Levitɩ mɩnɛ 2:1 - A SƐB-SÕW

¹ «Nɩr wa bɔbr k'ʋʋ de kukur bom kʋ̀ a Sore a, a fɛr'a k'ʋʋ de zɔ̃ pʋr kãá dɔwlɩ ɛ́ ƴãw tɩ-suur-zɔ̃-na-nyùur-vla-vla-a.

Levitɩ mɩnɛ 2:1 ပူးပေါင်းရင်းမြစ်များ

Eziptɩ tẽw yib 29:2

Fʋ na de nɩ ble zɔ̃ maal'ɩ dipɛ̃ na bɛ ƴãw dãbɩl a nɩ gato bɛ na naw a zɔ̃ nɩ kãá ɛ́ bɛ ƴãw dãbɩl a, de nɩ ble zɔ̃ sɛ̃sɛ̃-ɓɛrɓɛr na bɛ ƴãw dãbɩl ɛ́ sɔ kãá a.

Ɩzayi 43:23

Ɛcɛ fʋ bɛ wa n péli wa maal'ɩ bàwr kʋ̀ m ɛ, fʋ bɛ kʋ a k'ɩ̃ɩ nyɛ̃ yúor-vɩɛlʋ-danʋ ɛ. Ɩ̃ bɛ fɛr fʋ bʋ̃-kʋ̀rɩ ƴãw ɩ fʋ ɩ gbãgbaa ɩ. Ɩ̃ bɛ bàl fʋ, sowri fʋ tɩ-suur-zɔ̃-na-nyùur-vla-vla-a ɩ.

Ɩzayi 66:20

A nɩbɛ bɛ ŋa na tɛr'ɩ a nyɩ yɛbr za na tɩ be a bɛ zie a lɛb wa n. Wie zu, zɛbr-torkori pʋɔ, torkori na pàw ɓaarʋ a pʋɔ, mílɛ̀ nɩ nyɔ̃wmɩ zu n'a bɛ na tɛr bɛ lɛb wa n a ɩ̃ tãw-sõw zu a Zerizalɛm. A Sore n'ʋ yel. A na ɩ n a bɛ de-kʋ̀b bom a ɩ̃ ƴãw. Ɩ̃ na sàw na de ʋ mɛ̃ a de-kʋ̀b bom ʋl a Ɩsɩrayɛl nɩbɛ na mɩ́ wa n a ɩ̃ Yir laar na bɛ tɛr dɛwr a pʋɔ a.

Ezekɩɛl 46:20

Ʋ tɩ yel mɛ̃ na: «A ka n'a a bàwr-maalbɛ na mɩ́ dʋw a dʋn bɛ na maal'ɩ a bàwr a yel-bebe suur-dɩ-kʋ̀b a nɛnɛ a bɩ. A ka mɩ̀ cãà n'a bɛ na mɩ́ ɩ a de-kʋ̀b bome a bɩ. À ŋá n'a bom za kʋ̃ yi a yẽw davʋrá ɩ, ɛ́ bɛ kʋ̃ ɩ a nɩbɛ pɩɛlɩ a bʋ̃-sõw ɛ.»

Zowɛl 1:9

Bɛ bɛ cãà waar'ɩ kukur de-kʋ̀b bome nɩ divɛ̃ de-kʋ̀b bome a Sore Ŋmɩn-yir-kpɛ̃ɛ pʋɔ ɩ. Alɛ so a bàwr-maalbɛ be wahala pʋɔ, bɛl na tone a Sore tome a.

Zowɛl 2:14

Ãa bãw? Kapaw ʋ nãà lɛb'a bɛr a lɛ ʋ na tɩ tɩɛrɛ k'ʋʋ ɩ a, ɛ́ maalɩ nyɩ yaga za. Lɛ n'a nyɩ na wa n kukur de-kʋ̀b nɩ divɛ̃ de-kʋ̀b bome wa kʋ̀ ʋ.

Levitɩ mɩnɛ 14:10

«A bibie ani sob a, ʋ na wa n nɩ pʋrali ayi a ƴã-gan zie kãw za na bɛ sãw a, yũon-been peli-pɔw a ƴã-gan zie kãw za na bɛ sãw a, kilo piwaɩ zɔ̃ bɛ na bu n kãá a de-kʋ̀b nɩ litɩr ŋmãa kãá.

Levitɩ mɩnɛ 24:7

Fʋ na ɩ n tɩ-suur-zɔ̃-na-nyùur-vla-vla-a ƴãw a dipɛ̃ na dɔwlɩ taa a ziir ayi a zu, bɛ na nyɩw a nɩ a pùorí a ɩ̃ ƴãwfʋ ƴãw, lɩɛr'ɩ a dipɛ̃, a ɩ “Cãà-bãwnɩ.”»

Levitɩ mɩnɛ 5:11

«A ŋmamɛ ayi bɩɩ a naŋmamɛ ayi bɛ wa be nɩr nũú a, ʋ na tʋ̃ɔ́ na wa n kilo ata zɔ̃, a yel-bier-ír-bɛrʋ bàwr ƴãw, ɛcɛ ʋ bɛ cire kãá ƴãwn a zɔ̃ zu bɩɩ dɔwlɛ tɩ-suur-zɔ̃-na-nyùur-vla-vla-a ɩ, yel-bier-ír-bɛrʋ bàwr na n'ʋ a ƴãw.

Levitɩ mɩnɛ 6:7

«A tub na càarɩ a kukur bom de-kʋ̀b a n'ɩ ŋa: a Aarɔ̃ bidɛbr nɛbɛ na mɩ́ de ʋ kʋ̀ a Sore a bàwr-maal-kuur niŋé.

Levitɩ mɩnɛ 9:17

Ʋ tɩ de nɩ a kukur bom de-kʋ̀b tɩr, ɩ nũ-kur zɔ̃ nyɩw a bàwr-maal-kuur zu, ƴãw pʋɔ a biɓaarɛ za nyɩw-a-za-bàwr ƴãw.

Levitɩ mɩnɛ 9:4

Nyɩ mɩ̀ nyɔw nadɛr nɩ pʋ́ra maal'ɩ lãw-taa bàwr kʋ̀ a Sore, lãwnɩ kukur bom de-kʋ̀b na naw nɩ kãá a. Bʋ̃ʋ n'ʋ vɛ̃, a dɩ̃a tɔr za a, a Sore na ɩ na nyɩ nyɛ̃ ʋ.”»

Malasɩ 1:11

Ɛcɛ, a mʋ̃tɔ̃w puru zie tɩ tɔ a ʋ kpɛb zie a, a ɩ̃ yúor yi n a nɩ-bʋʋr-yoru sɔgɔ. A ziir za, bɛ nyɩwr'ɩ tɩ-suur-zɔ̃-na-nyùur-vla-vla-a, a ɩ̃ ƴãwfʋ ƴãw, ɛ́ ture de-kʋ̀b bome na vɩɛl a cɔwr mɛ̃. A mãa Sore Kpɛnʋ-za-sob, mãa n'ʋ yere, a nɩ-bʋʋr-yoru bãwnɩ a na a ɩ̃ yúor na yi a.

Sɔr-nɛ́ɛ 18:9

Bɛlɛ wa nyɩw a ɩ̃ dem a bàwr-maal-kuur zu baar'a, a nyɩ dem n'ɩ á ŋá a de-kʋ̀b bʋ̃-son son pʋɔ a Ɩsɩrayɛl nɩbɛ na kʋ̀rɛ mɛ̃ a: a kukur bome za, a yel-bier ír-bɛrʋ bagɛ bome nɩ a lɛb-kpɛ-taa bagɛ bome. A de-kʋ̀b bʋ̃-son son á ŋá na ɩ n fʋ̃ʋ nɩ a fʋ bʋʋrɛ dem.

Sɔr-nɛ́ɛ 28:5

lãwnɩ kilo ata zɔ̃ bɛ na naw nɩ litɩr been nɩ ŋmãa kãá-vla vla a.

Sɔr-nɛ́ɛ 8:8

Bɛ na nyɔw nɩ nadɛr, lãwnɩ kukur bome de-kʋ̀b zɔ̃ bɛ na naw nɩ kãá a, ɛ́ a fʋ̃ʋ mɩŋa nyɔw a nadɛr ƴen sob, yel-bier ír-bɛrʋ bàwr maalʋ ƴãw.

Zã 6:35

A Yeezu yel bɛ: «Mãa n'ɩ a nyɔ-vʋʋrʋ dipɛ̃. Ʋlɩ sob na waar a ɩ̃ zie a, kɔ̃ kʋ̃ kpɛ ʋ towtow ɛ, ɛ́ ʋlɩ sob na sàw de m a, kʋ̃ɔ-nyúur kʋ̃ kpɛ ʋ towtow ɛ.

1 Zã 2:20

A nyɩɩm a, nyɩ páw nɩ a Vʋʋrʋ Sõw a Kɩrɩta na kʋ̀ nyɩ a, lɛ n'a nyɩ za bãw a yel-mɩŋa.

1 Zã 2:27

A nyɩɩm a, a Vʋʋrʋ Sõw nyɩ na páw a Kɩrɩta zie a, ʋ be n a nyɩ zie, ɛ́ nyɩ bɛ gù kɛ́ nɩr kãw za wule nyɩ ɛ. Bʋ̃ʋ n'ʋ vɛ̃, a Vʋʋrʋ wule nyɩ nɩ bom za: ʋ wule nyɩ nɩ a yel-mɩŋa, ziri bɛ n'a ʋ wule nyɩ ɛ, lɛ so nyɩ ɩrɛ a lɛ ʋ na wul nyɩ a: nyɩ lãw nɩ a Kɩrɩta.

A sɛb-tʋɔla a Zid na sɛb kʋ̀ a Naaŋmɩn nɩ-bʋʋrɛ a 1:20

Ɛcɛ, nyɩɩm ɩ̃ bá mɩnɛ ɛ, nyɩ cãà de a nyɩ nyɔ-vʋʋrʋ tu n a nyɩ naaŋmɩn-sàw-deb na ɩ sõw yaga za a. Nyɩ puore nɩ a Vʋʋrʋ Sõw fãw.

Yel-wula 8:3

Malkɩ ƴen sob tɩ wa na wa àr a bàwr-maal-kuur pɛr. Ʋ tɩ tɛr'ɩ tɩ-suur-zɔ̃-na-nyùur-vla-vla-a nyɩwfʋ-kole na ɩ salm-zɩɛ a. Bɛ tɩ kʋ̀ ʋ nɩ tɩ-suur-zɔ̃-na-nyùur-vla-vla-a bɛ dɩ vuo ɩ, k'ʋʋ de a lãwnɩ a Naaŋmɩn nɩ-bʋʋrɛ puoru tɩr a salm-zɩɛ bàwr-maal-kuur na be a naalʋ-dà-kɔw niŋé a zu.