Levitɩ mɩnɛ 10:2 - A SƐB-SÕW

² Lɛ n'a vũu-zɛl tɩ ƴaw yi a Sore niŋé, dɩ bɛ, bɛ kpi a be.

Levitɩ mɩnɛ 10:2 ပူးပေါင်းရင်းမြစ်များ

2 Samɩɛl 6:7

Lɛ n'a a Sore suur tɩ ìr a Uza ƴãw: ʋ tɩ ŋmɛ ʋ nɩ a ʋ dãbol-ɩb ŋa ƴãw, ʋ lo kpi, gã a be pɩɛlɩ a wõ-taa daga.

1 Na-mɩnɛ 13:28

ʋ tɔl cen nɩ. Ʋ tɩ nyɛ̃ nɩ a kũu ʋ gã a sɔ́r zu, ɛ́ a bõw nɩ a gbẽw àr kɔw. A gbẽw bɛ tɩ 'wɔb a kũu ɛ, ɛ́ mɩ̀ bɛ tɔ a bõw ɛ.

1 Na-mɩnɛ 18:38

Lɛ n'a a Sore tɩ ɩ vũu siw dɩ a bàwr nɛn, a dàar, a kʋsɛbɛ nɩ a tanɛ, ɛ́ ɩ a bɔw kʋ̃ɔ a sɩr.

2 Na-mɩnɛ 1:10

A Eli tɩ sɔw ʋ na: «Mãa wa sɩrɩ ɩ Naaŋmɩn nɩr a, vũu, a yi a salom zu, siw dɩ fʋ̃ʋ nɩ a fʋ nɩbɛ lɩz'a ayi nɩ pie!» Vũu tɩ yi n a salom zu daadaalɛ, siw dɩ a sojarɩ nɩ-kpɛ̃ɛ nɩ a ʋ nɩbɛ lɩz'a ayi nɩ pie.

2 Na-mɩnɛ 1:12

A Eli tɩ sɔw ʋ na: «Mãa wa sɩrɩ ɩ Naaŋmɩn nɩr a, vũu, a yi a salom zu siw dɩ fʋ̃ʋ nɩ a fʋ nɩbɛ lɩz'a ayi nɩ pie!» A Naaŋmɩn vũu tɩ yi n a salom zu siw dɩ a sojarɩ nɩ-kpɛ̃ɛ nɩ a ʋ nɩbɛ lɩz'a ayi nɩ pie.

1 Bibie za yel-manɩ 13:10

A Sore suur tɩ ìr'ɩ a Uza ƴãw, ʋ dɔwr'ʋ, ʋ na sʋ̃ɔmɩ sàw tɔ a wõ-taa daga a. A Uza tɩ kpi n a be a Naaŋmɩn niŋé.

1 Bibie za yel-manɩ 15:13

Yel-mɩŋa n'a, nyɩ na bɛ tɩ ka be a gb'aa dãw-niwn sob a n'a so a Sore tɩ Naaŋmɩn tɩ ŋmɛ tɩ. Tɩ sɩrɩ bɛ tɩ kaa a wõ-taa daga zie mɛ̃ a lɛ a na sɛw a ɩ.»

1 Bibie za yel-manɩ 24:2

A Nadavʋ nɩ Avihu tɩ de nɩ niwn kpi a bɛ sãà ƴãw ɛ́ bɛ dɔw bidɛbr ɛ, lɛ so a Eleazaar nɩ a Itamaar tɛwr tɩ tõ a bàwr-maalbɛ tome.

A Zɔb sɛbɛ 1:16

A ʋ ƴɛ̀rʋ bɛ tɩ lo tẽw sɛr ɛ, ɛ́ nɩr kãw lɛb wa ta yere: «Saa tanɩ nɩ a píir nɩ a pi-cɩ̃ɩnbɛ kʋ. Mãa yõ n'ʋ tʋ̃ɔ́ cɩ̃ɛ, zɔ wa k'ɩ̃ɩ wa yel kʋ̀ b.»

Sɛb-sõw yielu 50:3

«A tɩ Naaŋmɩn, ʋ́ wa, ɛ́ taa ɩrɛ gbili ɛ!» Vũu de ʋ nɩ niwn dɩrɛ, ɛ́ saa sɛsɛb-kpɛ̃ɛ pili pàw ʋ.

Eziptɩ tẽw yib 24:1

A Sore tɩ yel'ɩ a Moyiir: «Do wa a ɩ̃ zie a tãw zu, a fʋ̃ʋ, a Aarɔ̃, a Nadavʋ, a Avihu nɩ a Ɩsɩrayɛl nɩ-kore lɩz'a ata nɩ pie. Nyɩ na cãà na zãá, ɛ́ gbĩ dume gũu tɩ tɔ tẽw.

Ɩzayi 30:33

Bɛ cɔbr'ɩ vũu bɛr koro za. A nãà ƴãw mɩ̀ n'a. Bɔw na yɛlmɛ ɛ́ zulme a pɛrɩ́ n'a bɛ ƴãw dàar yaga viiri koli a vũu ƴãw. A Sore nʋɔr pɩɛlʋ na ɩ mɛ̃ cirbi vũu-kpɛ̃ɛ a na ƴãw nɩ a vũu.

Levitɩ mɩnɛ 10:5

Bɛ tɩ taw na ta wob bɛ nɩ a bɛ bàwr-maalbɛ bʋ̃-suuri yi zaa nɩ a laɩ pʋɔ, mɛ̃ a lɛ a Moyiir na tɩ yel a.

Levitɩ mɩnɛ 16:1

Aarɔ̃ bidɛbr ayi tɩ kpi n a lɛn daar bɛ na tɩ wa n de-kʋ̀b bome a Sore niŋé a. Al pùorí a Sore tɩ yel'ɩ a Moyiir à ŋá:

Levitɩ mɩnɛ 9:24

Vũu-zɛl tɩ yi n a Sore niŋé dɩ a nyɩw-a-za-bagɛ nɩ a bàwr-yoru nɛn-kãánɩ a bàwr-maal-kuur zu. A nɩbɛ za tɩ nyɛ̃ a na. Bɛ tɩ lɔb'ɩ nʋ̃ɔ̀ cɛlsɩ, ɛ́ lo vɔblɩ muru.

Sɔr-nɛ́ɛ 14:37

bɛ tɩ ùr'a kpi. A Sore tɩ dɔwrɩ bɛ na, bɛ na tɩ gɛrɩ k'aa tẽw bɛ vɩɛl a ƴãw.

Sɔr-nɛ́ɛ 16:35

A Sore tɩ ɩ na vũu yi dɩ a nɩbɛ kɔbr ayi dɔwlɩ lɩz'a ayi nɩ pie (250) bɛl na tɩ dier a tɩ-suur-zɔ̃-na-nyùur-vla-vla-a tɩrɛ a.

Sɔr-nɛ́ɛ 26:61

Ɛcɛ a Nadavʋ nɩ a Avihu tɩ kpi n a lɛn daar bɛ na tɩ nyɩw parfɛ̃ vũu-sãsaralɛ kʋ̀ a Sore a.

Nɩ-toni 5:10

A pɛr nɛ pʋɔ, a pɔw tɩ lo n a Pɩɛr niŋé be kpi. A pɔlbili tɩ kpɛ na nyɛ̃ ʋ ʋ kpi, bɛ ɓáw yi cen nɩ tɩ ũù pɩɛlɩ a ʋ sɩr.

Nɩ-toni 5:5

A Ananɩasɩ na tɩ wõ a ƴɛ̀r-bie á ŋá a, ʋ lo na kpi. Dɛ̃bɩ̃-kpɛ̃ɛ tɩ tɛr'ɩ a nɩbɛ bɛl za na tɩ wone a yel ŋa a.

1 Korɛ̃tɩ 10:11

A yele á ŋá tɩ ta bɛ na k'aa ɩ wulu, ɛ́ bɛ sɛb'ɩ a yele á ŋá a tɩɩm wulu ƴãw, tɩɩm na be a yele baarʋ vuo pʋɔ a.

1 Samɩɛl 6:19

A Sore tɩ dɔwr'ɩ a Bɛtɩ-Semɛsɩ tẽw dem, bɛ na tɩ jɩ́r a wõ-taa daga a ƴãw. Nɩbɛ tùr-lɩz'a ayi nɩ pie (50 000) zu a, ʋ tɩ ɩ na nɩbɛ lɩz'a ata nɩ pie kpi. Lɛ n'a a nɩbɛ bɛl za na cɛ cãà vʋʋrɛ a tɩ be wahala pʋɔ, a Sore na tɩ dɔwrɩ bɛ a ƴãw.