Levitɩ mɩnɛ 1:4 - A SƐB-SÕW

⁴ Ʋ na ír'ɩ nũu dɔwlɩ a dʋ̃w zũú, ɛ́ a lɛ pʋɔ a, a Sore na sàw nɩ a ʋ bàwr-maal-bom ɛ́ dɩ a ʋ yel-bebe suur kʋ̀ ʋ.

Levitɩ mɩnɛ 1:4 ပူးပေါင်းရင်းမြစ်များ

Eziptɩ tẽw yib 28:38

A Aarɔ̃ na mɩ́ ƴãw nɩ a pɩ̃ɛmɛ ŋa kʋralɛ a ʋ gbẽé, a lɛn daar ʋ nãà wa waar a mãa Sore niŋé a. À ŋá n'a ɩ̃ na mɩ́ sàw de a Ɩsɩrayɛl nɩbɛ bʋ̃-son bɛ na na kʋ̀rɛ mɛ̃ a, bɛlɛ saa mɩ́ wa tuli a de-kʋ̀b tub pʋɔ a.»

Eziptɩ tẽw yib 29:10

Bɛ na wa n nɩ a nadɛr a tuor-taa pɛn-sɛw nisɔw. A Aarɔ̃ nɩ a ʋ bidɛbr na dɔwl'ɩ a bɛ nuru a nadɛr zũú.

Eziptɩ tẽw yib 29:15

Al pùorí, bɛ na wa n nɩ a pʋr-dãw-niwn sob. A Aarɔ̃ nɩ a ʋ bidɛbr na dɔwl'ɩ a bɛ nuru a ʋ zũú.

Eziptɩ tẽw yib 29:19

Bɛ na baa na wa n a pʋ́rɩ ayi sob. A Aarɔ̃ nɩ a ʋ bidɛbr na dɔwl'ɩ a bɛ nuru a ʋ zũú.

Eziptɩ tẽw yib 29:33

Bɛl yõ nɛbɛ na tʋ̃ɔ́ dɩ a bàwr-maal-bome bɛ na tõ n a bɛ nũu-ka-ƴãwfʋ nɩ a bɛ tome-deb tome, ɛ́ a ɩ bɛ páw a bɛ yel-bebe suur a. Nɩ-yũo kãw za bɛ tɛr sɔ́r na dɩ a ɩ, a na ɩ bʋ̃-dɩ-sõw a ƴãw.

Ɩzayi 56:7

ɩ̃ na ƴãw na bɛ wa a ɩ̃ tãw-sõw zu, ɩ̃ na ɩ na nʋ̃ɔ̀ kpɩɛr bɛ yaga za a yir ʋl pʋɔ a nɩbɛ na puore mɛ̃ a. Ɩ̃ na mɩ́ pɛlɩ nɩ pʋɔ de a bagɛ nɩ a de-kʋ̀b bome bɛ na kʋ̀rɛ mɛ̃ a bàwr-maal-kuur zu a. Bʋ̃ʋ n'ʋ vɛ̃, bɛ na bʋɔlɛ nɩ a ɩ̃ yir: “Puoru yir a nɩ-bʋʋrɛ za ƴãw”.»

Ezekɩɛl 45:15

A Ɩsɩrayɛl tẽw dʋn mʋ̃ɔ 'wɔbrʋ ziir a, nyɩ na mɩ́ nyɔw nɩ dʋ̃-been píir bɩɩ bʋʋr kɔbr ayi (200) pʋɔ. Nyɩ na mɩ́ de ʋ na tɩr a de-kʋ̀b bome ƴãw, a nyɩw-a-za-bàwr bɩɩ a ƴã-ɓaarʋ bàwr ƴãw. Lɛ n'a nyɩ na mɩ́ páw a nyɩ yel-bebe suur-dɩ-kʋ̀b. A mãa Sore Naaŋmɩn n'ʋ yere.

Levitɩ mɩnɛ 16:21

Ʋ na ír'ɩ a ʋ nuru a za ayi dɔwlɩ a dʋ̃w zũú, ɛ́ wo a Ɩsɩrayɛl nɩbɛ yel-bebe za, a bɛ nɛ́ɛ-zawrʋ za, a bɛ yel-sãwnɩ za dɔwlɩ a ʋ zu. Al pùorí ʋ ƴãw nɩr na cɔbrɩ gù a tɛr ʋ kpɛ n a wɛja-kpalɛ pʋɔ.

Levitɩ mɩnɛ 16:24

Ʋ na so n kʋ̃ɔ a zi-sõw zie kãw na be be a al ƴãw a pʋɔ, al pùorí, ʋ su a ʋ kparɩ yi n tɩ maal'ɩ a nyɩw-a-za-bàwr a ʋl mɩŋa ƴãw, ɛ́ mɩ̀ maalɩ a nyɩw-a-za-bàwr a nɩbɛ ƴãw. Al pùorí ʋ tu a suur-dɩ-kʋ̀b tub a ʋl mɩŋa ƴãw nɩ a nɩbɛ ƴãw.

Levitɩ mɩnɛ 22:21

Lãw-taa bàwr wa n'ʋ nɩr maalɛ k'ʋʋ ír nʋɔr ʋ na kõ a, bɩɩ bàwr ʋ na nɔnɛ maalɛ a, ɩ̃ na sàw na de náab, pɛrʋ bɩɩ bʋɔ, a dʋ̃w ŋa kãw a ƴã-gan zie kãw za bɛ wa sãw a.

Levitɩ mɩnɛ 22:27

«Nále, péle bɩɩ bʋle wa dɔw a, ʋ na be n a mã zie maalɩ bibie ayopõi. Ɛ́ a na tĩ a bibie ani sob a, ɩ̃ sàw na kɛ́ bɛ maal'ɩ ʋ bàwr bɛ na nyɩw a kʋ̀ m.

Levitɩ mɩnɛ 3:13

Ʋ na dɔwl'ɩ a nũu a dʋ̃w zũú, ɛ́ ŋmãa ʋ a kɔkɔr a tuor-taa pɛn-sɛw dɩ̃dɔr nʋɔr. A bàwr-maalbɛ na mɩr'ɩ a bàwr-maal-kuur kõkowe nɩ a zɩ̃ɩ.

Levitɩ mɩnɛ 3:2

Ʋ na dɔwl'ɩ a nũu a dʋ̃w zũú, ɛ́ ŋmãa ʋ a kɔkɔr a tuor-taa pɛn-sɛw dɩ̃dɔr nʋɔr. A bàwr-maalbɛ na ɩ a Aarɔ̃ bidɛbr a na mɩr'ɩ a bàwr-maal-kuur kõkowe nɩ a zɩ̃ɩ.

Levitɩ mɩnɛ 3:8

Ʋ na dɔwl'ɩ a nũu a dʋ̃w zũú, ɛ́ ŋmãa ʋ a kɔkɔr a tuor-taa pɛn-sɛw dɩ̃dɔr nʋɔr. A bàwr-maalbɛ na mɩr'ɩ a bàwr-maal-kuur kõkowe nɩ a zɩ̃ɩ.

Levitɩ mɩnɛ 4:15

A lãw nɩ-kore na dɔwl'ɩ a bɛ nuru a nadɛr zũú, ɛ́ a bɛ kãw ŋmãa ʋ a kɔkɔr a be, a Sore niŋé.

Levitɩ mɩnɛ 4:20

ʋ na ɩ n a nadɛr ŋa mɛ̃ a lɛ tɔr za ʋ na ɩ a nadɛr ʋ na maal'ɩ a bàwr a ʋl mɩŋa yel-bier ƴãw a. Ʋ na tu n a yel-bebe suur-dɩ-kʋ̀b tub a Ɩsɩrayɛl nɩbɛ ƴãw, ɛ́ a Naaŋmɩn dɩ a bɛ yel-bebe suur kʋ̀ bɛ.

Levitɩ mɩnɛ 4:24

Ʋ na ír'ɩ nũu dɔwl'ɩ a dʋ̃w zũú ɛ́ ŋmãa ʋ a kɔkɔr a Sore niŋé, a be bɛ na mɩ́ ŋma a nyɩw-a-za-bagɛ dʋn kɔkɛɛ a. Yel-bier-ír-bɛrʋ bàwr'ʋ.

Levitɩ mɩnɛ 4:26

Ʋ na nyɩw nɩ a dʋ̃w zi-kãánɩ za a bàwr-maal-kuur zu, mɛ̃ a lɛ a na mɩ́ ɩ a lãw-taa bàwr ƴãw a. Ʋ na tu n a yel-bebe suur-dɩ-kʋ̀b tub a nɩ-kpɛ̃ɛ nɛ ƴãw, ɛ́ a Naaŋmɩn dɩ a ʋ yel-bebe suur kʋ̀ ʋ.»

Levitɩ mɩnɛ 4:29

Ʋ na ír'ɩ a nũu dɔwlɩ a dʋ̃w zũú, ɛ́ ŋmãa ʋ a kɔkɔr a be bɛ na mɩ́ ŋma a nyɩw-a-za-bagɛ dʋn kɔkɛɛ a.

Levitɩ mɩnɛ 4:31

Bɛ na ír'ɩ a dʋ̃w zi-kãánɩ mɛ̃ a lɛ a na mɩ́ ɩ a lãw-taa bàwr ƴãw a. A bàwr-maalɛ na nyɩw a nɩ a bàwr-maal-kuur zu, k'aa bàwr ŋa zʋ̀ʋ́r na nyùur vla vla a pɛlɩ a Sore pʋɔ. Ʋ na tu n a yel-bebe suur-dɩ-kʋ̀b tub a sãwna sob ƴãw, ɛ́ a Naaŋmɩn dɩ a ʋ yel-bebe suur kʋ̀ ʋ.»

Levitɩ mɩnɛ 4:33

Ʋ na ír'ɩ a nũu dɔwlɩ a dʋ̃w zũú, ɛ́ ŋmãa ʋ a kɔkɔr a be bɛ na mɩ́ ŋma a nyɩw-a-za-bagɛ dʋn kɔkɛɛ a.

Levitɩ mɩnɛ 4:35

Bɛ na ír'ɩ a dʋ̃w zi-kãánɩ mɛ̃ a lɛ bɛ na mɩ́ ɩ pɛ́rʋ bɛ na maal'ɩ lãw-taa bàwr a ƴãw a, a bàwr-maalɛ na nyɩw a nɩ a bàwr-maal-kuur zu, lãwnɩ a bàwr nɛnɛ bɛ na nyɩw a Sore ƴãw a. Ʋ na tu n a yel-bebe suur-dɩ-kʋ̀b tub a sãwna sob ƴãw, ɛ́ a Naaŋmɩn dɩ a ʋ yel-bebe suur kʋ̀ ʋ.»

Levitɩ mɩnɛ 4:4

Ʋ na cen nɩ nɩ a nadɛr a Sore niŋé, a tuor-taa pɛn-sɛw dɩ̃dɔr nʋɔr. Ʋ na dɔwl'ɩ a nũu a dʋ̃w zũú, ɛ́ ŋmãa ʋ a kɔkɔr a be.

Levitɩ mɩnɛ 5:6

Al pùorí, a sãwna suur páwfʋ ƴãw a, ʋ na wa n nɩ pɛr-nyãw bɩɩ bʋ-nyãw wa maal'ɩ bàwr kʋ̀ a Sore a yel-bier-ír-bɛrʋ ƴãw. Lɛ n'a a bàwr-maalɛ pãa na tu a yel-bebe suur-dɩ-kʋ̀b tub a ʋ ƴãw.»

Levitɩ mɩnɛ 6:7

«A tub na càarɩ a kukur bom de-kʋ̀b a n'ɩ ŋa: a Aarɔ̃ bidɛbr nɛbɛ na mɩ́ de ʋ kʋ̀ a Sore a bàwr-maal-kuur niŋé.

Levitɩ mɩnɛ 8:14

Ʋ tɩ ƴãw na bɛ wa n a yel-bier-ír-bɛrʋ nadɛr. A Aarɔ̃ nɩ a ʋ bidɛbr tɩ ír'ɩ a nuru dɔwlɩ a ʋ zũú.

Levitɩ mɩnɛ 8:18

Al pùorí, a Moyiir tɩ ƴãw na bɛ wa n a nyɩw-a-za-bàwr pʋ́ra. A Aarɔ̃ nɩ a ʋ bidɛbr tɩ ír'ɩ a nuru dɔwlɩ a ʋ zũú.

Levitɩ mɩnɛ 8:22

Ʋ tɩ ƴãw na bɛ baa wa n a pʋ́rɩ ayi sob, ʋ ɩ a bàwr-maalbɛ tome tib bàwr-maal pʋ́ra. A Aarɔ̃ nɩ a ʋ bidɛbr tɩ ír'ɩ a nuru dɔwlɩ a ʋ zũú.

Levitɩ mɩnɛ 9:7

Al pùorí, ʋ yel a Aarɔ̃: «Taw pɩɛlɩ a bàwr-maal-kuur maalɩ a fʋ yel-bier-ír-bɛrʋ bàwr nɩ a fʋ nyɩw-a-za-bàwr, ɛ́ tu a yel-bebe suur-dɩ-kʋ̀b tub fʋ̃ʋ nɩ a nɩbɛ ƴãw. Al pùorí, maalɩ a nɩbɛ bàwr, ɛ́ lɛb tu a yel-bebe suur-dɩ-kʋ̀b tub a bɛ ƴãw, mɛ̃ a lɛ a Sore na yel a.»

Sɔr-nɛ́ɛ 15:25

Al pùorí, a bàwr-maalɛ na tu n a yel-bebe suur-dɩ-kʋ̀b tub a Ɩsɩrayɛl nɩbɛ za na ɓã taa a ƴãw, ɛ́ bɛ na páw nɩ a yel-bebe suur. Bʋ̃ʋ n'ʋ vɛ̃, a na ɩ n sãwna nyɩ na bɛ bãwnɩ kɛ́ sãw a ƴãw, nyɩ na wa n dʋ̃w wa maal'ɩ bàwr nyɩw bɛr a, nɩ yel-bier ír-bɛrʋ bàwr nyɩ na maalɩ a ƴãw.

Sɔr-nɛ́ɛ 15:28

Al pùorí, a bàwr-maalɛ na tu n a yel-bier suur-dɩ-kʋ̀b tub a sãwna sob ƴãw a ɩ̃ niŋé, ʋʋ na páw nɩ a yel-bier suur-dɩ-kʋ̀b.

Sɔr-nɛ́ɛ 25:13

A wõ-taa ŋa na ɩ n ʋlɛ nɩ a ʋ bʋʋrɛ ƴãw, ʋʋ na ɩ na bɛ ɩ bàwr-maalbɛ kʋralɛ. Bʋ̃ʋ n'ʋ vɛ̃, ʋ wul'a ʋ na tu a mãa ʋ Naaŋmɩn yõ tẽtẽ pùor, ɛ́ páw a yel-bebe suur-dɩ-kʋ̀b kʋ̀ a Ɩsɩrayɛl nɩbɛ a.»

Sɔr-nɛ́ɛ 8:12

Al pùorí a, a levitɩ mɩnɛ na ír'ɩ a nuru dɔwlɩ a nadɛɛ ayi zurú. A Aarɔ̃ na kʋ n a kãw kʋ̀ m, a ɩ a yel-bier ír-bɛrʋ bàwr, ɛ́ kʋ a kãw a ɩ nyɩw-a-za-bàwr, ʋʋ bãw tu a yel-bebe suur-dɩ-kʋ̀b tub a levitɩ mɩnɛ ƴãw.

Ʋrɔm 12:1

A na ɩ à ŋá a, yɛbr i, ɩ̃ zɛlɛ nyɩ na a Naaŋmɩn su-ɓaarʋ zũú, kɛ́ nyɩ mɩ́ de nyɩ tʋɔra kʋ̀ a Naaŋmɩn mɛ̃ bàwr-maal-bʋ̃-vʋbɛ na ɩ son ɛ́ nʋmɛ a ʋ zie a: lɛ n'ɩ a nyɩ Naaŋmɩn puoru na ɩ sɩza a.

Ʋrɔm 3:25

A Naaŋmɩn maal'ɩ ʋ nɩ bàwr, k'aa Kɩrɩta zɩ̃ɩ ƴãw, ʋ páw a yel-bebe suur kʋ̀ a bɛlɩ dem na sàw de ʋ a. À ŋá n'a a Naaŋmɩn wul k'ʋʋ ɩ n nɩ-mɩŋa kʋralɛ: ʋ tɩ ɩ ʋ nɩ a koro za, a lɛn daar ʋ na tɩ nyɔw ʋ tʋɔra bɛ dɔwrɩ a nɩsaalbɛ a bɛ yel-bebe ƴãw a. Ʋ ɩ ʋ nɩ a dɩ̃a zie ŋa pʋɔ, ʋ na ɩ nɩ-mɩŋa, ɛ́ mɩ̀ ɩ a bɛlɩ dem za na sàw de a Yeezu a bɛ ɩ nɩ-mɩn a.

Ʋrɔm 5:11

Ɛ́ a za cãà bɛ n'a ɩ, a Naaŋmɩn ƴãw n'a nʋ̃ɔ̀ ɩrɛ tɩ a tɩ Sore Yeezu Kɩrɩta zũú, ʋl na n'ʋ so tɩɩm nɩ a Naaŋmɩn lɛb kpɛ taa ƴɛrɛŋa a.

Filib 4:18

Mɔ̃ mɩ̀, ɩ̃ tɛr'ɩ bom za a na sɛw k'ɩ̃ɩ tɛr a, ɛ́ tɛr dɔwlɩ mɩ̀. Bom bɛ cɛ m ɛ, ɩ̃ na páw a bom ʋl nyɩ na kʋ̀ a Epafoditɩ k'ʋʋ wa kʋ̀ m a. A ɩ na mɛ̃ parfɛ̃ na nyùur vla vla a, ɛ́ ɩ bàwr na nʋmɛ a Naaŋmɩn zie ʋ sàw de a.

Ebre 10:4

Bʋ̃ʋ n'ʋ vɛ̃, nadɛɛ nɩ bʋrɩ zɩ̃ɩ kʋ̃ tʋ̃ɔ́ ír yel-bebe bɛr towtow ɛ.

1 Zã 2:2

Bʋ̃ʋ n'ʋ vɛ̃, ʋ de nɩ ʋ tʋɔra maal'ɩ bàwr, kɛ́ Naaŋmɩn tʋ̃ɔ́ dɩ a tɩ yel-bebe suur kʋ̀ tɩ. Ɛcɛ tɩɩm yõ yel-bebe bɛ n'a ɩ, a nɩsaalbɛ za dem mɩ̀ n'a.