Levitɩ mɩnɛ 19:3 - A SƐB-SÕW

³ «A nyɩ kãw za na ƴãwnɛ nɩ a ʋ sãà nɩ a ʋ mã, ɛ́ ƴãwnɛ a pɩ̃ɛnʋ-bibir. Mãa n'ɩ a Sore nyɩ Naaŋmɩn.»

Levitɩ mɩnɛ 19:3 ပူးပေါင်းရင်းမြစ်များ

Yele-za-pɛr-tib 48:12

A Zuzɛb tɩ ɓáw nɩ a ʋ bidɛbr a ʋ sãà gbɛ́ɛ zu, ɛ́ gbĩ dume gũu tɩ tɔ tẽw.

Neemi 9:14

Fʋ tu n a fʋ tõ-tõ-bie Moyiir, ɩ bɛ bãw a pɩ̃ɛnʋ-bibir fʋ na so a, fʋ kʋ̀ bɛ nɩ nɛ-ƴãwnɩ, tub nɩ a wulu.

Eziptɩ tẽw yib 16:29

Nyɩ bãwnɩ a, ɩ̃ kʋ̀ nyɩ nɩ a pɩ̃ɛnʋ-bibir kɛ́ nyɩ mɩ́ pɩ̃ɛnɩ, ɛ́ a al ƴãw n'a ɩ̃ mɩ́ kʋ̀ nyɩ bibie ayi bʋ̃-dɩrɩ a bibie ayʋɔb sob. A na ɩ lɛ a, ŋa za ʋ mɩ́ be a ʋ yir a bibie ayopõi sob, nɩr za ta yi a ʋ yir ɛ.»

Eziptɩ tẽw yib 20:12

«Ƴãwnɛ a fʋ sãà nɩ a fʋ mã, tʋ̃ɔ́ kpɛ a tẽw a mãa, a Sore fʋ Naaŋmɩn na kʋ̀rɛ fʋ a, cɛlɩ.»

Eziptɩ tẽw yib 20:8

«Bãwnɩ a pɩ̃ɛnʋ-bibir, ɩ k'ʋ ɩ Naaŋmɩn bibir.

Eziptɩ tẽw yib 21:15

«Nɩr na ŋmɛ ʋ sãà bɩɩ ʋ mã a, a fɛr'a bɛ kʋ ʋ.»

Eziptɩ tẽw yib 21:17

«Nɩr na tʋ ʋ sãà bɩɩ ʋ mã a, a fɛr'a kɛ́ bɛ kʋ ʋ.»

Zʋkpaɩ 1:8

Ɩ̃ bie e, sàwr a kpãàfʋ a fʋ sãà na kpãànɛ fʋ a, ɛ́ ta zawrɛ a fʋ mã wulu bɛrɛ ɩ.

Zʋkpaɩ 23:22

Bɛrɛ wone a fʋ sãà na dɔw fʋ a, ɛ́ ta ɩrɛ a fʋ mã laar ʋ na wa kor baar'a ɩ.

Zʋkpaɩ 30:11

Nɩbɛ be n be mɩ́ ŋmɩɛr ƴãwnɛ a bɛ sãà, ɛ́ bɛ ƴɛ̀rɛ nɔ-vla kʋ̀rɛ a bɛ mã ɩ.

Zʋkpaɩ 30:17

Nɩr wa ɩrɛ a ʋ sãà laar ɛ́ bɛ sàwr a ʋ mã nʋɔr a, bàa nʋɔr gbagbarɩ na kpol ʋ nɩ a mimie, ɛ́ a sɩlɩ dɩ a ʋ ƴã-gan.

Ɩzayi 58:13

A Sore yere na: «Fʋ̃ʋ wa bɛr a fʋ zi-ceni a pɩ̃ɛnʋ-bibir a, fʋ̃ʋ wa bɛr a fʋ yele zie kaafʋ a ɩ̃ bibi-sõw bibir a, fʋ̃ʋ wa bʋɔlɛ a pɩ̃ɛnʋ-bibir “Nʋ̃ɔ̀”, a Sore bibir “Bibi-ƴãwna”, ɛ́ sɩrɩ ƴãwnɛ ʋ, mɩ́ bɛr a zi-ceni, a yele zie kaafʋ, a nɔkpɛn na bɛ tɛr baarʋ a,

Ezekɩɛl 20:12

Ɩ̃ mɩ̀ tɩ kʋ̀ bɛ nɩ a pɩ̃ɛnʋ-bibir. Bãwfʋ tɩ n'ʋ a mãa nɩ a bɛl cará, k'ɩ̃ɩ lɛb sɩ̃w a bɛ tɩɛrʋ k'aa mãa Sore, ɩ̃ ka n nũu ƴãw bɛ a ɩ̃ tome ƴãw.

Levitɩ mɩnɛ 11:44

A mãa a, ɩ̃ ɩ n a Sore nyɩ Naaŋmɩn: nyɩ ɩrɛ mɛ̃ nɩ-son a, ɩ̃ na ɩ sõw a ƴãw. A na ɩ à ŋá a, nyɩ ta tʋɔr a dʋ̃-cãcãpili á ŋá na damnɛ a tẽsɔw zu a, dɛwr nyɩ tʋɔra ɩ.

Levitɩ mɩnɛ 19:25

Nyɩ na tʋ̃ɔ́ na dɩrɛ a wɔmɛ a yome anũu sob. À ŋá n'a a nyɩ bʋ̃-dieri na dɔwlɛ cere. Mãa n'ɩ a Sore nyɩ Naaŋmɩn.»

Levitɩ mɩnɛ 19:30

Nyɩ tɛr a pɩ̃ɛnʋ-bibir vla, ɛ́ ƴãwnɛ a ɩ̃ zi-sõw. Mãa n'ɩ a Sore.»

Levitɩ mɩnɛ 19:31

«Nyɩ taa sowre kpɩ̃ɩn sowru bʋʋrɛ kãw za ɩ, a na ɩ na nyɩ ɩ dɛwr dem. Mãa n'ɩ a Sore nyɩ Naaŋmɩn.»

Levitɩ mɩnɛ 19:34

Nyɩ nɩ̃ɛ ɩrɛ a ʋ zie mɛ̃ a nyɩ tẽ-bi-tɔ sob kãw a: a fɛr'a kɛ́ nyɩ nɔnɛ ʋ mɛ̃ a nyɩ mɩŋa a, bʋ̃ʋ n'ʋ vɛ̃, a nyɩɩm mɩ̀ a, nyɩ tɩ dãw na ɩ nʋʋrɩ a Eziptɩ tẽw. Mãa n'ɩ a Sore nyɩ Naaŋmɩn.»

Levitɩ mɩnɛ 23:3

A dàa tɛr'ɩ bibie ayʋɔb a tome tob ƴãw, ɛcɛ a bibie ayopõi sob ɩ n a pɩ̃ɛnʋ-bibir. Bɛ bɛr'ɩ a bibir ŋa kɛ́ nyɩ mɩ́ ɓã taa tɛr a ɩ̃ ƴãwfʋ. Nyɩ bɛ tone ton za a pɩ̃ɛnʋ-bibir ɛ, nyɩ na mɩ́ de ʋ na kʋ̀ m zie nɛ za nyɩ na kpɩɛr a.

Levitɩ mɩnɛ 26:2

«Nyɩ mɩ́ pɩ̃ɛnɩ a pɩ̃ɛnʋ-bibir, ɛ́ ƴãwnɛ a ɩ̃ zi-sõw. Mãa n'ɩ a Sore.»

Malasɩ 1:6

A mãa, a Sore Kpɛnʋ-za-sob, ɩ̃ yere nɩ à ŋá kʋ̀rɛ a bàwr-maalbɛ: «Bie mɩ́ ƴãwnɛ nɩ ʋ sãà, ɛ́ tõ-tõ-bie ƴãwnɛ a ʋ nɩ-kpɛ̃ɛ. Ɛcɛ, mãa wa ɩ sãà a, a ƴãwfʋ wa nyɩ na ƴãwnɛ mɛ̃ a? Ɛ́ mãa wa ɩ nɩ-kpɛ̃ɛ a, a ƴãwfʋ a na fɛr kɛ́ nyɩ ƴãwnɛ mɛ̃ a, ʋ wa? Nyɩ bɛ bʋɔlɛ mɛ̃ nɩr ɛ, ɛ́ yere: “Nyɩn lowr'a tɩ bɛ bʋɔlɩ fʋ nɩr?”

Wulu-ayi-sob 27:16

«Ŋmɛ-ƴãw, a páw sob nɛ na bɛ ƴãwnɛ a ʋ sãà nɩ a ʋ mã a.» Ɛ́ a nɩbɛ za na sɔw na: «Amɛn!»

Wulu-ayi-sob 5:16

Ƴãwnɛ a fʋ sãà nɩ a fʋ mã, mɛ̃ a lɛ ɩ̃ na yel kʋ̀ b a, tʋ̃ɔ́ vʋʋrɩ cɛlɩ ɛ́ wone nʋ̃ɔ̀ a tẽw, a mãa Sore fʋ Naaŋmɩn na kʋ̀rɛ fʋ a pʋɔ.

Ebre 12:9

Tɩ tɩ tɛr'ɩ a tɩ sãà mɩnɛ a tẽw zu ka, bɛ kpãànɛ tɩ, ɛ́ tɩ ƴãwnɛ bɛ, ɛ́ bɛ nãà yere a tɩ Sãà na be a tẽ-vla pʋɔ a? A fɛr'a kɛ́ tɩ sàwr a ʋ nʋɔr, ʋʋ kʋ̀ tɩ a nyɔ-vʋʋrʋ.