Levitɩ mɩnɛ 2:12 - A SƐB-SÕW

¹² Nyɩ na tʋ̃ɔ́ na mɩ́ wa n de-kʋ̀b bom na ƴãw dãbɩl bɩɩ sɩwr a wa kʋ̀ a Sore, a lɛn daar nyɩ na mɩ́ waar'ɩ a kukur bʋ̃-dan a. Ɛcɛ nyɩ bɛ nyɩwr a a bàwr-maal-kuur zu a ɩrɛ de-kʋ̀b bom a zʋ̀ʋ́r na nyùur vla vla a ɩ.

Levitɩ mɩnɛ 2:12 ပူးပေါင်းရင်းမြစ်များ

Yele-za-pɛr-tib 23:17

À ŋá n'a a Efron púo na be a Makɩpela, a Mamire saa-pɛrɩ́ a, nɩ a tãw bɔw na be a púo pʋɔ a, nɩ a tɩɩr za na be a púo pʋɔ a

2 Bibie za yel-manɩ 31:5

A nɩbɛ na dɛ wa wone a ƴɛ̀rʋ ŋa a, a Ɩsɩrayɛl nɩbɛ tɩ wa n nɩ a bɛ kɔb bʋ̃-dan bɛ dɩ vuo ɩ: ble, divɛ̃, kãá, sɩwr nɩ a bʋ̃-kʋ́ɔrɩ al na cɛ a, nɩ a bɛ bʋ̃-dieri za ziir pie sob.

Eziptɩ tẽw yib 22:29

«Nyɩ mɩ̀ na mɩ́ ɩ n a lɛ a nyɩ dʋn ƴãw. Náab, pɛrʋ bɩɩ bʋɔ bil-dãw-dɔwra na mɩ́ be n a ʋ mã zie bibie ayopõi. A bibie ani sob a, nyɩ na mɩ́ nyɔw ʋ na maal'ɩ bàwr kʋ̀ m.»

Eziptɩ tẽw yib 23:19

Nyɩ na wa n nɩ a nyɩ tẽsɔw bʋ̃-dan wa kʋ̀ a mãa Sore nyɩ Naaŋmɩn, a ɩ̃ yir pʋɔ. Nyɩ kʋ̃ dʋw bʋle nɛn a ʋ mã bʋ̀rʋ pʋɔ ɩ.»

Eziptɩ tẽw yib 34:22

Nyɩ na mɩ́ maal'ɩ a Dàrʋ cuw cuw, a lɛn daar nyɩ na ŋmarɛ a ble zu-dan a, ɛ́ maalɩ a Bʋ̃-dieri-deb cuw a yũon baarʋ daar.

Levitɩ mɩnɛ 23:10

k'ʋʋ tɛr wulu á ŋá a Ɩsɩrayɛl nɩbɛ zie: “Nyɩmɛ wa kpɛ a tẽw ɩ̃ na na kʋ̀ nyɩ a pʋɔ, ɛ́ wa dier a bome a, nyɩ na mɩ́ wa n nɩ a kajin-dãw-niwn sob nyɩ na ŋma a, wa kʋ̀ a bàwr-maalɛ.

Levitɩ mɩnɛ 23:17

Nyɩ na yi n a nyɩ yie pʋɔ wa n dipɛ̃ ayi wa tu a bom de-tɩrʋ tub de a kʋ̀ m. Kilo ata zɔ̃ n'a nyɩ na mɩ́ maal'ɩ dipɛ̃ za, ɛ́ sɛ̃ ʋ lãwnɩ dãbɩl. A bʋ̃-bie al nyɩ na na de niwn cɛ̀ a, al pʋɔ n'a a de-kʋ̀b bom ŋa na yi.

Levitɩ mɩnɛ 7:13

Ʋ mɩ̀ na wa n nɩ dipɛ̃ na ƴãw dãbɩl a wa lãwnɩ a danʋ bàwr.

Sɔr-nɛ́ɛ 15:20

Nyɩ na de nɩ zɔ̃ nyɩ na naw paalʋ a maal'ɩ sɛ̃sɛ̃ de kʋ̀ m. Nyɩ na de ʋ na kʋ̀ m mɛ̃ a nyɩ zɔ̃-nawra bʋ̃-dãw a, mɛ̃ a lɛ bɛ na mɩ́ de bʋ̃-bie kʋ̀ m, a ble nɩ a ɔɔzʋ na mɩ́ va baar'a.

Sɔr-nɛ́ɛ 18:12

Ɩ̃ mɩ̀ kʋ̀rɛ nyɩ nɩ a kukur bʋ̃-dan a Ɩsɩrayɛl nɩbɛ na mɩ́ de kʋ̀ m a: a kãá-vla za, a divɛ̃-paala vla za nɩ a ble vla za a.

1 Korɛ̃tɩ 15:20

Ɛcɛ lɛ bɛ n'a ɩ! Kɩrɩta lɛb'a yi a kũuni pʋɔ, wul k'aa bɛlɩ dem na kpi a mɩ̀ na lɛb'a yi.

Wulu-ayi-sob 26:10

Alɛ n'a so a ƴɛrɛŋa, ɩ̃ waar'ɩ a tẽw a Sore na kʋ̀ m a bʋ̃-dan k'ɩ̃ɩ wa kʋ̀ ʋ.» A sob nɛ na bin nɩ a bome a Sore nyɩ Naaŋmɩn niŋé, ɛ́ gbĩ dume gũu tɩ tɔ tẽw puori a Sore nyɩ Naaŋmɩn.

Yel-wula 14:4

Bɛ bɛ tɔ pɔwbɛ dɛw bɛ tʋɔra ɩ, bɛ bɛ tɛr dɛwr kãw za ɩ. Bɛ tuur'ɩ a Pele zie nɛ za ʋ na cere a. Bɛ ya na de bɛ a nɩsaalbɛ pʋɔ, kɛ́ bɛ tʋ̃ɔ́ ɩ a dãw-niwn dem bɛ na na de kʋ̀ a Naaŋmɩn nɩ a Pele a.