Levitɩ mɩnɛ 18:3 - A SƐB-SÕW

³ Nyɩ taa ɩrɛ mɛ̃ a lɛ a nɩbɛ na ɩrɛ a Eziptɩ tẽw a ɩ, a be nyɩ na tɩ kpɛ a. Nyɩ taa ɩrɛ mɛ̃ a lɛ a nɩbɛ na ɩrɛ a Kanãa tẽw a ɩ, a be ɩ̃ na tɛr nyɩ wɩɛr'ɩ a. Nyɩ taa tuur a nɩ-bʋʋrɛ bɛ ŋa ɩ-ɩrɩ ɛ.

Levitɩ mɩnɛ 18:3 ပူးပေါင်းရင်းမြစ်များ

2 Na-mɩnɛ 17:8

Bɛ tɩ tu n a nɩ-bʋʋr-yoru a Sore na tɩ diw a bɛ niŋé a tub, ɛ́ vʋʋrɛ tu n a tub a Ɩsɩrayɛl tẽw na-mɩnɛ na tɩ bin a.

Sɛb-sõw yielu 106:35

Ɛcɛ bɛ tɩ cen na tɩ mɩɩlɩ a tɩbɛ dem, zanɩ a bɛ ɩb,

Eziptɩ tẽw yib 23:24

A lɛn daar a, nyɩ taa gbine dume gũune tɩ tʋɔr tẽw puore a bɛ ŋmɩmɛ ɩ, nyɩ taa cɔwrɛ a lɛ bɛ na mɩ́ maalɩ a a ɩ. Nyɩ nɩ̃ɛ ŋmɛ a ŋmɩmɛ á ŋá dasuli ŋmɛr, ɛ́ ŋmɛ a kʋsɛ-teli kar.

Ezekɩɛl 23:8

Ʋ cãà na cow tone a pɔw-yɛm tome mɛ̃ ʋ na tɩ tõ a Eziptɩ tẽw pʋɔ a. A be a, ʋ tɩ ɩ n pɔwsɩrale, dɛbr tɩ ganɛ nɩ ʋ na, bɛ tɩ gbaalɛ nɩ a ʋ pɔwsɩ-nyãa, bɛ tɩ ƴãw na ʋ bʋnɩ vʋʋrɛ sãsaralɛ.

Levitɩ mɩnɛ 20:23

Nyɩ taa tuur a nɩ-bʋʋrɛ ɩ̃ na diwr bɛrɛ a nyɩ niŋé a ɩ-ɩrɩ ɛ. A bɛ ɩ-ɩrɩ á ŋá n'a so ɩ̃ bɛ nɔ̃w a bɛ yele ɩ,

Ʋrɔm 12:2

Nyɩ ta de a nyɩ ɩb tuur'ɩ a dɩ̃a zie ŋa ɩb ɛ, ɛcɛ nyɩ bɛr a Naaŋmɩn ʋ lɩɛbɩ nyɩ ɛ́ kʋ̀ nyɩ yã-paala. Lɛ n'a nyɩ na mɩ́ tʋ̃ɔ́ jɛl bãw a Naaŋmɩn pʋ-tɩɛrʋ: ʋlɩ bom nɛ na vɩɛl a, ʋlɩ bom nɛ na pɛlɩ a ʋ pʋɔ a, ʋlɩ bom nɛ na vɩɛl ʋ za bɛ cɛ a.

Wulu-ayi-sob 12:4

A Sore nyɩ Naaŋmɩn puoru ƴãw a, nyɩ kʋ̃ ɩrɛ mɛ̃ a nɩ-bʋʋr-yoru bɛ ŋa a ɩ.

Wulu-ayi-sob 29:17

A na ɩ à ŋá a, nɩr kãw za a nyɩ pʋɔ, dɛb bɩɩ pɔw, dɔwlʋ nɩ yir kãw za ta be be bɛr a Sore tɩ Naaŋmɩn a ƴɛrɛŋa, ɛ́ puore a nɩ-bʋʋrɛ bɛ ŋa ŋmɩmɛ ɩ. Nɩr kãw za a nyɩ pʋɔ taa wa ɩ mɛ̃ tɩ-nyɩwr na tɛr lɔw-tuo a ɩ.

Wulu-ayi-sob 9:4

A Sore nyɩ Naaŋmɩn wa diw bɛ bɛr a nyɩ niŋé baar'a, nyɩ taa wa tɩɛrɛ à ŋá ɩ: «A Sore ɩ na tɩ so a tẽw ŋa, tɩ na ɩ nɩ-mɩn a ƴãw.» Alɛ ɩrɛ mɛ̃ bom'ʋ a, a nɩ-bʋʋrɛ bɛ ŋa ɩb na bɛ vɩɛl a n'a so a Sore na diw bɛ a nyɩ niŋé,