A Lãw-mʋɔlɛ 5:7 - A SƐB-SÕW

⁷ A tɩ sãà mɩnɛ maal'ɩ yel-bier ɛ́ bɛ cãà ɩ, ɛcɛ tɩmɛ nɛbɛ tuo a bɛ sãwna.

A Lãw-mʋɔlɛ 5:7 ပူးပေါင်းရင်းမြစ်များ

Yele-za-pɛr-tib 42:13

Bɛ lɛb yel: «Tɩ tɩ ɩ n yɛbr pie nɩ ayi, sãà-been bibiir, a Kanãa tẽw. A tɩ bile za be n a tɩ sãà zie, ɛ́ a tɩ kãw bɛ cãà ɩ.»

Yele-za-pɛr-tib 42:36

A Zakɔb tɩ yel bɛ na: «Nyɩ bɔbr'a k'ɩ̃ɩ ta cãà tɛr bie ɩ! Zuzɛb bɛ cãà be ɩ, Sɩmɩ̃ɔ bɛ cãà be ɩ, ɛ́ nyɩ mɩ̀ na lɛb de a Bɛ̃zamɛ ɛ! Mãa zu n'a à á ŋá za lɛb lore!»

A Zɔb sɛbɛ 7:21

Fʋ kʋ̃ tʋ̃ɔ́ de a ɩ̃ nɩ-gaara ɩb bɛr a baar ɛ? Fʋ kʋ̃ tʋ̃ɔ́ dɩ a ɩ̃ sãwna suur kʋ̀ m ɛ? Mãa n'ɩ ŋan gã uuru pʋɔ, fʋ̃ʋ wa bɔblɛ bɔbr mɛ̃ a lɛn daar a, ɩ̃ kʋ̃ cãà ɩ.

A Zɔb sɛbɛ 7:8

Fʋ̃ʋ na mɩ́ tɩ jɩ́rɛ mɛ̃ a, fʋ kʋ̃ lɛb nyɛ̃ m ɛ. Fʋ na mɩ́ jɩ́r mɛ̃ na, ɩ̃ɩ kʋ̃ cãà be ɩ.

Eziptɩ tẽw yib 20:5

Fʋ kʋ̃ gbĩ dume gũu tɩ tɔ tẽw a ŋmɩmɛ á ŋá taabɛ niŋé, ɛ́ maalɩ a ɩ. Bʋ̃ʋ n'ʋ vɛ̃, mãa n'ɩ a Sore, a fʋ Naaŋmɩn, Naaŋmɩn na kpɛ nyuur a. A bɛlɩ dem na hɩ̃ɛn mɛ̃ a, ɩ̃ mɩ́ ƴãw bɛ nɩ dɔwrʋ, bɛlɛ nɩ a bɛ bʋʋrɛ na dɔw tu taa tɩ ta gb'a ata bɩɩ gb'a anaar a.

Zeremi 14:20

Sore e, tɩ sàw na kɛ́ tɩ bɛ tõ vla ɩ, tɩ sàw nɩ a tɩ sãàkʋm-kore sãwna. Tɩ sãw fʋ na.

Zeremi 16:11

A lɛ pʋɔ a, fʋ na sɔw bɛ nɩ à ŋá: “À ŋá n'a a Sore yere: A nyɩ sãàkʋm-kore na zawrɩ mɛ̃ bɛr ɛ́ tu ŋmɩn-yoru pùor, maalɩ a ɛ́ gbĩ dume gũu tɩ tɔ tẽw a niŋé a n'a so. Mãa a, bɛ zawrɩ mɛ̃ na bɛr, bɛ bɛ sàw tu a ɩ̃ wulu ɛ.

Zeremi 16:12

Ɛ́ a nyɩɩm a, nyɩ ɩrɛ nɩ faa zuo a nyɩ sãàkʋm-kore. Ŋa za mɩ́ tuur'ɩ a ʋ pʋ-tɩɛr-faa ɛ́ nɩ̃ɛ bɛr a ɩ̃ bɛr-wob.

Zeremi 31:15

À ŋá n'a a Sore yere: «Kon kone na yire Arama tẽw pʋɔ, mʋta-zɩ̃ɩ kon a, Arasɛl'ʋ kone a ʋ bibiir, ɛ́ bɛ sàwr bɛ na mɔwl'ʋ, a ʋ bibiir na bɛ cãà a ƴãw.»

Zeremi 31:29

Lɛ n'a nɩr kʋ̃ mɩ́ lɛb lɔb a zʋkpar ŋa ɩ: “A dɔwrbɛ 'wɔb'ɩ suw-kɛrɛ ɛcɛ a bibiir nyɩmɛ n'a mĩi.”

Ezekɩɛl 16:58

À à ŋá a, fʋ so nɩ a fʋ vĩ-ɩb na bɛ maal'ɩ wob a, a mãa Sore Naaŋmɩn n'ʋ yel.

Ezekɩɛl 18:2

«Bʋ̃ʋ n'ʋ so bɛ wone bɛ lɔbr a zʋkpar ŋa a Ɩsɩrayɛl tẽw pʋɔ: “A dɔwrbɛ 'wɔb'ɩ suw-kɛrɛ, ɛcɛ a bibiir nyɩmɛ n'a mĩi?”

Zakari 1:5

A nyɩ sãàkʋm-kore wa? Ɛ́ a naaŋmɩn-ƴɛ̀r-manbɛ, bɛ cãà na a?

Sɔr-nɛ́ɛ 14:18

“Mãa n'ɩ a Sore na nyɔwr a ɩ̃ suur, ɛ́ a nɔ̃wfʋ bɛ dɩ vuo a. Ɩ̃ mɩ́ nyɔw nɩ ɩ̃ tʋɔra a yel-bebe nɩ a nɛ́ɛ-zawrʋ ƴãw. Ɛcɛ ɩ̃ bɛ yere k'aa sãwna sob bɛ tɛr sãwna ɩ. Nɩr na maalɩ yel-bebe a, ɩ̃ mɩ́ dɔwr'ɩ a ʋ bʋʋrɛ a ʋ yel-bebe ƴãw tɩ ta bɛ na dɔw tu taa ta gb'a ata bɩɩ gb'a anaar a.”