Levitɩ mɩnɛ 2:13 - A SƐB-SÕW

¹³ Nyɩ na mɩ́ dɔwlɩ nyaarʋ de-kʋ̀b bom za zu. Nyɩ kʋ̃ yiiri a nyaarʋ dɔwlʋ a nyɩ de-kʋ̀b bom zu towtow ɛ, bʋ̃ʋ n'ʋ vɛ̃, a nyaarʋ ɩ n a wõ-taa a Naaŋmɩn na maal'ɩ nyɩ a bãwfʋ. Alɛ n'a so nyɩ na mɩ́ tɩr a nyɩ de-kʋ̀b bom za lãwnɩ a nyaarʋ.

Levitɩ mɩnɛ 2:13 ပူးပေါင်းရင်းမြစ်များ

Ezekɩɛl 43:24

Fʋ na de a na wul a mãa Sore. A bàwr-maalbɛ na cir'ɩ nyaarʋ ƴãw a zu, ɛ́ de a maal'ɩ nyɩw-a-za-bàwr kʋ̀ m.

Matie 5:13

«A nyɩɩm a, nyɩmɛ n'ɩ a tẽ-daa nyaarʋ. Ɛcɛ a nyaarʋ nʋ̃ɔ̀ wa yi a, ŋmɩŋmɩn n'a ʋ na ɩ lɛb tɩ ɩ a nyaarʋ? Ʋ bɛ cãà tɛr yel-ɩra kãw za ɩ, bɛ mɩ́ lɔb ʋ na bɛr yẽw a nɩbɛ nɛbr'ɩ gbɛ́ɛ.

Kɔlɔsɩ 4:6

Nyɩ mɩ́ ɩ a nyɩ ƴɛ̀rʋ nʋmɛ kʋralɛ mɛ̃ bom bɛ na ƴãw nyaarʋ a, ɛ́ sõwne a nɩbɛ. Nyɩ mɩ́ bãw a sɔwfʋ sɔw vla kʋ̀ ŋa za.

2 Bibie za yel-manɩ 13:5

Nyɩ bɛ bãwnɩ a k'aa Sore, a Ɩsɩrayɛl Naaŋmɩn, kʋ̀ n a Daviir nɩ a ʋ bidɛbr a naalʋ-dɩb a Ɩsɩrayɛl zu kʋralɛ ɩ? Nʋɔr na bɛ tɛr lɩɛbʋ a n'ʋ.

Sɔr-nɛ́ɛ 18:19

A na ɩ à ŋá a, ɩ̃ kʋ̀rɛ nyɩ nɩ a bome al za a Ɩsɩrayɛl nɩbɛ na mɩ́ de kʋ̀ m a ɩ de-kʋ̀b bʋ̃-son a. A na ɩ n a nyɩ dem kʋralɛ, a fʋ̃ʋ Aarɔ̃ nɩ a fʋ bidɛbr nɩ a fʋ pɔwyaar, wõ-taa na bɛ tɛr lɩɛbʋ a zũú, wõ-taa ɩ̃ na maal'ɩ fʋ̃ʋ nɩ a fʋ bʋʋrɛ a.»

Ɛsɩdɩrasɩ 7:22

Nyɩ na kʋ̀ ʋ nɩ salm-pla libie kilo túr ata (3 000), ble kilo tùr-lɩzɛr'ɩ pie (30 000), divɛ̃ litɩr túr anaar (4 000), kãá litɩr túr anaar (4 000), ɛ́ a nyaarʋ lɛ za ʋ na bɔbr a.

Eziptɩ tẽw yib 30:35

Parfɛ̃-maalɛ na nyaw a nɩ taa lãwnɩ nyaarʋ, maal'ɩ bom na vɩɛl ɛ́ ɩ sõw a.