Levitɩ mɩnɛ 10:6 - A SƐB-SÕW

⁶ Lɛ n'a a Moyiir tɩ yel a Aarɔ̃ nɩ a ʋ bidɛbr ayi na cɛ a, a Eleazaar nɩ a Itamaar: «Nyɩ taa bɛrɛ a nyɩ zukɔbr a ɩrɛ zarkpara ɩ, ɛ́ taa tawr a nyɩ kparɩ cɩɛrɛ a ɩ a ko-tuolu bãwfʋ ɛ, nyɩ nãà mab'a kpi, ɛ́ ɩ a Sore suur ír a Ɩsɩrayɛl nɩbɛ lãw za ƴãw. Nyɩ bɛr a nyɩ yɛbr Ɩsɩrayɛl nɩbɛ za bɛ kõ a bɛlɩ dem a Sore na kʋ n a vũu a.

Levitɩ mɩnɛ 10:6 ပူးပေါင်းရင်းမြစ်များ

2 Samɩɛl 24:1

Bibir kãw, a Sore suur tɩ lɛb'a ìr a Ɩsɩrayɛl nɩbɛ ƴãw. Ʋ tɩ ɩ na a Daviir ìr a bɛ ƴãw, ʋʋ yel ʋ à ŋá: «Cen tɩ sɔ́r a Ɩsɩrayɛl nɩ a Zuda tẽw nɩbɛ.»

Eziptɩ tẽw yib 33:5

A Sore tɩ yel'ɩ a Moyiir: «Yel a Ɩsɩrayɛl nɩbɛ: “Nɩ-bʋʋrɛ a zuru na kpɛmɛ a n'ɩ nyɩ. Mãa yel k'ɩ̃ɩ bɩɛlɩ nyɩ zaa pʋrɩ a, ɩ̃ nãà mab'a kʋ nyɩ pàw pɛr. A na ɩ lɛ a, nyɩ yaarɩ a nyɩ pɩ̃ɛmɛ bɛr, ɩ̃ɩ na nyɛ̃ nɩ a lɛ ɩ̃ na na ɩ nyɩ a pùorí a”.»

Eziptɩ tẽw yib 6:23

A Aarɔ̃ tɩ kul'ɩ Eliseba na ɩ Aminadab pɔwyaa ɛ́ mɩ̀ ɩ Nason yeepuule a. A Eliseba tɩ dɔw nɩ bidɛbr anaar kʋ̀ ʋ: Nadavʋ, Avihu, Eleazaar nɩ Itamaar.

Zeremi 7:29

A Sore yere na: «Zuda tẽw nɩbɛ ɛ, nyɩ ŋma a nyɩ zukɔbr-wowr na wule kɛ́ mãa so nyɩ a. Nyɩ lɔb a bɛr. Nyɩ kone lãw-mʋɔlɛ a tãli-kpalɩ zu. Nyɩ ɩ n nɩ-bʋʋrɛ na ɩ a ɩ̃ suur ìr a, ɩ̃ bɛ lɛb bɔbr nyɩ ɛ, ɩ̃ lɔbr nyɩ na bɛrɛ.»

Levitɩ mɩnɛ 13:45

«Nɩr na tɛr a kɔnʋ bàalʋ a, ʋ na mɩ́ su n bʋ̃-zarmɛ, ɛ́ bɛr a zukɔbr a ɩ zarkpara. Ʋ na mɩ́ pàw nɩ a nɔkɔblʋ. A fɛr'a k'ʋʋ mɩ́ cɩɩrɛ yere: “Dɛwr sob wɛɛ! Dɛwr sob wɛɛ!”

Mise 1:16

Nyɩ põ a nyɩ zuru, nyɩ fɔr a bɛr, Zerizalɛm tẽw dem i! A nyɩ zuru, a kpal mɛ̃ sidum zu a, nyɩ kone a nyɩ bibiir nyɩ na nɔnɛ a, bʋ̃ʋ n'ʋ vɛ̃, bɛ na diw bɛ nɩ a bɛ tẽw pʋɔ cen nɩ gbãgbaalʋ pʋɔ, bɛ zãá nɩ nyɩ.

Sɔr-nɛ́ɛ 1:53

A Levi bʋʋrɛ tɛwr nɛbɛ na mɩ́ maalɩ a bɛ laɩ jil koli a kpɛb-zi-sõw, ɛ́ tone a bɛ tome a ʋ pʋɔ. À ŋá n'a a Ɩsɩrayɛl nɩbɛ kʋ̃ mɩ́ ɩrɛ wa ɩ a ɩ̃ suur ìr a bɛ ƴãw ɛ.»

Sɔr-nɛ́ɛ 14:6

A Nun bidɛb, Zozue, nɩ a Yefune bidɛb, Kalɛb, na tɩ pʋɔ cen tɩ cɔlɩ jɩ́r a tẽw kaa a, bɛl tɩ taw nɩ bɛ kparɩ cɩɛrɩ, pʋ-sãwna yaga na tɩ tɛr bɛ a zũú.

Sɔr-nɛ́ɛ 16:22

Ɛcɛ a Moyiir nɩ a Aarɔ̃ tɩ lo na vɔblɩ muru ɛ́ yel: «'Woi Naaŋmɩn i, fʋ̃ʋ n'ʋ kʋ̀rɛ a nyɔ-vʋʋrʋ a fʋ bʋ̃-íri za, nɩ-been yõ n'ʋ maalɩ a yel-bier, ɛ́ fʋ na nyɛ̃ nɩ a lãw nɩbɛ za suur ɩ?»

Sɔr-nɛ́ɛ 18:5

Nyɩmɛ nɛbɛ na tone a nyɩ tome a zi-sõw pʋɔ nɩ a bàwr-maal-kuur pɛr. Lɛ n'a ɩ̃ kʋ̃ lɛb nyɛ̃ nɩ a Ɩsɩrayɛl nɩbɛ suur ɛ.

Sɔr-nɛ́ɛ 20:25

A lɛ pʋɔ a, a fʋ̃ʋ Moyiir, tɛr a Aarɔ̃ nɩ a ʋ bidɛb Eleazaar do n a Hoor tãw nyʋɔrɩ́.

Sɔr-nɛ́ɛ 5:18

Ʋ na cɛ̀r'ɩ a pɔw na àr a mãa Sore niŋé a zukɔbɛ bɛr, al pùorí ʋ de a de-kʋ̀b bom na na wo a sãwna a ƴãw a pɔw nuru pʋɔ, a pɛr lɛ k'aa nyuur tɩ̀ɛrʋ de-kʋ̀b bom. Ʋl mɩŋa na tɛr'ɩ a ŋmɛ-ƴãw kʋ̃ɔ-tuo a ʋ nuru pʋɔ.

Wulu-ayi-sob 33:9

Bɛ wul'a kɛ́ bɛ nɔnɛ fʋ na zuo a bɛ sãà nɩ a bɛ mã, a bɛ yɛbr nɩ a bɛ bibiir. Bɛ sàw nɩ a fʋ ƴɛ̀rʋ, ɛ́ maal tɛr a wõ-taa fʋ na maal'ɩ bɛ a.

Zozue 22:18

Ɛ́ nyɩɩm ìr dɩ̃a tawr zãánɛ nɩ a Sore! Nyɩ ìr'ɩ dɩ̃a zawrɛ a Sore bɛrɛ, bio a, a ʋ suur na ìr'ɩ a Ɩsɩrayɛl lãw nɩbɛ za zu!

Zozue 22:20

A Zera bʋʋrɛ Akan na tɩ ɩ sãw yaga za, a bʋ̃-ciiri ʋ na de a ƴãw a, a Ɩsɩrayɛl lãw za zu bɛ n'a a Sore suur tɩ lo ɩ? Ʋ yõ bɛ n'ʋ tɩ kpi a ʋ sãwna kũu ɛ!»

Zozue 7:1

A Ɩsɩrayɛl nɩbɛ tɩ ɩ n ɩ-faa kãw càar'ɩ a bome a Sore na tɩ yel kɛ́ bɛ taa dier a: Zuda dɔwlʋ nɩr kãw, Karmi bidɛb, Akan, tɩ de nɩ a bome a mɩnɛ na tɩ ciir deb a. A Karmi tɩ ɩ n Zavidi bidɛb, ɛ́ ɩ Zera yãw. Lɛ n'a a Sore suur tɩ ìr a Ɩsɩrayɛl nɩbɛ ƴãw.

Zozue 7:11

A Ɩsɩrayɛl nɩbɛ maal'ɩ yel-bier. Sɩza, bɛ sãw nɩ a wõ-taa ɩ̃ na tɩ ƴãw kʋ̀ bɛ a bɛr. Bɛ de nɩ a bome na ciir a, mɔ̃ mɩ̀ bɛ zu n a mɩnɛ de a ƴãw a bɛ mɩŋa bʋ̃-sori pʋɔ sɔwlɩ.