Levitɩ mɩnɛ 16:2 - A SƐB-SÕW

² «Yel a fʋ yɛb Aarɔ̃ k'ʋʋ taa bʋ̀nɛ kpɩɛr a zi-sõw-za-zi-sõw pʋɔ ɩ, a pɛn-yawla na bʋ́r a diru a pùorí ɛ, a be a wõ-taa daga nɩ a ʋ pàwra na be a. Lɛ n'a ʋ kʋ̃ kpi mãa wa sãá a zũzuwr pʋɔ a daw-pàwra zu-sɔw a ɩ.»

Levitɩ mɩnɛ 16:2 ပူးပေါင်းရင်းမြစ်များ

1 Na-mɩnɛ 6:16

Bɛ mɩ̀ tɩ ƴãw nɩ sɛɛdɩr dà-pawlɩ pàw a di-nidaa dacine, mɛtɩr pie bɛ na ƴãw a dàar cen nɩ a, a pile tɩ tɔ a saa-zu. Al pùorí, bɛ tɩ cɔbr'ɩ a dĩo ŋa pʋɔ k'ʋʋ tʋ̃ɔ́ ɩ a wõ-taa daga dĩo, bɛ na bʋɔlɛ “zi-sõw-za-zi-sõw” a.

1 Na-mɩnɛ 8:6

Al pùorí, a bàwr-maalbɛ tɩ kpɛ n nɩ a Sore wõ-taa daga, a zie ʋl na tɩ be be a ʋ ƴãw, a dĩo ʋl bɛ na bʋɔlɛ a zi-sõw-za-zi-sõw a pʋɔ, a seribɛ̃ pɩgɛ pile.

2 Bibie za yel-manɩ 5:14

A zũzuwr ŋa tɩ ɩ na a bàwr-maalbɛ bɛ tʋ̃ɔ́ cãà cow a bɛ tome ɩ. Bʋ̃ʋ n'ʋ vɛ̃, a Sore yúor-vɩɛlʋ-danʋ tɩ paal'ɩ a Ŋmɩn-yir-kpɛ̃ɛ.

Eziptɩ tẽw yib 30:10

Gb'a-been yũon za a, a Aarɔ̃ na mɩ́ ɩ na ʋ lɛb vɩɛl. Ʋ na mɩ́ ɩ n a dʋ̃w bɛ na maal'ɩ a yel-bier ír-bɛrʋ bàwr a zɩ̃ɩ ƴãw a bàwr-maal-kuur ɩ́lɛ́ ƴãw. A tub ŋa na mɩ́ lɛb'a tu yũon za, a nɩbɛ na dɔwr lɩɛrɛ taa a zie. A bàwr-maal-kuur ŋa na ɩ n sõw yaga za a ɩ̃ ƴãw.»

Levitɩ mɩnɛ 16:13

Ʋ na ɩ n a parfɛ̃ ƴãw a vũu bie zu a Sore niŋé. A zʋ̀ʋ́r na ír'a do pàw a daga na tɛr a wõ-taa kʋsɛ-pamɛ a pàwra, ɛ́ à à ŋá n'a a Aarɔ̃ kʋ̃ kpi ɛ.

Levitɩ mɩnɛ 16:34

«Nʋɔr'ʋ ƴãw gã kʋralɛ, a fɛr'a kɛ́ nyɩ tuur ʋ, mɩ́ tʋ̃ɔ́ páw a Ɩsɩrayɛl nɩbɛ yel-bebe za suur-dɩ-kʋ̀b, gb'a been a yũon pʋɔ.» A Aarɔ̃ tɩ ɩ n a lɛ za a Sore na tɩ yel kʋ̀ a Moyiir a.

Levitɩ mɩnɛ 23:27

“A cuwr ayopõi sob bibie pie sob na ɩ n a yel-bebe suur-dɩ-kʋ̀b bibi-kpɛ̃ɛ. Nyɩ na mɩ́ ɓã n taa a ɩ̃ ƴãwfʋ ƴãw, nyɩ na mɩ́ tɛr'ɩ mʋta-tuo ɛ́ nyɩw de-kʋ̀b bom kʋ̀ a Sore.

Levitɩ mɩnɛ 8:35

Nyɩ na be n a tuor-taa pɛn-sɛw dɩ̃dɔr nʋɔr, mʋ̃tɔ̃w nɩ tɩ̃ɩsɔw, bibie ayopõi, al pùorí a, nyɩ na tʋ̃ɔ́ na tone a Sore tome ɛ́ taa kpiir ɛ. À à ŋá n'a a Sore yel kʋ̀ m.»

Sɔr-nɛ́ɛ 17:10

«Nyɩ yi zaa a lãw nɩbɛ bɛ ŋa pʋɔ, ɩ̃ na kʋ bɛ na pàw pɛr pɛtɛlʋlɛ.» A Moyiir nɩ a Aarɔ̃ tɩ lo na vɔblɩ muru,

Sɔr-nɛ́ɛ 18:7

Ɛcɛ a fʋ̃ʋ Aarɔ̃ nɩ a fʋ bidɛbr a, nyɩ na tone nɩ a nyɩ bàwr-maal-tome a bàwr-maal-kuur pɛr nɩ a zi-sõw-za-zi-sõw pʋɔ, a pɛn-yawla na bʋ́r a ziir a pùorí. Mãa n'ʋ kʋ̀ nyɩ a tõ-nʋɔr ŋa. Nɩ-zawla wa tawr pɩɛlɛ a, a fɛr'a k'ʋʋ kpi.»

Sɔr-nɛ́ɛ 4:19

Nyɩ mɩ́ ɩ à ŋá a bɛ ƴãw, kɛ̀ bɛ taa wa mab kpiir a bʋ̃-son son kaafʋ pʋɔ ɩ: a fʋ̃ʋ Aarɔ̃ nɩ a fʋ bidɛbr na mɩ́ tɛr'ɩ a bɛ been been tɩ wul a ʋ tõ-nʋɔr nɩ a ʋ tuor.

Sɔr-nɛ́ɛ 4:5

A Ɩsɩrayɛl nɩbɛ mɩ́ wa lɛb lore a sɔ́r a, a Aarɔ̃ nɩ a ʋ bidɛbr na mɩ́ wa na wa yàw a zi-sõw pɛn-yawla na bʋ́r a ziir a, pàw nɩ a daw-sõw na tɛr a wõ-taa kʋsɛ-pamɛ a.

Matie 27:51

A Ŋmɩn-yir-kpɛ̃ɛ pʋɔ pɛn-yawla tɩ tĩ nɩ a saa-zu ɛ́ ɓar ziir ayi siw tɩ tɔ a pɛrɩ́. A tẽsɔw kɔbr tɩ dam'a, a pìe pure yaarɛ,

Ebre 6:19

A tɩɛrʋ ŋa a Naaŋmɩn ƴãw a, ʋ ɩ na mɛ̃ a tɩ nyɔ-vʋʋrʋ gbor kpawbir a, bʋnʋ bɛ ka a ʋ ƴãw ɛ, ʋʋ kpɛmɛ, ɛ́ mɩ́ tɔl kpɛ a zi-sõw pʋ̃ɔmɩ za, a pɛn na yawlɩ a pùorí,

Ebre 9:25

Ɛcɛ ʋ bɛ kpɛ k'ʋʋ tɩ de ʋ tʋɔra tɩr gb'aa yaga, mɛ̃ a lɛ a bàwr-maal-kara na mɩ́ kpɛ yũon za a zi-sõw pʋɔ nɩ dʋ̃w zɩ̃ɩ a ɩ.

Ebre 9:3

A diru ayi sob bɛ na bʋɔlɛ kɛ́ zi-sõw-za-zi-sõw a be n a pɛnɛ ayi sob bɛ na 'lẽ yawlɩ a pùorí.

Ebre 9:5

A Wõ-taa daga zu a, malkɩ mɩnɛ bɛ na bʋɔlɛ Seribɛ̃ a tɩ be n be wule a Naaŋmɩn yúor-vɩɛlʋ-danʋ. A tɩ dɔl'ɩ a pɩgɛ ɓaarʋ pàw a zie ʋl bɛ na mɩ́ mɩr a zɩ̃ɩ a yel-bebe suur páwfʋ ƴãw a. Ɛcɛ ka bɛ n'a tɩ na ƴɛ̀r à á ŋá za ƴɛ̀rʋ wɛwrɩ ɛ.

Yel-wula 15:8

A Naaŋmɩn yúor-vɩɛlʋ-danʋ nɩ a ʋ kpɛnʋ tɩ ɩ na zʋ̀ʋ́r paalɩ a Ŋmɩn-yir-kpɛ̃ɛ, ɛ́ a bɛ tɩ tɛr nɩr na kpɛ a ʋ pʋɔ ɩ, ɛ̀ gù a malkɩ ayopõi bʋ̃-faar ayopõi tɩ tɔl baarɩ.