Levitɩ mɩnɛ 10:3 - A SƐB-SÕW

³ A Moyiir tɩ yel'ɩ a Aarɔ̃: «A Sore tɩ yel'ɩ a yel ŋa kʋ̀ nyɩ, a lɛn daar ʋ na tɩ ƴɛ̀r à ŋá a: “Ɩ̃ bɔbr'a k'aa bɛlɩ dem na tawr pɩɛlɛ mɛ̃ a mɩ́ wul a ɩ̃ sonu, ɛ́ íre a ɩ̃ yúor-vɩɛlʋ-danʋ a nɩbɛ za niŋé.”» A Aarɔ̃ tɩ ɩ n gbili.

Levitɩ mɩnɛ 10:3 ပူးပေါင်းရင်းမြစ်များ

Yele-za-pɛr-tib 18:25

Fʋ ɩ a nɩ-mɩŋa ʋ kpi lãwnɩ a sãwna sob i? Aɩ, fʋ kʋ̃ tʋ̃ɔ́ ɩ à à ŋá ɩ! Fʋ ɩ a nɩ-mɩŋa mɛ̃ a sãwna sob a? A ɩb ŋa tɔ a, ʋ zãá nɩ fʋ! A tẽw za ƴɛ̀r-maalɛ kʋ̃ ɩ a lɛ-na-tu-sɔr-a bɩɩ?»

A Zɔb sɛbɛ 2:10

A Zɔb tɩ sɔw ʋ na yel: «Fʋ ƴɛ̀rɛ na mɛ̃ dãbol a! Tɩmɛ mɩ́ wa sàw de a nʋ̃ɔ̀ a Naaŋmɩn na kʋ̀rɛ tɩ a, bʋ̃ʋ n'ʋ so tɩ mɩ̀ kʋ̃ sàw de a tuo?» A yele á ŋá za pʋɔ a, a Zɔb bɛ tɩ sãw a Naaŋmɩn a ʋ nʋɔr ƴɛ̀rʋ pʋɔ ɩ.

Sɛb-sõw yielu 119:120

Fʋ ɩrɛ mɛ̃ nɩ dɛ̃bɩ̃ɛ, ƴãw a ɩ̃ ƴã-gan za ʋ màwr, a lɛ fʋ na dɩ a ƴɛ̀rʋ yel a mɩ̀ ɩrɛ mɛ̃ nɩ dɛ̃bɩ̃ɛ.

Sɛb-sõw yielu 148:14

Ʋ lɛb'a kʋ̀ a ʋ nɩ-bʋʋrɛ fãw na bɛrmɛ a. Yúor'ʋ a ʋ nɩbɛ zie, a Ɩsɩrayɛl bibiir za zie, a nɩ-bʋʋrɛ na pɩɛl'ʋ a. Aleluya!

Sɛb-sõw yielu 39:10

Ɩ̃ ɩ n gbili, ɩ̃ bɛ cãà ƴɛ̀rɛ ƴɛ̀rʋ ɛ, fʋ̃ʋ n'ʋ so a ŋmɛ̃ à à ŋá a ɩ̃ zie.

Sɛb-sõw yielu 39:9

Faa mɛ̃ a ɩ̃ yel-bebe za pʋɔ, ta sàw a dãbole ɩrɛ mɛ̃ laar ɛ.

Sɛb-sõw yielu 46:10

ʋ ɩ na a zɛbr baarɩ tɩ tɔ a tẽw ziir za, ʋ kár'ɩ a tam nɩ a kafin bɛr, ʋ nyɩw nɩ a zɛbr-kur-pãgalɩ bɛr.

Sɛb-sõw yielu 89:7

Ãa n'ʋ zɛ̃ taa nɩ a Sore a saa-zu? A naaŋmɩmɛ pʋɔ a, ãa n'ʋ na tʋ̃ɔ́ de ʋ tʋɔra manɛ nɩ ʋ?

Sɛb-sõw yielu 93:5

A fʋ nɛ-ƴãwnɩ ɩ n yel-mɩŋa a za. A sonu n'a sɛw taa nɩ a fʋ yir, Sore e, lɛn daar za a tẽ-daa na na cãà a.

Eziptɩ tẽw yib 14:17

Mãa ƴãw a, ɩ̃ na ɩ na a Eziptɩ tẽw nɩbɛ kpãa tobr, ɛ́ tu a nyɩ pùor kpɛ a kʋ̃ɔ-kpɛ̃ɛ pʋɔ. Lɛ n'a ɩ̃ na tʋ̃ɔ́ a Faarawɔ̃ nɩ a ʋ zɛbr-nɩbɛ za, a ʋ zɛbr-torkori, a ʋ wi-zɔmnbɛ, lɛ n'a ɩ̃ na tʋ̃ɔ́ bɛ pẽlẽpẽlẽ, wul a ɩ̃ yúor-vɩɛlʋ-danʋ.

Eziptɩ tẽw yib 14:4

Ɩ̃ na ɩ na a Faarawɔ̃ kpãa tobr diwr bɩ́ɛrɛ nyɩ. Lɛ n'a ɩ̃ na tʋ̃ɔ́ ʋ pẽlẽpẽlẽ, ʋlɛ nɩ a ʋ zɛbr-nɩbɛ za. À ŋá n'a ɩ̃ na ɩ a ɩ̃ yúor-vɩɛlʋ-danʋ ʋ sãá, ɛ́ a Eziptɩ tẽw dem bãw kɛ́ mãa n'ɩ a Sore.» A Ɩsɩrayɛl nɩbɛ tɩ ɩ n a lɛ.

Eziptɩ tẽw yib 19:22

Mɔ̃ mɩ̀, a bàwr-maalbɛ mɩ̀ na saa mɩ́ tʋ̃ɔ́ taw pɩɛlɩ mɛ̃ a, a fɛr'a kɛ́ bɛ so a bɛ dɛwr bɛr, alɛ bɛ ɩ lɛ, ɩ̃ nãà mab'a nyɛ̃ nɩ bɛ suur, a mãa Sore.»

Eziptɩ tẽw yib 19:24

A Sore tɩ yel ʋ na: «Lɛb siw, al pùorí fʋ̃ʋ nɩ a Aarɔ̃ do wa. Ɛcɛ a bàwr-maalbɛ nɩ a nɩbɛ a, bɛ taa wa zɔrɛ birbir dúor waar a ɩ̃ zie, ɩ̃ wa mab nyɛ̃ nɩ bɛ suur ɛ.»

Eziptɩ tẽw yib 30:30

Fʋ na cir'ɩ a kãá á ŋá ƴãw a Aarɔ̃ nɩ a ʋ bidɛbr, ka a nũu ƴãw bɛ bɛ ɩ bàwr-maalbɛ tone a ɩ̃ tome.»

Ɩzayi 39:8

A Ezekɩasɩ tɩ sɔw nɩ a Ɩzayi: «A Sore ƴɛ̀rʋ ŋa fʋ na ƴɛ̀rɛ kʋ̀rɛ mɛ̃ a ɩ n ƴɛ̀r-vla.» Bʋ̃ʋ n'ʋ vɛ̃, ʋ tɩ tɩɛrɛ nɩ ʋ pʋɔ à ŋá: «A ɩ̃ cãafʋ daar a, a na ɩ n ƴã-ɓaarʋ nɩ zie na gã zoom a.»

Ɩzayi 49:3

Ʋ yel mɛ̃ na: «Ɩsɩrayɛl i, fʋ̃ʋ n'ɩ a ɩ̃ tõ-tõ-bie, fʋ̃ʋ n'ʋ ɩ̃ na wul'ɩ a ɩ̃ vɩɛlʋ».

Ɩzayi 52:11

Nyɩ cere, nyɩ cere, nyɩɩm na tuo a Sore puoru bome lɛb waar'ɩ a! Nyɩ yi zaa a Babɩlɔn tẽw pʋɔ! Nyɩ taa tʋɔr bʋ̃-dɛwr kãw za ɩ, nyɩ vɩɛl yi n a tẽw ŋa pʋɔ.

Ezekɩɛl 20:41

Mãa wa tɛr nyɩ yi n a nɩ-bʋʋrɛ nɩ a ten sɔgɔ, a be nyɩ na tɩ be a, ɛ́ mãa wa ɓã nyɩ taa baar'a, ɩ̃ na sàw na de a nyɩ de-kʋ̀b bome na ɓãanɛ suur a. Mãa wa ɩ à à ŋá a nyɩ zie a, ɩ̃ na wul'ɩ a nɩ-bʋʋr-yoru kɛ́ mãa n'ɩ a Naaŋmɩn-sɩza.

Ezekɩɛl 28:22

Yel a lɛ a mãa Sore Naaŋmɩn na yere a kʋ̀ ʋ: Ɩ̃ na ɩ b'a, Sɩdɔ̃ i! À ŋá a, ɩ̃ na wul'ɩ a ɩ̃ yúor-vɩɛlʋ-danʋ a tẽ-kpɛ̃ɛ sɔwlɩsɔw. Ɩ̃ na ɩ n a fʋ ƴãw a lɛ ɩ̃ na yel a. Ɛ́ a nɩbɛ za na bãw na kɛ́ mãa n'ɩ a Sore. À à ŋá n'a ɩ̃ na wul kɛ́ mãa n'ɩ a Naaŋmɩn na ɩ sõw a.

Ezekɩɛl 38:16

Fʋ na wa na wa zɛb'ɩ a ɩ̃ nɩ-bʋʋrɛ Ɩsɩrayɛl, ɛ́ fʋ na pàw nɩ a ʋ tẽw mɛ̃ zũzuwr na pàw a tẽw a. A na cɛlɩ nɩ yaga ɛ́ à á ŋá wa bãw ɩ. Ɩ̃ na ƴãw nɩ a fʋ̃ʋ Gɔgɩ fʋ cen tɩ zɛb'ɩ a ɩ̃ tẽw, a nɩ-bʋʋr-yoru tʋ̃ɔ́ bãw mɛ̃ a lɛn daar ɩ̃ nãà wa wul a ɩ̃ sonu a bɛ mimirí a fʋ̃ʋ Gɔgɩ zũú a.

Ezekɩɛl 40:46

A bàwr-maalbɛ bɛl na tone a bàwr-maal-kuur tome a so a dĩo ʋl na tori a saa-pɛrɩ́-gʋba-lowr a. A Levi dɔwlʋ nɩbɛ pʋɔ a, a bɛl na ɩ a Sadɔkɩ bʋ̃-dɔwrɩ a tɛwr nɛbɛ na tʋ̃ɔ́ kpɛ a zi-sõw pʋɔ tone a Sore tome.»

Ezekɩɛl 42:13

A nɩr nɛ tɩ yel mɛ̃ na: «A saa-pɛrɩ́-gʋba-lowr nɩ a saa-pɛrɩ́-dʋrʋ-lowr diru na tori a davʋra a ɩ n diru a Naaŋmɩn yõ na so a. A be a, a bàwr-maalbɛ na na tʋ̃ɔ́ kpɛ a zi-sõw pʋɔ a dɩrɛ nɩ a de-kʋ̀b bʋ̃-son. A be n'a a sɛw kɛ́ bɛ mɩ́ ƴãw a de-kʋ̀b bʋ̃-son: a bʋ̃-tɩrɩ nɩ a bàwr-maal pɛ-bʋʋrɛ dʋn bɛ na de tɩr a yel-bebe suur-páwfʋ ƴãw a, bʋ̃ʋ n'ʋ vɛ̃, a zie ŋa ɩ n sõw.

Levitɩ mɩnɛ 21:15

à ŋá n'a ʋ kʋ̃ ƴãw zawlɛ kpɛ a ʋ yir pʋɔ ɩ, mãa n'ɩ a Sore na maal'ʋ ʋ be a ɩ̃ tome tob ƴãw a.»

Levitɩ mɩnɛ 21:17

k'ʋʋ tɛr a wulu á ŋá a Aarɔ̃ zie: «A nɩbɛ nãà wa dɔwr lɩɛrɛ taa a pʋɔ a, a fʋ bʋʋrɛ nɩr kãw za wa tɛr ƴã-gan zi-sãwna a, ʋ kʋ̃ tɛr sɔ́r taw pɩɛlɩ a bàwr-maal-kuur k'ʋʋ de a ɩ̃ dɩb kʋ̀ m ɛ.

Levitɩ mɩnɛ 21:21

A fʋ bʋʋrɛ nɩr kãw za na tɛr ƴã-gan zi-sãwna a, ʋ bɛ tawr pɩɛlɛ a bàwr-maal-kuur dier a ɩ̃ dɩb kʋ̀rɛ mɛ̃ ɩ. A ʋ ƴã-gan zi-sãwna zũú a, ʋ bɛ tawr pɩɛlɛ a bàwr-maal-kuur ɛ.

Levitɩ mɩnɛ 21:6

Bɛ na be n a ɩ̃ tome tob ƴãw ɛ́ ta sãwnɛ a ɩ̃ yúor ɛ. Bɛlɛ nɛbɛ dier a bàwr-maal-bome na ɩ a ɩ̃ dɩb a kʋ̀rɛ mɛ̃, a mãa, a Sore bɛ Naaŋmɩn, alɛ so a fɛr kɛ́ bɛ ɩ son.»

Levitɩ mɩnɛ 21:8

Ɩsɩrayɛl nɩr za n'ʋ a fɛr k'ʋʋ ƴãwnɛ a bàwr-maalbɛ mɛ̃ nɩ-son a, bʋ̃ʋ n'ʋ vɛ̃, a dɩb nyɩ na kʋ̀rɛ mɛ̃ a, bɛlɛ nɛbɛ mɩ́ de a kʋ̀ m, a mãa nyɩ Naaŋmɩn. A bàwr-maalbɛ na ɩ n nɩ-son a nyɩ zie, a mãa Sore na ɩ sõw a ƴãw, ɩ̃ɩ kaa na ír a Ɩsɩrayɛl nɩbɛ kɛ́ bɛ ɩ nɩ-bʋʋr-son.»

Levitɩ mɩnɛ 22:9

«A fɛr'a k'aa bàwr-maalbɛ tuur a lɛ ɩ̃ na ƴãw a nʋɔr kʋ̀ bɛ a vla, taa wa tɛrɛ sãwna bʋ̃-dɩra ƴãw ɛ. Bɛlɛ bɛ wa tɛr maal-ɩb a bʋ̃-dɩrɩ á ŋá ƴãw a, bɛ na tʋ̃ɔ́ na kpi a al kũu. Mãa n'ɩ a Sore, ɛ́ mãa n'ʋ maalɩ bɛ bɛ ɩ son a ɩ̃ tome ƴãw.»

Levitɩ mɩnɛ 8:35

Nyɩ na be n a tuor-taa pɛn-sɛw dɩ̃dɔr nʋɔr, mʋ̃tɔ̃w nɩ tɩ̃ɩsɔw, bibie ayopõi, al pùorí a, nyɩ na tʋ̃ɔ́ na tone a Sore tome ɛ́ taa kpiir ɛ. À à ŋá n'a a Sore yel kʋ̀ m.»

Sɔr-nɛ́ɛ 16:5

Al pùorí ʋ yel a Koore nɩ a ʋ nɩbɛ: «Bio biɓaara a, a Sore na ɩ na bɛ bãw sob nɛ ʋ na so a, sob nɛ na ɩ sõw ɛ́ na tʋ̃ɔ́ taw pɩɛl ʋ a. A sob nɛ ʋ na kaa ír a n'ʋ, ʋ na bɛr ʋ taw pɩɛl ʋ.

Sɔr-nɛ́ɛ 20:12

Ɛcɛ a Sore tɩ yel'ɩ a Moyiir nɩ a Aarɔ̃ à ŋá: «Nyɩ bɛ sàw de m ɛ, nyɩ bɛ wul a ɩ̃ sonu a Ɩsɩrayɛl nɩbɛ ɩ, à à ŋá ƴãw a, nyɩmɛ bɛ nɛbɛ na tɛr a nɩbɛ bɛ ŋa kpɛ n a tẽw ɩ̃ na kʋ̀rɛ bɛ a pʋɔ ɩ.»

Matie 10:37

Nɩr na nɔnɛ a ʋ sãà bɩɩ a ʋ mã zuo mɛ̃ a bɛ sɛwnɩ mɛ̃ ɩ. Nɩr na nɔnɛ a ʋ bidɛb bɩɩ a ʋ pɔwyaa zuo mɛ̃ a bɛ sɛwnɩ mɛ̃ ɩ.

Zã 12:28

Ɩ̃ Sãà a, ɩ a fʋ yúor nyɛ̃ vɩɛlʋ-danʋ.» Kɔkɔr kãw tɩ ƴɛ̀r'a yi a salom zu yel: «Ɩ̃ ɩ na ʋ nyɛ̃ a yúor-vɩɛlʋ-danʋ, ɛ́ na lɛb ɩ ʋ nyɛ̃ ʋ.»

Zã 14:13

Bom nɛ za nyɩ na na zɛlɩ a ɩ̃ yúor ƴãw a, ɩ̃ na ɩ na, a ɩ̃ Sãà tʋ̃ɔ́ nyɛ̃ yúor-vɩɛlʋ-danʋ a Bie pʋɔ.

Wulu-ayi-sob 32:51

Fʋ̃ʋ nɩ a Aarɔ̃ a, nyɩ sãw mɛ̃ nɩ faa faa a Ɩsɩrayɛl nɩbɛ niŋé, a Meriba kʋ̃ɔ yele pʋɔ a Kadɛsɩ, a Tisin wɛja-kpalɛ pʋɔ. Nyɩ bɛ tɩ sàw a ɩ̃ sonu sãá a ʋlɩ bibir nɛ a Ɩsɩrayɛl nɩbɛ zie ɩ.

2 Tesalonikɩ 1:10

a lɛn daar ʋ na na lɛb wa wa nyɛ̃ yúor-vɩɛlʋ-danʋ a ʋ nɩ-son zie, ɛ́ a bɛlɩ dem za na sàw de ʋ a úore a ʋ niwn vɩɛlʋ a ʋlɩ bibir nɛ a. Ɛ́ a nyɩɩm a, nyɩ sàw na de a dãsɩɛ tɩ na dɩ a.

1 Pɩɛr 4:17

Sɩza n'a, a ƴɛ̀rʋ-maalʋ na tine a daar ta na. Ɛ́ a Naaŋmɩn nɩ-bʋʋrɛ nɛbɛ bɛ de niwn maal'ɩ a ƴɛ̀rʋ. Ɛcɛ alɛ wa tine a tɩ zie a, ŋmɩŋmɩn n'a a baarʋ daar a na ŋmɛ̃ a bɛlɩ dem na zawrɩ na sàw de a Naaŋmɩn Yel-nʋ̃ɔ̀ a zie?

1 Samɩɛl 2:30

A na ɩ à ŋá a, a mãa Sore, a Ɩsɩrayɛl Naaŋmɩn, à ŋá n'a ɩ̃ yere kʋ̀rɛ fʋ: ɩ̃ tɩ yel'a k'aa fʋ yir nɩbɛ nɩ a fʋ dɔwlʋ nɩbɛ mɔ̃ mɩ̀ na ɩ n a ɩ̃ bàwr-maalbɛ kʋralɛ. Ɛcɛ ƴɛrɛŋa a, mãa n'ʋ yere: lɛ bɛ cãà n'a ɩ. Bʋ̃ʋ n'ʋ vɛ̃, ɩ̃ ƴãwnɛ nɩ bɛlɩ dem na ƴãwnɛ mɛ̃ a, ɛ́ bɛlɩ dem na bɛ ƴãwnɛ mɛ̃ a, bɛ mɩ̀ kʋ̃ nyɛ̃ ƴãwfʋ ɛ.

1 Samɩɛl 3:18

Lɛ n'a a Samɩɛl tɩ manɩ a ƴɛ̀rʋ za kʋ̀ ʋ, bɛ sɔwl'ʋ bom ɛ. A Eli tɩ yel'a: «Ʋlɛ n'ɩ a Sore! Ʋ ɩ lɛ ʋ na bɔbr a!»

1 Samɩɛl 6:20

A Bɛtɩ-Semɛsɩ tẽw dem tɩ yel'a: «Ãa n'ʋ na tʋ̃ɔ́ àr a Sore niŋé, a Naaŋmɩn ŋa na ɩ sõw a niŋé?» Nɩ kɛ́: «Ʋlɛ wa yi a tɩ zie ka a, tẽbowle zie n'a ʋ na cen?»