Levitɩ mɩnɛ 1:9 - A SƐB-SÕW

⁹ Bɛ na pɛ́w nɩ a dʋ̃w púor nɩ a nyagɛ nɩ a gbɛ́ɛ, ɛ́ bàwr-maalɛ kãw nyɩw a za a bàwr-maal-kuur zu. Nyɩw-a-za-bàwr a Sore na nɔnɛ a zʋ̀ʋ́r nyũu a n'ʋ.»

Levitɩ mɩnɛ 1:9 ပူးပေါင်းရင်းမြစ်များ

Yele-za-pɛr-tib 8:21

A Sore tɩ wõ n a nyũu na nyu vla a, ɛ́ tɩɛr ʋ pʋɔ: «Ɩ̃ bɛ be za na lɛb ŋmɛ ƴãw a tẽsɔw a nɩsaal ƴãw ɛ. Sɩza n'a, a nɩsaal pɔ̀lʋ daarɩ́ za n'a a ʋ socir mɩ́ tu a faa pùor, ɛcɛ ɩ̃ bɛ be za na lɛb dɔwrɩ bʋ̃-vʋʋra za mɛ̃ à à ŋá ɩ̃ na ɩ a ɩ.

1 Bibie za yel-manɩ 6:34

Aarɔ̃ nɩ a ʋ bʋʋrɛ tɩ so a dʋn nyɩw-a-za-bagɛ maalʋ nɩ a parfɛ̃ de-kʋ̀b tɩrʋ a bàwr-maal-kube zu. À ŋá n'a bɛ tɩ kaarɛ a bome a Naaŋmɩn yõ na so a zie, ɛ́ tuur a suur-dɩ-kʋ̀b tub a Ɩsɩrayɛl lãw nɩbɛ ƴãw, mɛ̃ a lɛ a Sore tõ-tõ-bie Moyiir na tɩ yel a.

2 Bibie za yel-manɩ 4:6

Bɛ tɩ maal'ɩ kur-zɩɛ sɩnli pie, ƴãw anũu a Ŋmɩn-yir-kpɛ̃ɛ dʋrʋ lowr, ɛ́ ƴãw anũu a gʋba lowr a dɛwr-so-bɛrʋ ƴãw. Be n'a bɛ mɩ́ tɩ pɛ́w a nyɩw-a-za-bàwr nɛnɛ. A sɩ̃w-kpɛ̃ɛ pʋɔ kʋ̃ɔ n'a a bàwr-maalbɛ mɩ́ tɩ so n a bɛ dɛwr bɛr.

Sɛb-sõw yielu 51:6

Fʋ̃ʋ yõ, fʋ̃ʋ yõ tẽtẽ n'ʋ ɩ̃ sãw, ʋlɩ bom nɛ na bɛ vɩɛl a fʋ zie a, ʋlɛ n'ʋ ɩ̃ maalɩ. Lɛ so, fʋ̃ʋ wa ƴɛ̀rɛ a, fʋ mɩ́ tɛr'ɩ yel-mɩŋa, fʋ bɛ tɛrɛ sãwna bɛ yere a fʋ ƴɛ̀rʋ-dɩb pʋɔ ɩ.

Sɛb-sõw yielu 66:15

Dʋ̃-kãánɩ nɩ pʋ́rɩ n'a ɩ̃ kʋ̀rɛ fʋ, ɩ̃ cɔbrɛ nɩ nadɛr nɩ bʋrali. A na dɩ n vũu a bàwr-maal-kuur zu, ɛ́ a zʋ̀ʋ́r ìr do wa ta a fʋ zie. Tɛw-àrʋ

Eziptɩ tẽw yib 12:9

Nyɩ taa 'wɔbr ʋ kɛr bɩɩ dʋwra ɩ, nyɩ sɛ̃ ʋ za, lãw nɩ a zu, a gbɛ́ɛ nɩ a pʋ-bome.

Eziptɩ tẽw yib 29:18

Fʋ na nyɩw nɩ a pʋ́ra za bɛr a bàwr-maal-kuur zu. Ʋ na ɩ n nyɩw-a-za-bàwr nyɩ maalɩ kʋ̀ m, bàwr a mãa Sore na nɔnɛ a zʋ̀ʋ́r nyũu a.

Eziptɩ tẽw yib 29:25

Fʋ na lɛb'a de a, a pùorí, a bɛ nuru pʋɔ, nyɩw a bɛr a bàwr-maal-kuur zu, a nyɩw-a-za-bàwr bome zu: ʋ na ɩ n bàwr ɩ̃ na nɔnɛ a zʋ̀ʋ́r nyũu a.

Zeremi 4:14

«Zerizalɛm i, fʋ̃ʋ wa bɔbr kɛ́ fʋ nyɛ̃ a faafʋ a, fʋ̃ʋ pɛ́w a fʋ socir faalʋ za bɛr. Debor'a a pʋ-tɩɛr-faar na yi zaa a fʋ pʋɔ?

Ezekɩɛl 20:28

Ɩ̃ tɩ tɛr bɛ na cen nɩ a tẽw ʋl ɩ̃ na tɩ pɔ yel k'ɩ̃ɩ na kʋ̀ bɛ na a pʋɔ. A be a, bɛ tɩ nyɛ̃ nɩ a tãli nyɛɛ na ɩ tɩɩr na tɛr váar zimpiri zimpiri a, ɛ́ tɩ maalɩ a bɛ bagɛ. Bɛ tɩ ɩ n a ɩ̃ suur ìr nɩ a bʋ̃-kʋ̀rɩ, a de-kʋ̀b bome a nyũu na ɓãanɛ suur, nɩ a divɛ̃ de-kʋ̀b bɛ na tɩ dier tɩrɛ a.

Ezekɩɛl 20:41

Mãa wa tɛr nyɩ yi n a nɩ-bʋʋrɛ nɩ a ten sɔgɔ, a be nyɩ na tɩ be a, ɛ́ mãa wa ɓã nyɩ taa baar'a, ɩ̃ na sàw na de a nyɩ de-kʋ̀b bome na ɓãanɛ suur a. Mãa wa ɩ à à ŋá a nyɩ zie a, ɩ̃ na wul'ɩ a nɩ-bʋʋr-yoru kɛ́ mãa n'ɩ a Naaŋmɩn-sɩza.

Ezekɩɛl 40:38

Dile kãw tori nɩ a saa-pɛrɩ́-gʋba-lowr dɩ̃dɔr dĩo. A dile ŋa pʋɔ a, bɛ mɩ́ pɛ́w nɩ a dʋn bɛ na kʋ a nyɩw-a-za-bàwr ƴãw a.

Levitɩ mɩnɛ 1:13

Bɛ na pɛ́w nɩ a púor nɩ a nyagɛ nɩ a gbɛ́ɛ. Lɛ n'a bàwr-maalɛ na de a tur kʋ̀ a Sore, al pùorí ʋ nyɩw a za a bàwr-maal-kuur zu. Nyɩw-a-za-bàwr a Sore na nɔnɛ a zʋ̀ʋ́r nyũu a n'ʋ.»

Levitɩ mɩnɛ 1:17

Ʋ na mɩ́ nyɔw nɩ a bʋ̃-pɩgɛ a bɩgɛ ƴãw ɛ́ ɓar, ɛ́ ta taw ɓɛl ziir ayi ɛ. Al pùorí, ʋ nyɩw ʋ bɛr a vũu na dɩrɛ a bàwr-maal-kuur zu a pʋɔ. Nyɩw-a-za-bàwr a Sore na nɔnɛ a zʋ̀ʋ́r nyũu a n'ʋ.»

Levitɩ mɩnɛ 2:16

Al pùorí, a bàwr-maalɛ na nyɩw nɩ a al bɛ na bʋɔlɛ a “Cãà-bãwnɩ” a, a pɛr lɛ k'aa bʋ̃-bie nɩ a kãá ŋmãa, de nɩ a tɩ-suur-zɔ̃-na-nyùur-vla-vla-a za.» A al bɛ na nyɩw à à ŋá a ɩ n a Sore dem.

Levitɩ mɩnɛ 2:2

Al pùorí ʋ de a wa kʋ̀ a bàwr-maalbɛ, a Aarɔ̃ bidɛbr. Bɛ na 'wɔ̃w nɩ nũ-kur zɔ̃ na jɛr'ɩ a kãá a, ɛ́ de a tɩ-suur-zɔ̃-na-nyùur-vla-vla-a a za. A bàwr-maalɛ kãw na de nɩ a de-kʋ̀b bome á ŋá bɛ na bʋɔlɛ kɛ́ “Cãà-bãwnɩ” a, nyɩw a bàwr-maal-kuur zu. De-kʋ̀b bom bɛ na nyɩw a Sore nɔnɛ a zʋ̀ʋ́r nyũu a n'ʋ.

Levitɩ mɩnɛ 2:9

A bàwr-maalɛ na ír'ɩ a “Cãà-bãwnɩ” a ʋ pʋɔ nyɩw a bàwr-maal-kuur zu. De-kʋ̀b bom bɛ na nyɩw a Sore nɔnɛ a zʋ̀ʋ́r nyũu a n'ʋ.

Levitɩ mɩnɛ 3:11

A bàwr-maalɛ na nyɩw nɩ a nɛnɛ á ŋá za a bàwr-maal-kuur zu. Bʋ̃-dɩra bɛ na nyɩw a Sore ƴãw a n'ʋ.»

Levitɩ mɩnɛ 3:5

A bàwr-maalbɛ na nyɩw nɩ a nɛnɛ á ŋá za a bàwr-maal-kuur zu, lãwnɩ a nyɩw-a-za-bàwr dʋ̃w na be a dà-ŋmaarɛ vũu zu a. Bàwr nɛn bɛ na nyɩw ɛ́ a Sore nɔnɛ a zʋ̀ʋ́r nyũu a n'ʋ.»

Levitɩ mɩnɛ 4:31

Bɛ na ír'ɩ a dʋ̃w zi-kãánɩ mɛ̃ a lɛ a na mɩ́ ɩ a lãw-taa bàwr ƴãw a. A bàwr-maalɛ na nyɩw a nɩ a bàwr-maal-kuur zu, k'aa bàwr ŋa zʋ̀ʋ́r na nyùur vla vla a pɛlɩ a Sore pʋɔ. Ʋ na tu n a yel-bebe suur-dɩ-kʋ̀b tub a sãwna sob ƴãw, ɛ́ a Naaŋmɩn dɩ a ʋ yel-bebe suur kʋ̀ ʋ.»

Levitɩ mɩnɛ 6:14

Bɛ na mɩ́ naw nɩ a zɔ̃ nɩ kãá ɛ́ sɛ̃ a zɔ̃-nawra ŋa kur-pãgala zu, al pùorí bɛ nyɔw a sɛ̃sɛ̃ ŋa ŋma ŋma, ɛ́ bãw de ʋ kʋ̀ a Sore. A Sore na nɔ̃w nɩ a ʋ zʋ̀ʋ́r nyũu.

Levitɩ mɩnɛ 8:21

Ʋ tɩ pɛ́w nɩ a nyagɛ, a púor nɩ a gbɛ́ɛ, nyɩw a a bàwr-maal-kuur zu lãwnɩ a pʋ́ra za, ʋ ɩ nyɩw-a-za-bàwr a Sore na nɔnɛ a zʋ̀ʋ́r nyũu a. Bàwr bɛ na nyɩw a nɛn a n'ʋ, mɛ̃ a lɛ a Sore na yel kʋ̀ a Moyiir a.

Levitɩ mɩnɛ 8:28

Al pùorí, ʋ lɛb de a de-kʋ̀b bome á ŋá a bɛ nuru pʋɔ, nyɩw a a bàwr-maal-kuur zu, a nyɩw-a-za-bàwr bome zu. À ŋá n'a a bàwr na wul k'aa bàwr-maalbɛ tĩ nɩ a bɛ tome a tɩ tu. Bom a Sore na nɔ̃w a zʋ̀ʋ́r nyũu a n'ʋ.

Levitɩ mɩnɛ 9:14

Ʋ tɩ pɛ́w nɩ a nyagɛ nɩ a púor nɩ a gbɛ́ɛ, nyɩw a a bàwr-maal-kuur zu, lãwnɩ a nɛnɛ al na tɩ be be a.

Zakari 13:7

À ŋá n'a a Sore, a Kpɛnʋ-za-sob, yere: «Zɛbr-sɔ-kpɛ̃ɛ ɛ, ìr a pi-cɩ̃ɩnɛ ƴãw, a ɩ̃ bá na kpɛ socir a ƴãw, kʋ a pi-cɩ̃ɩnɛ, ɛ́ a píir zɔ yaarɩ a ziir za, ɩ̃ɩ na lɩɛb'ɩ a péli ƴãw.»

Sɔr-nɛ́ɛ 15:3

nyɩ na mɩ́ de nɩ bome kʋ̀ m. Nyɩ na mɩ́ maal'ɩ nyɩw-a-za-bàwr bɩɩ lãw-taa bàwr kʋ̀ m. Nyɩ na mɩ́ de a na kʋ̀ m nʋɔr nyɩ na kõ a íru ƴãw bɩɩ nyɩ na nɔnɛ a ƴãw bɩɩ cuwr nyɩ na maalɛ a ƴãw. A bagɛ á ŋá taabɛ ƴãw a, nyɩ na mɩ́ kaa na ír náab, pɛ́rʋ bɩɩ bʋɔ, ɛ́ a zʋ̀ʋ́r nyũu na mɩ́ pɛlɩ nɩ a ɩ̃ pʋɔ.

Sɔr-nɛ́ɛ 28:11

«A cuw za bibi-dãw-niwn sob, nyɩ na mɩ́ maal'ɩ nyɩw-a-za-bàwr kʋ̀ a mãa, Sore, nɩ nadɛɛ ayi, pʋ́ra nɩ yũon-been peli ayopõi, dʋn a ƴã-gan zie kãw za na bɛ sãw a.

Sɔr-nɛ́ɛ 28:7

Bɛ na mɩ́ tɩr'ɩ a biɓaara pele lãwnɩ litɩr been nɩ ŋmãa divɛ̃ de-kʋ̀b, bɛ na na mɩ́ de kʋ̀ m a zi-sõw pʋɔ a.

Sɔr-nɛ́ɛ 28:8

A zaanʋɔra a, bɛ na mɩ́ kʋ̀ m'ɩ a peli ayi sob, lãwnɩ a biɓaara de-kʋ̀b bome. A ʋ zʋ̀ʋ́r na nyùur vla a na mɩ́ pɛlɩ nɩ a ɩ̃ pʋɔ.»

2 Korɛ̃tɩ 2:15

Sɩza n'a, a Naaŋmɩn zie a, tɩ ɩ na mɛ̃ parfɛ̃ na nyuur vla a Kɩrɩta de kʋ̀rɛ a Naaŋmɩn a. Tɩ ɩ n a lɛ a bɛlɩ dem na be a faafʋ sɔ́r zu a ƴãw, nɩ a bɛlɩ dem na bɔrɛ a ƴãw.

Efɛɛzɩ 5:2

Nyɩ tɛr nɔ̃wfʋ ɩ-ɩrɩ mɛ̃ a Kɩrɩta a, ʋ nɔ̃w tɩ na ɛ́ de ʋ tʋɔra tɩr a tɩ ƴãw, ɩ de-kʋ̀b-bom nɩ bàwr-maal-bom na nyuur nʋ̃ɔ̀ nʋ̃ɔ̀ a Naaŋmɩn zie a.

Wulu-ayi-sob 12:27

A nyɩw-a-za-bagɛ ƴãw a, nyɩ na mɩ́ de nɩ a nɛn nɩ a zɩ̃ɩ za kʋ̀ a Sore nyɩ Naaŋmɩn, a bàwr-maal-kuur zu. A lãw-taa bagɛ ƴãw a, nyɩ na mɩ́ cir'ɩ a zɩ̃ɩ ƴãw a Sore bàwr-maal-kuur zu, ɛ́ 'wɔb a nɛn.

Filib 4:18

Mɔ̃ mɩ̀, ɩ̃ tɛr'ɩ bom za a na sɛw k'ɩ̃ɩ tɛr a, ɛ́ tɛr dɔwlɩ mɩ̀. Bom bɛ cɛ m ɛ, ɩ̃ na páw a bom ʋl nyɩ na kʋ̀ a Epafoditɩ k'ʋʋ wa kʋ̀ m a. A ɩ na mɛ̃ parfɛ̃ na nyùur vla vla a, ɛ́ ɩ bàwr na nʋmɛ a Naaŋmɩn zie ʋ sàw de a.