Levitɩ mɩnɛ 17:6 - A SƐB-SÕW

⁶ A bàwr-maalɛ na mɩ́ mɩr'ɩ a Sore bàwr-maal-kuur na àr a tuor-taa pɛn-sɛw niŋé a, nɩ a dʋ̃w zɩ̃ɩ, ɛ́ nyɩw a nɛn-kãánɩ a bàwr-maal-kuur ŋa zu, a ɩrɛ zʋ̀ʋ́r a Sore na nɔnɛ a nyũu a.

Levitɩ mɩnɛ 17:6 ပူးပေါင်းရင်းမြစ်များ

Eziptɩ tẽw yib 29:13

Fʋ na de nɩ a kãá za na pàw a nyagɛ nɩ a púor a, a sabr lõbowr kãw, a alãbie a za ayi nɩ a kãá na pàw a a nyɩw a za a bàwr-maal-kuur zu.

Eziptɩ tẽw yib 29:18

Fʋ na nyɩw nɩ a pʋ́ra za bɛr a bàwr-maal-kuur zu. Ʋ na ɩ n nyɩw-a-za-bàwr nyɩ maalɩ kʋ̀ m, bàwr a mãa Sore na nɔnɛ a zʋ̀ʋ́r nyũu a.

Ezekɩɛl 44:15

«A levitɩ mɩnɛ bɛl na ɩ bàwr-maalbɛ, ɩ a Sadɔkɩ bʋ̃-dɔwrɩ a, bɛ tɩ tõ n a ɩ̃ zi-sõw tome a lɛn daar a Ɩsɩrayɛl nɩbɛ na tɩ taw zãá nɩ a mãa Sore a. Alɛ n'a so, bɛl tɛwr nɛbɛ na tʋ̃ɔ́ wa wa tone a ɩ̃ tome. Bɛ na tʋ̃ɔ́ na mɩ́ de a bàwr nɛn-kãá nɩ a zɩ̃ɩ kʋ̀ m. A mãa Sore Naaŋmɩn n'ʋ yere.

Levitɩ mɩnɛ 17:5

A nʋɔr ŋa fɛrɛ nɩ a Ɩsɩrayɛl nɩbɛ kɛ́ bɛ mɩ́ tɛr a dʋn wa n a bàwr-maalɛ zie a tuor-taa pɛn-sɛw dɩ̃dɔr nʋɔr wa maal'ɩ lãw-taa bàwr kʋ̀ a Sore, ɛ́ ta cãà kʋrɛ a a wɩ̀ɛ pʋɔ ɩ.

Levitɩ mɩnɛ 3:11

A bàwr-maalɛ na nyɩw nɩ a nɛnɛ á ŋá za a bàwr-maal-kuur zu. Bʋ̃-dɩra bɛ na nyɩw a Sore ƴãw a n'ʋ.»

Levitɩ mɩnɛ 3:13

Ʋ na dɔwl'ɩ a nũu a dʋ̃w zũú, ɛ́ ŋmãa ʋ a kɔkɔr a tuor-taa pɛn-sɛw dɩ̃dɔr nʋɔr. A bàwr-maalbɛ na mɩr'ɩ a bàwr-maal-kuur kõkowe nɩ a zɩ̃ɩ.

Levitɩ mɩnɛ 3:16

A bàwr-maalɛ na nyɩw nɩ a nɛnɛ á ŋá za a bàwr-maal-kuur zu. Bʋ̃-dɩra bɛ na nyɩw ɛ́ a Sore nɔnɛ a zʋ̀ʋ́r nyũu a n'ʋ.» «A Sore so a zi-kãánɩ za.

Levitɩ mɩnɛ 3:2

Ʋ na dɔwl'ɩ a nũu a dʋ̃w zũú, ɛ́ ŋmãa ʋ a kɔkɔr a tuor-taa pɛn-sɛw dɩ̃dɔr nʋɔr. A bàwr-maalbɛ na ɩ a Aarɔ̃ bidɛbr a na mɩr'ɩ a bàwr-maal-kuur kõkowe nɩ a zɩ̃ɩ.

Levitɩ mɩnɛ 3:5

A bàwr-maalbɛ na nyɩw nɩ a nɛnɛ á ŋá za a bàwr-maal-kuur zu, lãwnɩ a nyɩw-a-za-bàwr dʋ̃w na be a dà-ŋmaarɛ vũu zu a. Bàwr nɛn bɛ na nyɩw ɛ́ a Sore nɔnɛ a zʋ̀ʋ́r nyũu a n'ʋ.»

Levitɩ mɩnɛ 3:8

Ʋ na dɔwl'ɩ a nũu a dʋ̃w zũú, ɛ́ ŋmãa ʋ a kɔkɔr a tuor-taa pɛn-sɛw dɩ̃dɔr nʋɔr. A bàwr-maalbɛ na mɩr'ɩ a bàwr-maal-kuur kõkowe nɩ a zɩ̃ɩ.

Levitɩ mɩnɛ 4:31

Bɛ na ír'ɩ a dʋ̃w zi-kãánɩ mɛ̃ a lɛ a na mɩ́ ɩ a lãw-taa bàwr ƴãw a. A bàwr-maalɛ na nyɩw a nɩ a bàwr-maal-kuur zu, k'aa bàwr ŋa zʋ̀ʋ́r na nyùur vla vla a pɛlɩ a Sore pʋɔ. Ʋ na tu n a yel-bebe suur-dɩ-kʋ̀b tub a sãwna sob ƴãw, ɛ́ a Naaŋmɩn dɩ a ʋ yel-bebe suur kʋ̀ ʋ.»

Sɔr-nɛ́ɛ 18:17

Ɛcɛ nyɩ bɛ ƴãwnɛ bɛ yarɛ dier náab, pɛ́rʋ bɩɩ bʋɔ bil-dãw ɛ: mãa yõ tẽtẽ so a dʋn á ŋá. Nyɩ na mɩ́ cir'ɩ a dʋn á ŋá zɩ̃ɩ ƴãw a bàwr-maal-kuur zu, ɛ́ nyɩw a zi-kãánɩ a ɩ bàwr. Lɛ n'a a zʋ̀ʋ́r nyũu na pɛlɩ a ɩ̃ pʋɔ.