.»

Levitɩ mɩnɛ 2:16

Al pùorí, a bàwr-maalɛ na nyɩw nɩ a al bɛ na bʋɔlɛ a “Cãà-bãwnɩ” a, a pɛr lɛ k'aa bʋ̃-bie nɩ a kãá ŋmãa, de nɩ a tɩ-suur-zɔ̃-na-nyùur-vla-vla-a za.» A al bɛ na nyɩw à à ŋá a ɩ n a Sore dem.

Levitɩ mɩnɛ 2:9

A bàwr-maalɛ na ír'ɩ a “Cãà-bãwnɩ” a ʋ pʋɔ nyɩw a bàwr-maal-kuur zu. De-kʋ̀b bom bɛ na nyɩw a Sore nɔnɛ a zʋ̀ʋ́r nyũu a n'ʋ.

Levitɩ mɩnɛ 24:7

Fʋ na ɩ n tɩ-suur-zɔ̃-na-nyùur-vla-vla-a ƴãw a dipɛ̃ na dɔwlɩ taa a ziir ayi a zu, bɛ na nyɩw a nɩ a pùorí a ɩ̃ ƴãwfʋ ƴãw, lɩɛr'ɩ a dipɛ̃, a ɩ “Cãà-bãwnɩ.”»

Levitɩ mɩnɛ 4:31

Bɛ na ír'ɩ a dʋ̃w zi-kãánɩ mɛ̃ a lɛ a na mɩ́ ɩ a lãw-taa bàwr ƴãw a. A bàwr-maalɛ na nyɩw a nɩ a bàwr-maal-kuur zu, k'aa bàwr ŋa zʋ̀ʋ́r na nyùur vla vla a pɛlɩ a Sore pʋɔ. Ʋ na tu n a yel-bebe suur-dɩ-kʋ̀b tub a sãwna sob ƴãw, ɛ́ a Naaŋmɩn dɩ a ʋ yel-bebe suur kʋ̀ ʋ.»

Levitɩ mɩnɛ 5:11

«A ŋmamɛ ayi bɩɩ a naŋmamɛ ayi bɛ wa be nɩr nũú a, ʋ na tʋ̃ɔ́ na wa n kilo ata zɔ̃, a yel-bier-ír-bɛrʋ bàwr ƴãw, ɛcɛ ʋ bɛ cire kãá ƴãwn a zɔ̃ zu bɩɩ dɔwlɛ tɩ-suur-zɔ̃-na-nyùur-vla-vla-a ɩ, yel-bier-ír-bɛrʋ bàwr na n'ʋ a ƴãw.

Levitɩ mɩnɛ 5:12

Ʋ na wa n nɩ a zɔ̃ wa kʋ̀ a bàwr-maalɛ, ʋ sɛ̀m paalɩ a nũu a ɩ a “Cãà-bãwnɩ”, ʋ nyɩw a a bàwr-maal-kuur zu lãwnɩ a bàwr nɛnɛ al bɛ na nyɩw a Sore ƴãw a. Yel-bier-ír-bɛrʋ bàwr'ʋ.

Levitɩ mɩnɛ 6:15

Bɛlɛ wa cir a kãá ƴãw a Aarɔ̃ bidɛb kãw, ɩ k'ʋ ɩ sõw, lɩɛbɩ a bàwr-maal-kara lɩɛrɩ a Aarɔ̃ a, ʋ na tɛr'ɩ a tub ŋa: de-kʋ̀b bom na be be kʋralɛ bɛ na mɩ́ nyɩw ʋ za bɛr a Sore ƴãw a n'ʋ.

Sɔr-nɛ́ɛ 5:18

Ʋ na cɛ̀r'ɩ a pɔw na àr a mãa Sore niŋé a zukɔbɛ bɛr, al pùorí ʋ de a de-kʋ̀b bom na na wo a sãwna a ƴãw a pɔw nuru pʋɔ, a pɛr lɛ k'aa nyuur tɩ̀ɛrʋ de-kʋ̀b bom. Ʋl mɩŋa na tɛr'ɩ a ŋmɛ-ƴãw kʋ̃ɔ-tuo a ʋ nuru pʋɔ.

Sɔr-nɛ́ɛ 5:26

Ʋ na 'wɔ̃w nɩ nũ-ɓal zɔ̃ bɛ na bʋɔlɛ “cãà-bãwnɩ” a nyɩw a bàwr-maal-kuur zu. Al pùorí ʋ ƴãw a pɔw nyũ a kʋ̃ɔ.

Nɩ-toni 10:4

A Kɔrnɛɩ tɩ jɩ́r ʋ nɩ gbẽgbẽ, ɛ́ dɛ̃bɩ̃ɛ nyɔw ʋ, ʋ sɔw: «Ɛ́ bʋnʋ, Sore e?» A malkɩ tɩ lɛb yel ʋ: «Naaŋmɩn nyɛ̃ nɩ a lɛ fʋ na sõwne a nɩbɛ a, ʋ sàw na de a fʋ puoru, ʋ bɛ yiiri fʋ bɛr ɛ.